غبت عن خمسات سنة.. والنتيجة كانت درس قاسي
غبت عن خمسات سنة.. والنتيجة كانت درس قاسي
من سنة تقريباً، كنت متواجد وبقوة هنا، وكان فيه تواصل مستمر مع العملاء. لكن لظروف خاصة، انشغلت عن المنصة، وبقيت أدخل على فترات متباعدة جداً.. يا دوب أرد على رسالة أو أتابع طلب قديم.
المفاجأة؟ إن خوارزميات المنصة، والأهم من كده علاقتي بالعملاء، اتأثرت بشكل كبير جداً. غيابي ده خلاني أبدأ أواجه مشكلتين أساسيتين:
سرعة الرد: اللي بقت شبه معدومة، وده أدى لضياع فرص كثيرة كانت ممكن تكون بدايات لشراكات ناجحة.
ثقة العملاء: بدأت أحس إني فقدت "الزخم" اللي كنت بنيته، والعملاء اللي كانوا بيعتمدوا عليّ بدأوا يتجهوا لبدائل تانية.
رجعت النهاردة بقرار جديد، وبفهم أعمق إن العمل الحر مش مجرد مهارة بنقدمها، هو التزام ومسؤولية قبل أي شيء. سرعة الرد والتواجد الدائم هما اللي بيفرقوا بين المصمم الهاوي والمحترف اللي العملاء بيعتمدوا عليه في كل مشاريعهم.
أنا حالياً في مرحلة إعادة بناء لسمعتي وتواجدي على المنصة، وبستعيد مهاراتي في إدارة الوقت والتواصل، وبشارككم التجربة دي عشان أوجه رسالة لكل حد بيفكر يغيب أو بيستهون بـ سرعة الرد:
المنصة دي هي بيتك المهني، ولو سبت بيتك فترة، هتحتاج وقت ومجهود كبير عشان ترجعه لحيويته تاني.
أتمنى أكون دايماً عند حسن ظنكم، ومتحمس جداً أرجع أقدم أفضل ما عندي من شغل.. شكراً لسعة صدركم، ومستني أسمع لو حد مر بتجربة مشابهة وإزاي قدر يرجع أقوى!
التعليقات (28)
