مطلوب مونتاج إحترافي
مساكم الله بالرضا والعافية منعا للإحراج وإضاعة وقتك عزيزي الممنتج الرجاء القراءة قبل التواصل
(((اهم خطوة بالموضوع القراءة))) مطلوب مونتاج إحترافي فعليا الموضوع مافيه مجاملات المعذرة ياخوان برفق لكم بعد قليل مقاطع لي الرجاء مارجعتها دقيقة بدقيقة لمن هو جاد في الموضوع طبعا المحتوى تقني حتى الآن ممزوج بالالعاب ولكن النسبة العليا للتقنيه وإحتمال في المستقبل التشعب في مجالات متعدده وفتح قنوات متعدده احد هذه المجالات الالعاب الالكترونية ، السيارات
طبعا نبدأ بوضع الروابط رجاءا منعا للاحراج الرجاء التركيز في المونتاج وطريقته ما ابي اي تنازل في مستوى المونتاج اذا بيكون فيه تغيير يكون تغيير أفضل وأعلى اما أقل مرفوض
هذه أمثلة لمقاطعي
https://youtu.be/Wz_l-EZKE3g?si=AbhCL-Vw4CuR0-GN
https://youtu.be/2xGSK2AlGOw?si=CFphVEOs14DkzWvC
https://youtu.be/JATJGywStFI?si=T8jUQJpuh2SYXJLL
نجي للشروط والعمل النظيف والراقي
طبعا محتواي 0% أغاني يعني يمنع منعا باتا وضع أغاني في الخلفية من المونتاج المحتوى نظيف مؤثرات مرتبه انميشن حركات بركات
الشخص المطلوب يجب أن يكون شخص محترم ذو أخلاق عالية غير استغلالي ويقدر العيش والملح بينه وبين صاحب المحتوى، علي وش دخلك محترم ولا مو محترم اهم شي مونتاجه جبار يهمني راحتي وقبلها راحته لانه بتعامل معه بالمثل انا ابي شخص قبل المونتاج يحترمني ويحترم عقلي ويحترم العيش والملح نعم يعني بالعربي اذا المونتاج جبار وتنطبق عليك الشروط مستعد نكمل راحتي وراحتك اهم من كل شي نستمر والمحتوى كله مونتاجه يكون عندك عشان كذا انا مابي مونتاج تسليكي
ف عندنا احترام العيش والملح والتقدير لانه ماراح يكون عمل واحد بيننا، يخاف الله في كل خطوة انا ادري انها شروط زواج ذي يالأمير بس يحق لي وبرضو يحق لك لان ابيك تكون مرتاح
مقاطعي انا لاتقل جودتها عن 2K يعني بالعربي 2K و 4k حسب متطلبات المقطع الميزانية ليست خارقة لاتعاملني ك وزير ترا ممكن تكون ميزانيتي اسوء من ميزانيتك احتساب دقائق المونتاج وسعرها غير شامل المقطع الاساسي يعني بعد القصقصه والمونتاج النهائي نحسب مبلغ المونتاج للدقايق علما ان اي إطالة في المقطع متعمده يتم كشفها لان عندي شخص مخصص لمراجعه المحتوى، مايهمك دايم الفلوس الفلوس الفلوس قبل اي شي فلوس قبل اي خطوة فلوس لو بعدل فلوس لو بغير فلوس لو طلبت منك خدمة طفل يسويها فلوس لان الي بيصير بيننا ك مسيرة عملية اسمى وارقى واعلى من شيء زي كذا انا مابي شخص متعطش للفلوس كلنا نحب الفلوس مافي احد يحب الفلوس بس وش فيه احين من بيئة عمل مريحه ومحترمه وبدون ذنوب وراقية وهادئة وفوقها فلوس ف هنا يفرق الموضوع طيب شيء آخر الدفع مرن يعني أيش مرن يابو عزيز مرن يعني الله يسلمك نعيد ونكرر مايهمك الفلوس حنا بيننا بيئة عمل ممتدة وانا ممكن فجأة يصير عندي ضغط وماقدر اوفر الفلوس ف انت دائما تمنتج وتكون واثق فيني زي ماوثقت فيك وكل هذا يندرج تحت الشخص المحترم عشان كذا انا اطلب هالشي انا ابي أخ وصديق ورفيق درب مابي ممنتج فقط يعني اذا كانت مونتاج فقط دون اخوه واحترام وبيئة عمل هادئة انا اقفل قناتي والغي محتواي اشرف لي ف بهالطريقة نقدر نسوي مقاطع ممتدة واعطيك مبلغها بعد فترة او اقسطه عليك كل فترة او ممكن اعطيك على كول لان السيولة متوفرة أعيد وأكرر بتكون أخ،رفيق درب،صديق،ممنتج يعني بالنسبة لي أبغاك تعد الانتاج بيننا آخر شي.
شيء إضافي تكون شخص عملي يعني تهم بعملك يكون في منتج واصوره تمنتج وتطلع بالمستوى المطلوب مابي شخص يسوف يأجل ينسى برضو انت ماراح ترضى لاخوك يكون مستواه سيء
نظام تضغط الفيديو ويطلع بجودة سيئة مرفوووض خصوصا لو كان المقطع عن كاميرا او فيه شيء يخص الدقة هذا الشيء مرفوض بتاتا
آخر شيء رجاءا بدون بيئة عمل نظيفة وتعاون لاترسل
في النهاية انا اثق فيك وانت تثق فيني والثقة متبادلة ومانبغى شي يخرب
طبيعي انك تكون متعطش للمبالغ ولكن انا ارفض ذلك ف اذا انت من هالنوع حقك ولكن لاتكتب لي جزاك الله خير الجزء وللأسف نزول في الجودة ممنوع يعني جهز نفسك مساحه المقاطع عالية جداً لاتنازل في الجودة ولا في المونتاج
آخر شي في هذا الموضوع بعطيك مثال بسيط عشان نشوف هل انت شخص يتحمل ولا لا انا ابيك تسوي لي مقطع قصير ريلز او شورت او ايا كان هي مقطع واحد بتنزله مشتق من الفيديو نفسه تقص لقطات وتغير مقاس المقطع هل بتطلب عليها مبلغ؟ نكون واقعيين شوي وفكر فيها الي منتج المقطع الاساسي انت والموصوع عبارة عن قصقصة وتغير المقاس بتاخذ فلوس بعد؟ اذا بتاخذ ف انت متعطش وهذا تعريف المتعطش
ولكن لما اجيك واقول لك ابي مونتاج مختلف وتسوي لي مونتاج خاص بالريلز ويجذب هنا ابسط حقوقك تطلب مبلغ واذا مابتطلب هذا كرما منك ولكن ابسط حقوقك وحقك الاساسي تطلب لان المونتاج مختلف ومخصص للمقاطع القصيرة وطبعا ماتطلب مبلغ فلكي
نهاية كتابتنا اعيد واكرر ترا الميزانية محددوه لاتتوقع شيء خارق والممنتج السابق نفس الشي كانت الميزانية معه محدوده
(طبعا لازال موجود ولكن يمنتج انواع معينه من المقاطع) ف مو شرط كل المقاطع تروح لك ولكن تأكد انك اذا مطابق لهذي الشروط بتكون ممنتج مستمر معي
معليش طولنا عليكم بس لازم ارسل لك عينه وتوريني مونتاجك سواءا مقطع قصير او طويل وشكرا جزيلا واتمنى لكم حياة ويوما سعيدا
التعليقات (9)
