مش مجرد CV.. رحلة بدأت بـForm وانتهت بوظيفة
مش مجرد CV.. رحلة بدأت بـForm وانتهت بوظيفة
وده خلاني أحب أشارك معاكم مشروع جديد اشتغلت عليه مؤخرا
العميل كان خريج كلية العلوم – قسم الكيمياء، وكان هدفه إنه يقدم على وظائف في مجاله، فبدأنا الأول من أهم نقطة:
إيه الـJob Title اللي هيقدم عليه؟
بعدها بعتله Form يجمع فيه كل بياناته وخبراته ومؤهلاته، وبدأنا نتناقش في تفاصيل الـCareer Path بتاعه، وإيه اللي محتاج يتقوى، وإيه اللي ينفع يظهر في الـCV وإيه لأ.
وأثناء الشغل اكتشفت إن عنده نقص في بعض الشهادات والخبرات العملية، فمش اكتفيت إني أكتب الـCV وخلاص.
رشحت له مصادر ومواد يتعلم منها، وكلمت أصدقائي اللي شغالين في نفس المجال، وخدت منهم Materials مفيدة وبعتها له عشان يطوّر نفسه ويقوّي موقفه في المجال.
بعد كده اشتغلنا على الـCV، وعملته بشكل متوافق مع أنظمة ATS ومناسب للوظائف اللي هيقدّم عليها.
وطبعا بعد التسليم، حصلت شوية تعديلات وملاحظات، واشتغلنا عليها مع بعض لحد ما وصلنا للنسخة المناسبة.
وبعد الـCV، بدأنا في Cover Letters.
وهنا كان عنده تحدي مهم جدا:
هو نفس المجال والوظيفة تقريبًا، لكن الـJob Title بيختلف حسب المكان.
يعني نفس المهام ممكن تتسمى بشكل مختلف في مصنع، أو شركة، أو معمل.
فبناء على الوظائف والأماكن اللي كان بيستهدفها، جهزت له Cover Letters مخصصة تناسب كل نوع من الوظائف بدل ما يستخدم خطاب واحد للجميع.
والحمد لله، أكتر حاجة فرحتني في المشروع ده إن الـCV اللي اشتغلنا عليه وصله فعلا للـInterview.
والأجمل من كده؟
إنه حاليا شغال في المكان اللي كان نفسه يشتغل فيه.
وده بالنسبة لي من أحسن النتائج اللي ممكن أشوفها في شغلي.
لأن ببساطة، أنا لما بعملك CV، هدفي مش إني أعمل لك ملف شكله حلو وخلاص.
وظيفتي إني أوصلك للـInterview.
من لحظة ما الـCV يوصلك للـInterview، الكرة بقت في ملعبك أنت.
ومش بس وقفت عند كده، لكن كمان رشحت له مصادر ومواد تساعده يطوّر نفسه، ووضحت له إيه المهارات اللي محتاج يقويها، والأهم إني شرحت له إزاي يضيف أي شهادات أو خبرات جديدة للـCV بنفسه بعد كده، عشان مايبقاش مضطر يدفع كل مرة مقابل تحديثات.
وده أصلًا جزء من طريقتي في الشغل:
مش هدفي أبيع لك CV وبس، هدفي أساعدك تبني CV يكمّل معاك ويكبر معاك.
فلو بتدور على CV احترافي، متوافق مع ATS، ومبني على الوظيفة اللي فعلا ناوي تقدم عليها،
متنساش تتواصل معايا.
التعليقات (1)
