لكل شخص لسا بيبدأ رحلته على خمسات وبيسأل : "كيف أجيب أول عميل؟"

الموضوع مش حظ ولا معجزة، هي معادلة بسيطة لو طبقتها صح رح تشوف نتائج بسرعة :

​العنوان الواضح: ابعد عن العناوين المجهولة. بدل ما تكتب "أنا أكتب مقالات"، اكتب "كتابة 5 مقالات متوافقة مع SEO بـ 500 كلمة"

​صورة الخدمة: العميل بيشتري بعينه الأول! استخدم تصميم بسيط ونظيف بيوضح خدمتك بدلاً من الصور العشوائية من جوجل

​الوصف التفصيلي: اكتب بالضبط شو رح يستلم العميل، كم الوقت المطلوب، وشو الميزات اللي بتقدمها وتنساش ذكر التطويرات (Add-ons)

​نماذج الأعمال (المرض المنسي): ما حدا رح يشتري سمك بالمي! ارفع أفضل نماذج لشغلك في معرض الأعمال قبل ما تنشر الخدمة

​التواجد في مجتمع طلبات الخدمات: تابع قسم "طلبات الخدمات غير الموجودة" باستمرار وقدم العرض المناسب للعميل بأسلوب احترافي وبدون سبام

​الاستمرارية والصبر هما السر. شاركونا بالتعليقات: شو أكبر تحدي واجهكم وأنتو بتقدموا أول خدمة؟