لما بتعمل تعديل في المتجر بتاعك—سواء غيّرت ترتيب المنتجات، أو نزلت تصميم جديد، أو عملت فكرة عرض جديدة—غالباً بتستنى تشوف المبيعات زادت ولا لأ.

بس المشكلة هنا: هل الزيادة دي بسبب التعديل اللي عملته فعلاً؟ ولا عشان الموسم؟ ولا مجرد صدفة؟

كتير من القرارات بتتاخد بالتخمين أو بـ "إحساسنا"، وده بيكلف فلوس كتير من غير ما نعرف السبب الحقيقي للنتيجة.

في آخر مشروع اشتغلت عليه (محاكاة تحليل بيانات لشركة كوانتيوم العالمية)، اشتغلت على نفس المشكلة دي بالضبط وقدرت أحلها على مرحلتين:

1. عرفت مين العميل اللي بيجيب الفلوس بجد (تقسيم العملاء)
بدال ما نعمل حملات عشوائية، حللت بيانات المشتريات واكتشفت إن شريحة معينة (الشباب والأزواج الجدد من الطبقة المتوسطة) هي أكتر شريحة بتشتري وبتدفع في الأحجام الكبيرة والمنتجات العالية الجودة. بالتالي، التركيز عليهم في الرفوف والتسويق هو اللي بيجيب أعلى عائد.

2. اختبرت التغيير إحصائياً قبل ما نعممه (اختبارات أثر التغيير)
قارنت المتاجر اللي عملنا فيها التعديل الجديد بمتاجر تانية شبهها بالضبط عشان نقيس الفرق بشكل عادل. وبباثون والاختبارات الإحصائية قدرنا نثبت بالأرقام إن الزيادة في المبيعات كانت حقيقية وبسبب التعديل الجديد، ومش مجرد صدفة.

الخلاصة:
بيانات متجرك فيها كل الإجابات.. بس المهم تقراها صح عشان تاخد قرار وانت متأكد إنه هيزود أرباحك مش هيضيع وقتك.

لو حابب تفهم سلوك عملائك أكتر، أو تختبر أي فكرة جديدة في متجرك بالأرقام قبل ما تعممها، ابعتلي رسالة ونشوف بياناتك ممكن تقولنا إيه!

(مرفق في الصور الأكواد والرسوم البيانية للاختبارات اللي اتعملت)
https://suar.me/9z82e