مرحباً! أنا خالد، مصمم شعارات وهويات بصرية وبوسترات..
ومهمتي هي إنقاذ مشروعك من التصاميم المملة اللي ما بيلتفت إلها حدا.
رح اتعامل مع مشروعك وكأنو مشروعي تماماً، رح أهتم بأصغر التفاصيل (بس ما رح شاركك بالأرباح، لا تخاف! ).
رح أسمع لتعديلاتك بصدر رحب كتير حتى لو كان طلبك:
"كبر الخط شوي وصغرو! " أو "بدنا شعار عصري كلاسيكي، باللون الأسود المضيء!"
لأنو هدفي الأساسي هو أنو نوصل لتصميم يعجبك ويحفظلي سمعتي، ويكون ذكي ومميز ويخليك تكون فخور فيه قدام عملائك ومنافسيك.
ما بدي تندم إنك أجيت لعندي وتسبني بعد ما تستلم الخدمة ، بدي ياك تنبسط وتقول لأصحابك: "روحوا لعندو، هاد المصمم بيفهم شو بدنا".
خود جولة سريعة بمعرض أعمالي لتشوف الشغل على أصولو ، وإذا عجبك أسلوبي، بعتلي رسالة وخلينا نبدا فوراً!