اسعار الخدمات عالية اوي بس تستاهل ...

عميل سألني عن تكلفة تصميم
انا قولتله 1000 جنية
قال ليييييييييييه غالي قوي
ف سألته حضرتك تفتكر يتكلف كام؟
ف قالي يعني ب الكتير 200 جنية دا سهل

قولتله تمام حضرتك تقدر تعمله ب 200؟
قالي بس انا مش بعرف اصمم!
قولتله مش مشكلة انا ممكن اعلمك تعمله ازاي مقابل 200 ج هاتوفر 800 وكمان هاتبقي اتعلمت تعمله ازاي المرة الجاية

وافق فعلاً ف قولتله جهز بقي لابتوب امكانياته عالية و كام برنامج تصميم
ف رد انه مش عنده كمبيوتر او برامج ومش ممكن هايشتري عشان شغلانة واحده

فعرضت اني اأجرله جهازي مقابل 200 ج
ووافق الصراحة
ف قولتله حلو قوي مستنيك يوم التلات نشتغل بش للأسف رد عليا انه مشغول جداً ومش هاينفع يسيب شغله ويجي التلات هو كان فاضي النهاردة بس
ف قولتله اسف لاني مش متاح غير التلات عشان اعلمه و اأجرله الكمبيوتر ف اضطر يعمل اجازة من الشغل ويسيب مصالحة عشان اعلمه ازاي يعمل التصميم بتاعه ودا كلفه خصم يوم للأسف

ولما قالي هنتقابل امتي قولتله مستنيك الساعة 8 الصبح نبدأ ان شاء الله
هنا اعترض خالص لانه متعود ينام ويصحى براحته

ولاقيته فجأه بيقولي خلاص يا هندسة انا فهمت انت بتعمل ايه الرسالة وصلت
خد ال 1000 ج انا كدا كدا حتي لو اتعلمت مش هاطلع التصميم زيك من اول مره

قولتله الله ينور عليك خليك دايماً فاكر انك مش بتدفع تمن المنتج او سلعة
انت بتدفع للي ورا النتيجة النهائية دي:
تعليم
خبرة
دراسة
ادوات
وقت
مجهود
التزام بالمواعيد
امان
احترافية
عن الموضوع
ناشر الموضوع

.Mohamed A

  • بائع مميز

التعليقات (17)

.Eman H
منذ 23 يوم و20 ساعة
حلو اسلوب الاقناع معظم العملاء يفكرون مثله
الله المستعان
جزاك الله خيرا أ. محمد زادك الله علما وعملا ورزقا
.Osama J
منذ 23 يوم و17 ساعة
جزاك الله خيرا
.Afaf M
منذ 23 يوم و15 ساعة
جميل
لكن حبذا لو يكتب بالفصحى لاختلاف الشرائح التي لا تفهم معظم اللهجات المحلية هنا
بالتوفيق
سهير ا.
منذ 23 يوم و10 ساعات
اسلوب اكتر من رائع بالاقناع بالتوفيق ان شاءالله
فعلا للاسف اكتر العملاء يفتكرو اذا موقع خمسات لازم الخدمة تكون بالسعر نفسو ما بيعرفو الجهد والتعب والأدوات التي تصرف لتوصلن الخدمة
بالاخر لازم الشخص يقدر قيمة عمله
إسراء ص.
منذ 23 يوم و10 ساعات
أسلوب إقناع رائع
تمام ا.
منذ 23 يوم و7 ساعات
أسلوب إقناع إبداعي
.Saleh A
منذ 23 يوم و6 ساعات
اسلوبك رائع
حمزة ا.
منذ 23 يوم و6 ساعات
أسلوب مقنع
.Mohamed A
منذ 22 يوم و19 ساعة
شكرا جزيلا لحضراتكم
تحياتي لكم جميعا ومجتمع العمل الحر المتميزين
.Osama J
منذ 22 يوم و19 ساعة
العفو استاذ محمد
.Omar M
منذ 22 يوم و17 ساعة
بيحصل كتير للاسف
لدرجة الفصال في كل خطوة في التصميم
أدهم ا.
منذ 21 يوم و15 ساعة
موقفك في التعامل مع العميل كان عبقريًا وصبورًا جدًا، والطريقة التي أوضحت بها قيمة عملك كانت احترافية وبأسلوب غير مباشر
بالتوفيق ^ـــ^
.Mansour H
منذ 21 يوم و15 ساعة
ماشاء الله أسلوبك مميز في التعامل مع العملاء
أتفق معك في كلامك
.Amr A
منذ 18 يوم و21 ساعة
كان شرف ليا اني اتعاملت مع حضرتك قبل كده وانت فعلا شخص مميز
.Mohamed A
منذ 18 يوم و20 ساعة
جزيل الشكر والتقدير والاحترام لحضراتكم علي الكلمات الراقية واتمني من الجميع التوضيح للعميل أهمية عملك وكيفية خروجه بشكل احترافي تسويق خدمتك ومنتجك اهم بكثير من بدء تنفيذ الخدمة
وجودة الخدمة هي من تضعك علي قمة تخصصك
عبدالعزيز م.
منذ 18 يوم و16 ساعة
رائع جدا جدا
منة الله ف.
منذ 16 يوم و17 ساعة
كفيت ووفيت
عن الموضوع
ناشر الموضوع

.Mohamed A

  • بائع مميز
آخر المساهمات