السلام عليكم لو سمحتوا حد يفهمني انا جتلي رساله من البريد بيقولوا هيوقفوا السحب والشراء الدولي بدأ من انهارده ف كدا مش هعرف اسحب من الباي بال تاني ولا اي لو حد وصلتله الرساله دي يفهمني
يعني كدا خلاص فيزا يلا اتوقفت انا بقالي كام شهر بستخدمها وكانت كويسه جدا ف مش حبه اتعب تاني ف اني اعمل حساب وياخد وقت واستنا + بشكر حضرتك عشان رديت وعاوزه اعرف الحساب اللي بفتحه بدفع كام بيقولوا 2500 أو 3000 عشان افتح حساب هل دا حقيقي ؟
الموضوع مفيهوش اى تعب بالعكس بنك مصر معلهوش ضغط كبير وبالاضافة الى ان المميز فيه بتقدر تنزل تطبيق البنك وتحجز ميعاد منه اونلاين فى الوقت المناسب لك وبتروح تدخل فى ميعادك بدون انتظار .. فتح الحساب مصاريفة 100 جنيه تقريبا بس حضرتك بتعملى ايداع ب 500 او 1000 جنيه مثلا وبيتم استردادهم بعد فتح الحساب بيتخصم المصاريف الادارية فقط الى هم ال 100 جنيه تقريبا وبتستلم الفيزا بتقدرى تربطى بيها باى بال وحساب شخصى ممتاز فى نفس الوقت لجميع المعاملات المالية .
الدعم الفني لدى البريد المصري يقول أن جميع البطاقات المربوطة ببايبال قبل القرار يمكنها السحب من بايبال بدون أي مشاكل ولكن لن يتم ربط بطاقات جديدة للسحب من بايبال
أعتقد عشان يتم ربطها مرة تانية لازم تسحب 1.5 يورو عشان يتأكد أنها بطاقتك (ودي تعتبر معاملة شراء دولي) ودا اللي تم منعه في الأصل،، من وجهة نظري مش هينفع يتم ربطها مرة أخرى وممكن تتأكدي من الدعم الفني الخاص بالبريد المصري
ومتاح لكِ خيار ثاني وهي حساب شباب البنك العربي متاح ربطها ببايبال إلى الآن لو عمرك من (١٦ إلى ٢٥) سنة،، فقط تأكدي من موظف البنك أن يسلمك بطاقة بنكية من نوع VISA
انا مفعله 2فيزا برضوا ودا اللي خلاني الغي فيزا يلا خوف من وقف الحساب بس لو عملت اكتر من 2 هيبقى غلط ولا وهل حساب شباب البنك العربي كويس وزي فيزا يلا ولا برضوا السحب محدود
فيزا ايزي باي مش مناسبه ليا دا لأن السحب محدود جدا ف عاوزه بديل ل فيزا يلا ويكون امان انا هحاول واكلم الدعم الفني يمكن يبقا في حل واقدر اعمل الفيزا تاني بس عاوزه البديل
من وجهة نظري أفضل بديل متوفر حالياً هو حساب بنكي وتقريباً كل البنوك اللي أعرفها وكانت بتتعامل مع بايبال للأسف وقفت التعامل مع بايبال (بنك مصر والأهلي وإسكندرية) هوا المتاح الوحيد حالياً وأعرفه هو حساب الشباب في البنك العربي ومفيهوش حد سحب (لو هيطبق عليه حد السحب هيكون حد السحب تبع ماكينات ال ATM زي أي بنك عادي تقريبا 10 أو 20 ألف جنيه في اليوم حاجة زي كدا)
