طورت منصة لحل مشكلة بتواجه أغلب أصحاب المشاريع..
طورت منصة لحل مشكلة بتواجه أغلب أصحاب المشاريع..
حابب أشارك معاك حاجة اشتغلت على برمجتها وتطويرها الفترة اللي فاتت، وأهم حاجة عندي إني أسمع رأيك وتجربتك فيها بشكل شخصي.
تخيل معايا كده إن عندك مشروعك الخاص (سواء محل، مطعم، شركة، أو حتى بتنظم Event)، وعملت QR Code عشان العملاء بتوعك يدخلوا على المنيو، أو موقعك، أو واتساب، أو حتى يكتبوا لك تقييم على جوجل.
لحد هنا عظيم جداً..
بس فكرت قبل كده بعد ما تطبع الـ QR وتحطه في مكان شغلك؛ هتعرف منين كام واحد عمله Scan؟ أو إمتى استخدموه؟ وهل هتقدر تعرف الناس دي جاية منين؟
طيب الأهم من ده كله، لو حبيت تغير اللينك اللي الـ QR بيفتحه بعد ما خلاص طبعته وعلقته، هتعمل إيه؟
للأسف هتضطر تعمل واحد جديد وتطبع من تاني وتخسر فلوس ومجهود.
ومن المشكلة دي بالظبط، جاتلي فكرة منصة Wedjx.
المنصة دي بتخلي الـ QR Code بتاعك مش مجرد صورة بتطبعها وتتنسي. مع Wedjx هتقدر تعمل Dynamic QR (كود ديناميكي)، يعني تقدر تغير اللينك أو المحتوى اللي جواه في أي وقت ومن أي مكان من غير ما تحتاج تطبع الـ QR من تاني أبداً! وكمان هتقدر تتابع تحليلات كاملة (Analytics) وتعرف كل التفاصيل عن الناس اللي عملت Scan.
والموضوع مش مقتصر على إنك تحط لينك موقع وبس، إنت ممكن تخلي الـ QR يفتح:
رسالة واتساب مباشرة.
صفحة مجمعة فيها كل لينكاتك (Multi-Link).
شبكة الـ Wi-Fi بتاعتك.
اللوكيشن بتاع المكان (Location).
كارت شخصي وتقدر تحفظه على الموبايل (vCard).
ملف PDF أو أي ملف تاني.
صفحة تقييمات (Reviews).
وحاجات تانية كتير.
الفكرة ببساطة إني عايز أحول الـ QR لتجربة رقمية ذكية تكون تحت سيطرتك بالكامل.
أنا حابب جداً أشاركك الفكرة وأسمع رأيك فيها بصراحة ♥
لو عندك دقيقتين فاضيين، ادخل جرب Wedjx بنفسك.. ولو لاحظت أي حاجة في تجربة الاستخدام محتاجة تتحسن، أو جيه في بالك استخدام مختلف للمنصة، ياريت تشاركني بيه.
صدقني، حتى لو رأيك ده مجرد ملاحظة بسيطة، هيفرق معايا جداً
مستني رأيك وانتقادك قبل أي حاجة ♥
https://mostaql.com/portfolio/3709139-%D9%85%D9%86%D8%B5%D8%A9-%D8%A7%D9%86%D8%B4%D8%A7%D8%A1-%D9%88%D8%A7%D8%AF%D8%A7%D8%B1%D8%A9-%D8%A7%D9%84-qr-code-%D8%A7%D9%84%D8%B0%D9%83%D9%8A
التعليقات (2)
