وصلت ل 50 عميل على المنصة
وصلت لـ 50 عميل على منصة خمسات
الرقم ممكن يبين بسيط للبعض … لكنه بالنسبة إلي كان رحلة طويلة مليانة تعب وتجارب
بالبداية؟
ما كان عندي إمكانيات كبيرة …
ولا أدوات احترافية …
ولا حتى ثقة كاملة بنفسي
كنت أشتغل على مشاريع بسيطة جدًا …
بس كنت أتعلم من كل مشروع حتى لو كان صغير
واجهت لحظات إحباط كثير …زانقطاع لفترات طويلة بسبب الظروف بغزة
تأخير طلبات عملاء صعبين وأيام بدون أي شغل
وكان سهل جدًا إني أوقف … بس ما عملتها
كنت كل مرة أرجع أحاول بطريقة أفضل أطور شغلي وأتعلم من أخطائي
واليوم … لما وصلت لهنا فهمت شغلة مهمة :
النجاح مش ضربة حظ … هو تراكم محاولات ما حدا شافها وتراكم لانجازات ايام كثيرة
إذا كنت لسا بالبداية :
* لا تستعجل النتائج
* اقبل بالبدايات البسيطة
* اشتغل على نفسك قبل ما تستنى الفرص
* وكل خطوة صغيرة بتفرق… حتى لو ما حسيت فيها الآن
أنا فخورة بنفسي…
فخورة بكل إنجاز وصلتله حتى لو كان بسيط بنظر البعض
وشكرًا من قلبي لكل عميل وثق فيّ
ولكل شخص كان معي ودعمني بهالرحلة
رحلتي لسا بالبداية …
والأجمل لسا جاي
التعليقات (71)
