من 2022 وأنا مأجلة هالخطوة… واليوم أخيرًا أخدتها!
من 2022 وأنا مأجلة هالخطوة… واليوم أخيرًا أخدتها!
يمكن كنت خايفة من الرفض، أو من إني أبدأ وما ألاقي الفرصة المناسبة، أو ببساطة كنت بستنى الوقت اللي أحس فيه إني جاهزة تمامًا.
لحد ما قررت أخيرًا آخد الخطوة، وأنشر أول خدمة إلي على خمسات… والمفاجأة إنها انقبلت!
يمكن بالنسبة لحدا ثاني يكون قبول خدمة إشي عادي، لكن بالنسبة إلي كانت خطوة مهمة؛ لأنها كسرت حاجز التردد اللي ضل معي لسنوات.
وهون تذكرت شغلة: كم فرصة ممكن نخسرها مش لأننا مش قادرين، بل لأننا خفنا نجرب؟
مش ضروري نكون جاهزين بنسبة 100% عشان نبدأ، ومش ضروري نضمن النتيجة قبل ما ناخد الخطوة الأولى. أحيانًا البداية نفسها هي اللي بتعلمنا وبتعطينا الثقة لنكمل.
حبيت أشارككم تجربتي، خصوصًا مع كل شخص لسه متردد ينشر أول خدمة إله.
احكولي، هل سبق وأجّلتم خطوة كنتم قادرين تاخدوها بسبب الخوف؟ وشو اللي ساعدكم تتجاوزوه؟
التعليقات (2)
