الصراحة السؤال صعب وبحير، وخصوصاً بعد ماتحط السعر ع خدمتك بيبدا الشك، وبتصير تخاف إذا السعر يلي حطيتو غالي ولا رخيص، آخد فيه حقك ولا مغبون الخ .. وهي الحلة بتصير غالباً مع الناس يلي بتشتغل Freelancing من تصميم ولا برمجة أو ترجمة واي عمل تاني ممكن تعملو من بيتك.
بدايةً، لازم تعرف انو مافيك تسعر الشي يلي عم تقدمو، حتى تعرف قديه بالحقيقة كلفك، فخلينا نمشي خطوة بخطوة لحتى تعرف فعلاً شو كلفك لتصير تسعر الشي يلي عم تقدمو للناس:
ملاحظة: خليك معي وجيب ورقة وقلم، واستبدل الأرقام يلي عم حطها بارقام حقيقة خاصة فيك، لتوصل بالنهاية للشي يلي بدك يا.

الوقت:
الوقت بحد ذاته قيمة، ولازم تعرف وقتك قديه حقو، أو بالأحرى انت قديه حابب تكون أجار ساعتك، ولساعدك بفضل تنطلق من راتبك الشهري الحالي بحال كنت موظف أو افضل راتب حصلت عليه سابقاً.
مثال: قيمة الساعة الأساسي
راتبك 6000 وبتشتغل 5 ايام بالاسبوع بمعدل 8 ساعات كل يوم، معناها: عندك 160 ساعة عمل شهرياً منقسمها على الراتب يلي هو 6000 بيطلع تقريباً 37 بالساعة، فهادا هو سعر ساعتك الأساسي.

● الخبرة:
بامكانك ضيف 5٪ لـ كل سنة خبرة عندك ياها، بكون الخبرة بتلعب دور بانجاز العمل بسرعة ودقة، فلو عندك 4 سنين خبرة معناها بدك ضيف ع سعر ساعتك الأساسي 20 ٪
يعني ٣٧ x ٢٠٪ = ٧ هي قيمة خبرتك بالساعة
وبعدين بضيفها ع قيمة ساعتك الاساسي ٣٧ + ٧ = ٤٤

● السمعة:
الرقم كان 37 وبعد اضافة الخبرة صار 44 لسا بدنا نضيف سعر السمعة تبعك، في ناس داقت المر لوصلت ونجحت، وفي ناس سهرت الليالي كرمال اسمها، لازم نطلع قيمة سمعتك عند زبائنك.
فالسمعة احياناً ممكن تتقييم بين ال 20٪ وممكن تصل لل 800٪ من قيمة ساعتك الأساسي اذا كانت ممتازة، بس خلينا نفترض انو سمعتك يلي بنتيتها خلال هالـ 4 سنوات كانت جيدة وبتساوي 80٪ معناها:
٤٤ x ٨٠٪ = ٣٥
ومرة جديدة بضيف قيمة السمعة ع قيمة الساعات الأساسي
٤٤ + ٣٥ = ٧٩
ياسلام الرقم عم يكبر شايف! صار 79 بالساعة

● التكاليف العامة:
هلق بعد ماوصلت لهالمرحلة بدك تحسبك كل مصاريفك وتكاليفك الثابتة، حتى سعر فنجان القهوة يلي عم تشربو وانت عم تساوي الشغل، ولسهل عليك هي قائمة باهم المصاريف يلي عندك ياها
مصاريفك الثابتة (أجار، تدفئة، كهرباء، انترنت، هاتف، الخ ..)
المواد المستخدمة بتنفيذ خدماتك، ورقيات، مواد اولية معينة الخ ..
مصاريف التنقلات والسفر والصيانة.
الاهتلاك (كومبيوتر، طابعة، سكانر، أو اي اجهزة اخرى)

بفضل قبل ماتحسب التكاليف تبدا بالاهتلاك، وعادة الأصول المحاسبية بتحسب اهتلاك الأجهزة وسطياً 3 سنين.
مثال:
عندك كومبيوتر وملحقات بتستخدمها لتنفيذ خدماتك متل الطابعة او سكانر أو اي شي تاني قيمتهم وقت اشتريتهم 5000
فبتقول:
3 سنين (متوسط اهتلاك الأجهزة) ضرب 11 شهر (ع فرض عندك بالسنة شهر اجازة) ضرب 160 ساعة (يلي هو عدد ساعات عملك شهرياً = 5،280 ساعة
معناها قيمة أجهزتك 5000 وبدها وسطياً لتخرب ويتم اهتلاكها 5,280 ساعة فمعناها بيطلع تقريباً 1 ع كل ساعة ، بس باعتباره قليل حاول تساوي ٢٠ وسطياً.

وطبعاً نفس الكلام مطبق على التكاليف العامة من مي وكهربا وتلفون وغيره بدك تحسب قديش بالساعة عم تكلفك، فعلا فرض تكاليفك العامة حسبتها طلعت 9,800 فبتقسمها على متوسط الاهتلاك 3 سنين
9,800 (قيمة التكاليف العامة) تقسيم 3 سنين = 2 تقريباً للساعة ومتل ماقلتلك بفضل دائماً ترفعو اذا كانت قيمتو قليلة لتساوي 20 أو 50 حتى، رح نعتمدو 20 بمثالنا.

معناها:
اذا عندي مشروع بدو 40 ساعة بضربو ب 20 يلي هي قيمة الاهتلاك = 800
هي الـ 800 بتصير مبلغ بينزل على قيمة ساعتك الأساسي
يعني ٧٩ (أجرة الساعة) x ٤٠ (عدد ساعات المتوقع انو المشروع ياخدها = 3,160
ضيف عليهم 800 الاهتلاك = 3,960
ضيف عليهم 10% طوارىء (بيطلع معك المبلغ يلي بدك تعطي للزبون)

طبعاً ع الأكيد مو كل مرة رح تعمل هالعملية، بس اول مرة رح تتعزب بعدين بتصير القصة سهلة ومابتاخد معك 5 دقايق لتعرف شو سعرها.
لاحدى يسبني بعد وجعة الراس يلي ساويتها فوق، بس حسيت انو لازم تعرفو هالقصة وكيف بتصير.

تبقو بخير

التعليقات (4):

Hos2am Designer بتاريخ 10/01/2018 الساعة 09:08 م:
ماشاء الله عليك موضوع جميل .. شاغل بالى له شهور فعلا بنفس التفاصيل تقريبا بس بشكل غير مرتب

وعجبنى منك سرد الموضوع بالشكل ده واتمنى لك التوفيق

اكتر نقطة كانت محيرة وكتير بيغفل عنها وانت لمستها نوعاً ما .. ان كل مستقل هو كيان مستقل بذاتة مبنى على اسس واستراتيجيات عمل اتكونت من خبرة او تعليم او ممارسة والمنظومة كلها على المستوى الخدمى كشركة مستقلة ليها الأتى ..

ميزانية متكاملة / استراتيجيات وخطة عمل واضحة / مهارات وكفاءات / نظرة مستقبلية / ومراحل تطوير

والسلعه الأهم من المال هى الوقت واللى بيعلى وبيرتفع مع معدل ارتفاع مهارات وادواتك

بالتوفيق للجميع
zOuhir Fx بتاريخ 10/01/2018 الساعة 09:24 م:
شكرا أخي Karim على الموضوع
بعض النقاط لم أكن أنتبه لها من قبل..

لكن أعتقد أن السعر الأخير يحدده السوق و المنافسة,
فلا يمكنك أن ترفع سعرك مقابل شخص اخر (أو أشخاص) يقدمون نفس خدمتك وبنفس الكفاءة..

● وفي نفس السياق سعر الخدمة / المنتج لايمكن أن يبقى مستقرا.. فدائما ما ستواجه تدبدبات
تتحكم فيها قوى العرض والطلب..
bilalsh70 بتاريخ 10/01/2018 الساعة 09:25 م:
السلام عليكم ورحمة الله
أخي الكريم
الله يعطيك العافية...
أعجبتني طريقتك بالتفكير ، لكن كما يقولون ( الخارطة ليست هي الواقع) !
أي الكلام النظري ليس كالواقع !
يعني كلامك هذا يصلح للمشاريع الكبيرة في الشركات الكبيرة، لكنه صدقاً لا يصلح هنا في الخدمات المصغرة.
ولو كل واحد سيقيس جهده مثلك فلن يعمل أحد هنا !
أنا شخصياً ساعتي في عملي الصباحي تعادل 15$ !
وأقيس أي خدمة أقدمها في خمسات بالساعة فساعتي ب 5$، لكن في المقابل صقلت موهبتي في الكتابة والترجمة والتدريب وحققت انتشاراً مقبولاً بفضل الله تعالى والحمدلله.
وكونت معلومات ستفيدني في اطلاق مشاريعي الخاصة.
تحياتي لك على كل حال.
على الهامش: في هذه الحياة ليس كل شيء يقدر بالمال !
تأملها جيداً ستفيدك في المستقبل.
mohamed khelili بتاريخ 10/01/2018 الساعة 11:15 م:
موضوع قيم يا ابن بلدي
بالتوفيق لك ..

أضف تعليق

سجّل دخول لتتمكن من إضافة تعليق على هذا الموضوع.

كاتب الموضوع

Karim Design

بائع نشيط

✅ مدير مواقع على الانترنت ومتخصص فى مجال الموشن جرافيك. أساعدك بجعل موقعك يظهر في ترتيب متقدم في نتائج بحث غوغل عبر تقديم باك لينكس لمدة طويلة ومن مصدر موثوق عالي الجودة. معظم المتعاملين يكررون الشراء ليكسبون مصداقية أعلى والتقييمات تتحدث عني