أنا وائل ممدوح، مطور مواقع ومتخرج من تراك Full Stack NET بمعهد تكنولوجيا المعلومات (ITI).
رحلتي بدأت بدراسة أكاديمية متخصصة، واشتغلت خلالها على مشاريع حقيقية باستخدام أحدث تقنيات الـ Frontend وBackend، واللي من خلالها قدرت أترجم أي فكرة لموقع شغال باحتراف وكفاءة.

بجانب الخلفية التقنية، أنا خريج كلية التجارة – شعبة إنجليزي، وعندي خبرة في التعامل المباشر مع العملاء، وده ساعدني أفهم احتياجاتهم كويس، وأوصلهم لحلول مناسبة تتنفذ بأعلى جودة وفي الوقت المتفق عليه.

بقدّم لك:
تصميم وتطوير مواقع احترافية باستخدام PHP أو ASP NET وWordPress

بناء صفحات هبوط (Landing Pages) تسويقية بشكل جذاب ومتجاوب

ربط الموقع بقواعد البيانات (MySQL / SQL Server) بكفاءة

تحسين تجربة المستخدم بتصميمات تركز على البساطة والوضوح

اشتغلت قبل كده على:
مواقع لمبادرات اجتماعية (زي مواقع تعافي)

مدونات شخصية

صفحات بيع لمنتجات رقمية وخدمات

رؤيتي في تنفيذ المشاريع:
أنا مش بشتغل علشان أخلص شغل وخلاص… باهتم بكل تفصيلة كأن المشروع بتاعي، وده اللي بيفرق في الجودة والنتيجة النهائية.

قبل ما أبدأ، باهتم أفهم فكرتك كويس وأسألك الأسئلة الصح، عشان نوصّل لهدفك بأفضل شكل ممكن – مش بس موقع شكله حلو، لكن كمان شغال بكفاءة وبيخدم الغرض منه فعلًا.

الكود اللي بكتبه دايمًا منظم، نظيف، وسهل التطوير عليه بعد كده، سواء من ناحيتي أو من أي حد هيكمل الشغل بعدي.

الالتزام بالنظام والوقت جزء من أسلوبي، بدون أعذار أو تأجيلات.

أنا مؤمن إن وقتك ومجهودك ليهم قيمة، وعشان كده باشتغل على إن كل تفصيلة تطلع مظبوطة من أول مرة… لأن نجاح مشروعك هو انعكاس لنجاحي.

لو حابب تبدأ شغل احترافي براحة بال وثقة، هيكون شرف ليا أكون جزء من رحلتك.