هصمملك بوست أو منشور احترافي لصفحتك على السوشيال ميديا باستخدام Photoshop و Illustrator، وبشتغل بأسلوب الـ Photo Manipulation والتصميم الواقعي عشان التصميم يطلع فيه عمق وإحساس، مش مجرد ألوان وخط جنب بعض. بحرص إن كل تصميم يعبّر عن هوية البراند بتاعك ويكون مناسب لطبيعة جمهورك، سواء كان المحتوى تجاري، طبي، أو أي مجال تاني.
السعر الأساسي بيشمل تصميم بوست واحد، بيوصلك بصيغة نهائية جاهزة للنشر (JPG أو PNG). لو محتاج عدد أكبر من التصاميم أو الملف المفتوح القابل للتعديل (PSD/AI)، هتلاقي الخيارات دي متاحة في الإضافات تحت.
لو عندك مرجع أو هوية بصرية جاهزة (ألوان، لوجو، خط) ابعتهملي وأنا هظبط التصميم عليها، ولو لسه مفيش هوية واضحة أقدر أقترحلك حاجة تناسب مجال شغلك.