لاحظت مؤخرًا إن فيه بعض الخدمات على خمسات بتتقدم بأسعار منخفضة جدًا، لدرجة إن السعر أحيانًا بيكون أقل بكتير من حجم المجهود والوقت والخبرة المطلوبة لتنفيذ الخدمة.

المنافسة شيء مطلوب، وكل مستقل من حقه يحدد سعره بالطريقة اللي تناسبه، لكن هل المنافسة لازم تكون على مين يقدم الخدمة بأقل سعر؟

تقليل الأسعار بشكل مبالغ فيه مش بس بيقلل من قيمة مجهود المستقل، لكنه كمان بيخلق توقعات غير واقعية عند العملاء، وبيصعّب على المستقلين اللي بيهتموا بالجودة وبيقدموا شغل احترافي إنهم يقدروا ينافسوا.

من وجهة نظري، المفروض ننافس بعض بالجودة والخبرة والالتزام، مش بتقليل قيمة شغلنا.

حابّة أسمع آراءكم: هل شايفين إن التسعير المنخفض جدًا بقى مشكلة فعلًا ؟ وإزاي ممكن نوازن بين السعر المناسب للعميل والتقدير العادل لمجهود المستقل؟