منصة طبية متكمالة لطالب الطب
منصة طبية متكمالة لطالب الطب
الهدف منها تحل المشاكل الي بيواجها طالب الطب وتكون مرجع لكل شئ طبي بيحتاجه طالب الطب من اول دخوله الكلية لحد على الاقل بعد الامتياز وفيما بعد هتطور لبقية طريق الطب ان شاء الله
فيها داتا الطب العامة الي تنفع لكل كليات الطب في مصر وكل كلية هيبقى ليها الداتا الخاصة بيها هي بس ودا هيمشي بالتدريج هنبدأ بالازهر بعدين بقيت الجامعات يعني توتال الداتا هتبقى ضخمة جدا
المنصة هيبقى فيها رفع ملفات وفيديوهات وتنظيم الداتا وجزء خاص بالحل لكل مادة لكل جامعة لوحدها زي دا
https://infection-control-omar-abdelaty.lovable.app/
وادوات تفيد الطلاب زي اداة تعمل ابحاث واداة تعمل تقارير وادوات تانية كثير بعضها بالai وبعضها لا وهكذا
وهيترفع عليها نتايج الطلبة لكل جامعة
ومتجر طبي عبارة عن وسيط بين العميل الي هو الطالب وبين تجار الادوات الطبية
وجزء فيه فريلانس طبي فالدكاترة هتدخل تدول على الي عنده مهارات طبية وتتعامل معاه
ملاحظات
● هحتاج في المنصة لوحة تحكم اعدل فيها اي جزء من المنصة خصوصا ان التعديل على الملفات والاسئلة وهكذا هيبقى بشكل يومي دا
● في حاجات هيبقى الوصول ليها مقفول هتحتاج ان الطالب يسجل دخول وطلبه يتراجع وبعدين يتوافق عليه او يترفض
● محتاج المنصة يبقى فيها محفظة الكترونية الطالب هيشحن فيها مبلغ وتعامل بيه سواء انه يشتري خدمات مدغوعة في المنصة او يتعامل مع الفريلانسر الطبي الي عندي او يشتري من المتجر الالكتروني
او انه يدفع مباشرة
● اهم حاجة امان المنصة يكون عالي زي امان البنوك الالكترونية
● ثم التصميم هيكون مختلف مش زي معظم المواقع والمنصات انا عاوز فعلا الطالب يكون مستمتع بمذاكرته على المنصة من جمال التصميم معظم المواقع شبه بعضها اول ما تفتح تلاقي صورة وفيه كلام وبقيت الموقع ترتيب ازرار وانميشن حركة لما السهم ييجي عليه انا عاوز تصميم اول ما الطالب يفتح المنصة يتبهر بيه وكل حركة انميشن تحصل في الموقع تكون مميزة فالطالب يبقى عايز يكتشف كل الموقع بيعمل ايه وفي نفس الوقت ميحصلش مشكلة عند فتح الموقع في نت ضعيف او من جهاز قديم شوية
● انا عاوز اي ملف pdf او فيديو يتفتح داخل المنصة نفسها يعني محتاج قارئ pdf داخل المنصة ويتوفر فيه كل المميزات الي الطالب بيحتاجها داخل برامج النوتة على التابلت زي خطوط وفرش وليزر وهايلايت ورفع صور وهكذا
وقارئ للفيديو داخل المنصة يتوفر فيه المميزات الي الطالب بيحتاجها اثناء سماع الفيديو زي التسريع وتعديل الاضاء وبعض المميزات الي موجودة في برانمج mx player
ويتوفر في الاتنين حماية المحتوى فلا يتاخد اسكرين سواء من الجهاز او من عدسة جوجل ولا فيديو اسكرين ولا يتنزل الملف ولا الفيديو ولا حتى ادوات كروم الي بتنزل المحتوى المحمي تنفع معاه
● عاوز الطالب لما يشغل فيديو يتفتح على المنصة مش يحوله لبرنامج تاني لا هيفتحه جوا المنصة ويتوفرله كل مميزات برنامج mx-player فيقدر يتحكم في السرعة والاضاءة وهكذا
● مراعاة ان مستقبلا ان شاء الله هيتعمل للمنصة ابلكيشن سواء اندرويد او ايفون او ويندوز
● المنصة هيكون فيها chat ai يرد على كل الاسئلة عن المنصة ويوجه الطالب لاي مكان يحدده غير ان في ادوات هتبقى مبنية بالذكاء الاصطناعي داخل المنصة زي الاداة الي بتعمل ابحاث وغيره
● لازم المنصة تكون متوافقة مع كل الاجهزة
● احنا محتاجين ال Source code
اسئلة
● محتاجين نعرف تكلفة مشروع زي دا هتبقى في رينج من كام لكام
● وهياخد وقت قد ايه
● والتكلفة الي هنحتاج ندفعها على النمصة سنويا تقريبا في حدود كام
● لو لا قدر الله حصل اختراق للمنصة في يوم من الايام هتصرف ازاي
● ولو احتاجنا تعديل في المنصة منقدرش نعمله من لوحة التحكم زي اضافة ميزة جديدة في الموقع فالمبرمج او الي عملي المنصة بيحسبها ازاي كسعر تعديل
التعليقات (11)
