مشاركة تجربة حول سحب الارباح من خمسات في مصر

السلام عليكم
انا عميلة جديدة في خمسات وواجهتني مشكلة فى سحب الارباح نظرا لاني اكتشفت مؤخرا ان باى بال تم توقفه من خلال فيزا البريد ايزي باي وانه لتمنع السحب غن طريق يطاقات البنكية هذه الامور تتعلق بسياسة المالية للدولة ليست الموقع
فارجو منكم مشاركة تجربتكم حتى استفيد واتمكن من سحب ارباحي

عن الموضوع

ناشر الموضوع

.Shaimaa M

  • دكتورة أكاديمية

التعليقات (45)

.Eman M
منذ 4 أشهر و5 أيام
بتوفيق ان شاءالله يكون في حل
+2
إيهاب ع.
منذ 4 أشهر و5 أيام
مرحبا شيماء

اطمئني الحل بسيط جدا

اذا كان لديك حساب جاري توفير  بالجنية المصري في البريد المصري ممكن طلب رقم الحساب الدولي (IBAN) الخاص بحسابك
واذا ليس لديك حساب، جاري توفير يمكن فتح حساب جاري توفير  بالجنية المصري  ثم طلب رقم الحساب الدولي (IBAN)
ويرجى العلم أن جميع حسابات البريد المصري تابعة لبنك مصر ومن ثم رقم الحساب الدولي (IBAN) متاح لجميع الحسابات

وفي حالة تعذر الحصول على رقم الحساب الدولي (IBAN) من البريد المصري، يمكن فتح حساب جاري توفير  بالجنية المصري في بنك مصر أو البنك الأهلي - يفضل حجز موعد من الموقع الرسمي للبنك حتى لا تنتظري كثيرا
على أن يتم طلب إلغاء كشف الحساب الورقي المطبوع حتى لا تتحملي مصروفات ليست ضرورية ويتم الاكتفاء بالاشتراك في الانترنت البنكي مجانا
وأثناء فتح الحساب يتم طلب رقم الحساب الدولي (IBAN)  أو الدخول على الإنترنت البنكي أفضل للحصول عليه

بعد الحصول على رقم الحساب الدولي (IBAN)  يتم ربط PayPal بالحساب البنكي  مع مراعاة أن الأسم في PayPal يكون مطابق للأسم في الحساب البنكي
وبذلك تكون مشكلة ربط البطاقات البنكية أو بطاقة البريد قد تم حلها

ويرجي العلم أن التحويل التلقائي للحساب البنكي من PayPal مثل البطاقات البنكية وبطاقة البريد يكون أول كل شهر
أما السحب اليدوي يكون مقابل 125 جنية على الحساب البنكي أما البطاقة البنكية وبطاقة البريد يكون مقابل 79 جنيه أو 5 دولار للحسابات الدولارية
.Shaimaa M
منذ 4 أشهر و5 أيام
السلام عليكم استاذ ايهاب
بالفعل حصلت على رقم iban من البريد المصري ولكن عندما اقوم بادخال بينات حساب البريد خلال موقع خمسات يطلب منى سويفت كود .. اتصلت بالبريد استفسر عن هذا الكود لم اجد سويفت كود خاص بالبريد قالوا لى هو رقم iban فقط

ما الحل من فضل لان ليس لدي ادنى فكرة عن تعاملات للتحويل من الخارج

وهل تقصد انه يمكن ربط حسابي البريد الجاري iban بال Paypal هل ممكن هذا

وشكرا لك
آلاء ع.
منذ 4 أشهر و5 أيام
هل هذا القرار جديد ام ماذا نحن نستخدمها منذ ستوات وتعمل جيدا
.Shaimaa M
منذ 4 أشهر و5 أيام
نعم هذا القرار منذ العام الماضى تقريبا لكن من كان يستخدم البطاقات البنكية قبل القرار النظام لم يتغير لديهم التطبيق على التعاملات الحديثة
محمد ع.
منذ 4 أشهر و5 أيام
طب.كدة ايه البديل الي ممكن اعمله انا اول مرة اعرف الموضوع ده وكنت رايح اعمل كارت جديد من البريد فكدة ملوش لازمة نعمله؟
.Muhammad A
منذ 4 أشهر و5 أيام
وعليكم السلام ,
يمكنك استخراج فيزا يلا باى من البريد وربطها ببايبال
ياسمين أ.
منذ 4 أشهر و5 أيام
السلام عليكم
انا من مصر واجهتني نفس المشكلة
كلمي خدمة عملاء باي بال هيحلوها ان شاء الله
هيتم ارسال كود للهاتف المسجل علي ايزي باي من باي بال وتابعي معاهم هيتم حل المشكلة
ياسمين أ.
منذ 4 أشهر و5 أيام
ولا يوجد مشكلة في ربط ايزي باي ب باي بال
تواصلي فقط مع خدمة العملاء
.Shaimaa M
منذ 4 أشهر و5 أيام
السلام عليكم استاذة ياسمين الكلام دا من امتى قريب ولا من فترة طويلة .. لان مصرى منعت تحويلات الخارجية على البطاقات البنكية لازم يكون فى حاسب مربوط بالبطاقة يعنى تكون البطاقة مربوطة بحساب مصري .. وممكن تقوليلى اكلمهم ازاى مش عارفة اتواصل معاهم حتى و بحاول اربط حساب البريد المصري الجاري مش نافع بيقولى iban غير صحيح وسمعت انهم مش بيفعلوا غير حسابات بنكية فقط مش بريد مصري كمان بحاول افعل رقم موبيل اللى على الحساب بيقولوا ارسلنا رسالة فيها كود ومفيش رسائل بتوصل
.Shaimaa M
منذ 4 أشهر و5 أيام
وعليكم السلام استاذ محمود .. بخصوص فيزا يلا باي هل حضرتك عملت كدة قريب خلال 2025 ولا من فترة لان موظفين البريد وخدمة عملاء بتاعتهم مش فاهمين ايه باي بال اصلا ولا فاهمين كلامي
.Muhammad A
منذ 4 أشهر و5 أيام
فيزا يلا باى طلعتها من زمان لكن فى ناس قريب طلعتها واتربطت معاهم واستلموا عليها عادى ،
روحى لأى مكتب بريد بالبطاقه وقولى عاوزه اطلع فيزا يلا بس ، لو مش متوفره اسألى هتتوفر امتى او روحى مكتب تانى او عربه متنقله .
.Shaimaa M
منذ 4 أشهر و5 أيام
شكرا لردك انا بالفعل قدرت اربط فيزا ايزي باى ومنتظرة اشوف هل هيتم تحويل الرصيد واستلامه ولا العملية هتتوقف
.Shaimaa M
منذ 4 أشهر و5 أيام
استاذ محمد ع .. انا كمان جديدة و جربت اربط حساب جاري تبع البريد مع الموقع منفعش جربت اربطه مع باى بال متعرفش على الحساب .. اخر محاولة جربت اربط فيزا ايزى باى اللى معايا باى بال قبلها بس هل هيتم السحب والتعامل عليها ولا لا .. يعنى هل مازال البريد مفعل هذه الخاصية ام اوقفها مثل ما قال لى الموظفين فى البريد .. دا لسه هيبان اذا فلوس اتحولت والعملية تمت بنجاح او لا .. ربنا المستعان
محمد م.
منذ 4 أشهر و5 أيام
حضرتك انا من مصر وكلام حضرتك فعلا مظبوط
انا بشتغل على اكونت باي بال من خارج مصر
محمد ع.
منذ 4 أشهر و5 أيام
جزاكي الله خير ربنا يوفقك
ممكن لما الموضوع يخلص تقوليلنا الي حصل وايه البديل بحيث نعمل الخطوات من غير لف كتير
.Shaimaa M
منذ 4 أشهر و5 أيام
محمد .م طب لو سمحت يعنى كدة الفلوس اللى طلبت تحويلها مصيرها ايه هترجع لخمسات ولا هتتحجظفى باى بال .. والحل ايه لو تعرف
.Shaimaa M
منذ 4 أشهر و5 أيام
محمد.ع حاضر اول ما اوصل لحل هكتب هنا اللى تم
إيهاب ع.
منذ 4 أشهر و5 أيام
مرحبا

ربط الحساب البنكي في PayPal لا يحتاج سوفت كود Swift code
مرفق رابط صورة توضح البيانات اللازمة وكيفية الربط في PayPal والربط فقط من خلال رقم الحساب الدولي (IBAN)
https://suar.me/0A0ML
عبد الكريم ح.
منذ 4 أشهر و5 أيام
في شركة اسمها سبيس ريميت تساعدك في سحب الأرباح ( عن تجربة )
محمد م.
منذ 4 أشهر و5 أيام
لو الفلوس اتحولت لحساب باي بال خلاص كدة مش هترجع لخمسات
الحل الافضل حاليا انك تربطي الحساب الى معاكي بحساب دولاري وبكدة تتحل المشكلة
.Shaimaa M
منذ 4 أشهر و5 أيام
ايهاب ع .. انا اقصد ربط الحساب البنكي بخمسات مباشرة هو اللى محتاج سويفت كود .. مش اقصد ربطه ب باى بال .. باى بال مش متعرف على حساب البريد المصري اساسا
إيهاب ع.
منذ 4 أشهر و5 أيام
ربط خمسات بحساب بنكي بالفعل سوف يحتاج سويفت كود Swift code
ولكن التحويل في هذه الحالة سوف يكون مقيد بحد أدنى للسحب وهو 250 دولار  
ويمكن الاطلاع على الرابط التالي
https://support.khamsat.com/withdraw-profits

اما PayPal فيقبل الربط من خلال رقم الحساب الدولي (IBAN) فقط
واذا تعذر ربط رقم الحساب الدولي (IBAN) الخاص بالبريد المصري - وأتوقع هذا غير صحيح- يفضل فتح حساب جاري توفير بالجنية في بنك مصر أو البنك الأهلي حتى تضمني سحب الارباح كل شهر من خلال PayPal بدلا من الانتظار حتى وصول المبلغ الى 250 دولار والسحب من خمسات مباشرة
ياسمين أ.
منذ 4 أشهر و5 أيام
الكلام دة من حوالي شهو او شهر ونص وخدمة عملاء باي بال نزلي الابلكيشن او الويب سايت وفي خيار انك تتواصلي مع خدمة العملاء
ياسمين أ.
منذ 4 أشهر و5 أيام
بس انا سمعت انك تفتحي حساب في بنك زي بنك الاهلي بعدة ممكن تربطية لاني عندي حساب في فاب ولا يقبل كلمت خدمة عملاء فاب قالوا انهم غير متعاقدين بس البنك الاهلي سمعت انة يقبل الربط مع باي باي بس قبلها بدل عملتي ايزي باي تواصلي مع خدمة العملاء واخبريهم انة لا تسطيعي الربط هيساعدوكي خطوة بخطوة
.Shaimaa M
منذ 4 أشهر و5 أيام
شكرا استاذه ياسمين هى بالفعل اربطت الفيزا امس بس سمعت انه لازم اشحن فيها رصيد عشان تتفعل هل هذا صحيح .. شكرا مرة ثانية لردك
.Shaimaa M
منذ 4 أشهر و5 أيام
شكرا استاذ ايهاب لردك .. بالفعل انا جربت حسابيين بريد واحد جاري وواحد توفير وباى بال لم تتعرف عليهم واللى فهمته انه باى بال تتعامل مع بنوك وليس بريد.. وبعدها تم ربط الفيزا لانه طلع فى نوعين فيزا ايزى باى حسب الارقام الصادرة فى ارقام تقبل وارقام لا والحمد لله تم ربطها .. بس موظف البريد فى رسائل عبر صفحتهم قالى حاجة مش فهماها انه فى حد سحب من باى بال 150 ج يومى او شهري وانه لازم اشحن الفيزا عشان يتفعل الربط .. هل لديك علم بهذا الموضوع هو لم يوضح معنى كلامه كتب هذا فقط
إيهاب ع.
منذ 4 أشهر و5 أيام
مبلغ 150 ج هذا لغرض تصديق البطاقة من PayPal
بمعنى عند ربط بطاقة أول مرة في PayPal يتم خصم مبلغ ثم يعيده مرة أخرى
فإذا لا يوجد رصيد سوف يرفض ربط البطاقة لعدم التصديق
ياسمين أ.
منذ 4 أشهر و5 أيام
ايوة صح حوالي ١ يورو ونصف
.Shaimaa M
منذ 4 أشهر و4 أيام
السلام عليكم
اولا بشكر كل من رد على هذا الموضوع وحاول مساعدتي .. شكرا لكم جميعا وجزاكم الله خيرا

انا بالفعل تمكنت من ربط بطاقة ايزي باي وتصديقها وتفعيلها فى باي بال وقمت بتحويل من خمسات مبلغ وتم بالفعل التحويل بعد محاولات من التواصل مع دعم باى بال مثل ما قالت استاذة ياسمين .. والاموال وصلت حسابي فى باى بال لكن ارسل لي رساله انه تم رفض تحويل الاموال الى بطاقة ايزي بال العملية مرفوضة حسب ردهم ان بطاقة نوعها لا يصلح للسحب .. مع اني متأكدة انها من النوع اللى يتماشى مع باى بال تأكدت من دا من خدمه عملاء بريد .. لكن الاموال محجوزة فى حساب باى بال وعملية مرفوضة انه يحول فلوس مع العلم انا تواصلت نع خدمه عملاء باى بال وطلبت تحويل عملة في بالدولار وبالفعل عملوا كدة ..
حد حصل له موقف زي دا
إيهاب ع.
منذ 4 أشهر و4 أيام
عليكم السلام

تحويل عملة حساب PayPal إلى دولار، لن يؤدي إلى تحويل الرصيد الذي في PayPal
وذلك لوجود بروتوكول بين البنك المركزي المصري و PayPal بأن يتم التحويل من خلال حساب بنكي (جاري - توقير) بالجنية المصري)

يفضل ربط PayPal من خلال رقم الحساب الدولي (IBAN) فقط على أن يتم تحديث إعدادات الحساب ليكون هو الحساب الأساسي في السحب التلقائي
ويمكن إجراء سحب يدوي ثم التواصل مع PayPal لرد مبلغ رسوم التحويل 125 جنيه مصري، على أن يتم توضيح أن السحب التلقائي تم رفضه واضطررت لإجراء سحب يدوي
أو الأنتظار أول الشهر التالي وسوف يتم التحويل التلقائي للحساب البنكي دون مشاكل
.Shaimaa M
منذ 4 أشهر و4 أيام
السلام عليكم استاذ ايهاب .. موظفة خدمة عملاء البريد هى اللى اكدت ان اعمل الفيزا بعمله دولار حتى اتمكن من سحب لكن وفقا لاتفاقيات البنك المركزي فالاموال تحول بالمصري ولكن لابد من جعل العملة دولار .. تواصلت الان مع باىىبال واكدوا لى ان البطاقة فعالة للسحب والامور تمام وان ممكن اسحب يدوي .. لكن بريد مصري هو اللى لاغي تحويل تلقائى .. ان المشكلة فى البريد المصري .. سوق اتواصله معه
شكرا لحضرتك
ياسمين أ.
منذ 4 أشهر و4 أيام
استاذة شيماء سوف يتم التحويل التلقائي في بداية الشهر لا تقلقي الي بطاقة ايزي باي بالعملة المصرية الجنية وهذا عن تجربة
.Shaimaa M
منذ 4 أشهر و3 أيام
شكرا للجميع وشكرا لك استاذه ياسمين واستاذ ايهاب لم تقصروا فى دعمي وتوضيح الامور انا قمت بالتحويل اليدوي واخبرتهم ان التحويل التلقائي غير مفعل كما اخبرني استاذ ايهاب وبالفعل قالو انهم سيرد. لى مبلغ رسوم التحويل وتم التحويل اليدوي ... انا كنت عاوزة اتاكد ان بطاقة شغالة وفعالة
اشكركم جميعا
.Mahmoud A
منذ 4 أشهر ويومين
انا حسابي قديم من سنتين والدنيا شغاله تمام فيزا يلا البريد المصري شهر 9 حصلت مشكلة وهي عدم التحويل التلقائي وتم التواصل معي باي بال وتم التحويل اليدوي شهر 10 تم التحويل التلقائي في أول يوم مفيش مشكلة شهر 11 اللي احنا فيه تم رفض التحويل التلقائي فهل لازم اغير الفيزا علشان يكون حساب بنكي وليس بريد برجاء الافاده.... وشكرا
عمر م.
منذ 4 أشهر ويوم
هو قفلو ايزي باي امتي
أمين ع.
منذ 4 أشهر ويوم
مرحبا حصلت معي مشكلة بفيزا الايزي باي البريدية المربوطة بالباى بال من خلال اني نسيت كلمة السر فادخلت على الباي بال رقم حسابي البنكي الجاري ببنك مصر على باي بال وحولت الاموال عليه وتم التحويل خلال 48 ساعه علما بان التحويل من باى بال الى حساب بنكي ياخد 5 ايام عمل بالتوفيق
.Amr K
منذ 4 أشهر ويوم

تم حذف هذا الرد من قبل إدارة خمسات:

نرجو الكتابة باللغة العربية الفصحى. شكرًا لك.

إبتهال ي.
منذ 4 أشهر و22 ساعة
لا أدري ولكن لو عندك باي بال قديم ممكن يشتغل عادي.

https://khamsat.com/writing/writing-services/2716154-%D9%83%D8%AA%D8%A7%D8%A8%D8%A9-%D8%AE%D8%B7%D8%A7%D8%A8%D8%A7%D8%AA-%D9%84%D9%88%D8%B8%D8%A7%D8%A6%D9%81-%D8%AA%D8%B7%D9%88%D8%B9%D9%8A%D8%A9-%D8%A8%D8%A7%D9%84%D9%85%D8%A7%D9%86%D9%8A%D8%A7
إبتهال ي.
منذ 4 أشهر و22 ساعة
يمكنني أيضا انا تحتفظي باي بال عمليه بدولة غير مصر وتستخدميه عادي.
https://khamsat.com/user/dr1wella
.Shaimaa M
منذ 4 أشهر و16 ساعة
لو سمحتم في ناس بتبعتلى على شات الخدمة تسأل عن ربط باى بال يا جماعة لو سمحتم بلاش حد يبعتلى على شات الخدمة لان دا بيتقيم فى الموقع فشل فى التواصل ودا بيقلل التقييم او تطور المستوى اللى عنده استفسار يسأل هنا او يكتب مقال يسأل الزملاء ولو عندى معلومة هرد اكيد انا والزملاء .. وانا زي زيكم جديدة لسه فى الموقع انا معلوماتي محدودة فى التعامل مع باي بال .. انتم شايفين اهو لسه بتعلم من الزملاء الأقدم وبفهم منهم .. انا لما بحب افهم معلومة او استفسر مش برسل رسائل لحد على خدماته علشان متسببش فى تقليل تقييمه فى الموقع وبنزل مقال اسأل فيه اللى عنده خبره بيرد عليا .. ارجو منكم تعملوا كدة برضو
رجاءا محدش يبعتلي رسائل على شات الخدمات من فضلكم
زينة ا.
منذ 3 أشهر و29 يوم
انا عندي نفس المشكلة هو انا اقدر اربط بايبال بحسابي البنكي (توفير) علما اني تحت 18 سنة وهل سيقبل التحويلات من موقع خمسات؟
.Shaimaa M
منذ 3 أشهر و29 يوم
لو حسابك بريد مصري لا يقبل عندى حساب بريد توفير واخر جاري لم يقبل اي منهم واتاكدت من كدا من البريد نفسه لكن اسمع ان حساب بنوك عادي لكن تحت السن معرفش كلمى البنك الاول واتاكدى
زينة ا.
منذ 3 أشهر و29 يوم
تمام شكرا
.Shaimaa M
منذ 3 أشهر و29 يوم
العفو

عن الموضوع

ناشر الموضوع

.Shaimaa M

  • دكتورة أكاديمية

آخر المساهمات