السلام عليكم ورحمة الله وبركاتة.
يسعدني ان اشارك معكم جزءا من قصيدتي المنشورة في موقع اموالي( تضحيه بلا حدود ونكران بلا قيود)

أنا اللي ضحيت بعمري عشانك
وكنت ليك ضهر وسند
وكنت بدعي ربنا يطول بيا الأمد
عشان محدش يربيك غيري
ولا تبقى لحد مذلول
ولا تبقى عينك مكسورة
وعمرك يبقى مذبول
وتقول فينك يا أمي ياريت كان عمرك يطول
فإياك يا بني في يوم تجي عليه
يدور الزمن ويترد اللي عملته فيه
اياك في يوم تقولي كبرت وتتكبر عليه
وزمانك يا أمي مبقاش يليق بيه
عاداتك وتقاليدك سلبيه
وكنا بناكل على طبليه
ونشرب من زير
ونلعب على الحصير
وحاجات تانيه كتير
اياك تقسى وقسوتك تبقى نار
ويهون عليك أصحاب الدار
وتقسى على أمك وتسبها تحتار
دا اللي ربيته؟
دا من دمي وعمري اداته؟
دا اللي كنت بقول عزوتي وناسي؟
خلاص مبقاش يفرق معاة احساسي.
بكرة تشرب من نفس الكاس
وتدور على حضن أمك بين الناس

يسعدني ان اسمع رأيكم في الأبيات