الموضوع دا فيه كل التفاصيل عن كيفية سحب فلوسك من الباي بال بواسطة فيزا ايزي باي من البريد (أفضل حل للسحب حاليًا)!
من أول ماتشتريها لحد ماتستلم الفلوس كاش في ايدك عن تجربة... بسم الله :"

- أول حاجة بتروح أي مكتب بريد قريب منك ويفضل يكون المكتب الرئيسي، لو مش عارف مكانه خش على جوجل واكتب "مكتب البريد الرئيسي في (اسم المنطقة بتاعتك)" هيطلعلك العنوان على جوجل، هتاخد معاك صورتين بطاقة و25 جنية واما تملى البيانات مع الموظف وتخلصها، اتصل وانت واقف ب16789 من موبايلك واختار تفعيل البطاقة واللي هيرد عليك هياخد منك شوية بيانات من الفيزا والبطاقة وهيقولك تم تفعيلها، هتقف من 15 - 30 دقيقة لحد ماتتفعل (ممكن تخش تتأكد من أي شباك هي اتفعلت ولا لسا) وبعد كدا هتخش الفرع تاني تسأل عن مكنة pos عشان تعمل ايداع، وهتودع 100 جنية عشان تفعيل باي بال (باي بال بيخصم حوالي 40 جنية ويبعت بيهم الكود بتاع تفعيل الفيزا عليه، لكن مش هينفع تودع 40 جنية بس بتاعت تفعيله، لأن أقل مبلغ ابداع لفيزا ايزي باي هو 100 جنية) فهتودعهم.

- بعدين تروح البيت تعمل أكونت باي بال وتخليه باسمك الحقيقي بالانجليزي (الأول والأخير عادي برضو)، وتملى باقي البيانات وبعدين تفعله أول مرة من الرسالة اللي هتجيلك على ايميل الياهوو أو الجيميل اللي عملت بيه باي بال، وبعدين تربط البطاقة عليه بأنك تدخل رقم البطاقة وتاريخ انتهائها وال3 ارقام بتوع الccv اللي على ضهر البطاقة في مكان أضافة البطاقات في باي بال، وبعد ماتتربط وتلاقيها ظهرت في أكونتك هتضغط عليها وبعدين تضغط على Confirm Card وتأكد التفعيل، هيقولك تم خصم مبلغ صغير واحد ونص يورو اللي هو تقريبا 35 جنية، هتستني نص ساعة بالكتير من بعد مافعلتها، وهتكلم البريد تاني من التليفون أو الخط الأرضي (أرقامهم 16789 و0235315900 والأخير دا اتصلت بيه عالأرضي عادي) وتقولهم انك عايز الPP كود بتاع آخر معاملة، بيظهر عالشكل دا عندهم PP*1234CODE هو دا الكود بتاع التفعيل اللي انت عايزه بيببقى مكان ال1234 دي!
هتاخده منهم ولو قالوا مظهرش لسا عندنا قولهم راجعوا آخر معاملة بس عندي وزن عليهم لو فضلوا يقولوا مظهرش مظهرش مع انه بينزل في وقتها اتصل بليل او تاني يوم وخلاص.

- المهم بعد ماتجيبه منهم هترجع لباي بال تضغط عالبطاقة اللي ربطتها وهتلاقي مكان ظهر عشان تحط فيه الكود دا، هتضيفه وتضغط تأكيد وكدا خلاص حسابك بقا متفعل، بالنسبة للمبلغ اللي خصموه منك (ال35 جنية بتوع التفعيل) باي بال بيرجعهم خلال 24 ساعة من التفعيل بس هيظهروا بعدها من 3 - 7 ايام عالفيزا بالكتير يعني ال100 جنية هترجع تاني زي ماهي بس هتبقى ناقصة اتنين جنية تقريبا.

- وحاجة أخيرة بعد ماتدخل الكود وتفعل أكونتك خش على "Contact Us" أو "أتصل بنا" هتلاقيها تحت كدا في صفحة حسابك على باي بال وبعدين اختار "Message Center" أو "مركز الرسائل" وبعدين اختار "Compose" أو "كتابة رسالة" تقريبا، هيحولك على صفحة مراسلة الدعم فهتختار اي موضوع له علاقة بالسحب اي حاجة مش مهم، بس في خانة الرسالة هتكتبلهم:
"Hi,
I've linked my VISA card & confirmed it with the 4-digit code I received on my card statement, now I'd like to start receiving money on my PayPal account, so can you please confirm that my account is in good standing and is capable of receiving and withdrawing money?
Thanks"
دا عشان تتأكد انهم فعللولك خاصية السحب والاستلام على اكونتك لأن ساعات لازم يعملوها يدوي مش بتتفعل تلقائي من عندهم...
هيردوا عليك بعدها بيوم يقولك حسابك دلوقتي في أحسن وضع ويقدر يستلم أموال ويسحب عالفيزا وكله تمام.

- بالنسبة بقا للسحب فلما تسحب عالفيزا هيفضل قيد الانتظار "Pending" في باي بال لمدة 24 ساعة وبعدين يظهر Completed، وبعدين هياخد بقا من 3 - 7 ايام برضو عشان يظهر على الفيزا، المتوسط بيبقى 4 أيام بدون الاجازات اللي هي جمعة وسبت، فمتتخضش لما تلاقيها اكتملت في باي بال ولسا مظهرتش عالفيزا.

- باي بال بيخصم 5$ عمولة على أي مبلغ مهما كان حجمه ولكن ال5$ دي بتقدر ترجعها لو سحبت خلال ال4 أيام الأولى من الشهر، بتكلم الدعم وتطلب منهم يرجعوا ال5$ رسوم التحويل لأنها بتبقى مجانية مرة واحدة أول الشهر.

- بالنسبة لحدود سحب الفلوس من باي بال للفيزا فمفيش أي حد للسحب (مش زي مامكتوب عليها ان الحد الاقصى 5000 جنية في اليوم و20 الف في الشهر، لأ دا الحد الأقصى للايداع اليدوي في اليوم انما باي بال بيتعاملوا معاها على انها حوالة عادي وبتوصل كلها)، فيه ناس جربت لحد 1200$ ووصلوا وسحبوهم عادي، لكن السحب الكاش بيبقى له حدود من الatm يعني آخرك 3000 جنية في اليوم وبيتسحبوا على مرتين كمان لأن المكنة مش بتطلع أكتر من 2000 جنية في المرة للفيزا دي، فهتسحب 2000 وبعدين 1000 وانت واقف، السحبة الواحدة بتخصم منك 3 جنية والاستعلام 2.5 جنية.

- اسحب من اي atm في مصر ماعدا بتوع بنك اسكندرية وبنك HSBC دول مش بيتعاملوا مع البريد.

- الدولار بيتحول مصري وينزل عالفيزا بسعر البنك المركزي اللي هو تقريبا 17.50 ل17.60 جنية، واللي بيخلي الفيزا دي الأفضل حاليا للسحب من باي بال نظرًا لأنها كدا ملهاش أي رسوم تقريبا مقارنة ببايونير وبايسيرا واللي كانوا عاملينه فينا.

- الفيزا صلاحيتها 5 سنوات وكل سنة لها مصاريف 15 جنية فقط، مبيبقاش عليها اسمك ولا السهم اللي بيقولك تدخلها ازاي في الatm لكن انت هتدخلها بحيث:
شعار VISA يكون تحت عالشمال وشعار البريد المصري يكون فوق عاليمين.

- ممكن تسحب فلوسك من مكتب البريد من غير ماتدفع ال3 جنية رسوم بس هتستنى في الطابور شوية حلوين :"
وممكن تستعلم عن الرصيد اللي عالفيزا من خدمة العملاء بالرقمين اللي ذكرتهم فوق.

- تقدر تشتري بيها اونلاين بما يعادل 10 ألاف جنية في اليوم الواحد، أو 200 دولار في اليوم الواحد بحد أقصى 1000$ في الشهر للمواقع الأجنبية.

- مجربتش أتعامل بيها عالفيس كممول فمش عارف تنفع ولا لأ بس مش شايف اية اللي يخليها تترفض هي فيزا مشتريات في الأول والآخر، وأنت بتشتري خدمة من الفيس بوك.

بس كدا دي كل الخطوات بالتفصيل عشان تفعل الفيزا وتستلم عليها.

التعليقات (162)

منذ سنتين و3 أشهر
هنجرب كدا لكن انا جربت Prepaid Card البنك الأهلي و من 5 شهور والي الان الباي بال رافضها .
منذ سنتين و3 أشهر
للاسف انا جربتها برده لكن الباي بال لا يدعم بطاقات من نوع MasterCard يقبل VISA فقط وافضل بطاقة للسحب حاليا بطاقة البريد المصري
منذ سنتين و3 أشهر
تسلم ايدك ياهندسه انا كنت محتاج الملخص دا جداا
وفرتلى كتير الله يكرمك <3
منذ سنتين و3 أشهر
لماذا أشعر أنني قرأت ذلك الموضوع من قبل؟!!!!
شكراً على المجهود ويبدو أن علي أن أستخرج هذه الفيزا.
منذ سنتين و3 أشهر
جزاك الله خير
منذ سنتين و3 أشهر
وهل يمكن اخي الكريم شحن البطاقة من اي فرعي

ام الفرع الرئيسي فقط !!
منذ سنتين و3 أشهر
ربنا يباركلك يا رب على النصائح الجميلة دى ويجعله فى ميزان حسناتك الف شكر يا غالى
منذ سنتين و3 أشهر
اولا مبروك تفعيل حسابك والسحب منه
ثانيا شكرا لحضرتك وللمقاله المفيده
ثالثا لو سمحت هى الفيزا بتكون من غير اسم علشان انا عملت الفيزا النهارده ومش مكتوب عليها اسمى
انا كنت باستخدم فيزا بنك تجارى وفا وكان اسمى مكتوب على الفيزا لكن حبيت اغير لانى زهقت من العمولات اللى بيخصموها.
منذ سنتين و3 أشهر
بشكرك جدا اخي الكريم استفدت كثيرا من هذه المقالة

لكن عندي سؤال هل اذا وضعت تاريخ ميلاد وهو ليس تاريخ ميلادي عادي ولا في مشكلة?
منذ سنتين و3 أشهر
شكرا جدا لحضرك المقال فعلا مفيد جدا وفيه شرح مفصل، ولكن أنا عضو جديد وحاسة ان الخطوات والتفاصيل دي من كترها مخلياني تايهة ومتلخبطة.
انا لسة مقدمتش خدمات على الموقع، فإيه أول خطوة أخدها فيما يتعلق بسحب الرصيد، هل أستنى أعمل خدمات الأول ويبقى عندي رصيد ولا أعمل حساب pay pal لاني لسة معملتوش!
أفيدني أفادك الله.
شكرا مقدما.
منذ سنتين و3 أشهر
+متابع
تسلم ايدك يااخي علي كل هذه التوضيحات
منذ سنتين و3 أشهر
اسف اخواني علي الرد المتاخر ولكن كنت مشغول بشئ اخر
KareemMagdy
يفضل الفرع الرئيسي لاني ذهبت الي الفرعي واكتشفت انها غير موجودة ولا احد يعرف عنها شئ
قم بزيارة الفرع الرئيسي وستحصل عليها انشاء الله
منذ سنتين و3 أشهر
Adham Gomaa
لا اخي الفيزا تاتي بدون كتابة الاسم عليها
منذ سنتين و3 أشهر
تمام شكرا لحضرتك.
منذ سنتين و3 أشهر
ضياء البنهاوي :-
ماذا تقصد اخي الكريم تضع تاريخ ميلادك فين؟
--------------------------------------------------------
أسماء رفعت محمد :-
اهلا بحضرتك اعملي حساب باي بال عادي مفيش مشكلة وبعد كده قدمي خدماتي وانشاء الله تربحي فلوس
منذ سنتين و3 أشهر
فيزا ايزي باي من البريد (أفضل حل للسحب حاليًا)!
ولا يوجد منافس لها في فئة Prepaid Card
منذ سنتين و3 أشهر
في البريد المصري اخي
انا باقي علي اتمام 18 سنة اقل من شهرين عل بامكاني عمل بيبال وعمل فيزا ايزي باي والسحب منهما ولا انتظر لحين اتمام 18 سنة اولا?
منذ سنتين و3 أشهر
نعم اخي لا مشكلة انا اقل من 18 سنة وعملت حساب باي بال وفيزا عادي
توكل علي الله :)
منذ سنتين و3 أشهر
اشكرك اخي جزاك الله كل خير كنت احتاج لهذه النصائح كثيرا شكرا لك :)
منذ سنتين و3 أشهر
العفو اخي الكريم تحت امرك :)
منذ سنتين و3 أشهر
استاذ احمد تحية طيبة لك

اتا اتبعت خطواتك وفعلا اشتريت الفيزا وربطتها بباي بال وأكدتها بالكود بتاع المعاملة وكله تمام وحولت جزء من ارباحي على خمسات الى باي بال ووصل الرصيد الحمد لله في أقل من ساعتين.

بس أنا عندي سؤال ، 1.5 يورو اللي باي بال سحبهم من الفيزا مجاليش اشعار انه رجعهم. أعمل ايه في الموضوع ده
منذ سنتين و3 أشهر
ليس هناك اشعار اخي , ولاكن لا تقلق الباي بال يخصم 1.5 يورو وعند تفعيل الفيزا يرجعهم لك فورا واذا اردت التاكد اتصل بخدمة الدعم الفني للبريد واستعلم عن رصيدك
منذ سنتين و3 أشهر
نعم كلام Designs Ahmed صحيح شكر لك
اهلا اخي الكريم هادي , للاسف باي بال لا يرسل إشعار بذالك ولكن بعد 24 ساعة المبلغ يعود الي الفيزا بشكل تلقائي
منذ سنتين و3 أشهر
متشكر يا جماعة والله. انا كان بالي مشغول بالحوار ده وكده ارتحت الحمد لله
منذ سنتين و3 أشهر
العفو اخي الكريم في خدمتك في اي وقت
منذ سنتين و3 أشهر
ايه الجمال دة :)
جزاك الله كل خير علي المعلومات القيمة
وجعلها الله لك في ميزان حسناتك
شكرا
منذ سنتين و3 أشهر
ممتاز . شجعتنى هجيبها
منذ سنتين و3 أشهر
لو سمحت انا عملت زى ما حضرتك قولت ما عدا موضوع الرسالة والتفعيلات كلها صح
بس فوجئت النهارده صديق بيرسلى على الباى بال رافض
ممكن يكون ايه السبب
منذ سنتين و3 أشهر
العفو اخواني هذا واجب عليا
اخي عماد ممكن يكون سبب الرفض ان الفيزا مفيهاش فلوس؟!
منذ سنتين و3 أشهر
شاكر ليك ول ردك طلعت المشكلة انى مكنتش باعت الرسالة للباى بال لتفعيل الاستلام والتسلم
بس ممكن توضيح لنقطة الخصم عند التحويل للفيزا والزاى اخد المبلغ تانى لو ف اول الشهر
٠٠وصديقى ال بعتلى خصمو منى ٢،٢٥ $دول ممكن ارجعهم بردو ولا دى عمولتهم خلاص كدا
منذ سنتين و3 أشهر
اول الشهر هيخصمو 5$ بس انت ممكن تراسلهم من خلال كلمة اتصل بنا في الاسف وهيرجعولك ال 5$ بس شرط يكون في اول الشهر
وبالنسبة لل 2.25$ دول عمولة باي بال عند تحويل الاموال مش بيرجعو
تحياتي
منذ سنتين و3 أشهر
انا عامل ترحيل تلقائى كل اول شهر
الرسالة ال ابعتها بالعربى عادى ولا فى صيغة عندك
منذ سنتين و3 أشهر
عادي بالعربي لان باي بال لي فريق دعم عربي بس بالانجليزية بيكون الرد اسرع علي ما اعتقد وزي ما انت تحب بردو
منذ سنتين و3 أشهر
أحمد مصطفي إبراهيم : لو سحبت مبلغ اكبر من 7 الف جنيه حقدر اسحبهم من البريد مباشرتا من الشباك ولا لازم atm وهل ممكن اسحبهم كلهم في يوم واحد ولا على اكثر من يوم ( البطاقة حدها 5 الف في اليوم ده صح ولا لا )
منذ سنتين و3 أشهر
اهلا بك اخي الكريم
الحد الادنى للايداع فى الكارت 100 جنية والحد الاقصى للايداع خلال الشهر 20 الف جنية
متاح خدمة السحب النقدي من خلال ماكينات البريد المصري والمكينات ATM التي تحمل شعار 123 بحد اقصى 3 الاف جنية يوميا
منذ سنتين و3 أشهر
شكرا ليك يعني لازم اجزء السحب على 3 ايام علشان اقدر اخد المبلغ كامل
منذ سنتين و3 أشهر
نعم اخي الكريم
منذ سنتين و3 أشهر
مرحبا اخي احمد
كنت عايز استفسر عن عموله باي بال لما ارسل اموال لحدلو عندك فكره عنها ؟
تاني حاجة انا مفعل السحب الاتوماتيكي اول الشهر .. هل لازم برضه ارسل طلب للسحب يوم 1 ف الشهر ولا باي بال بيبعتهم عشان انا مفعل السحب الاوتوماتيكي ؟
منذ سنتين و3 أشهر
اهلا بك اخي الكريم
لما ترسل اموال لحد تقريبا بيخصمو في حدود 2.5 دولار او اقل تقريبا
السحب الاوتوماتيكي غير مفعل في مصر اسحب اول يوم في الشهر بعد كده راسلهم عشان يرجعولك ال 5$
منذ سنتين و3 أشهر
تمام اخي يعني لازم ارسل الطلب يوم 1
ال5$ بعد م اسحب واراسلهم وترجع وبعدين اما اسحب تاني هتتخصم واكلمهم وترجع وبالتالي هتفضل اسيرة في الحساب ^^
منذ سنتين و3 أشهر
نعم اخي ولكن مش شرط يوم 1 معاك لغاية يوم 3 فقط
منذ سنتين و3 أشهر

تم حذف هذا الرد من قبل الإدارة لمخالفته شروط موقع خمسات:

نرجو استخدام اللغة العربیة الفصحى للكتابة، استخدام اللهجات المحلیة أو لغات أجنبیة مخالف لشروط الاستخدام.https://khamsat.com/terms

منذ سنتين و3 أشهر

تم حذف هذا الرد من قبل الإدارة لمخالفته شروط موقع خمسات:

نرجو استخدام اللغة العربیة الفصحى للكتابة، استخدام اللهجات المحلیة أو لغات أجنبیة مخالف لشروط الاستخدام.https://khamsat.com/terms

منذ سنتين و3 أشهر
بجد شكرا ليك انا استفدت جدا من الموضوع والحمدلله عملت الفيزا ... بس كنت عايز افهم موضوع ازاي استرجع مصاريف التحويل يعني اعمل التحويل خلال اول ٤ ايام ف الشهر وبعد كده ابعت ميل لباي بال اطلب استرجاع مصاريف التحويل .. مظبوط كده ؟؟ ولو مظبوط ممكن تبعت لي الصيغه بتاعت الميل دا او الطلب دا .. شكرا ليك
منذ سنتين و3 أشهر
العفو اخي الكريم تحت ام حضرتك بخصوص التحويل بيتم
اول 3 ايام في الشهر وليس 4 بعد كده تطلب من فريق دعم باي بال تقول لهم هكذا اي صيغة مش مشكلة
"السلام عليكم سحبت ملبغ وقدره $$ في اول الشهر وتم خصم 5$ عمولة اريد استراجع هذه العمولة لاني اعيش في مصر والسحب الاوتوماتيكي غير متوفر في مصر نظرا لقوانين البنك المركزي وشكرا لكم"
منذ سنتين و3 أشهر
شكرا لك اخي ... وموفق دايما
منذ سنتين و3 أشهر
السلام عليككنت عايز اعرف اكبر مبلغ ممكن اسحبه علي الفيزا كام

عندي مبلغ في مستقل اكبر من الي موجود في الموضوع ومش عارف اسحبهم مره واحده ولا اقسمهم علي مرتين

وهل لو سحبت مبلغ و الفيزا اتوقفت اقدر اصفيها من الشباك ولا لا
منذ سنتين و3 أشهر
اقصي حد للسحب 3000 جنيه لو سحبت اكثر الفيزا توقف لكن لا اعرف حقيقة اذ كان تقدر تصفيها من الشباك ام لا لاني لن اجرب قبل ذالك
منذ سنتين و3 أشهر
مرحبا اخي
قمت بسحب المبلغ والحمد لله ولكن عندما راسلت الدعم الفني لبايبال لاسترجاع ال5$ لم يتم الرد والرساله ارسلتها منذ يومان
منذ سنتين و3 أشهر
انتظر او ارسلها مرة اخري لقد تم ارجاع المبلغ معي وهذا اثبات
https://suar.me/P04MX
منذ سنتين و3 أشهر
السلام عليكم ورحمة الله
حصلت معى مشكلة وهى انى فعلت الفيزا فى البايبال وكله تمام
بس لما اجى اسحب الفلوس ترجع تانى لحسابى فى بايبال ويقولى card refund
الكلام ده حصل مرتين
وراسلت الدعم الفنى للبايبال يقولى كلم خدمة عملاء مقدمى الفيزا وخدمة عملاء البريد يقولولى الفيزا مفيهاش حاجة

شوفولى حل
منذ سنتين و3 أشهر
من اى مكتب بريد تحديدا اشتريت الفيزا
وهل من سحب ال 1200 دولار تمكن من استلام ما يتخطى ال 20 الف جنيه فى يوم واحد
هل ممكن تسأله كم استغرق سحبهم وقتا ومالا
هل ممكن استلامهم دفعه واحده من داخل المكتب بدون اللجوء للماكينة ؟
منذ سنتين و3 أشهر
رااااااااااائع
منذ سنتين و3 أشهر
اخى احمد مصطفى لازم ابعتلهم رسالة لانى هما بعتولى على الجيميل الرسالة دى(مبروك! لقد تم الآن رفع حد السحب الخاص بك. يمكنك الآن سحب أموال غير محدودة من حساب PayPal الخاص بك. )
ارجو الرد اخى الغالى
منذ سنتين و3 أشهر
للاهمية يا جماعة
انا دخلت اربط الكارت على حسابي رفضم كارت البريد المصرى
مش عارف هل انا عملت شيئ غلط و لا ايه الحكاية
ظهرت الرسالة دى
This card is not accepted. Please use a different card.
منذ سنتين و3 أشهر
أستاذ احمد مصطفى

تحياتى لك

هل بناخد صورة من البيانات التى تملىء بمكتب البريد ام لا
منذ سنتين و3 أشهر
اليوم حاولت اسحب من كذا مكينة بنك لكن تظهر رسالة تقول الرصيد غير كافي
علما اننى رصيدى فى باى بال 510دولار
منذ سنتين و3 أشهر
استاذ محمود منيسي لا تأخذ صورة
هو سوف يعطيك المطلوب
========================
gynana
اسحب الفلوس الي الفيزا اولا لكي تتمكن من سحبها من المكينة
منذ سنتين و3 أشهر
الفيزا انا شاحنها ب100ج
حاضرتك تقصد اني اسحب ال100ج؟ولا اسحبها ازاى من فضلك ممكن توضيح؟
كمان هما طلبين من اثبات العنوان
دى الرسالة
نشكرك على الاتصال بـ PayPal بشأن القيد.

اسمي ميشيل وأنا أكثر من سعيد لمساعدتك اليوم!

لقد راجعت حسابك ونريدك أن تقدم وثيقتين منفصلتين ، واحدة لـ ID والأخرى لإثبات العنوان.

لتحميل المعلومات ، انسخ الرابط التالي في متصفح الويب الخاص بك واتبع التعليمات:

https://www.paypal.com/us/cgi-bin/؟cmd=_file-upload-or-fax-outside-resolution-centre&file_upload_for=account_management&continue.x&fli=true

سيتم قبول أي من المستندات التالية على أنها صالحة لإثبات العنوان:

كشف مالي (على سبيل المثال ، بيان من بنك / سي سي ، خطاب الرهن ، تجديد البطاقة)
فواتير الخدمات العامة / الهاتف المحمول (مثل الغاز والكهرباء والمياه)
إثبات الإقامة
فاتورة التأمين أو نماذج التجديد
فاتورة الإيجار الصادرة عن البلدية / السلطة العامة
payslip المطبوعة
رخصة القيادة / بطاقة الهوية الوطنية (يمكن قبولها ما لم تستخ
منذ سنتين وشهرين
حاولت اسحب ال100ج اللى شحنتها ع الفيزا لكن نفس الشيئ
تظهر رسالة تقول الرصيد غير كافي
جربت من عدة ماكينات
منذ سنتين وشهرين
السلام عليكم

هل البريد فى مصر اجازه يوم السبت ؟
منذ سنتين وشهرين
جزاكم الله خيرا.. استفسار بسيط للتأكد فقط، الفيزا اللى بناخدها فى أيدينا هى فيزا الeasy pay أما الباى بال التعامل معها يكون من خلال موقعهم فقط على النت؟
منذ سنتين وشهرين
السلام عليكم،

أخي mahmoudshetos و جميع الأخوة و الأخوات الكرام

لديَّ نفس المشكلة، الفيزا لا تقبل السحب من البايبال، و يتم أرجاع المال بعد ثلاثة أيام.

لديَّ سؤال، هل الأسم المسجل لدى البريد أثناء طلب الفيزا مطابق لأسم الحساب في البايبال ( خصوصاً الأسم الأول و الأسم الأخير ) ؟

لأن الصفحة التالية هي صفحة المساعدة في البايبال و بتقول ان اسم صاحب الفيزا يجب ان يكون مطابق لاسم حساب البايبال.

https://www.paypal.com/ph/selfhelp/article/why-did-the-withdrawal-from-my-paypal-account-to-my-credit-card-fail-faq834

أما بالنسبة لي، فاكتشفت أن اسمي الأخير غير مطابق، لأني كتبت الأسم الثالث مكان الأسم الأخير في البايبال.

ما رأيكم؟
منذ سنتين وشهرين
شكرا أخي موضوع مفيذ للغاية
منذ سنتين وشهرين
هل ممكن اسحب الدولار دولار من البريد اذا فتحت حساب بالدولار؟
منذ سنتين وشهرين
شكراً جزيلا لك أخى الكريم
قمت بشراء الفيزا وتفعيلها فى مكتب البريد فى أقل من ساعة وعند العودة للمنزل قمت بربطها ب باى بال واتصلت بدعم البريد للحصول على PP code واعطونى اياه فى 5 دقائق فقط ثم راسلت باى بال فالرسالة التى كتبتها وقاموا بالرد على فى خلال ساعة ان حسابى يمكنه ارسال واستلام الاموال
شكرأ جزيلا لك على التجربة الايجابية
منذ سنتين وشهرين
لو سمحتوا ازاى احول المبلغ من خمسات لباي بالك
لان بحدد المبلغ وبعمل تحديث مفيش اى تغير فى الرصيد
منذ سنتين وشهرين
hend salem
لا يتغير الرصيد إلا عندما يتم التحويل بنجاح
منذ سنتين وشهرين
السلام عليكم استاذ احمد
جزاك الله كل خير شرحك شرح وافي كافي ربنا يجعله في ميزان حسناتك
منذ سنتين وشهرين
انا عملتها انهارده وسحبت من البيبال بيها الحمدلله ربنا يدمها نعمه ويحفظها من الزوال
منذ سنتين وشهرين
ربنا يجعله في ميزان جسناتك شكراً ليك جداً
منذ سنتين وشهرين
متابع للموضوع وشكرا
منذ سنتين وشهر
التحويل بيكون حسب سعر البنك او ماكينة البنك اللى بسحب منه
انا سحبت امبارح من ماكينة البنك الاهلى حسبو االدولار 17,78 لكن لو سحبت من ماكينة مثلا الcib حسحب الدولار ب17,83
منذ سنتين و29 يوم
السلام عليكم,
اواجه مشكلة فى سحب اموالى من حسابى على باى بال الى بطاقة ايزى باى
اتبعت جميع الخطوات.

تواجهنى مشكلة فى مراسلة باى بال : عندما اراسلهم لا اعلم اين اتلقى الرد ؟ لا اجد صفحة مخصصة للتذاكر التى قمت فتحها او ما ارسلته ولا اتلقى رد على بريدى الالكترونى !
لا اعلم ما المشكلة !
علماً بان حسابى بيزنيس و ليس شخصى و اتلقى مدفوعات يومياً من مواقعى و اعمالى و الحساب مفعل بفيزا انترو باى ابضاً.

بعد 4 ايام من وضح امر السحب يتم الغاؤه ولا اعلم اين اتواصل مع باى بال
منذ فترة طويلة لم اتواصل معهم و لكن كنت اذكر انه يوجد صفحة بها استفساراتى و ردودهم ..لا اجدها الان
للتذكرة : حسابى بيزنيس و ليس شخصى

ارجو المساعدة و شكراً لكم جميعاً مقدماً
منذ سنتين و29 يوم
السؤال الذي يطرح نفسه: ألا يوجد أية بطاقة فيها إمكانية سحب الارباح بالدولار؟
منذ سنتين و27 يوم
الفيزا لا تقبل السحب من البايبال، و يتم أرجاع المال بعد ثلاثة أيام
ممكن حد يساعدني ؟
منذ سنتين و24 يوم
Muhammed Omran@
نفس مشكلتى حالياً و بحاول احلها ..لو اتحلت هبلغك
منذ سنتين و24 يوم
شكرا لك علي المجهود الرئع
منذ سنتين و24 يوم
موضوع وافي وكافي ...شكرا لوقتك
منذ سنتين و6 أيام
الان بعد توقف فيزا ايزي باي ماهي الحلول البديلة لمن لديهم ارصدة علي باي بال
منذ سنة و11 شهر
سلام عليكم
هل تم حل مشكلة السحب باستخدام بطاقة ايزي باي ؟
كانت متوقفة طوال الفترة السابقة من قبل البريد
هل حد جرب يستلم ارباح فى اول الشهر 9 و ماذا كانت النتيجة ؟

ما مصير الاموال اذا حولتها على البايبال ولم استطيع سحبها من الفيزا
هل يمكن تحويلها لبايبال شخص اخر؟
منذ سنة و10 أشهر
البعض يقول أنه تعمل الآن لكني لم أجربها حتى هذه اللحظة.
منذ سنة و10 أشهر
لا حضرتك ثات اذا استلمت الأرباح اول الشهر اقدر ارجع ٥$ اللي بيتخصموا وتكلم الدعم

ازاي أكلمهم اتصال ولا ايميل واقول لهم ايه بالضبط .. ضروري اذا سمحت
منذ سنة و10 أشهر
شكرا جدا .....................
منذ سنة و9 أشهر
طب هو سؤال واحد ..على كدة محتاجة كام يوم من اول ما ابدا اروح البريد عشان اقدر اسحب من البطاقة؟؟!
منذ سنة و9 أشهر
انا شغلتها تانى يوم بعد ما تم التنشيط والربط بالباى بال روحت البريد الصبح بدرى وربطها فى نفس اليوم بالباى بال
وتانى يوم اتصلت بالبريد وعرفت رقم العملية وتاكد الربط الفيزا بالباي بال وسحب عليها بالليل
منذ سنة و8 أشهر
جزاكم الله خيرا
حضرتك قلت اسحب اول يوم في الشهر بعد كده راسلهم عشان يرجعولك ال 5$
معذرة كيف اراسلهم لهم رقم معين ام لهم ايميل
رجاء الرد
منذ سنة و8 أشهر
الله يخليك يا رب استفدت جدا

تسلم الله يسعدك
منذ سنة و8 أشهر
هناء ربيع
الموضوع تم كتابته قبل تفعيل السحب التلقائي فى مصر
ولكن الان يتم عمل سحب تلقائى من جانب الباى بال يوم ١ فى الشهر دون أى عمولة
ولا يتم التدخل من جانب حضرتك سواء فى السحب او استرداد ٥ دولار كالسابق
منذ سنة و8 أشهر
جزاك الله خيرا
طيب والتحويل من باي بال لل الايزي باي مبيخدش رسوم
منذ سنة و8 أشهر
التحويل طالما تم تلقائى يوم ١ فى الشهر عن طريق الباى بال
تصبح بدون رسوم
منذ سنة و8 أشهر
ربنا يكرمك
يعني طالما انا ربطت الايزي باي بالباي بال محتاجش انا اعمل سحب اموال
هناء ربيع
نعم .. كما أخبركي الأخ الكريم elbasha ahmed
سيتم تحويل الأموال تلقائياً في أول كل شهر.

--------
لاحظي أن الكتابة بغير اللغة العربية في خمسات قد يعرض تعليقك للحذف، وربما تمتنعين من المشاركة في خمسات لمدة يومين.
لمراجعة باقي شروط خمسات، من هنا:-
https://khamsat.com/terms

تقبلي تحياتي.
منذ سنة و8 أشهر
هل يوجد حد ادني للسحب من الباي بال الي بطاقة ايزي باي ؟!
خل يمكنني سحب 18 دولار مثلا
اما انه مبلغ صغير ويوجد حد معين للسحب ؟!
وشكرا ع المجهود
ارجو الرد للاهمية
منذ سنة و8 أشهر
السلام عليكم بالنسبة لسحب الأموال من بايبال هلأقوم بسحبها بالدولار وستتغير على الفيزا أم أغير العملة على بايبال ؟؟ أرجو الرد وشكرا مقدما
منذ سنة و8 أشهر
انا في السعودية ايش الوضع بالنسبة لي؟
منذ سنة و8 أشهر
Ramadan_Abdullah

الحد الادنى للسحب من الباى بال هو ٢٠ دولار
لا اعلم هل السحب التلقائى يسمح بمبلغ اقل ام لا
يوجد حد سحب اقصى لفيزا ايزى باى هو ٥٠٠ دولار فى ١٥ يوم من الشهر

ghada ali

لا مشكلة ان تكون العملة فى الباى بال بالدولار
عند السحب على فيزا البريد المصرى يتم تحويلة بسعر الصرف للدولار
لا اعلم هل يوجد طريقة لاى فيزا للسحب بالدولار
منذ سنة و8 أشهر
احمد المدهون

فى حالة عدم وجود فيزا تقبل السحب يمكنك استخدام احد وكلاء خمسات
ولكن اعتقد يوجد تعامل فى السعودية بالباى بال مع الفيزا
منذ سنة و8 أشهر
بال بال شغال بالسعودية .. بأي فيزا بنكية تقدر تربطها بالباي بال وتسحب عليها
منذ سنة و8 أشهر
معلومة ::

اليوم سحبت رصيد لاول مرة .. ورحت على أٌرب بنك لي وهو العربي الأفريقي

وجربت اسحب 3000 ج مرة واحدة ( وهو الحد الاقصى للسحب اليومي ) وسحب الحمد لله

وسألت بالبنك قالوا فعلا الحد الاقصى للسحب بالبنك العربي الافريق 3000 ج في مرة واحدة ... بالبنوك الاخرى كلها 2000 ج بالمرة الواحدة ( يعني تسحب 3000 على مرتين ) ويخصم منك رسوم سحب مرتين
منذ سنة و8 أشهر
أميرة صلاح : العملية اخدت منك وقت قد ايه على ماظهرت على الفيزا ..

انا عملت تحويل يوم 4 فى الشهر واكتمل على باي بال يوم الجمعه اللى فاتت وحتي الان لم يظهر على البطاقة .
منذ سنة و8 أشهر
شكرا على المعلومات القيمة- جزاك الله خيرا- ناوية ان شاء الله أشتري هذه الفيزا
منذ سنة و8 أشهر
هل الفيزا تعمل الى الآن وهل استطيع استخراج وتفعيل بها بايبال لاستقبال المال
منذ سنة و8 أشهر
AHMED DIAB88

لا زالت تعمل بصورة جيدة حتى الان
منذ سنة و8 أشهر
لماذا يفشل تحويل المال من حساب باي بال مفعل بڤيزا ايزي باي لباي بال اخر
منذ سنة و8 أشهر
البطاقة افضل ام الوكلاء و هل نسبة الوكلاء كبيرة
منذ سنة و8 أشهر
Khaled S.Saleh

يمكنك إرسال الأموال إلى أي حساب آخر من رصيد الفيزا المربوطة بباي بال
لكن رصيد باي بال لا يمكنك إستخدامه للشراء أو إرساله لحسابات باي بال أخرى

Raniaashraf

فى حالة التمكن من تفعيل البطاقة فهى أفضل من حيث العمولة حيث يتم تحويل الدولار بسعره الرسمى
فى حالة عدم التمكن من تفعيل البطاقة فلا بديل عن الوكلاء ونسبة الوكلاء تختلف من شخص لآخر
منذ سنة و8 أشهر
Elbasha Ahmed

تقصد بعد التحويل التلقائي لرصيد الي البطاقة أقوم بالتحويل؟
منذ سنة و6 أشهر
شكرااا
منذ سنة و6 أشهر
شكرا على الشرح الوافى، وسؤالى هل ما زالت فيزا البريد تسحب من الباى بال حتى الآن لأنى كنت سألت صفحة البريد على الفيس على هذه الخدمة وقالوا لا مش بنتعامل مع الباى بال أرجو التوضيح لأنى مش عارفة أبدأ شغلى لهذا السبب، ولو فيه طريقة أخرى ممكن توضيحها، جزاكم الله خيرا
منذ سنة و6 أشهر
على الرغم من أنني بائعة جديدة، فإنني استفدت من موضوعك القيم والشامل.. كل الشكر والتقدير والتمنيات بالخير.
منذ سنة و5 أشهر

تم حذف هذا الرد من قبل الإدارة لمخالفته شروط موقع خمسات:

يرجى العلم بأن الكتابة بغير اللغة العربية الفصحى مخالف، نرجو منك الالتزام بهذا الشرط، وشكرًا على تفهمك.

منذ سنة و4 أشهر
تحية منى لك اخى الكريم على هذا الموضوع الرائع
انا سحب بالفعل على ايزى باى البريد المصرى واكتمل فى باى بال وانتظر وصول المبلغ لبطاقة الايزى باى واخاف ان لا تكتمل بالرغم من انها مكتملة فى الباى بال
سوف انتظر يومين او ثلاث واسحب فى مكتب البريد
الله الموفق
منذ سنة و4 أشهر
شكراً أخي لمجهودك الكبير
وعندي سؤال في نفس السياق
لدي بطاقة خصم مباشر Debit Card النوع VISA
من بنك QNB وهي (مُفعَّلة) على باي بال
وقرأت تعليقات كثيرة من ستقلين على فيس بوك أعلنوا أنهم سحبوا أموالهم بنفس نوع البطاقة
ولكن أنا لا أستطيع السحب!
السحب التلقائي مفعل ولا يسحب
وحاولت السحب يدوياً، ولكن لا فائدة
وحينما حاولت مراسلة الدعم، أرسلوا لي إيميل يقول أن الأموال لا بد أن تُحتجز لمدة 30 يوماً قبل السماح بسحبها
وذلك على الرغم من وجود رصيد منذ يناير وفبراير!

هل واجهت أحد منكم تلك المشكلة؟
أو هل يعرف أحدكم كيفية حلها؟
منذ سنة و3 أشهر
لقد قمت بتحويل مبلغ 600دولار مرة واحدة وهذة هى المرة الاولى للتحويل يوم26/4/2019 والىالان معلقه على باى بال علما بان البطاقة باسم والباى بال باسم اخر ارجو الإهتمام والرد
منذ سنة و3 أشهر
الحد الاقصى للسحب ٥٠٠ دولار خلال ١٥ يوم
اتوقع ان يعود الرصيد للباى بال مرة اخرى
يمكنك حينها سحب الرصيد على مرتين
مرة بمبلغ وليكن ٤٥٠ دولار والباقى بعد ١٥ يوم

بخصوص الاسم
فى حالة انك سحبت مبلغ فى حدود الحد الاقصى وحدث انه رد المبلغ مرة أخرى حينها ستقوم بتغيير إسم الباى الى اسمك فى الفيزا وتحل المشكلة
منذ سنة و3 أشهر
السلام عليكم الان بطاقة ايزى باى لا تعمل معلى على باى بال كل اما اسحب عليها تظهر رسالة عبارة عن مربع احمر ولا يوجد به اى كتابة
منذ سنة وشهر
بجد شكرا ليك انا استفدت جدا من الموضوع والحمدلله عملت الفيزا .. وانت مشاء الله عليك ذكرت كل شي في الموضوع ،، شكرا جزيلا علي تعبك وفي ميزان حسناتك
منذ سنة وشهر
ماذا عن التفعيل للجزائريين؟!
منذ 11 شهر و25 يوم
عندي استفسار. دلوقتي انا اسمي. محمد مصطفي محمد في البايبال mohamed moustafa
و عملت فيزا باسم ولدتي وربطها في البايبال ولما بعمل حسب بيقعد المده وترجع تاني
الامهم توقعت من الاسم علشان مختلف ف عملت واحده تانيه باسمي ال. في اللبطاقه دلوقتي اخلي اسمي ايه في البايبال
مع العلم اسمي في الفيزا محمد مصطفي محمد احمد
اخلي اسمي ايه في البايبال؟؟؟؟ علشان اقدر اسحب منغير مشاكل
منذ 11 شهر و24 يوم
اشكرك جدا على تعبك فى انك تكتب كل الكلام ده

عندى سؤال بسيط

انت قعد قد ايه تكتب فى كل ده
منذ 11 شهر و24 يوم
مرحباً أستاذ أحمد
كيف يتم استرجاع 100 جنيه التى تم ايداعها لتفعيل حساب الباي بال؟
منذ 11 شهر و17 يوم

تم حذف هذا الرد من قبل الإدارة لمخالفته شروط موقع خمسات:

يرجى العلم بأن الكتابة بغير اللغة العربية الفصحى مخالف، نرجو منك الالتزام بهذا الشرط، وشكرًا على تفهمك.

منذ 11 شهر و11 يوم
شكرا جزيلا لحضرتك
لكن ما نظام ايزى كارد بنك القاهرة
منذ 11 شهر و8 أيام

تم حذف هذا الرد من قبل الإدارة لمخالفته شروط موقع خمسات:

يرجى العلم بأن الكتابة بغير اللغة العربية الفصحى مخالف، نرجو منك الالتزام بهذا الشرط، وشكرًا على تفهمك.

منذ 10 أشهر و29 يوم
سؤال حضرتك لما اجى اسحب المبلغ لاول مرة هل ابقي ال100 جنيه الأولى اللى اودعتها بالفيزا زى ما هى ولا اسحب المبلغ اللى متحول من بايبال بالاضافة ل100 جنية اللتى اودعتها؟
منذ 10 أشهر و29 يوم
سؤال اخر ممكن اعرف التواصل مع الدعم ازاى علشان ال5دولار العمولة والمفترض اقولهم ايه علشان يرجعوها
منذ 10 أشهر و29 يوم
شكرا جدا لحضرتك فعلا المقال مفيد جدا ربنا يبارك فيك أخي الحبيب
منذ 10 أشهر و28 يوم
استفت كتير شكران ڵـڱ
منذ 10 أشهر و28 يوم
شكراً جداً لحضرتك وربنا يجازيك خير حقيقي المقال مفيد جداً
منذ 9 أشهر و26 يوم
لدي استفسار لأهل الخبرة

قمت بشراء فيزا البريد المصري كما طرحتم
و قمت بعمل الحساب على البايبال
و في خطوة الربط رفض البنك العملية فتواصلت مع خدمة العملاء لبنك البايبال و ردوا باسرع وقت و قالوا ان مصدر بطاقة الفيزا رفض عملية سحب 1$ لتأكيد البطاقة و طلبوا ان اتواصل مع البريد

تواصلت مع البريد قالوا و بعد عذاب انهم يريدون عملية السحب تكون باليورو و ليس بالدولار !!!!

أنا لا اعرف ما هي المشكلة معهم و كيف اتصرف ؟

فارجو ممن لديهم الخبرة مساعدتي

شكرا لحضراتكم
منذ 9 أشهر و26 يوم
infinitycreations

أولاً : هل قمت بشحن رصيدك فى الفيزا لكى يتم السحب من رصيدها
ثانياً : لا مشكلة فى السحب سواء باليورو أو الدولار لان الفيزا تقوم بتحويل العملة للجنيه وسحب الرصيد منها وبالفعل عند التفعيل يتم سحب مبلغ يقارب من 1.25 يورو .
لذلك حاول مرة أخرى وتواصل مع البريد أن السحب يتم بأى عملة طالما معاملات أونلاين وفى حدود الحد الأقصى المسموح به من الفيزا
منذ 9 أشهر و26 يوم
شكرا جدا علي المعلومات دي
منذ 9 أشهر و26 يوم
شكرا جدا
منذ 9 أشهر ويوم
معلومة مهمة البنك الاهلي المصري لا يتعامل مع الباي بال بسبب الاختراق
منذ 9 أشهر ويوم
منذ اسبوع وتم تعليق ارسال اموال ماهو الحل من فضلكم
ثانيا تم ايقاف مدفوعاتي
منذ 9 أشهر ويوم
mdaasaeed

هل حضرتك بتتكلمى عن حساب الباى بال أم حساب الفيزا ايزى باى أم حسابك بالموقع ؟
منذ 9 أشهر ويوم
متشكر جدا ع المعلومات القيمه دي
انا لسه عاملها انهارده الصبح هيبقي في مشكله لو فعلتها بكرا
منذ 8 أشهر و19 يوم
شرح وافي وكافي ربنا يجازيك كل خير مشيت عالخطوات وبعتت الرساله دلوقتي

مش فاهمه بس النقطه دي
باي بال بيخصم 5$ عمولة على أي مبلغ مهما كان حجمه ولكن ال5$ دي بتقدر ترجعها لو سحبت خلال ال4 أيام الأولى من الشهر، بتكلم الدعم وتطلب منهم يرجعوا ال5$ رسوم التحويل لأنها بتبقى مجانية مرة واحدة أول الشهر.
منذ 8 أشهر و16 يوم
شكرااا لك
منذ 8 أشهر و8 أيام
مرحبا
شكرًا جزيلاً وجزاك الله خيراً على الافاده ،

لدى استفسار ... فىالبدايه كنت أواجه مشكلة في سحب الأموال من خمسات بسبب استخدام بطاقه ماستر كارد ، وبعد ذلك قمت باضافة بطاقة ايزى باى إلى حسابي على Paypal وهي تعمل بشكل مثالي الان وقد استلم حسابي اول دفعه من ارباحى من خمسات والحمدلله.

لكنني الآن أواجه مشكلة جديدة ، لقد حاولت عدة مرات تحويل الأموال إلى بطاقة الايزى باى ، وفي كل مرة يظهر لى نفس الرسالة. تقول "نحن آسفون. لا يمكننا معالجة طلبك الآن. يرجى إعادة المحاولة لاحقًا." لا أعرف لماذا تلقيت هذه الرسالة هل يوجد مشكله بحسابى ام على اولا مخطابتهم لتفيل استقبال وارسال الامول ، هل يوجد احد يواجه نفس المشكله ؟ .. لقد قمت بالاتصال بالبريد مصرى لمعرفة الاسم المصدر للبطاقه وهل مطابق مع اسم حسابى على بايبال ام لا، وكان ردهم ان الاسم المصدر للبطاقه هو اسم شراء عام وليس له علاقه باسمى فقمت بمراسلة خدمة عملاء بايبال واوضحت لهم المشكله وحاليا انتظر الرد ...

شكرا جزيلاً الاخوه والاخوات الكرام
منذ 8 أشهر و8 أيام
هل خمسات تدفع لبايبال غير مفعل
منذ 7 أشهر و28 يوم
ما معني هذه الرسالة


تم إلغاء هذا السحب لأن المعلومات الخاصة بالحساب البنكي أو بطاقة الدفع المربوطة بحسابك على PayPal قد لا تكون ممتثلة للمقتضيات التشريعية الخاصة بمكتب مراقبة الأصول الأجنبية (OFAC) التابع لوزارة الخزانة الأمريكية.
منذ 7 أشهر و23 يوم
شكرا لك استاذ احمد علي هذه المقالة المفيده واللي فيها كل شيء تقريبا ممكن اي شخص يحتاجه
منذ 7 أشهر و22 يوم
شكرا لك اخي
منذ 7 أشهر و16 يوم
شكرا على المعلومات المفيدة.
منذ 6 أشهر و27 يوم

تم حذف هذا الرد من قبل الإدارة لمخالفته شروط موقع خمسات:

يرجى العلم بأن الكتابة بغير اللغة العربية الفصحى مخالف، نرجو منك الالتزام بهذا الشرط، وشكرًا على تفهمك.

منذ 6 أشهر و27 يوم
السلام عليكم
أنا امتلك حساب paypal عليه اموال ولكن مربوط ب فيزا اخري غير البريد و لبنك أخر
هل استطيع ان استخدمها و اربطها بفيزا البريد؟
ولا يشترط حساب paypal جديد
منذ 6 أشهر و27 يوم
وعليكم السلام @kareem896

نعم أخي تستطيع ربط حساب paypal بأكثر من بطاقة فيزا ولا يشترط حساب جديد
منذ 6 أشهر و27 يوم
قمت بتحويل الاموال من بيبال الفيزا البريد المصري ، و لم تصل حتي الان صار لها يومين ..
كم من الوقت يمر حتي تصل الاموال لحسابي في البريد
منذ 6 أشهر و27 يوم
شكرا جزيلا لك
منذ 6 أشهر و21 يوم
لدي حساب Paypal Business منذ اكثر من 5 سنوات عليه 35 دولار - لكن لا توجد عليه فيزا تعمل الان

اود اضافة فيزا البريد المصري عليه
هل لـ Paypal رسوم خلال الاعوام السابقة؟ ام اقوم باضافة الفيزا وانا مطمئن ؟

ارجو الرد
منذ 6 أشهر و18 يوم
السلام عليكم
انا اواجه مشكلة في السحب، فبعد ربط الفيزا لا يمكنني السحب حيث تصلني رسالة من الباي-بال بان العملية تم رفضها من قبل مصدر البطاقة، ولا اعرف كيف اقوم بحل هذه المشكلة، مع العلم اني قد قمت بتفعيل البطاقة وربطها بشكل سليم
فهل يعلم أي احد طريقة لحل هذه المشكلة
منذ 6 أشهر و15 يوم
عندي استفسار في مشكلة فى السحب سواء باليورو أو الدولارلاني كلمت الدعم للبريد المصري وقالي الافضل بالير لانو العمولة بترجعلك مفهمتش شي منهم
ارجو الرد
منذ 6 أشهر و13 يوم
محمد الرباط

لا توجد مشكلة فى عملة الحساب
حيث أننى فى نفس الشهر يتم سحب مبلغ من الباى بال باليورو والدولار وكل منهم يتم تحويله منفصل للفيزا بقيمة الدولار واليورو
بدون أى مشاكل

Mohamed Alaa Eldin

فى الغالب تكون المشكلة من البريد لذلك لابد أن تتواصل معهم وتستمر فى الالحاح للطلب
منذ 5 أشهر و16 يوم

تم حذف هذا الرد من قبل الإدارة لمخالفته شروط موقع خمسات:

يرجى العلم بأن الكتابة بغير اللغة العربية الفصحى مخالف، نرجو منك الالتزام بهذا الشرط، وشكرًا على تفهمك.

منذ شهر و14 يوم
انا لدى فيزا ايزى باى مفعله واستخدمتها فى السحب من باى بال لمده ٤ شهور ولكن هذا الشهر الباى بال ارسل لى رساله ان الفيزا هذا لن يتم تنزيل الأموال أوتوماتيكيا عليها بعد ذلك وأعطانى فرصه لربط حساب باى بال ببنك امريكى او فيزا أخرى وأرسلت لدعم باى بال أسأل عن السبب منتظره الرد وكذلك حاولت التواصل مع البريد المصرى لكن كان وقت الاجازه وطلبوا منى معاوده الاتصال مره أخرى الاسبوع القادم
ما الحل فى هذه المشكله بالمناسبه الحساب عليه ٥٠٠$
منذ شهر و13 يوم
نهاد شعبان

قد يكون السبب هو وجود رصيد أكثر من 500$
حاولى عمل سحب عادى بمبلغ أقل من 500$ وبإذن الله سيتم تنفيذه

لان حدود السحب كانت 500$ فقط
منذ شهر و13 يوم
بارك الله فيك موضوع مفيد جدا
منذ شهر و9 أيام
جزاك الله خيراً ورزقك الجنه
اريد إرسال مبلغ 159 دولار أو 152يورو لشركة ألمانيه...
إستخرجت اليوم فيزا إيزى باى من البريد سألت الموظف عن إمكانية إيداع دولار أو يورو فأخبرنى بعدم إممانية ذلك
فهل يفى ذلك بالغرض إن أودعت ما يعادل المبلغ بالجنيه المصرى مضافاً إليه العمولات بالبريد ؟
وبماذا تنصحوننى؟
منذ شهر و7 أيام
Emad Diesel

الايداع يكون بالجنيه ولابد ان يكون الرصيد يكفى المبلغ المطلوب والعمولة مع الوضع فى الاعتبار أن سعر العملة قد يكون أعلى سعر فى السوق
بالاضافة لعمولة الموقع الذى ترسل اليه الاموال

انا جربت سابقا الشراء عن طريق الفيزا مباشرة وعن طريق الباى بال وكانت المعاملة سليمة وسريعة
منذ شهر و3 أيام
سلام عليكم هل يوجد مشكله حاليا ف ربط فيزا ايزي باي الحديثه 2020 بالباي بال ؟
وهل هي مشكله دائمه ولا مؤقته ؟
وهل يوجد بديل لايزي باي حاليا ؟

أضف تعليق

سجّل دخول لتتمكن من إضافة تعليق على هذا الموضوع.