مواسم خمسات

مرحبا لكل البائعين على خمسات،
هل لاحظتوا إن في مواسم معينة بيقل فيها الطلب على الخدمات؟
مثلًا، في أوقات بتحس إن الشغل واقف، ومفيش استفسارات، أو الطلبات قليلة جدًا. وساعات تانية تلاقي الدنيا ماشية كويس وفيه طلب وثقة من العملاء.
محتاجة أشارك معاكم وأسألكم:
إيه أشهر الفترات اللي بتحسوا فيها بركود أو قلة في الطلبات؟ وايه هي اطول فترة مرت عليكم بلا طلبات ؟
هل شايفين إن في مواسم معينة بتأثر (زي العيد، الصيف، دخول المدارس، الامتحانات... إلخ)؟
وهل المواسم دي بتختلف من مجال لاخر أم ثابتة ؟
أم مفيش وجود للمواسم والموضوع مرتبط بعدم تطويري لذاتي و بروفايلي ؟
وإزاي بتتعاملوا مع الفترات دي؟ بتحاولوا تشتغلوا على التسويق؟ تضيفوا خدمات؟ ولا بتاخدوا راحة؟
أتمني تشاركوني رأيكم وتفيدوني من خبراتكم وبالتوفيق للجميع باذن الله

عن الموضوع

ناشر الموضوع

أروي ع.

  • بائع مستوى 1

التعليقات (12)

.Mahmoud S
منذ 6 أشهر و28 يوم
اهلا بحضرتك

كل خدمة ليها مواسم خاصة بها
زي مثلاً خدمات الاعلانات لها مواسم خاصة بفترة رمضان و بداية السنة و هكذا
خدمات البحث العلمي و التدريس اكيد بتزيد في شهور الدارسة و تقل في اجازات الصيف

لكن بشكل عام ملاحظ ان شهور 4 و 5 و 6 بيقل فيهم الطلبات نوعاً ما لانه مرتب بأعياد و مناسبات اجتماعية اكثر

بالتوفيق للجميع و رزقنا و اياكم من الطيبات
أروي ع.
منذ 6 أشهر و28 يوم
شكرا جزيلا لردك استاذ محمود بالتوفيق لك
.Media B
منذ 6 أشهر و28 يوم
طبعا للمواسم تأثير كبير وحسب الظروف والقوى الشرائية
عصام ا.
منذ 6 أشهر و28 يوم
بشكل عام يوجد ركود وايضا السبب الاخر كثرة المستقلين في جميع المجالات
قيس ع.
منذ 6 أشهر و28 يوم
كل عمل له فترة ركود
خالد ع.
منذ 6 أشهر و28 يوم
لا يوجد ما يسمي بالمواسم او الفترات...
الأمر أعمق من ذلك بكثير...

المهارات المطلوبه مثلا ع مدار اخر خمس سنوات مختلفه تماما عن المهارات التي كانت مطلوبه منذ ١٥ عاما مثلا...
ف المعيار هنا التطور التكنولوجي فالبرامج والأدوات والمعدات ولغات البرمجة والذكاء الاصطناعي لها محور كبير في احتياج مهارات معينه لتخدم وظائف وخدمات معينه مطلوبه.

هذا باختصار شديد.
محمد ع.
منذ 6 أشهر و27 يوم
الفكره أن عدد المستقلين فى زياده دائمه
وعدد الطلبات بيتوزع على عدد أكبر من المستقلين
ربنا يرزقنا جميعا
أروي ع.
منذ 6 أشهر و27 يوم
شكرا جزيلا لكم جميعا علي الرد و المشاركة بالتوفيق للجميع
محمود ا.
منذ 6 أشهر و27 يوم
صحيح أستاذة أروى هناك بعض الايام يكون بعض الركود وخصوصا بالنسبة للمستقلين الذين لديعهم خدمات محدودة

لذا انصح كل واحد بأن يطور من مهاراته ويزيد عدد الخدمات في حسابه حتى لا يحس بالركود

وأنصحك بقراءة إحدى مشاركاتي التي تحدثت فيها عن كيفية استغلال فترة الركود في المبيعات في خمسات
https://khamsat.com/community/stories/755221

وهذه المشاركة التي تحدثت فيها عن بعض نصائحي في التعامل مع قسم طلبات الخدمات غير الموجودة والعملاء:
https://khamsat.com/community/stories/605425
.Salma M
منذ 6 أشهر و23 يوم
اتفق معاكي في فكرة المواسم على حسب كل مجال
و لكن من وجهة نظري المتواضعه كثرة و تيسير الطلبات معتمدة على أكثر من عامل بالترتيب :

1. الرزق : وارد جدا يكون فيه ركود عام في مجالي و الاقي طلبات جديدة حتى بدون تواجد مستمر
و اوقات العكس، يكون سوق العمل منتعش و الطلبات كثيرة و لا احصل على اي طلب، فهمي للنقطة دي و إيماني بيها فرق لي

2. السعي و اجتهادي الشخصي قدر استطاعتي: اني انشر خدمات اكتر، اني احسن من جودة خدماتي و من البروفايل، اني ازود أعمال ومهارات
شخصية اكتر ويكون عندى قبالية للتعلم

3. الانتشار و حسن التواصل: اني اتابع الجديد باستمرار و اكون عضو متواجد و فعال
اني اكون برد على العملاء المحتملين بسرعة و لطف و التزم بحسن المعامله للنهاية حتى لو لم يتم الاتفاق، و انى اشجع المستقلين الجدد و أحاول اتكلم عن خدماتي و انشرها على منصات السوشيال ميديا واحاول اكون مفيده قدر استطاعتي مش بس ابيع و خلاص

و في النهاية بحاول ابذل أقصى ما عندي في كل النقاط و ربنا يوفقنا جميعاً
أروي ع.
منذ 6 أشهر و23 يوم
شكرا لكي استاذة سلمي وأستاذ محمود علي الردود المفصلة المفيدة جزاكم الله كل خير
.Mohamad H
منذ 6 أشهر و23 يوم
من شهر 1 الى شهر 6 لم يصلني غير طلبين فقط

لكن اعتقد بسبب رفع سعر الخدمة وعدم تطوير نماذج الأعمال التي تظهر في الخدمة

شاركوني رأيكم

عن الموضوع

ناشر الموضوع

أروي ع.

  • بائع مستوى 1

آخر المساهمات