هل السعر القليل فعلًا بيجيب عملاء؟
خلّيني أحط أقل سعر عشان يجيلي أول عميل.
بس اللي لاحظته إن أحيانًا السعر القليل
بيخلّي العميل يشك أكتر ما يطمن،
ويحس إن الجودة أقل أو إن صاحب الخدمة مش واثق في شغله.
وفي المقابل،
في خدمات سعرها أعلى شوية،
بس موصوفة صح ومقسّمة كويس،
وبتجيب طلبات بشكل مستمر.
طيب… إيه الحل في مشكلة تسعير الخدمة؟
أول وأهم نقطة:
لازم تكون فعلًا متقن للمهارة اللي بتقدمها،
وجاي بجدية تشتغل وتكمل،
مش تجربة وخلاص “نفعت تمام، منفعتش نشوف غيرها”.
تاني نقطة: ادرس سوق خدمتك كويس على خمسات
شوف الناس اللي اشتغلت فعلًا على نفس خدمتك،
خصوصًا اللي تقييمهم أعلى من 4 نجوم.
اقرأ وصف خدماتهم،
وحاول تفهم:
ليه ده مسعّر بالسعر ده؟
ليه غيره أقل أو أعلى؟
إيه المميزات اللي مخلية السعر يزيد أو يقل؟
سعّر حسب السوق مش حسب إحساسك
بعد ما تفهم متوسط الأسعار وطريقة عرض الخدمات،
لو انت لسه هتجيب أول عميل،
السعر العالي غالبًا مش أنسب اختيار.
الحل العملي:
تحط سعر قريب من المتوسط
وتقلل عنه حوالي 20%
لحد ما تجمع تقييمات وعملاء،
وبعدها ترفع السعر بثقة.
سؤالي ليكم:
إيه أكتر حاجة شايفينها بتفرق فعلًا في تسعير الخدمة؟
السعر؟ ولا طريقة العرض؟ ولا التقييمات؟
التعليقات (2)
