السلام عليكم ورحمة الله وبركاته
بداية اخواني الكرام أحببت نقل تجربتي هنا نظرا للمشاكل التي يواجهها المصريون مع البايبال وصعوبة استلام الأرباح أو كثرة الخصومات والعمولات أثناء الاستلام، وكما وعدت بعض الزملاء هنا سابقا أن أكتب تجربتي كاملة هنا بعد استلام النقود في يدي
بداية انشاء البايبال ليس بالأمر العسير فيمكن لأي شخص البحث عن موقع بايبال واتباع الخطوات لإنشاء حساب جديد
* انشاء الحساب سهل ولكن لن يتم تفعيل الاستقبال خاصة من مواقع الفريلانس مثل خمسات ومستقل إلا بعد ربط الحساب بفيزا من شركة فيزا وليس ماستر كارد
1. قمت باستحراج فيزا فور يو البنك العربي الافريقي وهذه خطوة سهلة تحتاج إلى صورة البطاقة فقط وشرط السن ( لا اتذكر جيدا كان الشرط 18 سنة ام 21 سنة)
2. رسوم استخراج فيزا فور يو 50 جنيه فقط وتحتاج لشحنها بقيمة 100 جنيه حتى يتمكن بايبال من سحب مبلغ 2 دولار تقريبا ( ملحوظة ال100 جنيه موجودة في الفيزا يمكنك استخدامها في أي عملية شراء عن طريق النت)
3.اتصلت بخدمة العملاء في البنك لتفعيل البطاقة وذلك في نفس اليوم مساء وهذه المعلومة يخبرك بها الموظف الذي يستخرج لك البطاقة
4. قمت بربط البطاقة على بايبال في خانة الأموال الخاصة بذلك
5. قام بايبال بسحب المبلغ للتأكد تقريبا خلال 24 ساعة
6. قمت بالاتصال بخدمة العملاء في البنك واستعلمت عن عملية السحب التي تمت وسجلت رقم العملية ( يسألك موظف خدمة العملاء عن رقم البطاقة والرقم القومى الخاص بك والذي اسنخرجت عن طريقه البطاقة للتأكد منك)
7. سجلت رقم العملية في الخانة المخصصة لذلك لإكمال ربط البطاقة والتفعيل
8. مبروك.... حتى هذه الخطوة أصبح بايبال مفعلا تفعيل كامل بحيث يمكنك سحب أرباحك من أي موقع ربحي إليه
**** ملحوظات هامة: فيزا فور يو غير مهيأة لاستقبال الأموال عليها وإنما للشراء فقط، وبالتالي لن يمكن سحب الأرباح للفيزا نفسها، هي فقط مجرد خطوة لتفعيل بايبال
*** كنت أعتقد أن المشكلة انتهت هنا وأستطيع تحويل الأرباح إلى شخص آخر أعرفه شخصيا وأستلام الأموال منه، لكن عرفت أن بايبال المصري لا يمكن التحويل من حساب لحساب آخر، كما لا يمكن الشراء عن طريق الرصيد الموجود فيه بل لابد من سحب الأموال إلى الفيزا ثم الشراء من رصيد الفيزا، وكما ذكرت في النقطة السابقة فيزا فور يو ليست مهيأة لاستقبال الأموال عليها، بالتالي حتى الآن الرصيد لا زال مقيدا داخل بايبال ولا أستطيع التصرف فيه
9. اخر خطوة تم ربط الحساب البنكي لبيونير ببايبال، وهذه الخطوة استهلكت ما يقارب اسبوعين تقريبا، حيث كان هناك مشكلة في الربط واحتاج الأمر إلى ارسال شكوى لخدمة العملاء في بايبال، والخطأ الذي ارتكبته في البداية وأذكره هنا حتى لا يقع فيه غيري هو أنني ذكرت في الشكوى أنني أواجه مشكلة في ربط حساب بايونير البنكي، حيث رد علي خدمة عملاء بايبال بأن بايونير محظور وذلك للأمان وووووو المهم أنني حاولت مرة أخرى وقدمت شكوى بعدم استطاعتي ربط الحساب البنكي الخاص بي بالموقع وذكرت فقط انه حساب بنكي أمريكي ولم أذكر بايونير في شيء. كان الرد بطلب تأكيد امتلاك الحساب، وتأكيد الهوية فصورت البطاقة الشخصية وأرسلتها، وانتظرت تقريبا اسبوع حتى تم تأكيد ربط الحساب البنكي بحساب بايبال
10. قام بايبال بإرسال حوالتين تجريبيتين للتأكد من امتلاك الحساب البنكي كل واحدة أقل من واحد دولار (نصف دولار أو 0.3 دولار) وطلب مني ادخال قيمة الحوالتبن فأدخلتهما بعد الدخول لحساب بايونير الخاص بي
11. طلبت سحب الرصيد الموجود في بايبال إلى حسابي البنكي ( بايونير) فتم التحويل خلال أقل من 4 أيام تقريبا
12. حينما وصل الرصيد إلى بايونير طلبت سحب الرصيد إلى حسابي البنكي هنا في مصر مع ملاحظة أنه يمكنك ربط بايونير بأي حساب بنكي هنا أعرف أشخاص ربطوه مع حساب في بنك البركة وربطته أنا مع البنك اليوناني
13. استغرق الأمر تقريبا 4-5 أيام حتى وصل الرصيد للحساب البنكي هنا في مصر، وطبعا كان الرصيد بالجنيه المصري،
آخر نقطة أود أن أذكرها في التجربة: بعد حساب الخصومات والعمولات أثناء العملية كلها استلمت صافي المبلغ عن كل دولار تم تحويله 17.58 جنيه مصري تقريبا، في نفس الوقت الذي فيه الدولار بأعلى سعر في السوق السوداء 18.15 قرش وهو فرق لا يذكر بالنسبة لخصومات وكلاء السحب بالنسبة لي شخصيا
وأخيرا أتمنى من ادارة خمسات توفير أي بدائل أخرى أكثر سهولة من البايبال بدلا من هذه التعقيدات خاصة أن بايبال فيه مشاكل في أكثر من دولة عربية وليس مصر فقط وهو الأمر الذي يستحق عناء البحث عن وسائل أخرى
** هذه تجربتي بالتفاصيل في كل خطوة وأتمنى أن تفيد من يعاني في هذا الموضوع وإذا كان لديكم أي استفسارات سأجيب قدر معرفتي بإذن الله
خالص أمنياتي بالتوفيق
عن الموضوع

التعليقات (98)

منذ 6 سنوات و10 أشهر
انا من مصر ومش عارف اسحب الفلوس
منذ 6 سنوات و10 أشهر
الطريقة بالتفاصيل الدقيقة في المقال
لكن نصيحتي لا تفكر في سحب الأرباح حاليا لا زلت بائعا جديدا والمبلغ لا يحتمل الخصومات التي سيتم خصمها
منذ 6 سنوات و10 أشهر
بنك بايونير بيسحب عالبنوك المصريه؟
عندي حساب في بنك مصر
منذ 6 سنوات و10 أشهر
وعندي بنك بايونير COMMUNITY FEDERAL SAVINGS BANK
مربوط مع باي بال
ولا لازم يكون البنك مش مصري؟
منذ 6 سنوات و10 أشهر
معلش لما الفلوس بتوصل ااحساب البنكي بتسحبها ازاي من داخل البنك ولا بفيزا؟ ونوعها ايه ﺍﺍﻓﻴﺰﺍ
منذ 6 سنوات و10 أشهر
بايونير بيسحب على البنوك المصربة حسب علمي بس هتفرق في سعر الدولار من بنك للتاني مجربتش بصراحة
منذ 6 سنوات و10 أشهر
والفلوس بتدخل حسابك عادي لو عايزة تسحبي بالفيزا او تاخدي من الخزنة مش هتفرق زيها زي اي فلوس في حسابك الشخصي
منذ 6 سنوات و10 أشهر
شكرا مريم
منذ 6 سنوات و10 أشهر
العفو
وبالتوفيق بإذن الله
بس سؤال هو مش حضرتك اللي كنتي مفعلة بايبال بفيزا كريدت البنك الاهلي ولا انا نسيت
منذ 6 سنوات و10 أشهر
اه كلامك صح لكن الاهلي حظر الباي بال 17 ابريل اللي فات
منذ 6 سنوات و10 أشهر
للأسف مفيش حاجة بتستمر في مصر
أنا كنت ناوية أطلع فيزا كلاسيك دي...
خير الحمد لله
منذ 6 سنوات و10 أشهر
ألف مبروك يا مريم عقبالنا يا رب
انا متابعاكي من ساعتها ربنا يوفقك يا حبيبتي
منذ 6 سنوات و10 أشهر
الله يبارك فيكي يا رميساء وعقبالك بإذن الله
أنا فاكرة فعلا انك طلبتي اكتب التجربة هنا بعد ما استلم الفلوس
منذ 6 سنوات و10 أشهر
الف مبرووك وبالتوفيق ..يارب تنفع الطريقة لأنها تتوقف على باى بال
وشكرا على نقل تجربتك
منذ 6 سنوات و10 أشهر
الله يبارك في حضرتك
وبإذن الله تنفع وربنا ييسر للجميع أمورهم
العفو أ. محمود
منذ 6 سنوات و10 أشهر
ألف مبروك .. وشكرا ليكي لنقل تجربتك
ربنا يوفقك لكل خير يا رب
منذ 6 سنوات و10 أشهر
الله يبارك فيك أ. طارق
العفو وبالتوفيق للجميع
منذ 6 سنوات و10 أشهر
شكرا علي المساعدة استاذة مريم

بس انا عندي لحضرتك سؤال
انا جربت قبل ما اشوف البوست بتاع حضرتك اسحب فلوس علي باي بال ومنفعش
انا رابطه ببايونيير, مربوط ومتفعل كمان بحساب ال global payment service بالدولار
ومربوط بفيزا ال Credit Gold CIB وبالتالي حسابي في البنك في ال CIB

بس مرضاش يحول .. بعد تأكيده في ناس جربت تحولي عليه منفعش
سؤالي هو, الفرق ما بين خطواتي وخطوات حضرتك ( انا حولت علي بايونيير من سكريل قبل كده واستخدمته كتير وشغال ) انا بنكي مصري مش عربي ولا افريقي ( البنك العربي الافريقي مش مصري ) دي حاجة, تاني حاجة انا حساب باي بال بتاعي الدولة فيه مصر .. يمكن ده المشكلة انه مش عايز يبعت الفلوس ؟

وعلي فكرة انا كنت قريت وده حصل فعلا مع بعض الناس حساباتهم الي مربوطة ببايونيير اتمسحت عشان باي بال لاغي الربط مع اي حساب افتراضي من 27 اغسطس 2015 ولقيت الكلام ده فعلا اكيد. حتي لو مكتوب First Century bank زي ما بيتربط

ارجو ان حضرتك تفيديني يمكن انا ناقصني حاجة
منذ 6 سنوات و10 أشهر
انا خدت بالي, كل خطوات حضرتك هتنفع بس مع حساب مربوط بفيزا مش بماستر كارد, انا عندي فعلا ماستر كارد
شكرا لحضرتك علي الافادة وهجرب وربنا ييسر من عنده
منذ 6 سنوات و10 أشهر
العفو أ. محمد فعلا مشكلة حضرتك في التفعيل بفيزا مش ماستر كارد ودي بس اللي بتفعل بايبال المصري لو حساب حضرتك تقدر تطلع عليه فيزا (فيزا) مش ماستر يبقى تمام بمجرد ما تطلعها وتربطها بايبال تقدر تستقبل عليه ولو مش هينفع يبقى فيزا فور يو افضل وارخص حل في الوقت الحالي بإذن الله
منذ 6 سنوات و10 أشهر
سمعت ان حضرتك ممكن تربط باي بال بفيزا البنك العربي مثلا وبعدين تخليها الفيزا الاساسية ممكن تتحل المشكلة
منذ 6 سنوات و10 أشهر
شاكرين لشرح حضرتك الوافي بس اسمحلنا نتواصل مع حضرتك لما البليه تمشي شويه ونبيع اصل الواحد لسه مصنف بائع غلبان
مع اني مفهمتش ولاوحاجه من الكلام ده انما اسمحلنا نتواصل معاكي وتفهمينا بالتفصي لما نحتاج لذلك
شكرا لمعاليكي
منذ 6 سنوات و10 أشهر
أ. وليد بالتوفيق لحضرتك باذن الله
وفي اي وقت تحتاج تعرف حاجة تحت امرك
بس نصيحة مني عشان تبيع محتاج تنوع خدماتك مش كفاية خدمة واحدة بس
منذ 6 سنوات و10 أشهر
د. مريم
أولا شكرا لتعبك وشرحك الوافي لطريقة التفعيل
ثانيا: ممكن تقوليلنا اتكلف كام الموضوع ده كله؟ بداية من استخراج الفيزا وبعدها بايونير، يعني كام المبلغ اللي محتاج أدفعه ف الأول لو هعمل نفس الخطوات دي قبل م أستلم اول مرة؟ وايه الرسوم الشهرية أو السنوية المحتملة لخطوة زي كده
تحياتي،
منذ 6 سنوات و10 أشهر
اختى الكريمة مبروك مقدما ولكن بايونير مصاريفها كثيرا
منذ 6 سنوات و10 أشهر
شكراً لك على الشرح الوافي.

سؤال من فضلك، بعد استلامك الأموال في يدك كاش (بعد خصم كُل العمولات) ... كم أصبح وقتها سعر كُل دولار مقابل الجنيه ؟؟

وشكراً.
منذ 6 سنوات و10 أشهر
Dr.Yousab
المصاريف كلها 150 جنيه للفيزا فور يو ومنهم 100 جنيه موجودة في الفيزا ممكن استخدامها في الشرا اون لاين يعني يعتبر 50 جنيه بس لكن بايونير مجاني ومفيش رسوم سنوية حتى الان على حد علمي لا على الفيزا ولا بايونير
أ. محمود
الله يبارك في حضرتك لكن مصاريف بايونير على بطاقة الماستر كارد بتاعتهم انا مش محتاجاها لاني بحول من الحساب البنكي لبيونير للحساب البنكي هنا في مصر من غير ماستر ومطلعتهاش اصلا بالتالي الموضوع مش مكلف إطلاقا بالنسبة للخيارات التانية وانا حسبت كل الخصومات والعمولات من اول ما خرج الرصيد من خمسات لحد ما مسكت فلوس في ايدي لقيت كل دولار خرج خدت قصاده 17.58 جنيه وده مش قليل اطلاقا
أ. محمد محسن
الدولار استلمت عنه 17.58 جنيه بعد حساب كل الخصومات سواء من بايبال او بايونير او البنك نفسه وانا ذكرت ده في الموضوع نفسه بس اعتقد انها ممكن تختلف شوية من بنك للتاني ومن وقت حسب سعر الدولار في البنك يوم التحويل لكن هتبقى في نفس الرنج تقريبا مع العلم ان يوم ما استلمت الفلوس كان اعلى سعر للدولار 18.15
منذ 6 سنوات و10 أشهر
تمام انا حولت مبلغ من باي بال لبايونير قبل تفعيل الحساب وقالى ان العملية اكتملت
وبعد ذلك ظهر حوالتين في بايونير وادخلت الرقمين وقمت بتفعيل الحساب على بايونير
بس المبلغ ال حولته لم يظهر بعد مع ان العملية اكتملت؟؟؟
منذ 6 سنوات و10 أشهر
المبلغ بياخد في حدود 3 ايام عشان يوصل بايونير
بس سؤال انت حولت المبلغ قبل ما تأكد التفعيل بقيمة الحوالتين؟
منذ 6 سنوات و10 أشهر
بالظبط وقالى العملية اكتملت
منذ 6 سنوات و10 أشهر
مش عارفة بصراحة النقطة دي انا محولتش الا بعد تأكيد التفعيل بقيمة الحوالتين
وقت ما يوصل المبلغ يا ريت حضرتك تعرفنا للاسنفادة
منذ 6 سنوات و10 أشهر
تمام باذن الله
منذ 6 سنوات و10 أشهر
تمام الحمد لله تم تفعيل الحساب ع بايونير والفلوس وصلت بعد التفعيل الحمد لله والان بتتحول للبنك ان شاء الله
منذ 6 سنوات و10 أشهر
شكرا دكتورة مريم على تجربتك الرائعة ... تحياتى لك
منذ 6 سنوات و10 أشهر
برجاء افادتي من أصحاب الخبرة
عندما حاولت تفعيل بايبال بحساب بايونير ... وراسلت الدعم هناك برقم الحساب على أنه بنك امريكي وليس باي بال
جاء الرد كما في الصورة بأنهم لا يدعمون بايونير ... فهل هناك حل ؟

https://suar.me/ey3d
منذ 6 سنوات و10 أشهر
هذا نص الرد

Inbox(1)

From: stkana4-MENAEdit
RE: Bank Account - Add/Remove/Edit
5/17/2017 at 10:09 AM



Dear Mohab Ashry,

Thanks for contacting PayPal regarding adding a Virtual Bank account to your PayPal account.



My name is Iheb, and it’s my pleasure to help you today, you've put you trust in us, and our purpose is to keep your account running smoothly.

I have reviewed your account and I can see that in 2014 we used to accept Payoneer but since we have had lot of issues dealing with the virtual banks we stopped dealing with them.
Payoneer website provides different accounts with different bank names. The Real American Banks have stable flow of information, the same name, the same information and the same procedure. Updates on their websites has no influence on the funds and financial information in the accounts.

To avoid any inconvenience that comes out of the random updates, we stopped accepting Payoneer accounts along with all other virtual banks.



I hope I was hel
منذ 6 سنوات و10 أشهر
الرسالة تقول ان بايبال اوقفت التعامل مع البايونير والبنوك الافتراضية
منذ 6 سنوات و10 أشهر
أ. جلال
ألف مبروك وبالتوفيق بإذن الله
أ. محمود
العفو وشكرا لحضرتك
Dr. Yousab
مش عارفة بصراحة انا لما حاولت اضيفه من غير ما اجيب سيرة بايبال اتقبل عادي بس طلبو اثبات هوية
منذ 6 سنوات و10 أشهر
لطالما عانيت الكثر من بيبال . لذالك لا يوجد الا حل واحد . العمل مع وكاله الحولات الماليه . يأخذ 10% خومت فقط . وتحويلها الى حسابى الفودافون . هذا طبعا افضل اذا كنت فى بدايه العمل على خمسات .
.
فأنا افضل العمل مع الحوالات افضل من خصومات بيبال بكثير
منذ 6 سنوات و10 أشهر
بصراحة الموضوع معاناة .. وكل فترة الواحد يجيله شغل على مستقل او خمسات او مواقع اخرى من نفس النوع الواحد بيتعب نفسيا بسبب فكرة استلام الفلوس وخصوصا في مصر وخصوصا كل ما يمر الوقت بدل ما الامور تتسهل لأ دي بتبقى اصعب عكس كل الدنيا
بصراحة الواحد تعب باي بال وبايونير وكل الحلول الخاصة باستلام الفلوس .. مش عارف بصراحة ايه الحل
انا حاولت دلوقت على باي بال وبعتلهم بيانات حساب بنك امريكي من بايونير ومش عارف هتظبط معايا ولا لأ وقولتلهم انه حساب بنكي امريكي .. اتمنى انها تظبط معايا حسب ما فهمت من كلامك انك عملتي نفس الخطوات
منذ 6 سنوات و10 أشهر
بإذن الله تظبط مع حضرتك أ. كريم ونتمنى ان الدنيا تبقى اسهل شوية وتتوفر بدايل تانية اسهل
منذ 6 سنوات و10 أشهر
السلام عليكم
أرجو الرد عليّ من فضلك دكتور ولكِ جزيل الشكر.
هل إذا ربطت حساب البايونير بحساب بنكي في مصر ومن ثم ربط بايونير ببايبال، أستطيع سحب الأموال من بايبال؟
منذ 6 سنوات و10 أشهر
وهل عندما ربطتي البايبال بالبيونير استخدمتي رقم الحساب ورقم التوجيه البنكي الحقيقي لبايونير أم أرقام وهمية في البداية؟
منذ 6 سنوات و10 أشهر
نعم يمكنك ربط بايونير مع بايبال عن طريق رقم الحساب ورقم التوجيه البنكي الحقيقي لبيونير وهو ما قمت به في تجربتي
ونعم أيضا ربطت بايونير بحساب بنكي في مصر وسحبت الرصيد إلى حسابي البنكي هنا
منذ 6 سنوات و10 أشهر
شكرًا جزيلًا. طيب هل من الضروري أن يكون بحساب بايبال رصيد؟
منذ 6 سنوات و10 أشهر
العفو
وطبعا لابد من وجود رصيد في بايبال وقت ربطه بالحساب البنكي لبيونير ليتمكن من تحويل مبلغي التأكيد للحساب وذكرت ذلك في الموضوع
منذ 6 سنوات و10 أشهر
طيب لماذا لم تحولي رصيدك في خمسات إلى بايبال ليتوفر لك المال الضروري للتنشيط بدلًا من شراء بطاقة فور يو؟
منذ 6 سنوات و10 أشهر
خمسات او شركة حسوب عموما لا تحول الأرباح إلى بايبال إلا إذا كان مفعلا والبايبال المصري تفعيله يحتاج إلى بطاقة فيزا وليس ماستر كارد لتفعيله ولذلك فعلته بفيزا فور يو وليس الغرض منها هو شحن البايبال فقط التفعيل لأتمكن من تحويل الأرباح إلى البايبال
منذ 6 سنوات و10 أشهر
شكرًا جزيلًا دكتور.
منذ 6 سنوات و10 أشهر
العفو وبالتوفيق بإذن الله
منذ 6 سنوات و10 أشهر
السلام عليكم أولًا شكرا على طرح الموضوع الل أنا استفدت منه جدًا
ثانيًا عندي كذا إستفسار :
إزاي أعمل حساب بايونير من غير مايبعتوا ليا فيزا زي ما حضرتك عملتي هل فيه حاجة معينة بعملها وأنا بسجل ...
وأنا بعمل حساب بايونير بيطلب مني إني أربط الحساب بفيزا ودا إجباري على فكرة ممكن دي حاجة لأن مش هينفع أسجل قبل ما أربط بفيزا
هل ممكن يكون فيه بنك عربي بيقبل Paypal مباشرة بدون اللفة بتاع التحويل لبايونير ومنه للحساب العربي
الحساب في أي بنك عربي بيتكلف كام سنويُا
ممكن أفعل Paypal بــ بايونير ولا لا ،أو ممكن لو بايونير مش هينفع أفعله من خلال فيزا البنك الل عامل خاسب فيه وشكرًا جزيلًا
منذ 6 سنوات و10 أشهر
وعليكم السلام ورحمة الله وبركاته

بالنسبة لحساب بايونير هو بيطلب انك تربطه بحساب بنكي حقيقي أثناء التسجيل، ومش شرط خالص موضوع استخراج الفيزا، والأفضل انك تسجل عن طريق ريفيرال لحد تاني عشان تاخد الهدية 25 دولار

بالنسبة لبنك عربي يتربط بالبايبال مباشرة، على حد علمي مفيش في مصر ومعرفش في البلاد التانية ايه

تفعيل بايبال ببايونير اتقفل بردو على حد علمي خصوصا البايبال المصري لازم تفعله بكارت فيزا الأول وضروري تكون فيزا مش ماستر كارد زي ما كتبت في الموضوع
منذ 6 سنوات و10 أشهر
يعني لو مفيش حساب بنكي مش هقدر اعمل بايونير ؟؟
منذ 6 سنوات و10 أشهر
في ناس بتقول بتعمله من الموبايل مبيطلبش خطوة الحساب البنكي بس مجربتش بصراحة..
بس لو حضرتك هتعمله من غير حساب بنكي ومن غير ما تطلب الفيزا لزمته ايه؟
منذ 6 سنوات و10 أشهر
لا أنا أقصد إني أعمل حساب بايونير وبعدين بعد كدا أبقا أعمل حساب بنكي وأربط الإثنين ببعض
منذ 6 سنوات و10 أشهر
ممكن تجرب موضوع الموبايل ده قرأت عن ناس سجلت كدة وبعدين لما عملوا الحساب البنكي ربطوه بس انا شخصيا مجربتش
منذ 6 سنوات و10 أشهر
شكرًا جزيلًا
منذ 6 سنوات و10 أشهر
العفو وبالتوفيق بإذن الله
منذ 6 سنوات و9 أشهر
شكراا على المقال الاكثر من رائع
منذ 6 سنوات و9 أشهر
العفو أخي الفاضل وبالتوفيق بإذن الله
منذ 6 سنوات و8 أشهر
شكرا على مشاركة التجربة .
ولكن هل تسير الأمور على ما يرام حتى الأن ؟ أم أن هناك مستجدات ؟
منذ 6 سنوات و8 أشهر
شكراً ليك
وشكراً علي المقاله الممتازه
منذ 6 سنوات و8 أشهر
مشكور على هذه الإفادة
أكيد التجربة دى هتفيد ناس كتير
و جزاك الله خيرا
منذ 6 سنوات و8 أشهر
أرجو توفير وسترن ينيون لتحويل الأموال واستلام الأرباح . هيكون أسهل بكثير جدا
منذ 6 سنوات و7 أشهر
أ. محمد خالد
الامور كما هي حتى الان وسحبت أرباحي بنفس الطريقة قبل اسبوعين تقريبا لكن للاسف قرأت مقالا هنا حول جنسية بنك بايونير وانه إسرائيلي
لم أتأكد بعد ولكن حال تأكد المعلومة سيكون علي البحث مجددا عن طريقة أخرى للاسف
أ. علي
العفو سررت بمرورك
أ. أحمد خلف
بالتوفيق بإذن الله ولكن جاري التأكد من هوية بايونير
أ. محمد سامي
أضم صوتي لصوتك وبشدة فلابد من حل للمشاكل التي يواجهها المصريون مع البايبال
منذ 6 سنوات و7 أشهر
هل تم التأكيد من هوية بايونير؟
منذ 6 سنوات و7 أشهر
أنا عضو جديد فى مجتمع خمسات
و لكنى خائف فعلا من كثرة مشاكل سحب الفلوس
يرجى الأهتمام من الأدارة لوضع طريق سحب أخرى أكثر سهولة و يمكن تطبيقها فى مصر
منذ 6 سنوات و7 أشهر
السلام عليكم ورحمة الله وبركاته
اولا : شكرا لحضرتك على هذا المقال المفيد جدا لكثير من الناس وجزاكى الله كل خير على هذا المقال
ثانيا: انا معاكى ماستر كارد من بايونير بس مش راضيه تتفعل بالبابيال مش عارف السبب حاولت ربطها بببعض لكنهم كان بيقولى غلط
ثالثا : لازم افعل البايبال فيزا من بنك مصرى الاول وله ممكن عن طريق بايونير وله لازم بايبال يتفعل من فلوس موجوده فى الفيزا الاول
ولكى جزيل الشكرا
منذ 6 سنوات و7 أشهر
طيب أخي اي البنوك التي يمكن أن اربطها بالبايونيير، وهل يجب أن أقدم أو افعل شيئا للبنك أو اتواصل معه قبل أو بعد عملية الربط بالبايونيير
منذ 6 سنوات و7 أشهر
اى فيزا من اى بنك مثل (الاهلى او بنك مصر)
لا مش لازم تتواصل مع البنك بتفعل الفيزا ومش بتاخد وقت كبير على ما اتذكر 3-7 ايام تقريبا
منذ 6 سنوات و7 أشهر
هو ينفع اربط خمسات بباي بال مثلا اخويا في السعودية ؟ يعني هو هيفتح حساب هناك وهيستقبل الفلوس
منذ 6 سنوات و7 أشهر
أ. أحمد خلف
للاسف لم اجد ما يؤكد او ينفي هوية بايونير الا موضوع قديم عثرت عليه صدفة هنا في مجتمع خمسات يتحدث عن انه بنك اسرائيلي ولا اعرف الحقيقة
أ. نور
بالفعل نحتاج إلى طرق أخرى أيسر في التعامل في مصر
أ. محمد حسين
التفعيل كان بطاقة فور يو البنك العربي الافريقي من اجل تفعيله للاستقبال اما سحب الأرباح من خلال بايونير فتم عن طريق الحساب البنكي لبيونير وليس البطاقة الخاصة به والتفاصيل موجودة في المقال
أ. مصطفى
اعتقد ان اي بنك يستقبل من بايونير انا استقبلت على بنك البركة واعرف اشخاصا استقبلوا على بنك فيصل
لا تحتاج إلى مكالمات او تواصل مع البنك قبل الربط ببايونير اطلاقا كل ما تحتاجه هو رقم حسابك الشخصي في البنك ورقم السويفت الخاص بالفرع وهذا يمكنك معرفته بالبحث عنه في مواقع النت وعنوان الفرع الذي سجلت فيه
أ انس
مش اي فيزا بتفعل البايبال
أ. محمود رمضان
خمسات لا يمكن السحب منها الا عن طريق بايبال او وكيل واذا تمكنت من فتح وتفعيل حساب بايبال يمكنك السحب عليه
منذ 6 سنوات و7 أشهر
بالفعل انا هتعامل مع بايبال بس يعني يهبقا باسم اخويا او المقصد هل ينفع اربط مثلا حساب بيبال باسم اخويا في السعودية بخمسات هنا ؟؟ وانا في مصر

علي اساس يعني العملية النهائية (( خمسات الي بيبال مش خاص بيا بس خاص باخويا واخويا يتصرف ويصرفها من بنك سعودي مثلا ؟؟ )))
منذ 6 سنوات و7 أشهر
اعتقد ينفع طالما الحساب مش مربوط بحساب تاني في خمسات وممكن تتأكد بفتح تذكرة للدعم الفني
منذ 6 سنوات و7 أشهر
طبعا مش مربوط هو اصلا ميعرفش طريق خمسات :D
القصد هنا ما مدي مرونه البنوك السعودية مع البيبال ؟؟ لو عندك فكره يعني
منذ 6 سنوات و7 أشهر
اعتقد ان السعودية الدنيا فيها اسهل كتير في البايبال بدليل ان محدش اشتكى خالص من السعودية وممكن تتأكد بطرح موضوع يفيدك فيه الناس المقيمين في السعودية عن نوع البطاقة او البنك اللي ممكن يفعل البايبال
منذ 6 سنوات و7 أشهر
بارك الله فيكي ووففقك دائما يا استاذه مريم
منذ 6 سنوات و7 أشهر
وبارك فيك
بالتوفيق بإذن الله
منذ 6 سنوات و7 أشهر
السلام عليكم

اسمحي لي بسؤال، ما هو البنك الأمريكي الذي قمت حضرتك بربطه بالبايبال و مقدماً من بايونير؟

تحياتي؛
منذ 6 سنوات و6 أشهر
في بايونير يوجد تفاصيل الحساب البنكي
منذ 6 سنوات و6 أشهر
أنا أعلم أن في بايونير توجد تفاصيل الحساب البنكي، عفواً، أنا لا أسأل عن التفاصيل، أنا أسأل عن أسم البنك فقط، بايونير يستخدم حسابات في عدد من البنوك الأمريكية، يعطي كل مشترك حساب في أحد هذه البنوك، السؤال: ما هو ( أسم ) البنك الذي قدم بايونير حسابه لحضرتك؟، أرجو أن يكون قد وضح سؤالي.

تحياتي؛
منذ 6 سنوات و6 أشهر
لا اعرف صراحة هذه النقطة وكنت أحسب ان الاسم واحد لكل الحسابات
ممكن تقصد Global payment service التي تحوي معلومات الحساب
منذ 6 سنوات و6 أشهر
الدخول إلى حساب بايونير الخاص بكِ،
من قائمة: Receive / استلام
أختيار: Global Payment Service
تحت عنوان: USD Receiving Account / حساب استقبال بالدولار الأمريكي
يوجد: Bank Name / اسم البنك

تحياتي؛
منذ 6 سنوات و6 أشهر
استاذة مريم

تحياتي ليكي
قرأت حاجة وحبيت ارد علي حضرتك بس
عشان انا دورت قبلك في نفس الموضوع
بنك بايونير مش اسرائيلي .. مؤسس الشركة فقط الي كان راجل يهودي عايش في اسرائيل وحاليا هي مؤسسة أمريكية عالمية وليها فروع في كذا دولة وفي عرب كتير شغالين فيها حتي سفير بايونيير في مصر راجل مصري عندي علي الفيسبوك .. المؤسسة مقرها في نيو يورك وليس في تل ابيب

الي اسرائيلي فعلا وانا مش شغال ولا هشتغل فيه موقع Fiverr ومقرهم في تل ابيب

وبالمناسبة انا عملت كل الخطوات الي حضرتك قلتي عليها فاضلي بس فيزا فور يو وهطلبها قريب ان شاء الله :) شكرا ليكي مرة تانية
منذ 6 سنوات و6 أشهر
الف مبروك اخى الكريم
لكن المشكلة هى ان بايونير الان يطلب مبلغ 30$ لكى تصلك الماستر كارد الخاصة بهم
تحياتى لك
منذ 6 سنوات و6 أشهر
معلش يا اختى انت بعتى 51وبعد خصومات خمسات يبقى معاكى 204$ فى موقع خمسات انت استقبلتى اموالك كام دولار بعد التحويل لبايبال ولبياونير وللبنك المبلغ النهائى بالدولار كام ؟؟
منذ 6 سنوات و6 أشهر
تجربة ممتازة شكرا لمشاركتك
منذ 6 سنوات و6 أشهر
مريم سرور
اختي الكريمة فقط سؤال حسابك البنكي في بايونير اسمه
First Century Bank
ام
Community Federal Savings Bank

شكرا لكِ
منذ 6 سنوات و6 أشهر
استاذ Aladdin

انا كنت شفت فيديو بيقولو فيه ان حساب First Century مش هيشتغل وان الي هيشتغل فقط حساب Community Federal Savings

حضرتك ممكن تطلب من الدعم الفني لبايونيير حساب Federal savings باسمك وهيعملوه, انا عملت كده فعلا وعملوه في خلال اسبوع

مش متأكد first century شغال ولا لا بس معتقدش لاني ربطه واتمسح قبل كده
منذ 6 سنوات و6 أشهر
Emmo13
حسابي فتحته حديثا في بايونير اسم البنك First Century Bank للاسف فشل ربطه في باي بال وعند التواصل مع باي بال قالي لم يعد يقبل بايونير من 2014

ايضا عن التواصل مع بايونير في الشات المباشر لتغيير بيانات حسابي البنكي للبنك الاخر Community Federal Savings Bank رفضو ذلك وقالو غير ممكن
منذ 6 سنوات و6 أشهر
انت مش بتغير بيانات حسابك انت بتطلب حساب بنكي جديد Community Federal Savings ولما بتفعله بالباي بال خلي بالك ان لازم يكون اسمك في بايونيير وباي بال مطابق. تغيير الاسم سهل هتكلم الدعم الفني هنا او هناك

والربط سهل انت بتربط باستخدام الارقام الموجودة وبيبعتلك بعد كده لما تعمل Verify مبلغين صغيرين بتكتبهم

اطلب البنك من بايونيير متطلبش تغيير بياناتك .. ولما تكلم باي بال ( مش هضطر تكلمهم عشان تفعله انا مكلمتهمش وفعلته عادي ) متجيبش سيرة بايونيير خالص .. قول حسابي الامريكي

وان شاء الله مش هضطر بعد ما تعمل Community Federal Savings
منذ 6 سنوات و6 أشهر
بسم الله الرحمن الرحيم

أتمنى من مؤسسة حسوب وضع بدائل لموقع باى بال لمشاكله الكثيرة
و لهذه المشاكل كل اعمالى اديرها خارج خمسات و مستقل و لا أقوم بنشر رابط حسابى فى مستقل و خمسات لعملائى
للعمل معى من داخل مستقل و خمسات لخوفى من عدم حصولى على ارباحى من باي بال
منذ 6 سنوات و5 أشهر
اولا : شكرا على المقال الرائع المفصل .

ثانيا : هو ممكن احصل على فيزا فور يو من البنك الاهلى او من بنك cib وهو اقدر افعلها مع بايبال ولا لا
هو انا يعتبر ما ليش فلوس على خمسات لكن ليا على مستقل .

لو سمحتى ممكن تردى تفيدينى اكتر فى الموضوع دا .
منذ 6 سنوات و5 أشهر
مقال جميل جدااااااا .. بس هل هناك طريقة أسهل ؟

وهل هذه الطريقة تستخدم حاليا ام اتلغت أيضا ؟
منذ 6 سنوات و5 أشهر
مقال مفيد حدا شكرا على التجربة ديه
منذ 6 سنوات و5 أشهر
لسحب الأرباح ببطاقة مصرية عبر البايبال المصري يمكنكم الاطلاع على الشرح المفصل هنا:
https://khamsat.com/community/stories/278440
منذ 6 سنوات وشهر
محتاجة اعرف جديا ايه الفيزا اللى فى مصر احول منها على حسابي البنكى مباشرة مش اسحب من الماكينات
منذ 6 سنوات وشهر
للاسف مش فاهم اي حاجة ومضطر الجأ لوكلاء الحوالة بس خايف ابعت الفلوس متوصلنيش او يتخصم منها كتير وبالنسبة للبايبال مش عارف اعملو خالص ياريت اللي عنده حل يقولي اعمل اي
عن الموضوع