"البيانات هي البترول الجديد... لكنها مش هتفيدك وهي خام."
لازم حد يستخرجها، يكررها، ويطلع منها اللي يوجّهك تاخد قرارات ذكية.
هنا ييجي دوري أنا.

أنا محلل بيانات حر بخلفية أكاديمية في الذكاء الاصطناعي، وعندي خبرة عملية في تحليل البيانات عبر مجالات مختلفة زي الرياضة، الرعاية الصحية، المبيعات، والموارد البشرية.

بتميز في تنظيف البيانات، استكشافها، وبناء داشبوردز تفاعلية ومتصلة بسياق المجال باستخدام أدوات زي SQL، Excel، Python، وPower BI.

شغفي بالرياضة بدأ من الطفولة — لعبت كرة قدم، كرة سلة، سباحة، وبمارس التمرين في الجيم بشكل هاوي.
والشغف ده انعكس في مشروعي في منحة تحليل البيانات، واللي كان عن تحليل بيانات الألعاب الأولمبية، وقدمت فيه داشبوردز تفاعلية احترافية.

في مجال الرعاية الصحية، اشتغلت في صيدلية لمدة أكتر من سنة قبل دخول الجامعة، وده ساعدني أفهم طبيعة البيانات الطبية.
كمان كان مشروعي للتخرج من كلية الذكاء الاصطناعي عن التنبؤ بتشخيص بعض الحالات من خلال تحليل صور الأشعة.

أما في المبيعات والموارد البشرية، فقد حصلت على كورسات متخصصة، وده مكنني من تحليل سلوك العملاء، أداء الموظفين، ومؤشرات الأداء.

في كل مجال اشتغلت فيه، بذاكر البيانات، أفهمها، أستخرج منها رؤى واضحة، وأحوّلها إلى خطط تنفيذية تدعم اتخاذ القرار.