هل أصبح السعر أهم من الجودة عند العملاء؟
كثير من العملاء عندنا يبحثون عن جودة عالية جدًا، نتائج احترافية، وتسليم مثالي…
لكن عندما نصل لمرحلة السعر، يصبح الهدف هو الحصول على أقل رقم ممكن.
وهنا يظهر التناقض
كيف يمكن الحصول على أعلى جودة بأقل تكلفة؟
لو بصينا على السوق في الغرب، هنلاقي الصورة مختلفة إلى حد كبير…
العميل هناك غالبًا بيسأل الأول:
"إيه القيمة اللي هاخدها؟"
مش: "بكام؟"
الجودة عندهم مرتبطة بالاستثمار، مش بالمصاريف.
يعني بيدفع أكتر طالما النتيجة هترجع عليه بفائدة حقيقية (وقت، فلوس، أو نمو).
أما عندنا، في أحيان كتير:
السعر هو أول سؤال
والجودة تأتي كطلب… لكن بدون تقدير حقيقي لتكلفتها
وده بيخلق فجوة واضحة بين توقعات العميل وإمكانيات التنفيذ.
المشكلة مش دايمًا في العميل…
أحيانًا إحنا كمستقلين بنقع في خطأ إننا بنبيع "سعر" بدل ما نبيع "قيمة".
في الغرب، الفريلانسر بيقدم نفسه كاستثمار.
هنا، كثير مننا (للأسف) بيقدم نفسه كـ "أرخص اختيار".
وده بيخلّي السوق كله يتأثر.
الخلاصة:
الموضوع مش مين صح ومين غلط…
لكن الفرق الحقيقي في طريقة التفكير:
سوق بيركز على القيمة
وسوق بيركز على السعر
سؤال للنقاش
هل فعلاً العميل عندنا بيدور على الأرخص؟
ولا إحنا محتاجين نغيّر طريقة عرضنا عشان نخلّي العميل يشوف القيمة قبل السعر؟
التعليقات (1)
