من سكريبت إلى فيديو احترافي أمام الكاميرا | تجربة
من سكريبت إلى فيديو احترافي أمام الكاميرا | تجربة
حبيت أشارك معاكم تجربة من آخر المشاريع اللي اشتغلت عليها هنا في خمسات والحمد لله حصلت على تقييم 5 نجوم من العميل بعد تسليم العمل
المشروع كان عبارة عن تصوير فيديو لقناة رياضية على اليوتيوب اسمها Mikasa والعميل كان محتاج شخص يظهر بنفسه قدام الكاميرا ويقدم محتوى عن قصص وأحداث مثيرة في عالم كرة القدم بأسلوب مشوق يخلي المشاهد يكمل الفيديو للآخر
العميل بعتلي السكريبت وفيديو مرجعي للأسلوب اللي محتاجه وبدأت أشتغل على تنفيذ الفيديو بالشكل المناسب لطبيعة القناة والجمهور المستهدف
وبحكم شغلي في مجال صناعة المحتوى والتصميم والتسويق الإلكتروني لأكتر من 5 سنين كنت حريص إن الموضوع ميكونش مجرد قراءة سكريبت قدام الكاميرا وخلاص
ركزت على طريقة الإلقاء وتعبيرات الوجه ولغة الجسد وتغيير نبرة الصوت حسب كل جزء في القصة، وكمان اهتميت بزاوية التصوير والإضاءة والخلفية علشان الفيديو يطلع بشكل احترافي ومناسب للمحتوى
ومن الحاجات اللي بحبها في النوع ده من الشغل إنه بيجمع بين أكتر من مهارة زي التصوير والتقديم وفهم الجمهور وطريقة توصيل المعلومة بشكل بسيط وممتع
والحمد لله قدرت أنفذ الفيديو وأسلمه للعميل وحصلت منه على تقييم 5 نجوم وكتب في التقييم "شكرًا لك، أخ أحمد"
يمكن التقييم بسيط في كلماته لكنه بيفرق معايا جدًا وبيكون دافع إني أطور من نفسي وأقدم شغل أفضل في كل مشروع جديد
حبيت أشارك التجربة دي معاكم خصوصًا إني مهتم بتصوير الفيديوهات الإعلانية UGC وصناعة المحتوى وتقديم الفيديوهات أمام الكاميرا وبحاول أطور نفسي باستمرار في المجالات دي
ويشرفني أسمع آراءكم وملاحظاتكم على الشغل وأتمنى التجربة تكون مفيدة لأي حد بيبدأ في مجال صناعة المحتوى أو التصوير
بالتوفيق لينا جميعًا
https://mostaql.com/portfolio/3865916-تصوير-وتقديم-فيديو-احترافي-أمام-الكاميرا-لقناة-رياضية-على-يوتيوب
التعليقات (3)
