السلام عليكم ورحمة الله وبركاته إخواني الكرام في خمسات :) أسعد الله أوقاتكم وأيامكم وأدام عليه البركة والصحة طوال العمر ، أطال الله في أعمارنا جميعا بالخير والصحة والبركة.
وكل عام وحضراتكم بخير بمناسبة شم النسيم (ربما تكون التهنئة متأخرة ولكن ها نحن لم نبرح أسبوع شم النسيم وعيد الأخوة المسيحيين بعد ^_^)..

قد شاركتكم تجربة سابقة ناجحة أيضًا https://khamsat.com/community/stories/280780 بشأن فيزا Prepaid البنك الأهلي المصري، ولكن ويالا الأسف صارت لا تقبل أموال البايبال، وما السبب؟ العلم عند الله، وإدارة البنك!!

بعد إتصالات عديدة مديدة مع كلاً من: خدمة عملاء البنك الأهلي والبايبال، تيقنت أخيراً أن هذه الفيزا لن تعد صالحة لذلك الغرض بعد ذلك.. ظللت أحاول فيها ولكن لم تسحب مرة أخرى.
حينها بدأت بالبحث، والبحث، ومزيداً من البحث، ومزيداً من الإستفسارات، لدرجة أنني قد طلبت بطاقة بايونيير لربط الحساب بالبايبال ثم سحب الأرباح من الماستركارد، وأستلمت الفيزا فعلياً ولكن وجدت سيلاً مهولاً من الاستقطاعات والرسوم عالية الثمن؛ رسوم سنوية - رسوم على السحب - رسوم تحويل عملة - رسوم على إستلام المال - رسوم على استعلام الرصيد - رسوم رفض ماكينة الـ ATM - رسوم عدم نشاط الحساب، فوق ذلك رسوم البنك صاحب الـ ATM على عملية السحب. كم تبلغ أرباحي حتى يُخصم منها كل هذا؟!!! فعدلتُ عن الفكرة تمامًا وها هي البطاقة في جيبي لا أستخدمها.
فكرت في بطاقة سمعتُ عنها تُسمى ديكسي باي، ولكن مصاريفها ألعن من بايونيير!!
إلا أنني لم أجد بُداً إلا من الكريدت كارد، ولتسمحوا لي بسرد التجربة كاملة....
------------------------------------------------------------------------------------------------------------------
* ملخص التجربة في نقاط:
1. إسم البنك: كريدي أجريكول مصر
2. المصاريف المدفوعة وقت فتح الحساب: 10 جنيهات مصاريف دمغة.
3. إسم الحساب: My first.
4. نوع الحساب: توفير.
5. مصاريف الحساب السنوية: 50 ج.
6. إسم الكريدت كارد: Golden Credit Card. حدّها الإئتماني 4500 جم.
7. مصاريف السحب الكاش من الكريدت: 3% بحد أدنى 30 جنيه.
8. مصاريف الكريدت السنوية: 100 ج + 0.05% على أعلى مديونية على الكريدت في خلال الـ 3 أشهر، أي 0.05 ج على الـ 100 ج + 0.08% (شهريًا على أعلى مديونية) مبلغ تأمين (BALANCE INSURANCE FEE) "يمكنك إلغاءه كما فعلتُ أنا"
(ملحوظة: بصفة أنني لن أستخدمها إلا لسحب أرباحي + بعض الاستخدامات الأخرى فستكون أعلى مديونية هي 100 ج وبالتالي فـ 5 قروش تُخصم مرة واحدة في السنة طالما سددت القيمة مباشرةً).

وبناءً على ذلك: إجمالي مصاريف الكريدت السنوية: 100.05 جنيه مصرى / شهر 3 من كل سنة،
إجمالي مصاريف الحساب السنوية: 50 جنيه مصرى / شهر 12 من كل سنة.
إذًا: الإجمالي = 150.05 جنيه مصري / سنة.

9. الأوراق التي طُلبت مني: بطاقة رقم قومي سارية - أصل كارنيه الجامعه الساري.
10. قمت بوضع مبلغ 200 جنيه في الحساب حتى يتم فتحه.
11. شروط حساب my first: سنك 18-26 سنة - إثبات دخل إن لم تكن طالباً جامعياً أو كارنية الجامعة لو كنت طالب جامعي.
12. مميزات الحساب*: فيزا ديبت كارد مجانًا + 10% فائدة سنوية يُصرف شهرياً + 50 جنيهاً فقط مصاريف الحساب.

* الميزة الأهم بالنسبة لي، هي: سحب أرباحي من البايبال بالإضافة لقلة المصاريف.
------------------------------------------------------------------------------------------
التجربة:

قمت بالتوجه لفرع بنك كريدي أجريكول مصر بغرض شراء شهادة استثمار لأقوم باستخراج كريدت كارد بضمانها.
تمّ فتح حساب ماي فيرست من أجل الكريدت بالإضافة لأنني تحت سني 21 سنة خاصةً، قمت بالإمضاء على أوراق الكريدت والحساب والشهادة (يا لها من كمية ورقٍ غير عادية!!).

ظللت أتحدث مع موظف خدمة العملاء لأفهم كل شيء عن الحساب والكريدت ومصاريفهما، دفعتُ الجنيهات العشر ثم ذهبت للخزينة حتى أودع قيمة الشهادة (5000 جم) والـ 200 جنيه، أخبرني أن الفيزتين (الديبت والكريدت) ستصلان بعد أسبوعين (10 أيام عمل) لمكان منزلي، وهذا ما حدث بالفعل.

فعلتُ الفيزتان عبر الاونلاين، وقلت لأجرب محاولة سحب أرباحي عبر الديبت كارد، فإن نفعت سألغي الكريدت.

وبالفعل فعلتُ الديبت على البايبال وحاولت السحب... ظل المبلغ معلقاً 4 أيام ثم رُدّ للبايبال !!
أتصلت بكلا البنكين، وكان رد بايبال:
- بالنسبة لبايبال لا مشاكل في استخدام أي فيزا مصرية صادرة عن بنك مصري سواء أكانت كريدت - ديبت - بريبيد فإتفاقيتنا مع البنك المركزي المصري واضحة، وبالتالي فالمانع يكون من البنك نفسه، فنحن نرسل المال بالفعل للبنك وهو بعد 4 أيام يردها إلينا أستاذ مصطفى.
= طيب وأيه حال الكريدت كارد ينفع ولا لأ؟
- أيه {اللهجة السورية أو الخليجية الجميلة، وهي تعني نعم :") } أستاذ مصطفى، في الغالب ما توافق البنوك المصرية على السحب عبر الكريدت كاردز، ولكن من جهتنا لا مشاكل مع أي بطاقة فيزا أيًا كان نوعها وحسابك لا مشاكل فيه.

وموظف دعم كريدي أجريكول أخبرني أن سيستم البنك سيوافق على السحب عبر الكريدت.

وبالتالي حاولت مرةً أخرى مع الديبت، وعلق 4 أيام ثم رٌدّ مرةً أخرى للبايبال!!

هنا قررت استخدام الكريدت فعلاً، كان كل همي الـ 30 جنيهًا تلك فهي كثيرة ومبالغ فيها حقًا، ولكن أتكلت على الله ثم سميت بالله وانطلقت.

تم خصم 33.77 جنيه (من الحدّ الائتماني طبعًا) ومن بعد 4 أيام أو 5 أيام تم ردها.

طلبت في نفس اليوم سحب رصيدي في البايبال، ظهر أنه سيتم تعليقه لـ 24 ساعة. قلتُ أنه سيعلق لأربعة أيام، ولكنه في خلال يوم واحد ظهر أنه قد أكتملت العملية في البايبال، ولكن الرصيد لم يظهر في رصيد الكريدت!!

ولكن بعد 3 أيام ظهر المبلغ ورد معه مبلغ تأكيد البايبال. ظللتُ مهمومًا بالـ 30 جنيهاً تلك...

عزمتُ على محادثة دعم البنك الفني، وطلبت منه أن يحول المبلغ من الكريدت لرصيد الحساب (حيث لا عمولات على السحب) لأنني لم أستطع التحويل اليدوي عبر الـ Online Banking.. قدم لي طلباً للإدارة إذ أنه لا يمتلك هذه الصلاحية، وأخبرني أنه سيُنظر في الطلب خلال 5 أيام عمل (طبعا قدمت الطلب قبل وكان هناك إجازات: الجمعة والسبت والأحد والأثنين) وبالفعل خلال يومين، بعد الإجازة طبعاً، حُوِّل المبلغ كاملاً دون نقصان للحساب والحمد لله حتى يبلغ الحمد منتهاه :)

كانت هذه التجربة كاملة مكملة :)

ملحوظة أخيرة: مصاريف الكريدت تُخصم من الحد الائتماني للكريدت أي أنك إن لم تسدها تصبح عليك مديونية تستحق الرد بفوائدها بعد 56 يوماً (سواء الـ 100 ج أو الـ 5 قروش) ويمكنك دفعها مباشرة عبر الأبلكيشن موبايل الخاص بالبنك من رصيد حسابك.
طبعاً الحساب، هو حساب ادخار، أي أنك يمكنك ادخار مالك فيه، وبالنسبة للرسوم يمكن أن تدفعها من فوائد الحساب، فلن تخسر شيئاً كثيراً.
----------------------------------------------------------------------------------------------------------------------------------
أسباب اختياري لكريدي أجريكول:
1. ترشيح خدمة عملاء البايبال له، بعد أن سألتهم عن كلا البنكين: الأهلي المصري وكريدي أجريكول.
2. ترشيح أبي له.
3. معظم موظفو خدمة العملاء فيه يفهمون ما هو الـ PayPal.
4. موظفوه يقدمون الحلول والاقتراحات لحل شكواك أو تنفيذ طلبك. كطلب إلغاء رسوم تأمين ائتمان الكريدت كارد وبالفعل أُلغي.
5. يقدم خدمة الأونلاين بانكينج والابلكيشن بانكينج أيضًا (كمعظم البنوك الآن).
----------------------------------------------------------------------------------------------------------------------------------
ما عرفته أن أي كريدت كارد تصلح لذلك فعلاً فأنت واختيارك للبنك الذي تفضله، غير مجبر لكريدي أجريكول طبعاً. فقد سمعت من صديق لي، وهو بائع هنا، أن بنك QNB لست بحاجه لكريدت كارد فمجرد الديبت كارد معه تسحب بشكل طبيعي وعادي
----------------------------------------------------------------------------------------------------------------------------------
طبعاً الفيزا أرخص .. وأوفر من باقي الحلول البديلة وأفضل حل للتعامل مع البايبال

أي أستفسار؟ تفضل فأنا في الخدمة بإذن الله ^_^

آه قبل أن أنسى.. بشأن الموضوع السابق (كيف تحمي نفسك وحسابك 1) ورابطه: https://khamsat.com/community/general/298183 فإنني سأنشر الجزء الثاني من السلسلة خلال بضعة أيام (حوالي 3 أيام) إن شاء الله تحت عنوان (كيف تحمي نفسك وحسابك 2 | كلمة مرور حساباتك)، أتمنى أن تكونوا قد استفدتم من الجزء الأول وبإذن الله ستسفيدوا من الجزء الثاني ^_^

التعليقات (84):

Mostafa Hamada1 بتاريخ 12/04/2018 الساعة 07:29 م:
ما جعلني أفكر في أن اسحب بالديبت في البداية، هو وإن نفعت فسألغي الكريدت ولا داعي لمصاريفها السنوية. ولكن لم يحدث هذا :")
رفيق رمضان النقراشي بتاريخ 12/04/2018 الساعة 07:48 م:
شكرا لشرحك اخي الكريم
اخي الكريم لا استطيع سحب ارباحي او لا اعلم كيف
انا ادخلت ايميلي والرقم الذي اريد سحبه وكتم تم تحديث الصفحه ومش عارف كدا سحب وله اي
ممكن تقولي اسحب ازاي
ولو في حسابي 5 دولار اشتري خدمه عادي
Mostafa Hamada1 بتاريخ 12/04/2018 الساعة 07:55 م:
ارسل لي سكرين شوت لما يظهر في حسابك PayPal حتى أستطيع أن أعرف ما تم..

وكما ذكرتُ في الموضوع، أن بريبيد البنك الأهلي لم تسحب معي وغيري الآن من البايبال، ولكن أرسل الاسكرين شوت حتى أستطيع أن أؤكد لك هل تمت عملية السحب بنجاح أم لا.
رفيق رمضان النقراشي بتاريخ 12/04/2018 الساعة 08:22 م:
لا اعرف ان ارسل صور هنا
اقصد رصيدي يمكن سحبه 10 دولار
واباي بال مفعل وكل شئ
كيف اسحبه من خمسات الي باي بال
المهندس احمد مجدى بتاريخ 12/04/2018 الساعة 08:26 م:
اريد بس ان اخبركم بشئ انا طلع عينى مع كل البنوك المصريه مفيش بنك عدل صدقونى انسب حل لتفعيل الباى بال وبدون رسوم تخصم كل سنه ولا اى حاجه من اسبوع فقط فعلت الباى بال بفيزا ايزى باى البريد المصرى موجوده فى الفروع الرئيسيه دى بتفعل الباى بال عن تجربه وبيتم سحب الأموال عادى جدا من اى ماكينه ماعدا بنك اسكندريه وفيه رسوم تلاته جنيه ونص بس للسحب الموضوع اسهل وأضمن
Mostafa Hamada1 بتاريخ 12/04/2018 الساعة 08:27 م:
1. ضع إيميل حسابك في البايبال في هذه الصفحة https://khamsat.com/credit
(إن كان الإيميل المتواجد في الصندوق مختلفًا عن الإيميل الذي ستقوم بإضافته للبايبال فعليك بعد الضغط على التحديث إنتظار 48 ساعة).
2. أزل علامة صّح من أمام ( أبق على رصيدي في موقع خمسات.) ومن ثم أكتب في الصندوق (المبلغ المطلوب:) المبلغ الذي تريد سحبه أو أتركه 0.00 كما هو.
3. أضغط على تحديث وأنتظر 24 ساعة، وستجد وصلك إشعار بنجاح عملية إرسال المال.
Mostafa Hamada1 بتاريخ 12/04/2018 الساعة 08:30 م:
أخي المهندس أحمد مجدي الفاضل،
أولاً: الحدّ الأقصى لرصيد ايزي باي = 5000 جم.
ثانياً: عندما حاولت استخراجها (من حوالي سنة) أشيع أنها لم تعد تعمل مع البايبال.
ثالثاً: كنت قد مشيت في طريق الكريدت كارد ومنتظرها حينما أشعتم أنها عادت للعمل مرة أخرى.

في النهاية أنها أمر جيد ورخيص بالطبع، لكني لم أجربها
Mostafa Hamada1 بتاريخ 12/04/2018 الساعة 08:32 م:
آه هل سبحت منها أخي الفاضل، فبالنسبة للتفعيل فالتفعيل سهل، المشكلة كلها في السحب
رفيق رمضان النقراشي بتاريخ 12/04/2018 الساعة 08:32 م:
اخي مصطفي اكتب البريد الي بخش بيه علي باي بال ام papaly.me
وايضا اخي انا ايضا مفعلها بفيزتا ازي بال رائعه جدا ولسه مفعلها من يوم فقط 25 جنيها ورائعه
Mostafa Hamada1 بتاريخ 12/04/2018 الساعة 08:34 م:
لا البريد اللي بتخش بيه على البايبال.

التفعيل أمره سهل، ويارب تسحب. بس محدش جرب يسحب بيها لو جربت ونفعت ياريت تقولنا يكون أفضل
المهندس احمد مجدى بتاريخ 12/04/2018 الساعة 08:34 م:
فعلا هذا الكلام من سنه ولاكن فى شهر 11 الى فات البريد أطلق فيزا جديده الحد الأقصى 20000 فى الشهر وفعلت بيها الباى باى لسه من اسبوع انت بقول للإفاده فقط لان الموضوع ده اخد منى وقت كبير جدا
Mostafa Hamada1 بتاريخ 12/04/2018 الساعة 08:41 م:
من نفسي أنا لفيت لف علشان خاطر البايبال ده.. بنوك .. بريد مصري .. بايونيير زي ما وضحت. وعمال ادور بقالي أكتر من سنتين. مسبتش طريق إلا ومدخلتوش وبحثت فيه وجربت حاجات كتير جداً جداً جداً.. إلا أن أستقريت على كريدي أجريكول وشغال كويس الحمد لله.

وكنت مستني الفيزتين وفجأة رجعوا اتكلموا تاني عن فيزا البريد المصري تاني لكن كل الكلام ده كان على التفعيل ومحدش قال على السحب! يا رب تسحب والله وهشوفها وأجربها بس ياريت تكون دايمة بقا مش زي الأولانية فترة وقامت بطلت
المهندس احمد مجدى بتاريخ 12/04/2018 الساعة 08:42 م:
انا مجربتش بيها لاكن كان فيه كتير نصحنى بيها وسحب بيها فعلا ودى كانت حاجه شجعتنى انى اروح أطلعها هما طلعو روحو وانا بطلعها بسبب انهم مش فاهمين حاجه بس طلعتها لسه هجرب اسحب
Mostafa Hamada1 بتاريخ 12/04/2018 الساعة 08:45 م:
مهي دي مشكلة أغلب موظفين الحكومة مش عارفين ايه البايبال ده أصلا ولا حتى الفيزا دي بتاعت ايه هههههههه بريد بقا بنك أهلي ومصر وحتى في موظفين بنوك خاصة نفس الموضوع هههههههه
رفيق رمضان النقراشي بتاريخ 12/04/2018 الساعة 08:47 م:
اخي مصطفي
الفيزا ناس جربتها وقالت بتحسب منها عادي علي اي ماكنه ماعيدا بنك اسكندريه ووبنك اخر
وايضا يمكن السحب من البريد السحب بدون خصم 5 دولار يوم 1و2 في الشهر من الباي بال الي الفيز
لاكن عيوبها الوحيده 2000 جنيها حد اقصي يومي 30000 او20000 الف شهريا سحب او تحويل
وايضا للاستعلام 3 جنيها
ومن ماكنه لا تدعمها تاخذ 3 جنيها تقريبا
وسائلت خدمه العملاء قالو اه بتحول وكل حاجه لو التحويل دولار او شراء 200 دولار يومي
وجربها وحاتدعيلي

اسمها ايزي باي

وفعلا كانت لاتدعم لاكن الان تدعم وفعلتها الان مجرد اخذ البين كود تفعل تلقائي ويقول انتظر 24 ساعه للتاكدا
وانا مفعلها اليوم الساعه 3 عصر
Mostafa Hamada1 بتاريخ 12/04/2018 الساعة 08:51 م:
إن شاء الله..
بالنسبة لنقطة عمولة 5$. كلم خدمة عملاء باي بال وأطلب منهم يردولك الـ 5$ قبل ما تسحب في وقت في الشهر وهيردوهالك عادي (من تجربتي المريرة مع البايبال)
Mostafa Hamada1 بتاريخ 12/04/2018 الساعة 08:53 م:
وكل حاجه ليها عيوبها، بس أنا كنت أهم حاجه عندي: تسحب من البايبال من غير مصاريف كتير
رفيق رمضان النقراشي بتاريخ 12/04/2018 الساعة 08:57 م:
لا مافهاش مصاريف كتير
بس اكلم الدعم ازاي واخد 5 دولار هو كل مره اكلمهم واخد 5 دولار
وهما عشان بيربطوها بيخدوه نسبه في واحد قال بياخدو مصري تقريبا من 45 الي 65 جنيها
دا الفيزا وله باي بيال
المهندس احمد مجدى بتاريخ 12/04/2018 الساعة 08:58 م:
تمام شكرًا يا استاذ مصطفى وياريت تسحب وتستقبل وميحصلش اى مشكله عشان انا زهقت حاجه كمان هوا حضرتك بتكلم باى بال رسايل ازاى انا حاولت معرفتش
Mostafa Hamada1 بتاريخ 12/04/2018 الساعة 09:00 م:
عن طريق الرسايل، وهما بيرجعوها لمرة واحدة بس في الشهر مش كل سحبه خلال شهر واحد، لأ أول سحبه بس.

البايبال مبياخدش أي عمولة على ربط الفيزا، هو بيسحب ما يساوي يورو ونص علشان يبعت كود التفعيل وبيرجعه تاني عالطول في خلال 4 أيام (وكأقصى مدة 14 يوم)
Mostafa Hamada1 بتاريخ 12/04/2018 الساعة 09:07 م:
أستاذ أحمد
الرابط: https://www.paypal.com/smc/customer#/inbox/1?_k=71uc6m وبعدين دوس على إنشاء

أو الخطوات: لما تخش على حسابك دوس على الإتصال بنا - مركز الرسائل - دوس على إنشاء

وأكتب رسالتك وهما هيردوا في خلال 24 ساعة، لكن أنا أحيانًا، وفي الفترة الأخيرة، بقيت بكلمهم فون علشان التواصل بالرسائل مش فعال أوي.

عن طريق موقع call2friends.com بتسجل حساب وبتشحنه بدولار واحد عن طريق ون كارد وسعر الدقيقة لأيرلندا (اللي هو رقم بايبال) = 0.005$ يعني رخيص جداً جداً
Mostafa Hamada1 بتاريخ 12/04/2018 الساعة 09:08 م:
ويارب نسحب من غير مشاكل تاني بقا لأني فعلا زهقت. أنت لو تشوفني وانا بدور تقول أني هسحب آلافات أو ملايين ههههههههه :")
أحنا في مصر بنعاني والله من الموضوع ده ويا ريت ايزي باي دي تسحب كويس من غير مشاكل تاني
رفيق رمضان النقراشي بتاريخ 12/04/2018 الساعة 09:09 م:
استاذ مصطفي معلش زهقتك مني
التفعيل دا البن كود بيرجع تلقائي وله لازم اكلمهم
وكمان احول فلوس من الفيزا للباي بال ازاي ؟ظ
Mostafa Hamada1 بتاريخ 12/04/2018 الساعة 09:12 م:
ولا زهق ولا حاجه + اسأل براحتك كلنا في المشاكل دي سوا ولازم نساعد بعض (المسلم للمسلم كالبنيان يشد بعضه بعضا).

أولًا: مش لازم تكلمهم هو بيرجع تلقائي كدا لوحده.
ثانيًا: طبقاً لقوانين والتعليمات بين بايبال والبنك المركزي المصري فإنت متقدرش تحول فلوس من الفيزا للبايبال. مجرد تدفع عن طريق البايبال للحاجات اللي انت عايزها من المواقع اللي بتدعم الدفع بالبايبال.
المهندس احمد مجدى بتاريخ 12/04/2018 الساعة 09:20 م:
شكرًا جدا استاذ مصطفى تعبينك معانا ربنا يكرمك
Mohammed Ebrahem بتاريخ 12/04/2018 الساعة 09:21 م:
فيزا البريد المصري افضل من دة كلة
Mostafa Hamada1 بتاريخ 12/04/2018 الساعة 09:29 م:
أستاذ أحمد والله ما هو تعب ولا حاجه + لا يساوي شيء جنب تعب مصر والبايبال ههههههههه

أستاذ محمد| أنا بعرض تجربتي، بالإضافة لإن هل حضرتك جربت تسحب بيها؟؟ أنا وضحت عالية إني جربت كذا حاجه وكانت فيزا البريد من حوالي سنة وقفت عن العمل مع البايبال في حديثي مع أستاذ أحمد.. يعني ده ما وصلت اليه بعد بحث سنتين..
حضرتك سحبت بيها؟
Mohammed Ebrahem بتاريخ 12/04/2018 الساعة 09:32 م:
ايوة يا افندم البريد عمل فيزا جديدة تقريبا اقل من شهر والسجب بيها تمام
Mostafa Hamada1 بتاريخ 12/04/2018 الساعة 09:39 م:
يبقى يا استاذ محمد ده خبر كويس جداً، ويا ريت تشاركنا تجربتك في السحب وازاي استخرجتها وخلافه. وقعد المبلغ اد ايه لحد ما ظهر في الفيزا بتاعت حضرتك
محمد سعيد دبوس بتاريخ 12/04/2018 الساعة 09:42 م:
وعليكم السلام
شكرا لك لاهتمامك بتوضيح الامور تسهيلا للاخوة الكرام الذين يحتاجون لحل لهذه المشكلة
لكن حسب تجربتي
مع كريدي اجريكول ان هناك اكثر من خيار او حل يمكن للاخوة الاعتماد عليه وليس مقيدا بعامل السن او كارنيه الجامعة
لذلك يجب التواصل مع خدمة العملاء بشكل جيد لاستيضاح الحلول المتوفرة
ايضا اذا سمح لي صاحب الموضوع الاخ مصطفى المشكور على هذا الموضوع
فان اي حل من اي بنك اخر يجب ان يتوفر به الاتي
1- ان تكون البطاقة من نوع فيزا وليست ماستر كارد
2- يتوفر بها ميزة السحب
2- ان تكون ديبيت او كريديت لا يهم (بالنسبة للباي بال) لكن بالنسبة للبنوك الامر يختلف
فمثلا ال CIB يعطيك ميزة السحب على الديبت وليس على الكريديت لكن المشكلة ان البطاقة الديبت من ال CIB ماستر كارد وليست فيزا بل اغلب البطاقات الصادرة من البنك ماستر كارد الا بطاقة واحدة فيزا كريديت من نوع White
بالتوفيق للجميع
Mostafa Hamada1 بتاريخ 12/04/2018 الساعة 09:54 م:
أستاذ محمد شكراً لمرور حضرتك الكريم ذو الفائدة في موضوعي المتواضع.
شكراً لإيضاحات حضرتك، وبالتأكيد أنا لم أنوه لنقطة الشروط أن يجب التواصل مع خدمة العملاء للاستفسار لنسياني إياها وشكرا لحضرتك على إيضاحها. فهذه الشروط (التي ذكرتها) ما تعرضت لها، ولكن بكل تأكيد هذا حساب للشباب فقط مشروطٌ بسن معين وشكرا لإيضاح هذا

بالنسبة لـ CIB فأنا لم أذكره بسبب نقطة حضرتك تلك (أن أغلب بطاقاته هي ماستركارد) وذكرت بدلاً منه QNB كما أنني لم أتعامل مع CIB إلا بالإستفسار أثناء بحثي.
Hanan Elobide بتاريخ 12/04/2018 الساعة 09:59 م:
انا سمعت عن easy pal card من البريد المصري ،، في ناس يشكروا فيها
محمد سعيد دبوس بتاريخ 12/04/2018 الساعة 10:13 م:
حبيبي اشكرك لاهتمامك بالرد على تعليقي وتعبيراتك الراقية
بإذن الله هدفنا واحد وهو التوضيح للناس ما تعبنا نحن للوصول اليه فهذا الامر يؤرق كل باحث عن عمل عبر مواقع الخدمات المصغرة او الفريلانسر وقد عانينا حضرتك وأنا سواء بالبحث في الانترنت او البحث في البنوك او التواصل مع الباي بال من اجل الوصول لهذه النتائج وما زاد الامر صعوبة الاوضاع في مصر وتحرير سعر الصرف وازمة الدولار جعل البنوك تغير سياستها وبطاقات تم وقفها او تعديل مميزاتها وغير ذلك من المتغيرات التي كان يجب ان نلاحقها حتى نصل لهذه النتائج
جعل الله موضوعك في ميزان حسناتك بإذن اللة ونفع به عامة الناس
تقبل تحياتي
وبالتوفيق للجميع
رفيق رمضان النقراشي بتاريخ 13/04/2018 الساعة 10:20 ص:
السلام عليكم
اخي مصطفي انبارح قالي لي 24 ساعه للتاكدا او 48 ساعه عند تفعيل الباي بال
واليوم قال لي خمسات حسابك غير مفعل او من دوله اخري
وانا عامله مصر
يبقي هو مش مفعل اعرف ازاي انا بقي انه مفعل او لا
انا بعت رساله للدعم قولتلهم اعرف ازاي انها مفعل او لا وعرفوني وكدا
اعرف ازاي
..باين مصر والدول العربيه بتشوف معانا في تفعيل الباي بال دي تقول عاملين عند
Mostafa Hamada1 بتاريخ 13/04/2018 الساعة 12:20 م:
يبقى انت مش مفعله بفيزا
Mostafa Hamada1 بتاريخ 13/04/2018 الساعة 12:53 م:
آه في نقطة نسيتها وهي سعر الصرف:

على موقع البنك فإن سعر الصرف للدولار = 17.65 جم ولكن ما وصل كان بأعلى من ذلك وأعتقد أن ذلك جيد جداً :)
رفيق رمضان النقراشي بتاريخ 13/04/2018 الساعة 02:08 م:
ازاي استاذ مصطفي وانا مفعلها وباين اني مفعلها بفيزا ومعمول علامه صح عليها اني رابطها وله اعرف ازاي اني رابطها
ممكن تعرفني ازاي اعرف
Mostafa Hamada1 بتاريخ 13/04/2018 الساعة 02:11 م:
يبقى حضرتك كلم دعم البايبال عبر الرسائل أشرحله فيها أنك أضفت بطاقة فيزا لحسابك وعندما تحاول إرسال مال من إحدى المواقع لحسابك في باي بال فإنه يظهر لك (كذا كذا كذا) فأرجوا أن تفعلوا حسابي لإستقبال الأموال..
وفي خلال 24 ساعة هيردوا عليك بإذن الله
رفيق رمضان النقراشي بتاريخ 13/04/2018 الساعة 02:12 م:
انا بردق بعت كدا ويارب يردو ويفعلو الباي باي عشان عاوز اشتغل وكدا
Mostafa Hamada1 بتاريخ 13/04/2018 الساعة 02:13 م:
بإذن الله كل حاجه هتم بخير وتسحب بدون أي مشاكل
رفيق رمضان النقراشي بتاريخ 13/04/2018 الساعة 06:05 م:
اخي مصطفي كدا اتفعلت صح
https://suar.me/LP3nj
مش راضي يبعت لي بقي
Mostafa Hamada1 بتاريخ 13/04/2018 الساعة 06:57 م:
هل دعم البايبال ردّ عليك أخي الفاضل؟
Mostafa Hamada1 بتاريخ 13/04/2018 الساعة 07:41 م:
أخي رفيق من أين جلبت تلك الصفحة؟ ما رابطها؟؟
رفيق رمضان النقراشي بتاريخ 13/04/2018 الساعة 07:53 م:
لا اخي مصطفي هل الدعم رد عليك ممكن توريني اسكرين لرد الدعم عليك اخي عشان اعرف
لحظه واحده
1 فريح التسويق و المحفظه تغط علي كلمه مساعده
2 بعد ذلك في الاسفل تجد كلمه مركز الرسائل تغط عليها بعد ذلك
3 ياتي علي الشمال كلمه انشاء اضغط عليها ثم
4 ثم تجد كلمه مراسلتنا الكترونيا
5 تحتها كلمه اختر موضوع فيها اختيارات اختر حسابي
6 ثم بعدها اختر موضعا فرعيا اختار الحصول علي المصادقه
7 تجد علي اليمين اسائله واجابات
8 تختار سؤال كيف يمكن مصادقه حسابي
9 حايجيلك اجابه وكلمه باي بال اضغط عليها تيجي دي
ارجو ان تكون فهمت قصدي اخي
وكدا اتربطت صح

سؤال لو خمسات يعتت ليا 10 دولار حاتوصل لحسابي 10 دولار
ولو بعتها لحساب تاني او موقع 10 دولار تاخذ رسوم او شئ ما اخي الفاضل
Mostafa Hamada1 بتاريخ 13/04/2018 الساعة 08:16 م:
إن خمسات ترسلها لك 10$ وتصل لك 10$ كما هي،
أما إن أرسلت لحساب آخر فسيظهر أمامك خياران: إما أن تدفع أنت عمولة الإرسال ويصل المبلغ كاملاً للمستقبل، أو أن يتحمل المستقبل هو عمولة الإرسال ولا يخصم منك شيء سوى المبلغ المُرسل.

نعم فهمتُ قصدك أخي الكريم، أن هذه تدل على أن البطاقة مربوطة وقد تم تفعيلها ولا مشاكل في حسابك، والحمد لله، ولكن أحيانًا عليك مراسلة الدعم الفني للبايبال كي يزيلوا القيود الآلية للنظام ليصبح قادر على استقبال الأموال.
إن راسلت دعم البايبال وشرحت لهم مشكلتك فأنتظر حتى يردوا عليك إن شاء الله
رفيق رمضان النقراشي بتاريخ 13/04/2018 الساعة 08:18 م:
طاب ممكن صوره محاجثه بينك وبينهم
عشان مش عارف ردو ولا لا معلش اخي مصطفي
Mostafa Hamada1 بتاريخ 13/04/2018 الساعة 08:22 م:
عندما يردوا سيظهر لك رقم (1) على شعار الجرس أعلى الصفحة

تضغط عليه، ومنها تختار (الرسائل)، ثم تضغط على (عرض الرسائل)، وستجد الرسائل كلها يمين الصفحة تضغط على أول رسالة وسيظهر لك ردهم
رفيق رمضان النقراشي بتاريخ 13/04/2018 الساعة 08:26 م:
يبقي لسه ما رسلوش انا منتظر يارب يردو وشكرا ليك اخ عبدالله
وانصحك بفيزا ازي باي في يوم واحد تفعل كل شئ
لو عاوز تفعلها قولي واعرفك
وشكرا لتعبك
Mostafa Hamada1 بتاريخ 13/04/2018 الساعة 08:36 م:
سيردون غداً بإذن الله
Husain aty بتاريخ 14/04/2018 الساعة 11:07 ص:
السلام عليكم مبروك السحب اخى
بالنسبة لبطاقة ايزى باى تم رد المبلغ المسحوب مرتين والباى بال يقول مشكلة فى البنك والبريد يقول مشكلة فى باى بال فماذا افعل
هل ساحتاج لمبلغ 5000 جنيه كى افتح الحساب
تلخيص أرجوا ان تخبرنى كم إجمالى المبلغ المطلوب لأستطيع سحب الأموال من باى بال
Mostafa Hamada1 بتاريخ 14/04/2018 الساعة 11:42 ص:
أخي الفاضل إن كنت سأتحدث عن بنك كريدي أجريكول:
فأنت ستحتاج لشراء شهادة استثمار قيمتها 5000 جم ذات عائد رُبع سنوي.
هذه الشهادة ستقوم بضمانها بإستخراج الكريدت كارد.. مصاريف الكريدت السنوية 100 جم + 0.05 قرش
عندما تتوجه للبنك ستحتاج لفتح حسابك مبلغ معين يوضع في رصيد حسابك. (أي أنك لن تخسره)
--------------------------------------------------------------
يمكنك كذلك الإتصال بخدمة عملاء QNB وسؤالهم عن حساب التوفير لديهم؛ إذ أن بطاقة الحساب ذاتها يمكنها ان تسحب بها بشكل عادي دون الحاجه للكريدت، فلن تحتاج هما لشراء شهادة استثمار ومجرد وضع رصيد في حسابك.

توجه لأحد فروع بنك كريدي اجريكول أو qnb لتعرف كافة التفاصيل التي ستحتاجها لفتح حساب. إذ أن حسابي هو حساب شباب من سن 18-26 سنة فلو كنت أكبر من ذلك فلن يكون لك هذا الحساب
Mostafa Hamada1 بتاريخ 14/04/2018 الساعة 11:43 ص:
ويمكنك أن تسحب كل ما تريده، وكافة تفاصيل تجربتي في الموضوع
Husain aty بتاريخ 14/04/2018 الساعة 11:44 ص:
وال 5000 قابلة للاسترداد بعد قد ايه ؟
Mostafa Hamada1 بتاريخ 14/04/2018 الساعة 11:48 ص:
أما إن كنت في حدود سن الحساب المطلوب:
1. 10ج دمغة.
2. 200 جنيه لوضعها في حسابك.
3. 5000 جم لشراء الشهادة (فائدتها 13% سنوياً).
----------------------------------------------------------------------------------------------
المصاريف السنوية:
1. مصاريف الحساب = 50 جم.
2. مصاريف الكريدت = 100 جم + 5 قروش دمغة على مديونية الـ 100 جم.

المصاريف ستدفع من فوائد الحساب، أي أنك لن تخسر شيئاً من أصل مالك.
بعد أن تتوصل بالرصيد في الكريدت تواصل مع خدمة العملاء واطلب منهم تحويل الرصيد الزائد في الكريدت لحسابك وسيتم ذلك خلال 5 أيام..
---------------------------------------------------------------------------
بنك QNB لن تحتاج معه للكريدت ولا للشهادة فقد مجرد فتح حساب وفيزا الحساب سوف تسحب
Mostafa Hamada1 بتاريخ 14/04/2018 الساعة 11:49 ص:
مدة الشهادة: 3 سنوات (5000 جم) تستردها بعد إنقضاء مدة الشهادة..
أجعلها مدة 3 سنوات وعائدها يصرف كل ربع سنوي (يعني فائدة الشهادة تنزلك كل 3 شهور)
Mostafa Hamada1 بتاريخ 14/04/2018 الساعة 11:52 ص:
هينزلك فائدة الشهادة (162.5 جم / 3 أشهر) يعني 650 جم في السنة
رفيق رمضان النقراشي بتاريخ 14/04/2018 الساعة 05:38 م:
الحمدالله تم تفعيل فيزا باي بال اخييييييييييييييييرا
والرابط اهو عشان التصديق
https://suar.me/r1jdp
Mostafa Hamada1 بتاريخ 15/04/2018 الساعة 08:25 م:
مبروك أخي أتمنى أن تسحب أرباحك وتشاركنا تجربتك تلك
Mostafa Hamada1 بتاريخ 15/04/2018 الساعة 08:30 م:
اسحب مالك بعدما تستلمه من خمسات، سيخصمون 5$، بعدما تتوصل بالمال في الفيزا.
راسل الباي بال وأخبره أنه أول سحب لك وتريد رد ال5$ وسيردونه ان شاء الله
Mostafa Hamada1 بتاريخ 15/04/2018 الساعة 08:31 م:
استاذ حسين، هل نجحت في سحب 50$ ؟
رفيق رمضان النقراشي بتاريخ 15/04/2018 الساعة 10:38 م:
Mostafa Hamada1@
متاكد اخي اسحب فلوس من الباي بال الي الفيز ويخصمون 5 دولار ثم اخبرهم اول تحويل لي ولا اعرف يردون المال فورا
طاب انا اشتريت بلفيز الي مربوطه باي بال
تفتكر تتحسب وله اي
Mahmoud Atia2 بتاريخ 16/04/2018 الساعة 01:19 ص:
الف مبروك استاذ مصطفي لكن احب انبهك لنقطة معينة لان طريقتك دى استخدمتها من فترة وفعلا سحبت الفلوس وحولتها لحساب الديبيت لكن البنك حجز علي النبلغ وطلب اثبات مصدر الاموال وطبعا الفلوس اتحجزت فترة كبيرة فالبنك واتطلب منى ان العملية متتكررش عشان يسمحولى اسحب الفلوس ..وطبعا اول ما سحبت الفلوس لغيت الكريدت والشهادة وهربت من البنك ..هو حل فعلا لكن مش مضمون بلاش تدخل الناس في تجربة فردية عشان ممكن حد يسحب مبلغ كبير وتحصل مشكلة وميقدرش يسحبه من البنك
انا حاليا بستخدم بايسيرا وهى اروع الحلول وكمان حاليا فيه easypay وهى كمان كويسه
شكرا على تجربتك
Mostafa Hamada1 بتاريخ 16/04/2018 الساعة 03:24 م:
أخي الكريم رفيق رمضان،هذا ما حدث لي في المرتين اللتين سحبتُ فيهما، ولا مشاكل إن استخدمت الفيزا في الشراء فالبطاقات الائتمانية كلها مصممة بالأصل لتستخدمها بديلاً آمناً، نوعاً ما، عن الكاش.
------------------------------------------------------------------------------------------------------------
أستاذ محمود عطية، لشكراً لتعليق حضرتك المُثري، كما أشكرك على هذه النصيحة الغالية والتي سأنتبه لها في المرات القادمة بإذن الله وسأحاول البحث فيها... ولكن كما رأيت الكثير من التجارب للأشخاص الذين يسحبون بشكل مستمر من PayPal ومن محادثاتي الهاتفية العديدة مع PayPal أكدوا لي أن الطريقة التي تقبلها معظم البنوك في مصر لسحب مال الـ PayPal هي الكريدت كارد وبناءً على ذلك أكملت في الطريق.
بشأن البطاقات الخارجية فأنا لا أفضلها فلها رسوم لا داعي لها، كما أنني لا أملك جواز سفر، بطاقة Payoneer معي وحساب بايونير البنكي مربوط بنجاح مع PayPal ولكن مصاريفها كثيرة أيضاً. أما بالنسبة لبطاقة easy pay فأنا أنتظر تجربة الإخوة الأفاضل: أستاذ رفيق رمضان النقراشي، والأستاذ حسين عطية في سحب مالهما من بايبال للفيزا فإن...
Mostafa Hamada1 بتاريخ 16/04/2018 الساعة 03:36 م:
... فإن نجحا بإذن الله فساستخرجها، بإذن الله، حيث أنني أملك بطاقات عديدة لم تنفع وبطاقة Prepaid البنك الأهلي نفعت معي في سحب مبلغ حوالي 43.61$ ولكن بعد ذلك صارت لا تنفع للسحب بعدها بحوالي شهر، لأن البنك أوقفها من استلام المال من البايبال (أوقفها على كل بطاقات البريبيد وليس بطاقتي فقط) وبعدها أكملت بحثاً في بنوك، مثل: CIB - البنك العربي الأفريقي - البنك الأهلي المصري. وبعدها اهتديت بفضل الله وتوصية كلاً من دعم عملاء PayPal وأبي... وبالتأكيد مع خدمة عملاء كريدي أجريكول أكدوا لي وبهذا نشرت تجربتي.
كما أن البايبال أخبرني أن البنك بمقدوره إثبات مصدر الأموال من البايبال طالما أن مصدر الحوالة هي بايبال.
على العموم أنا كنت أحاول سحب مبلغاً ليس كبيراً (18.92$)، شكراً على نصيحتك وأنا بإنتظار تأكيد الأخوة الكرام بتأكيد سحبهم بنجاح وسأستخرج إيزي باي. وسأحاول بالأصل عدم سحب مبالغ كبيرة حتى لا أتعرض لماوقف تعليق المبلغ أو ما شابه..

كما أنني حاولت كما ذكرت أن أسحب على الديبيت مباشرةً لكن المبلغ كان يرد لمدة مرتان متتاليتان

أتمنى أن أعرف الطريقة الحالية التي تسحب بها أرباحك حالياً؟؟
رفيق رمضان النقراشي بتاريخ 20/04/2018 الساعة 09:40 م:
Mostafa Hamada1@
اخي انا الفلوس وصلت علي الفيزا
بست بعت 13 دولار وصل 8 وخصمو 5 اكتب اي عشان يردو 5 دولار اخي

وكمان انا اتحظرت من بعتان الرسايل 7 ايام اكلم دعم خمسات ازاي واعرف سبب المخالفه اي عشان مش عارف هي اي بظبط
Mostafa Hamada1 بتاريخ 20/04/2018 الساعة 09:44 م:
أرسل للبايبال،
لقد سحبت مبلغ 13$ وقد تم خصم 5$ عمولة السحب. وهذه أول مرة أسحب فيها من PayPal وأريد أن تردوا العمولة لأنني أريد سحبها.

بالنسبة للحظر، فيبدوا بسبب أنك تراسل كثير من الناس، ولن تتمكن من المراسلة لمدة 7 أيام، لا تقلق كلنا مررنا بهذا الحظر وحظر وضع مواضيع في المجتمع وحظر التعليق في المجتمع كثيراً. ليست بالمشكلة الكبيرة
رفيق رمضان النقراشي بتاريخ 20/04/2018 الساعة 09:48 م:
شكرا لك اخ مصطفي طاب لمه حد يبعتلي رساله طبعا حايقوله المستخدم محظور صح
وكدا وصلت الفلوس في 3 ايام فقط
شكرا لك مصطفي
لاكن دعم الرسايل بطئي اصبح لا يرد علي منذ 3 ايام هل التلفون مكلف وكم الدقيقه وكدا وارجو الرد وان اعرف اتصل افضل ومن التلفون الارضي كم التكلفه
وحايتم الرد في التلفون بسرعه واخد الفلوس
Mostafa Hamada1 بتاريخ 20/04/2018 الساعة 09:51 م:
ربما ولكنه غالباً ما يأخذ 24 ساعة.
المكالمة مكلفة بشدة سواء محمول أو خط أرضي، وبالطبع الدعم الهاتفي سريع ولكن هيهات لسعر الدقيقة الدولية
رفيق رمضان النقراشي بتاريخ 20/04/2018 الساعة 09:54 م:
لا الرسايل حلوه هههههه
رخيصه وبراحتهم خالص هههه
Mostafa Hamada1 بتاريخ 20/04/2018 الساعة 09:59 م:
هههههههههههههه.

يمكن أن تحادثهم هاتفياً بسعرٍ رخيص، ولكنك ستستعمل موقع للمكالمات الدولية. ستقوم بشحنة بحوالي 1$ عن طريق One Card

عن طريق موقع: https://call2friends.com/register
سعر الدقيقة عبر هذا الموقع = 0.005$
رفيق رمضان النقراشي بتاريخ 20/04/2018 الساعة 10:01 م:
شكرا ليك فكره حلوه الموقع دا حلو والدقيقه رخصيه نوعا ما والدعم لباي بال عربي
Mostafa Hamada1 بتاريخ 20/04/2018 الساعة 10:07 م:
نعم عربي، فقط سيحيونك بالإنجليزية Good morning in PayPal فقم بإلقاء التحية بالعربية وسيحدثونك بالعربية فوراً.

رقمهم: 4203 536 1 353

وسيطالبك الرد الآلي بإدخال رمزٍ لمرة واحدة مكون من 6 أرقام، ستجده عن طريق هذه الصفحة في حسابك: https://www.paypal.com/eg/selfhelp/contact/call

عن نفسي كنت أستعمل تلك الطريقة للتواصل.
Mostafa Hamada1 بتاريخ 20/04/2018 الساعة 10:08 م:
ويمكنك التكلم بالعامية المصرية بشكل عادي
Mostafa Hamada1 بتاريخ 20/04/2018 الساعة 10:40 م:
آه نعم إذا ما راسلك أحد سيظهر له أنك محظور من المراسلة.
أسماء المناوي بتاريخ 21/04/2018 الساعة 12:47 ص:
شكرا لمجهودك أخي في الشرح..
ممكن من فضلكم اللي جرب فيزا البريد المصري ايزي باي يقول خطوات استخراجها وتفعيلها.. لان بسحب أرباحي بوسيط مالي الي الان.
Mostafa Hamada1 بتاريخ 21/04/2018 الساعة 02:10 ص:
منقول ممن جربوها في الموقع (الأساتذة الأخوة الأفاضل: رفيق رمضان - mhmoudmhmd - Husain aty)
1. تتوجهي مكتب البريد الرئيسي، ويمكنك إيجاده عبر البحث في جوجل للفرع الرئيسي لمحافظتك.
2. إسم الفيزا easy pay ثمنها 25 جنيهاً.
3. تنتظري حوالي نصف ساعة بعدما تحصلي عليها من الموظف وتتصلي بخدمة عملاء البريد، ورقمهم: 16789 وتتطلبي منهم تفعيل الفيزا وتفعليها للإستخدام على الإنترنت.
4. تقومي بإيداع مبلغ 100 جم، حيث أن هذا هو الحد الأدنى للإيداع في الفيزا تلك، من أي شباك في نفس الفرع.

أتمنى ألا أكون قد أخطأت في شيء
Mostafa Hamada1 بتاريخ 21/04/2018 الساعة 02:14 ص:
مصاريف فيزا easy pay السنوية = 25 جم بناءً على ما أخبرني به الأخ الكريم mhmoudmhmd، ولكنني قرأت في إحدى المواقع أنها 15جم.

الفيزا صالحة 5 سنوات.
سعيد بدرو بتاريخ 24/04/2018 الساعة 05:38 م:
أخي لدي سؤال عن سحب الرصيد من خمسات إلى بيبال كم يؤخد من عمولة أم لايأخدها إطلاقا الإني سمعت أن خمسات تتكفل بالعمولة فقط خلال الأسوبوع الأول من الشهر فقط
Mostafa Hamada1 بتاريخ 24/04/2018 الساعة 05:45 م:
مرحباً بك أستاذ سعيد، أتمنى أن تكون بأتم صحة وعافية :)
إن خمسات تتكفل بالعمولة في أي وقتٍ من الأوقات تسحب فيه وفي أي يومٍ من الأيام، حيث أن ما تسحبه يصل لك كاملاً في حسابك في PayPal أسحب أموالك في أي وقت أخي وستصلك في خلال 24 ساعة.
سعيد بدرو بتاريخ 24/04/2018 الساعة 06:11 م:
شكرا وجزاك الله خيرا على الإجابة الوافية :)
المهندس احمد مجدى بتاريخ 28/04/2018 الساعة 09:51 ص:
انا لو مش عايز اسحب أموالى للفيزا دلوقتى عايزهم فى باى بال لحد محدد انا واسحب لان البطاقه معمول على السحب التلقائي اول كل شهر هل ممكن اخليها سحب مش تلقائي حتى لفتره وبعدين اخليها سحب تلقائي اغيرها ازاى
المهندس احمد مجدى بتاريخ 28/04/2018 الساعة 09:57 ص:
أنا مش عايز أحولها لانها بطاقه بريد مصرى ومش هقدر اسحب المبلغ دولار هسحبه مصرى وانا عايز اسحبه دولار فكنت مستنى لحد مجيب بطاقه تانيه لبنك اقدر اسحب فلوسى دولار ولا حضرتك ايه رايك
Mostafa Hamada1 بتاريخ 28/04/2018 الساعة 11:25 ص:
المهندس أحمد مجدي| السحب التلقائي غير مفعل في مصر أصلاً فلا تقلق لن يسحب تلقائياً.
بالنسبة للسحب بالدولار، فكل البنوك والبطاقات وماكينات الـ ATM تسحب بالمصري وليس بالدولار، إلا إذا فتحت حساب دولاري، وحينها في كل سحبة ستضطر للإنتظار داخل البنك لتسحب دولارات لإن ماكينات الصراف الآلي تخرج جنيهات فقط.

والحساب الدولاري له مصاريفه وإجراءاته الخاصة.
المهندس احمد مجدى بتاريخ 28/04/2018 الساعة 06:20 م:
تمام تمام شكرًا جدا ليك استاذ مصطفى

أضف تعليق

سجّل دخول لتتمكن من إضافة تعليق على هذا الموضوع.