تجربتي في التقديم على خمسات ورفع أول خدمة ليا
تجربتي في التقديم على خمسات ورفع أول خدمة ليا
بصراحة استفدت جدا من الفترة اللي فاتت، خصوصا من د. أحمد السبيعي، وتدريبات ITI في كورس Data Analysis & Power BI Developer، وكمان السيشنز الخاصة بالـFreelancing، اللي ساعدتني أفهم جوانب كتير مكنتش واخد بالي منها.
من الحاجات المهمة اللي اتعلمتها إن الـFreelancing مش مجرد إنك ترفع خدمة وتستنى العميل.
اتعلمت إن لازم:
- أتفاعل مع مجتمع خمسات وأشارك فيه بدل ما أكون مجرد متفرج.
- أكون متابع ومتواجد باستمرار.
- أقدم خدمتي بسعر مناسب وبصيغة واضحة.
- أكتب وصف الخدمة بأسلوبي أنا، مش مجرد كلام منسوخ.
- أهتم جدا بطريقة عرض الخدمة ومعرض الأعمال.
والحمد لله، حاليا قدرت أنزل 5 خدمات على خمسات، منها:
- تحليل وتنظيف البيانات باستخدام Python أو Excel أو Power BI.
- تصميم Dashboards احترافية باستخدام Power BI.
- إدخال وتنظيف وترتيب البيانات وتصميم قواعد بيانات للبيانات المدخلة.
- استخراج البيانات باستخدام Web Scraping بـ Python.
- وبعض الخدمات الإضافية، زي تصميم CV احترافي.
والحقيقة إن تجربة التعامل مع العملاء بدأت معايا قبل ما أنزل خدماتي على خمسات. الحمد لله اتعاملت مع عملاء كتير من خلال جروبات واتساب وLinkedIn، وكنت سعيد جدا إن التقييمات والـFeedback اللي حصلت عليها كانت ممتازة، وده اداني ثقة أكبر إني أخد خطوة دخول منصات العمل الحر.
فبالنسبة ليا، خمسات مش مجرد مكان أرفع عليه خدمات، لكنه خطوة جديدة عشان أطور تجربتي في الـFreelancing وأوصل لشريحة أكبر من العملاء.
الحمد لله على كل خطوة، ولسه البداية وإن شاء الله اللي جاي أفضل.
ولو حد عنده تجربة على خمسات أو نصيحة لشخص لسه بيبدأ، ياريت يشاركها معانا.
التعليقات (28)
