قررت اعمل اشي جديد هون ويمكن يكون مفيد لناس كتير

رح ابلش سلسلة يومية اسمها خلف الكواليس لمدة شهر كامل احكيلكم فيها عن رحلتي بعالم تحليل البيانات من وين بلّشت كيف تعلمت الادوات اللي بستخدمها الاخطاء اللي وقعت فيها وكل اشي بصير معي بهالمجال

ليش عم اعمل هيك لانه لما انا بلّشت كنت حاسس حالي تايه وما كان في حدا يحكيلي الامور بصراحة وبساطة كل اللي كنت الاقيه اما كلام معقد ومصطلحات كبيرة او ناس بتبيعك حلم انك بتصير خبير بيوم وليلة وانا بدي احكيلكم الصورة الحقيقية متل ما هي

كل يوم رح انزل منشور صغير مش طويل ولا ممل بتقدر تقراه بدقيقة وكل واحد فيه رح يحكي عن جانب معين من الرحلة سواء كنت انت مهتم تدخل هالمجال او بس فضولي بدك تعرف شو قصة تحليل البيانات هاي اللي الكل بيحكي عنها رح تلاقي اشي يفيدك

وهدفي مش بس اني احكي هدفي كمان اني اتعرف عليكم فاي حدا عنده سؤال او فضول عن اي اشي بالمجال اكتبه بالتعليقات وممكن سؤالك يصير موضوع منشور كامل

بلّش معي من بكرا الجزء الاول رح يكون عن اول شي ليش اصلا اخترت هالمجال وكيف تعلمته من الصفر

قبل ما نبلش حابب اعرف منكم انتو ليش هون مهتمين تدخلو مجال تحليل البيانات ولا بس حابين تفهمو ارقام مشروعكم احسن قولولي بالتعليقات عشان اعرف احكي عن اللي يهمكم اكتر