مش بستخدم قوالب جاهزة، كل تصميم بيتعمل مخصوص حسب هدف صفحتك والجمهور اللي بتستهدفه، علشان النتيجة تكون فعلاً مؤثرة وتجيب نتائج.

التصميم مش بس شكل، هو رحلة مريحة للزائر توصّله لهدفك بخطوات بسيطة وواضحة، وده بيرفع احتمالية التحويل بشكل كبير.

بضمن إن الألوان، الخطوط، والعناصر كلها تعكس شخصية مشروعك وتخليه يظهر بشكل احترافي ومتّسق في عين العميل.

كل الملفات بتتسلّم منظمة وواضحة للمبرمج، سواء كان بيشتغل بـHTML/CSS أو نظام تاني، فمش هيضيع وقت في فهم التصميم.

مش بسيبك بعد ما أسلّم التصميم، بكون متاح لفترة لو احتجت تعديلات بسيطة أو استشارات في مرحلة التنفيذ.

من أول المسافات بين العناصر لحد الألوان الدقيقة في الأزرار، كل تفصيلة محسوبة علشان تدي إحساس احترافي وثقة في أول نظرة.

ده الملف الرئيسي بتاع الصفحة، معمول على Figma (أو أي أداة تانية بنستخدمها). هتقدر تشوف كل الشاشات، الألوان، الخطوط، والأزرار بالشكل النهائي الجاهز للتنفيذ.

رابط تقدر منه تتنقل بين الشاشات وتعيش تجربة المستخدم زي ما هتكون في النسخة الحقيقية، علشان تبقى شايف التفاعل والتنقل قبل مرحلة البرمجة.

فيه تفاصيل الألوان الأساسية والفرعية، نوع الخطوط، وأحجامها… عشان أي حد يشتغل بعد كده يلتزم بنفس الهوية البصرية.

ملف بسيط فيه شرح منّي عن قرارات التصميم، وليه اخترنا ترتيب العناصر بالشكل ده، والمناطق اللي المفروض تركّز عليها عشان تحقق الهدف من الصفحة (زي التسجيل أو الشراء).

كل الصور، الأيقونات، واللوجو بصيغ جاهزة للمطور (PNG / SVG / JPG) علشان ميضيعش وقت في استخراجها.

تصميمات منفصلة أو حالات مختلفة بتوضح شكل الصفحة على الموبايل والتابلت والكمبيوتر، عشان التجربة تبقى مظبوطة على كل الأجهزة.