أعتقد أن حساب الباي بال يجب أن يكون مربوطًا ببطاقة بنكية حتى يتم تفعيل إرسال الأموال من خلاله (سواء إلى بطاقة أو حساب) وأيضًا ما أعرفه أن الباي بال في مصر يقبل الارتباط فقط بالحسابات التي عملتها الجنيه المصري ولا يقبل الارتباط بالحسابات الدولارية (ولكن لست متأكدًا تمامًا من هذه النقطة لأنني لم أجربها)
لكن فيزا qnb الدولارية يقبلها الباي بال بدون مشاكل، ويحول إليها بشكل طبيعي.
أنا تواصلت مع خدمه العملاء باي بال قالت اني ممكن اربط الفيزا لان الحساب البنكي لسه مش متفعل عندي حساب محلي،، بس الفيزا بتاعتي مش دولاريه يعني فيزا عادي بسحب جنيه مصري لما بربطها جالي رفض بردو انه رفض من البنك واتابع معاهم،، هل تعرف السبب يعني لازم الفيزا تكون دولاريه بطلبها من البنك يعني وله ايه..؟
لا مش شرط تكون الفيزا دولارية، أهم حاجة تكون فيزا ينفع تتربط على الباي بال وفيه أكتر من فيزا ينفع ربطهم بالباي بال زي فيزا easy pay بتاعت البريد (بتستخرجيها بدون فتح حساب، لكن فيه إصدارات منها مش بينفع تتربط على باي بال،فلازم تتأكدي منهم إنها ينفع تتربط بالباي بال لما تستخرجيها) وزي فيزا inspire بتاعت بنك الإسكندرية (المرتبطة بحساب توفير، يعني بتفتحي حساب توفير وبتستلميها كفيزا خاصة بالحساب بعد كام يوم) وزي فيزا qnb الدولارية (بتطلعيها من خلال فتح حساب توفير بالجنيه مصري ، وبعدين من خلال التطبيق بتاع البنك بتفتحي حساب دولاري، وبعدين تعملي إيداع بالدولار في الحساب الدولاري، وبعدين تطلبي من الموظف يستخرجلك فيزا دولارية على الحساب الدولاري وبتستلميها بعد فترة وتربطيها بالباي بال عادي ودا شرح مفصل كان منشور هنا لطريقة استخراج الفيزا دي من فترة https://khamsat.com/community/stories/698940
