أؤكد على تقديم تفريغ صوتي دقيق وخالٍ من الأخطاء الإملائية والنحوية.

ألتزم بتسليم العمل في الوقت المتفق عليه مع العميل.

أقبل التعديلات على العمل بناءً على طلب العميل، مع مراعاة عدد التعديلات المسموح بها في الخدمة.

أحرص على تقديم تفريغ صوتي بجودة عالية، مع الاهتمام بوضوح الكلمات والنطق.

أقدم الملفات بصيغة سهلة الاستخدام (مثل Word أو bdf) مع تنسيق جيد.

سأقوم بتفريغ الصوت بدقة عالية، مع الانتباه لجميع التفاصيل والكلمات. سأقوم بتنسيق التفريغ بتنسيق Word، ويمكنني التنسيق بأي تنسيق آخر يفضله العميل. أقدم تعديلين مجانيين على التفريغ. سعر تفريغ كل ساعة. أنا متاح لمناقشة تفاصيل المشروع قبل البدء، ويمكنني تلبية أي طلبات خاصة.

• لو بتشوف الفيديو ده دلوقتي ف احييك عشان بتحاول تطور من نفسك ومن حياتك وانا اضمن لك ان الفيديو ده هيساعدك تعمل كده وهيحطك على اول الطريق في الفيديو ده هتعرف يعني ايه مهاره وليه تتعلم مهاره بدل طرق الربح السريعه وازاي تختار المهاره المناسبه ليك وايه المهارات اللي انت ممكن تتعلمها وايه برده اضرار ومميزات ان انت تشتغل في سن صغير او من مكتب بشكل عام
• بس الاول انا مين وليه تسمعلي انا دايما مقتنع ان انت ما ينفعش تاخد نصيحه من حد ما جربش بنفسه او ما عملش الحاجه دي قبل كده عشان كده لو اول مره تشوفني انا نور ومن انا عندي 15 سنه اشتغلت واتعلمت مهارات زي الجرافيك ديزاين الفيديو ايديتنج وبعدين اعلمت ويب ديفلوبمنت والحمد لله اشتغلت في اكتر من شركه ومع اكتر من كلاينت فريلانس بره مصر ولما بدات اشارك ده على السوشيال ميديا ناس كثير جدا كانوا مهتمين يعرفوا ازاي يبداوا
• في الاول خالص يعني ايه مهاره اصلا المهاره باختصار هي حاجه انت اتعلمتها والناس محتاجاها فانت بتبدا تقدم الحاجه دي كخدمه يعني مثلا لو انت بتعرف تصمم بتعرف تعمل مونتاج بتعرف تعمل ويب سايتس بتبدا تشوف الناس اللي محتاجين الخدمه دي وتبدا تقدمها ليهم مقابل فلوس والمهاره هي انسب حاجه انت ممكن تتعلمها حرفيا سواء سواء كنت طالب او وضعك المادي مش احسن حاجه لان انت مش هتحتاج راس مال عشان تبدا كل اللي انت محتاجه وقت وصبر وصبر وصبر الصبر حرفيا اهم حاجه في الموضوع ده لان هي مش طريقه ربح سريعه انت محتاج تديها وقتها وتتعلم فتره وتصبر عشان تجيب كلاينتس وكل الكلام ده فلو انت مستعجل الفيديو ده مش ليك انت محتاج تصبر طيب انا ليه بقول ان تعلم المهارات احسن من طرق الربح السريعه او من التداول او من كل الكلام اللي منتشر على السوشيال ميديا حاليا تعلمك لمهاره معناه ان انت هتقدم قيمه حقيقيه والناس هتكون محتاجاك عشانها فلو انت مش لاقي شغل دلوقتي هتلاقي بعدين ولو انت في شغل بالفعل وسبت الشغل ده هتقدر تلاقي شغل غيره لان انت حرفيا بتتعلم حاجه محفوظه في دماغك مش حاجه جت معاك صدفه او بالحظ مره هتكسبك ومره لا
• طيب ازاي تختار المهاره المناسبه ليك عشان اختصر عليك لا انا ولا اي فيديو على يوتيوب هيقدر يقول لك المهاره دي مناسبه ليك اتعلمها وعايز اقول لك ان السؤال ده لو قعدت تدور على اجابته صدقني هياخرك كتير جدا زي ما قلت لك في بدايه الفيديو انا برده ما كنتش عارف اختار ايه فبدات اجرب بدات اجرب الجرافيك ديزاين فيديو ايديتنج لحد ما استقريت في الاخر على الويب ديفلوبمنت فكل اللي انت محتاج تعمله انك تجرب حرفيا بطل تسال السؤال ده وابدا جرب بس عشان برده الموضوع يكون واضح ليك في هاي انك سكيلز او مهارات الناس بتدفع كتير مقابل ان انت تقدمها ليهم كخدمه بس قبل ما اكمل عايز اقول لك
• ضروري جدا تتعلم ازاي تسيرش يعني لو انا في الفيديو ده هقول لك على مهاره واحده تتعلمها وهتفيدك فعلا هقول لك اتعلم ازاي تسيرش قبل اما تتعلم المهاره الاساسيه بتاعتك يعني اما تعوز حاجه ما تروحش تسال شخص اسال جوجل او اسال شات جي بي تي او ايا كان الطريقه اللي هتبحث بيها بس بلاش تاخد المعلومه جاهزه من حد السيرش هو المهاره الوحيده اللي لو اتعلمتها حرفيا هتعرف تتعلم اي حاجه بعد كده مجرد ما تتعلم ازاي تسيرش هتتعلم اي حاجه انت محتاج تعرفها في الحياه المهم المهارات دي زي الميديا باينج الاي سي يو الويب ديفلوبمنت بس طبعا في مهارات كثير جدا غيرهم انا هكتبهم لك في الديسكربشن بس برده روح سيرش عنهم اتعلم خلي الفيديو ده بدايتك انك تتعلم ازاي تسيرش
• طيب عشان اعرف هل المهاره دي مناسبه ليا ولا لا هل لازم اقعد اتعلم المهاره دي سنين لا اللي انت هتعمله ان انت هتاخد كراش كورس في كل مهاره هتشوف كل المهارات اللي انت محتار بينهم وتبدا تمسكهم واحده واحده وتاخد فيهم كراش كورس الكراش كورس الكراش كورس ببساطه بيكون فيديو بسيط وقصير بيلخص لك اساسيات المجال ده فبيكون واضح جدا ليك بعديها هل اكمل فيه ولا لا عشان هو حرفيا هيدي لك البيزكس او الاساسيات بتاعه المجال فلو انت الاساسيات مش تمام معاك مش هتحب المجال فعشان تعمل كده هتدخل على يوتيوب وهتكتب اسم المهاره اللي انت عايز تتعلمها وبعديه كراش كورس يعني مثلا لو هتتعلم اي اس اي يو او تحسين محركات البحث هتدخل على يوتيوب وهتكتب اي اس اي يو كراش كورس فور بجينرز او كراش كورس لتعلم الاي سي يو بعد ما تاخد كراش كورس في كل المهارات اللي انت محتار بينهم هتلاقي الموضوع بقى اوضح لك بكتير هتبدا تشوف اكتر مهاره انت حبيتها وتبدا تتعمق في المجال ده اكتر وعلى فكره موضوع انك تتعلم او تفهم اكتر من مهاره ده هيفيدك جدا يعني هو مش هيضرك خالص بالعكس انت دلوقتي لو جرافيك ديزاينر ومش فاهم زميلك الميديا باير اللي معاك في التيم بيعمل كامبين ازاي هتقوم جاي مطلع له ديزاين مش مناسب لانه يعمل بيه كامبين مثلا او حمله اعلانيه فبالتالي ولا هو هيعرف يعمل شغله صح ولا انت هتكون بتعمل شغلك صح فان تفهم التيم اللي معاك شغال ازاي بشكل عام ده هيفيدك جدا مش هيضرك او هيضيع لك وقت
• طيب هل في سكيل من السكيلز اللي انا قلتهم دول ممكن تكون بتدخل لك فلوس اكث من الثانيه انت ممكن تلاقي فعلا في تفاوت في المرتبات او في الفلوس اللي انت بتاخدها مقابل المهاره دي بس في الاول وفي الاخر لو انت ما بتعرفش تجيب كلاينتس ومتعلم اكتر مهاره بتدخل لك فلوس مش هتعرف تجيب فلوس من المهاره دي فاللي انت محتاج تتعلمه جنب المهاره الاساسيه بتاعتك ان انت تتعلم ازاي تجيب كلاينتس بس موضوع انك تجيب كلاينس او تجيب اول عميل ليك ده محتاج فيديو كامل تماما فبما ان الفيديو ده هو يعتبر بدايتك اصلا انا مش عايز اشتتك بالكلام ده بس لو انت مهتم اكتب عميل وانا ممكن اعمل فيديو كامل عن الموضوع ده
• هل في اضرار لو انت اشتغلت في سن صغير ما فيش اضرار انك تشتغل في سن صغير بس في اضرار بشكل عام ان انت تقعد على مكتب وقت كبير جدا وبما ان ده هيكون شغلك فانت هتقعد مثلا مش اقل من 8 ساعات لو اشتغلت بجد فطبعا بما انك شغال من بدري يعني انت لو شغال من وانت عندك 15 سنه الموضوع ده هيضرك اكتر من اللي بدا يشتغل وهو عنده مثلا 30 20 سنه يعني انت في 10 سنين زياده قعدتهم على المكتب فطبعا دول هيضروك جدا فمهم جدا اول فلوس تدخل لك تستثمرها في كرسي كويس وشاشه كويسه الوانها كويسه ما توجعلكش عينك وبرده تتحرك كل شويه يعني انت لازم تعمل رياضه وتتحرك من على الكرسي مهما كان الكرسي اللي معاك غالي لازم تتحرك من عليه كل 10 دقائق كل 15 دقيقه لو ما عملتش كده للاسف هتضر نفسك جدا فلازم تكون بتلحق الموضوع ده بدري بدري عشان ما يحصلكش مشاكل
• زي ما في اضرار طبعا في مميزات كثير جدا ومن اهمها الفلوس انت لو معاك فلوس حط اي ميزه في العالم وهتلاقي الفلوس بتوفرها لك ما عدا الصحه طبعا عشان الناس اللي هتخش تقول لي الصحه لا تشترى بالمال مع انها بتشترى والله يعني انت لو معاك فلوس هتعرف لو لا قدر الله حصل لك حاجه تجيب علاج كويس او تروح مستشفى كويسه وكل الكلام ده بحكي القصه دي برده من اهم المميزات في الموضوع ده ان انت دايره علاقاتك بتنضف يعني مش معنى كده ان انت دايره علاقاتك حاليا وحشه او هم ناس مش كويسين بس انت لما بتشتغل بتلاقي دائره علاقاتك كلهم ناس ناجحين كلهم ناس بيفكروا ازاي يتطوروا فبيشدوك معاهم للنجاح ده بشكل عام انا بشوف ان اي انسان محتاج يعيش الحياه اللي هو بيتمناها وما فيش انسان مش عايز يحقق اللي هو بيتمناه او محتاج يتعلم مهاره او محتاج يتعلم يجيب فلوس بشكل عام وبما ان المهاره هي الطريق السهل والطريق اللي ما فيهوش نصب كتير وبتفيدك فعلا ف انا شايف ان المهاره احسن طريق انت ممكن تمشي فيه من وجهه نظري انا شايف ان انت المفروض تبدا تتعلم من سن صغير كل اما بدات بدري كل اما هتطور اكتر كل اما هتكبر اكتر ما فيش داعي ابدا ان انت تستنى لحد اما تخلص جامعه وبعدين تبدا تتعلم مهاره او تبدا تشوف هتشتغل فعشان ما تشتتش نفسك الخطوه الاولى هي انك تختار المهاره المناسبه ليك ابدا دلوقتي سيرش المهاره المناسبه ليك وجرب موضوع الكراش كورس ده لحد اما تحدد المهاره وهكون انا نزلت باقي الفيديوز ان شاء الله بالتوفيق