نساعدك تشوف نفسك بعين مختلفة، وتفهم قدراتك ومواهبك المدفونة اللي ممكن تكون مش واخد بالك منها.

مفيش كلام محفوظ أو نصايح عامة. كل توجيه هتسمعه هيكون مخصص ليك، بناءً على وضعك الحقيقي وطبيعتك الشخصية.

بنرسم سوا خطة مهنية تمشي عليها خطوة بخطوة، وبتقدر تطوّعها حسب التغيرات في حياتك.

بنستعرض مع بعض مجالات شغل حقيقية تقدر تبدأ فيها فوراً، سواء كنت عايز شغل أونلاين أو تفكر تعمل مشروع بسيط خاص بيك.

مش بس توجيه مهني، هتلاقي معايا اللي يسمعك من غير حُكم، ويشجعك تكمل وقت ما تحس إنك فقدت الحماس.

أنا مريت باللي إنت بتمر بيه، وعارف قد إيه الطريق بيكون غامض... عشان كده هتلاقيني دايمًا بقدّم من واقع عشته مش من كتب قريتها بس.

هنقعد سوا (كتابة عبر المراسلة في الطلب ) نحلل فيها وضعك الحالي، مهاراتك، وشخصيتك علشان نحدد أفضل اتجاه مهني ليك.

تقرير مختصر يوضح أهم نقاط قوتك اللي تقدر تبني عليها، ونقاط الضعف اللي ممكن تشتغل على تطويرها بواقعية.

قائمة دقيقة من الوظائف أو المشاريع اللي تناسب طبيعتك، مهاراتك، ووقتك المتاح—سواء كنت عايز تشتغل أونلاين أو في الواقع.

خطة قصيرة أو متوسطة المدى تقدر تبدأ تطبقها فورًا، بدون تعقيد، وبتراعي ظروفك المادية والنفسية.

لو في مهارات محتاج تطورها، هأرشّحلك كورسات مجانية أو مدفوعة، ومصادر سهلة وسريعة تزوّد بيها أدواتك.

هتكون معاك وسيلة تواصل مفتوحة لفترة معينة (يتم تحديدها حسب الباقة)، علشان تسأل، تستشير، أو تطلب دفعة حماس في أي وقت.