سحب الارباح فى مصر

لو سمحتوا لو حد جرب يربط خمسات ببنك اسكندرية ويسحب الارباح
هل البنك اخد عمولة ولا المبلغ وصل كامل؟
وهل بيتم احتساب سعر الدولار حسب سعر الصرف بالبنك المركزى؟
عن الموضوع
ناشر الموضوع

.Ereny F

  • بائع مميز

التعليقات (18)

.Ereny F
منذ 7 أيام و20 ساعة
والافضل اسحب الارباح عن طريق:
(1) ربط خمسات بالحساب البنكى مباشر
(2) ولا اربط خمسات ببايبال واربط بايبال بايزى باى
(3) ولا اربط بايبال بحساب بنك اسكندرية مش الفيزا
انهى طريقة مضمونة من التلاتة واقل فى العمولة؟
.Mohamed Y
منذ 7 أيام و20 ساعة
(2) ولا اربط خمسات ببايبال واربط بايبال بايزى باى او فيزا retotpay
عمر ي.
منذ 7 أيام و19 ساعة
مساء الخير
اول حاجة الربط بالبنك بيحتاج أن حضرتك يكون حسابك بيدعم الاستلام الدولي او حاجة اسمها (حساب دولاري) بيقبل الحوالات اللي بتوصل بالدولار، وأكيد هياخد من حضرتك عمولة علي التحويل، دا غير السعر اللي هيبيع او يغير بيه الدولار لجنيه مصري.
انا بفضل طريقة الفيزا الدفع المسبق، فيه فيزا ايزي باي البريد، وفيزا ريدوت باي ودي بتعمليها اون لاين وليها برنامج، بس الاضمن والأقل عمولة ايزي باي البريد، انا رابطها علي الباي بال بتاخد عمولة ثابتة علي اي مبلغ ايا كان كام والفلوس بتوصل في خلال دقايق.
شكرا:
.Ereny F
منذ 7 أيام و16 ساعة
تمام شكرا لحضرتك
.Omar M
منذ 7 أيام و9 ساعات
انا عامل باي بال ورابطه بايزي باي و فيزا سيجنتشر الخاصة ببنك اسكندرية
الاتنين مفيش خصم عمولة
بالنسبة لبنك اسكندرية مش عارف السبب يمكن لان الفلوس اتحولت تلقائي او علي الفيزا نفسها وليس رقم الحساب
ولكن هو اللي معاي
.Omar M
منذ 7 أيام و9 ساعات
بالنسبة للتحويل من خمسات للبنك مباشرة بلاش
وارد يكون في بنوك وسيطة وقتها هيتخصم مبلغ كبير
إيهاب ع.
منذ 7 أيام و3 ساعات
مرحبا ايريني

يمكنك اختيار احدي الخيارين التاليين وعن تجربة عملية

1- اضافة حساب بنكي بالجنية المصري وسوف يتم قبول التحويل ولكن سوف يكون هناك عمولة التحويل لعملة بخلاف العملة الاساسية لحساب Paypal وهي كما يلي
* التحويل التلقائي يتم خصم عمولة 3% من قيمة المبلغ المحول حيث يتم تحويل كل 1 دولار بمبلغ 49.227510 جنية مصري بدلا من 50.85جنية مصري
* التحويل اليدوي يتم خصم عمولة 3% من قيمة المبلغ المحول حيث يتم تحويل كل 1 دولار بمبلغ 49.227510 جنية مصري بدلا من 50.85جنية مصري + 125 جنية مصري

2- الأحتفاظ بالأرباح في خمسات أو مستقل حتي يتم وصول الأرباح القابلة للسحب إلى 250 دولار على الأقل
ويرجى العلم إن خمسات ومستقل لا تفرض حاليا استقطاعات أو رسوم
ولكن البنوك المحلية في مصر تفرض بعض الرسوم عند تسليم المبلغ تبدأ من 4 دولار وتزيد، ويفضل التواصل مع البنك مباشرة

وفي رأي الحل الثاني هو الحل الأمثل، ويمكن الأطلاع على الرابط التالي لمعرفة تفاصيل سحب الأرباح لحساب بنكي
https://support.khamsat.com/withdraw-profits
.Ereny F
منذ 6 أيام و22 ساعة
تمام شكرا جدا لحضراتكم استاذ عمر واستاذ إيهاب
.Ereny F
منذ يوم و16 ساعة
طب معلش سؤال تانى
ازاى اخلى بايبال تحسب الدولار حسب سعر صرف البنك المركزى عند السحب؟
واخليها بالدولار عادى ولا باليورو؟
عمر ي.
منذ يوم و16 ساعة
هيا بيبقي ليها ليميت معين متقدريش تغيريه
إيهاب ع.
منذ يوم و16 ساعة
مرحبا ايريني

بتجربتي الشخصية حاليا عند السحب على بطاقات البنك الأهلي لا يقبل سواء كانت البطاقة بالجنية المصري أو الدولار
وبالتواصل مع خدمة عملاء البنك افادوني ايقاف التعامل مع البطاقات من خلال PayPal
وبالتواصل مع PayPal افادوني إنه يوجد بروتوكول اتفاق بمع البنك المركز المصري بعدم التحويل إلا لحساب بنكي فقط بالجنية المصري
وطبقا لسياسة PayPal يتم خصم عمولة عند التحويل بعملة بخلاف عملة الحساب ، والجنية المصري ليس من ضمن عملات PayPal الاساسية
.Ereny F
منذ يوم و15 ساعة
شكرا لحضراتكم لسرعة الاستجابة
ولكن قصدى لو هربط بايبال بفيزا ايزى باى الخاصة بالبريد
.Ereny F
منذ يوم و15 ساعة
هل فيه اجراء معين اعمله سواء من خلال بايبال او من خلال البريد عشان الدولار يتحسب حسب سعر الصرف بالبنك المركزى مش اقل؟
.Omar M
منذ يوم و15 ساعة
بتتكلمي خدمة دعم باي بال وتقولي ليهم ان حضرتك طالبة عملة الصرف تكون دولار وليس جنيه
.Ereny F
منذ يوم و14 ساعة
تمام شكرا جدا
.Sara E
منذ 13 ساعة و8 دقائق
الحساب البنكي بإمكانك التحويل عليه حتى لو الحساب مصري وليس دولاري فقط ورسوم التحويل 5 دولار يخصمها البنك.

بالنسبة ل PayPal، وفقاً لتجارب بعض الزملاء هنا قالوا إنك لو ربطت بحساب بنكي لن يقبل تحويل العملة من الجنيه للدولار. إذا لتحويل العملة للدولار لابد من ربط الحساب بفيزا easy pay أو yala pay وهنا العديد من المشاركات هنا اكتبي في جوجل اسم الفيزا وخمسات ستجدي العديد من المشاركات المفيدة التي ستفيدك في اختيار الفيزا لأن يجب أن تشتري فيزا بأرقام معينة.
.Sara E
منذ 13 ساعة و8 دقائق
لتحويل العملة من الجنيه إلى الدولار، تكتبي هذه الرسالة بالظبط.

Hello paypal team , i wanna change my card's currency from EGp into USD , thanks

مرحبا فريق باي بال، اريد تغيير عملة بطاقتي عند السحب اليدوي من الجنيه المصري الي الدولار. شكرا لكم
أسماء م.
منذ 11 ساعة ودقيقتين
أحسن طريقة لسحب الأرباح ڤيزا إيزي باي من البريد المصري الفلوس هتنزلك أول كل شهر بالجنيه المصري و سعر الدولار أقل من سعر السوق جنيه و نص

أضف تعليق

سجّل دخول لتتمكن من إضافة تعليق على هذا الموضوع.

دخول
حساب جديد
عن الموضوع
ناشر الموضوع

.Ereny F

  • بائع مميز
آخر المساهمات