السلام عليكم، حابة إني أقدم نفسي بأني من أكثر الناس اللي ممكن تلاقيها متفهمة التحديات والتعب اللي ممكن يواجهك في مشروع تصميمك الخاص، ووقت التفكير العظيم في اختيار الألوان والخطوط والصور، وفي الآخر متلاقيش النتيجة اللي أنت كنت مستنيها من تأثير وجاذبية التصميم بعد كل التعب ده.
ليه بقول كده؟ لأني أشتغلت مع عشرات العملاء في المجال، منهم اللي كان بيبدأ من الصفر، ومشاركتهم حماسهم ورؤيتهم من البداية، ومنهم اللي كان قطع شوط كبير مع نفسه بس محتاج مساعدة في إنه يعرف أيه المشاكل اللي عنده في تصميمه أو إنه يوصل بفكرته للناس بشكل أفضل.
فبإذن الله هتلاقيني معاك في أي حاجة تخص التصميم - نبدأ سوا رحلة منطقية ومحسوبة، لأن دي كانت من أكبر المشاكل اللي بتواجه العملاء اللي مش فاهمين التصميم شغال ازاي فكانوا محتاجين توجيه حقيقي بكل أمانة.
فإيه رأيك نبدأ الرحلة دي سوا؟ وأشاركك حماسك؟ وعلى بركة الله.
