مشكله ربط الباى بال بفيزا للاستقبال داخل مصر

سمعت كتير من الاعضاء ان فيزا البنك القطرى الاهلى بتربط على البال بال
طبعا الموظفين فى البنك مش فاهمين اى حاجة
فأنا عملت الفيزا وستلمتها
وحطيت فيها فلوس
وجيت اليوم اربط عليها من الباى بال
بيقولى ان الفيزا غير صالحه للربط
الفيزا عباره عن فيزا اليكترون شوبنج للانترنت
ايه الحل يا جماعه وياريت اللى مفعل الحساب مع الباى بال بفيزا معينه يقول البنك اللى مفعل عليه وايضا الاوراق المطلوبه ايه
عن الموضوع
ناشر الموضوع

.Mohamed K

  • مشتري مميز

التعليقات (80)

مازن م.
منذ 8 سنوات و10 أشهر
هل طلبت منهم فيزا خاصه بالانترنت ؟
.Mohamed K
منذ 8 سنوات و10 أشهر
نعم طلبت منهم فيزا انترنت وفيزا تانيه الديبت كارت اللى هى بتاعه الحساب نفسو ...... بتاعه الانترنت اسمها اننترنت shopping >>> والله الموضوع كلفنى 120 جنيه مصاريف الفيزات وفتح الحساب وحساب الانترنت وما الى ذالك
مازن م.
منذ 8 سنوات و10 أشهر
كلم حد بيفهم بقي في البنك وشوف .
.Mohamed Y
منذ 8 سنوات و10 أشهر
قم باستعمال ميتا اكونت لتحويل الرصيد من حسابك لفيزا الشوبنج يا اخي
.Mohamed K
منذ 8 سنوات و10 أشهر
هو مش المفروض يا جماعه ان انا بربط فيزا الانترنت بالبال بال وبعدين بقوم بتحويل المبلغ الموجود على حساب الانترنت الى الحساب الرئيسى فى البنك بستخدمة خدمة netta bank
.Mohamed Y
منذ 8 سنوات و10 أشهر
لا يا فندم مش صحيح الكلام ده ، بطاقه الانترنت لا تقبل السحب باي شكل ، ما تدعم السحب هي بطاقه الحساب نفسه وليس الانترنت ، يعني قم بربط البطاقه الخاصه بالحساب بالباي بال وليس فيزا الانترنت لانها للشراء فقط
.Mohamed K
منذ 8 سنوات و10 أشهر
اممممممممممممممممممه انا فعلا جربت حالا لقيتها ربط .... دة معناه ان بطاقه الانترنت ملهاش اى لزمة اصلا صح كدة؟
.Mohamed Y
منذ 8 سنوات و10 أشهر
فعلا ملهاش اي لازمه غير الشراء بس
سالى م.
منذ 8 سنوات و10 أشهر
متابعه بعد اذنك
كم مصاريف فتح الحساب والشروط وتكلفه الفيزا
لانى انوى عمل حساب به زعمل فيزا ديبت
.Mohamed K
منذ 8 سنوات و10 أشهر
الف شكرا متشكر اوى انا هتصل بالبنك علشان اخد الكود اللى بعتوا الباى بال وشكرا ليك يا غالى على ابدائك الرأى والنصيحه والمعاونه
.Mohamed K
منذ 8 سنوات و10 أشهر
التكاليف فى هذه الحاله الان هيا حوالى 80 جنيه للفيزا وفتح الحساب و7 جنيه كل شهر لو هتاخدى اكوانت على الانترنت اسمو نيتا بانك .............. دلوقتى وصلنى فعلا رساله من البنك بتقول ان الباى بال قام بسحب مبلغ 1.5 يوروا حوالى 13 جنيه ... وهيا للتأكد من االحساب انو حسابك
.Ahmed H
منذ 8 سنوات و10 أشهر
فيزا الانترنت للشراء فقط،ولا تستطيع سحب أموالك من الباى بال عليها.
لكن فيزا الديبيت من QNB تستطيع تفعيل حساب الباى بال من خلالها فقط. لكن السحب مع الاسف فيه مشاكل ولم يتم حلها حتى الآن. انا شخصياً لم أستطع السحب على QNB VISA Debit Card لكن فعلت بها حسابى. لا أكثر من ذلك ولا أقل.
فيزا ديكسى باى يمكن السحب عليها بدون مشاكل.
أو، يمكنك عمل Visa Credit Card من أى بنك، وستعمل بدون مشاكل، لكنها مكلفة.
.Ahmed H
منذ 8 سنوات و10 أشهر
بالمناسبة، كود تفعيل الباى بال، يصلك فى رسالة على موبايلك. بعد إتمام عملية ربط البطاقة.
.Mohamed K
منذ 8 سنوات و10 أشهر
ليه السحب فيه مشاكل اخى انت حاولت التعامل وجربت ليه السحب فيه مشاكل ممكن تعطينا سبب؟وهل المشكله من البنك نفسو ام من الباى بال؟
سالى م.
منذ 8 سنوات و10 أشهر
Ahmed Helmy

هل سحبت المال واستلمته بيدك باى وسيله من التى عرضتها ديكسي باى او فيزا كريدت كارد
ام ليس بعد

m01144090379 شاكره لمعلومات التكاليف
.Ahmed H
منذ 8 سنوات و10 أشهر
المشكلة فى الفيزا نفسها، مينفعش تستقبل عليها أى أموال. (واحد من موظفى البنك تقريبا هو اللى كان فاهم :) قالى بسبب الحماية العالية لبطاقة الديبيت الجديدة) وكلمت البنك أكتر من مرة، نص الموظفين مش عارفين يعنى ايه باى بال أصلاً، والنص التانى بيقول ينفع تستخدمها ع النت (للشراء) زى بطاقة الشوبينج، حاولت أفهمهم ان اناهستقبل عليها اموال من باى بال، مفيش حد فاهم حاجة، جربت بنفسى أسحب حوالى 200 دولار، لكن بعد حوالى 15 يوم الفلوس رجعت تانى للباى بال!!.
حل المشكلة زى ماقلت اما ديكسى باى أو كريديت كارد.
وبالمناسبة مش انا لوحدى اللى بعانى من مشكلة فيزا QNB تقريبا كل أعضاء منتدى ترايدنت =D
.Mohamed K
منذ 8 سنوات و10 أشهر
حاجة غريبه جدا امال انا كنت بكلم فى تليفون دلوقتى والموظفه بتقولى عادى تسحب وتشترى بيها من الباى بال بدون مشكله وايضا كارت الشوبنج دة معمول علشان لو فى موقع او خدمة ما عاوز تتعامل معها وتحط فلوس بسيطة بس فى حسابك بدل ما تحاول تحط الكارت اللى مرتبط بحسابك البنكى ..... وبتقولى عادى تقدر تربطوا بالباى بال وتستقبل عادى بدون مشكله وتسحب فلوسك ........ هو صحيح المثل بيقول اسأل مجرب ولا تسأل طبيب بس مش عارف والله الموضوع حاجة تخنق فعلا
.Mohamed K
منذ 8 سنوات و10 أشهر
بس المشكله الموظفه قالت ليا ثوانى وبعدين قفلت فى وشى ههههههههههههههههههههه ....... هاتف ثابت ارضى ...... اعمل ايه معاهم بقى
.Ahmed H
منذ 8 سنوات و10 أشهر
جرب بنفسك =D ومتنساش تقولنا نتيجة التجربة.
.Ahmed H
منذ 8 سنوات و10 أشهر
ههههههههههههه دا العادى من موظفين البنوك .. هما مش عارفين اصلا يعنى ايه باى بال =D
.Mohamed K
منذ 8 سنوات و10 أشهر
بص انا اتصلت تانى وفعلت الحساب وربطوا والكارت بيقبل المعاملات والشراء على الانترنت عادى بدليل انو قبل مع الباى بال ..... المهم بكلم الموظف ليقتوا من نفسو بيكلمنى على خدمة الباى بال قولت ليه ايوه الله ينور عليك انا عاوز اعرف بقى هل فى مشكله فى سحب وكدة ........ بيقولى مفيش اى مشكله طالما بستخدم حاجة اسمها wild transiffer
أيه حكايه الوايلد اللى بيكلم عنها دى ... بيقولى دى موجودة فى الباى بال ... بقولو اسمها withdraw >>>بيقولى لا مش هيا ... بيقولى لان الوايلد دة بيكون عباره عن حواله بنكيه ........ وبتالى بتقدر تستقبلها عادى ..... حد فاهم حاجة؟
.Ahmed H
منذ 8 سنوات و10 أشهر
تقصد Wire Transfer
السحب من خلال الحوالات البنكية غير مسموح بيه فى الباى بال للمصريين، ينفع فى حالة واحدة، لو عندك حساب بنكى فى أميركا. غير كدا لا، وسيلة السحب الوحيدة فى مصر هى Visa.
وأنصحك تتابع منتديات ترايدنت قسم التجارة الالكترونية.
---
عموما انت حسابك هيتفعل على الباى بال، وهتقدر تشترى، لكن مش هتعرف تسحب فلوسك.
.Mohamed K
منذ 8 سنوات و10 أشهر
طيب سؤال يا احمد حلمى ...... هو فيزا بنك كريدى اكرجدول prepaid اللى زى ماستر كارد بنك cib >>> هل الفيزا دى اقدر اسحب بيها ولا متعرفش؟.... بجانب ايه حكايه الديكسى باى ممكن معلومات عنها هنا علشان الكل يستفاد؟نعملها فين وتكلفتها كام ومحتاجه اوراق ايه وما الى ذالك؟
.Ahmed H
منذ 8 سنوات و10 أشهر
اى بطاقة فى مصر من نوع Prepaid هى للشراء فقط، ولا تقبل السحب نهائياً.
بالنسبة لموضوع الديكسى باى. فيزا تقدر تفعل بيها حسابك على باى بال، وكمان تسحب عليها، وتاخد فلوسك من اى ATM فى مصر او اى دولة، أقصى رصيد للبطاقة: 15000$ دولار أمريكى، وبتخصم 2.50 دولار على كل عملية سحب من ATM.
دا موقعهم الرئيسى. بالعربى.
http://www.dixipay.com/ar/%D8%A8%D8%B7%D8%A7%D9%82%D8%A9-%D8%AF%D9%8A%D9%83%D8%B3%D9%8A-%D8%A8%D8%A7%D9%8A-%D9%81%D9%8A%D8%B2%D8%A7-%D8%A7%D9%84%D9%85%D8%AF%D9%81%D9%88%D8%B9%D8%A9-%D9%85%D8%B3%D8%A8%D9%82%D8%A7/
===
وأنصح بمتابعة الموضوع دا وقراءة الردود ::.
http://www.traidnt.net/vb/traidnt2531293/
---
.Mohamed K
منذ 8 سنوات و10 أشهر
الف شكر يا غالى انا هبدء فعلا اقرء فى الموضوع وافهم ايه الدنيا جزاك الله خيرا لو الواحد كان سأل من البدايه كان عرف ووفر المصاريف والفلوس والمشاوير وكل حاجة

عموما نسيت اقولك يا look smart
ان اقل مبلغ لفتح الحساب فى بنك القطرى الاهلى هو 500 جنيه شامله فيهم المصاريف اللى هتتخصم
بالتوفيق
.Mohamed K
منذ 8 سنوات و10 أشهر
المهم الان ان تم التفعيل ....... ومشكله السحب سيتم حلها ان شاء الله بأى وسيله ...... المهم ان لو انت هتحتاج تاخد فلوس من حد هتقدر تاخدها على الاقل وتقدم ليه الخدمة فى اسرع وقت دون ان اتنتظر الحوالات وما الى ذالك....... يعنى نقدر فى الاول والاخر نقول الحمد لله على كل شىئ
.Youssef V
منذ 8 سنوات و10 أشهر
او استطعت السحب من بنك QNB اتمنى تخبرنى ، لأنه حتى الآن لا يوجد حل امامى غير وكيل خمسات :)
.Mohamed K
منذ 8 سنوات و10 أشهر
تمام ياباشا حاضر اكيد لو تم السحب هخبر كل الجميع لكى يستفاد الجميع وبخصوص طريقه بطاقه الديكسى ان شاء الله بعد تجربه البنك هيتم فصل القول فى البطاقه
.Mohamed H
منذ 8 سنوات و10 أشهر
انا ربطت حساب بنك أمريكي تبع بايونير بالباي بال وتم تفعيله بشكل كام ، سحب ، شراء ، استلام الكلام ده الشهر اللي فات بس ومفيش أي مشاكل بس حتى الان مسحبتش به حاجة
.reham22 E
منذ 8 سنوات و10 أشهر
سؤال يا جماعه لو عملت visa debit card من اى بنك زى الاهلى او المصرى دى تشتغل ولا لا ؟؟
سالى م.
منذ 8 سنوات و10 أشهر
هل من يد فى الموضوع m01144090379؟؟؟
Tito Ml
منذ 8 سنوات وشهرين
لو سمحت هو انا لو معايا فيزا انترنت بس هي للشراء من الانترنت فقط ولا يمكن سحب فلوس بها اذا ربطتها ببايبال هل عندما ابعت من مواقع ربحيه علي بايبال
بايبال سيستقبلها و يضيفها لل balance بتاعي ام لا؟
.Mohamed K
منذ 8 سنوات وشهرين
ايوه انت تقدر تستقبل فى الرصيد الخاص بالباى بال اكيد
بس الرصيد هيفضل موجود فى الباى بال مش هتعرف تصرفوا خالص
من الافضل انك تقوم بعمل حساب باى بال امريكى من البدايه علشان الرصيد اللى فى بال بال تقدر تشترى بيه ودى نصيحتى ليك
.Sherif M
منذ 8 سنوات وشهرين
السلام عليكم
أنا بعد بحث شهور في الموضوع ده
لقيت ان الطريقة الوحيدة هي فيزا ديكسي
فتحت حساب واستلمت فلوسي فعلا

عشان محدش يتعب نفسه ويقول ان في بنوك مصرية بتربط بالباي بال .. مفييش عن تجربة
محمد ع.
منذ 8 سنوات وشهرين
ياريت الإخوة اللي فعلوا الباي بال مع حساب بنكي أمريكي يقولوا لنا الخطوات
في أكتر من واحد اتكلم عن الموضوع وإنه بيتم بالحصول على شريحة تليفون أمريكية بس بدون تفاصيل واضحة
لو ممكن Mohamad EL Masry تفيدنا
.Mohamed E
منذ 8 سنوات وشهرين
فعلا مافيش فى مصر اى بنك بيستخرج فيزا للسحب
بجب ان يكون الباى بال غير مصرى والفيزا غير مصريه
.Mohamed K
منذ 8 سنوات وشهرين
بس فى ناس فعلتوا وبتسحب ومش عاوزة تقول
سعد ا.
منذ 8 سنوات وشهرين
بالنسبة لاستفساركم عن البنك القطرى ووصلت للمعلومات الأكيدة و هى
انك علشان تربط حسابك فة الباى بال بفيزا لازم ما تكونش فيزا انترنت علشان تقدر تسحب فلوسك
اقولك ليه ؟ علشان قصة غسيل الأموال لازم تروح تقدم على كريدت كارد فى البنك القطرى QNB و تحط وديعة 2000 جنيه مصرى حتاخد عليهم فوايد مفيش مشكلة بس ده النظام علشان تقدر تستقبل فلوسك و يكون عندك حساب حقيقى فى البنك لأن ده شرط الحكومة المصرية على الباى بال علشان تقدر تسيطر على عمليات غسيل الأموال

الحل التانى هو بايونيير كارد و عايز تفعل حساب بنك امريكى افتراضى (الطريقة المعروفة )

يارب اكون قدرت افدكم بمعلومة كويسة
.Wael E
منذ 8 سنوات وشهرين
حاليا فية سياسة جديدة خاصة بالبنوك المصرية وقرارات جديدة ممكن تشوفوها علي المواقع الأخبارية
نصيحة بلاش أي فيزا من بنك مصري هتواجهكم مشاكل أنتوا في غني عنها
وزي ما قال الأخ Sherif Mesalam
ديكسي باي هي الحل وبدون مشاكل وكفاية أنها فيزا مش ماستر كارد وبتفرق كتير مع الباي بال
بالتوفيق للجميع
.mohammed o
منذ 8 سنوات وشهرين
مرحبا أخى العزيزى وجميع الأخوة المصريين المهتمين بالموضوع ده
حضرتك فيه حل سهل جدا وهو أنك تروح أقرب فرع بريد وتقوله عايز فيزا بيزنس سعرها 30 جنيه وهتستلمها وأنت واقف
وهتقدر تفعل بيها وتسحب بيها من أى ATM بدون أى مشاكل
لاكن فيها عيوب
أولا الفيزا مبتقبلش أكثر من 5000 جنيه مصري
ثانيا الفيزا مدتها سنة فقط
لاكنها مناسبة للأشخاص الى دخلهم من الأنترنت قليل ومبيتخطاش ال500 دولار
بالتووفيق للجميع
.Mohamed K
منذ 8 سنوات وشهرين
مرحب محمد اسامه وهل المبلغ اللى راح استلموا راح يتحول الدولار بسعر البنك؟
ولا اقدر استلم المبلغ دولار؟
........
ودة حد المبلغ اللى ممكن اضافته للبطاقه؟
.mohammed o
منذ 8 سنوات وشهرين
أولا يا غالي البطاقة مثلها مثل أى بطاقة أخرى ولا أعرف أن كانت تقبل السحب بالدولار أو لا
ولاكن أغلب البطاقات يتم السحب بها بالجنيه المصري
نعم هذا أعلى مبلغ تقدر تحطه فى البطاقة 500 جنيه
البطاقة سعرها 30 جنيه فقط أذهب للبريد وأستخرجها وشوف بنفسك مش هتخسر حاجة لحد ما نشوف حل نهائي للمشكلة دي
وهذه بعض الصور للبطاقة:
https://i.suar.me/8A9M/m
https://i.suar.me/jo31/m
.Mohamed K
منذ 8 سنوات وشهرين
تمام الله ينور عليك اخر سؤال بقى
هل يمكن ان اعمل ايداع من مكنه atm عليها ولا فقط الايداع يقتصر على البريد؟
.mohammed o
منذ 8 سنوات وشهرين
فقط من خلال مركز البريد لا أعرف أن كانت تدعم الأيداع عن طريق الATM أو لا فأنا لم أجرب
.Mohamed K
منذ 8 سنوات وشهرين
تمام تسلم على المعلومة والله ما قصرت يا حبيبى
هو الخدمة اكيد هبقى جيدة جدا
لكن هتبقى بخساره كبيره للناس اللى عندها مبالغ كبيره
لان هيضطر يسحب على مراحل
بجانب انو هياخد بسعر الدولار بسعر البنك يعنى خساره اكتر من جنيه مصرى فارق السعر السوق السودا
.mohammed o
منذ 8 سنوات وشهرين
نعم هذا ما قصدته لاكن لا يوجد بديل حتى الأن ألا ديكسي باي
والمشكلة الأخرى الخاصة بسعر البنك دي أيضا مشكله كبيره لأن السعر بره أغلي من سعر البنك بكتير وبتفرق جدا
لاكن رغم هذا تعتبر مفيدة للأشخاص مثلى الى مستثمرين فى شركات لأنى بحتاج أسحب من شركات عشان أستثمر فى شركات تانيه وهكذا وده بيحتاج بايبال مفعل فهي بتنفع فى النقطة دي
.reham22 E
منذ 8 سنوات وشهرين
طيب أخى عندى سؤال يعنى أعلى مبلغ ممكن تسحبه منها هو ٥٠٠ ولا ٥٠٠٠

وسوال تانى بالنسبه لبطاقه ديكسى باى هل ممكن الواحد يسحب منها بالدولار ولو ممكن ازاى
.Mohamed K
منذ 8 سنوات وشهرين
5000 اخت ريهات مكتوب فى الصوره فى شروط التعاقد شوفى الصور
بخصوص بطاقه ديسكى برضو بالمصرى لان ملهاش بنك فى مصر
.reham22 E
منذ 8 سنوات وشهرين
تمام شكرا أخى الفاضل ىاعتقد انها طريقه كويسه جدا بالنسبالنا
شكرا جزيلا
.mohammed o
منذ 8 سنوات وشهرين
5000 جنيه مصري أختى
محمد ح.
منذ 8 سنوات وشهرين
معلومات مفيده جدا يا استاذ محمد اسامه
شكرا جدا
.Ahmed M
منذ 8 سنوات وشهرين
أعتقد أن بطاقة بايونير هي الحل الأمثل لمن يريد أن يسحب أمواله من خمسات .. حيث تقوم بادخال حساب البايبال الخاص بك في خمسات ثم تقوم بربط حساب البايبال ببطاقة بايونير .. يمكنك أن تطلبها بسهولة من خلال هذا اللينك مجانا مع العلم بأنك ستحصل على 25$ هدية عند شحن بطاقتك بمبلغ 100$ .
http://bit.ly/1Q2GSwb
.Bishoy N
منذ 8 سنوات وشهرين
السلام عليكم
انا جربت حل الاخ mohamd_osama وجربت اروح استخرج البطاقة وكانت تجربتى كالتالى

روح مكتب البريد بتاع المدينة عندنا في القليوبية الموظف قالى "لا معناش او لسة منزلتش هنا روح مكتب بريد كبير"

روحت مكتب بريد وسط البلد القاهرة قدام بنك مصر وكان الموقف كالتالى موضف البريد قالى "لا مسمعتش عنها روح اسأل رئيس المكتب"

روحت عند الرئيس قالى "انهى فيزا ولا شكلها اية " فتحت الموبايل بتاعى ووريتة الصور اللى الاخ mohamd_osama منزلهم بص فيهم شوية وبعدين قالى "احنا عندا حاجة زى كدة بصورة الطاقة بردة بس شكلها مش زى الصور خالص" قلتلة اية نظامها قالى "بتطلع بعد شهرين ولازم احط فيها على الاقل 100 جنية"

اسف انى طولت عليكم
بس لو حد جابها ياريت يقلنا منين وتجربتة معاها
شكرا
.Mohamed K
منذ 8 سنوات وشهرين
للاسف يا بشوى اغلب الموظفين فى مصر تقدر تقول كانو شغالين فى مطحن قبل ما يمسكوا وظيفه ولا فهمين اى حاجة فى شغلهم
.Bishoy N
منذ 8 سنوات وشهرين
فعلا للاسف
.Mohamed E
منذ 8 سنوات وشهرين
للاسف النهارده رحت مكتب البريد وكل الموظفين فى الفرع مكنوش فعلا يعرفوها واقعد اشرح لكل واحد هى ايه
وقعدت اشرحها للمدير برضه وفى الاخر اتصل بحد وقاله انها لسه ماجتش المكتب
مصطفى ح.
منذ 7 سنوات وشهرين
أنا بعتذر أني جاي أعلق دلوقتي على الموضوع بس، هو لسه مفيش حل ولا ايه اللي حصل ؟
امل ز.
منذ 7 سنوات وشهرين
فيزا بيزنس وفيزا فاملي وفيزا الشباب كلهم كانوا تحت اسم فيزا كل الناس و كانوا موجودين فعلا قبل كدة في البريد وكان سعرهم 30 جنيه وتتشحن ب100جنيه والغوا في شهر5اللي فات وقبل الغاءهم تم منعهم من التعامل مع باي بال كانت معايا فيزا فاملي فعلا وقمت بالسحب بواستطها مرة واحدة وتم الغاءها بعد ذلك
.Hossam M
منذ 7 سنوات وشهرين
- فيزا البريد اتلغت مع ازمة الدولار
- بالنسبه ليا انا بستخدم بطاقة الديكسى باى بس مصاريفها حراقه بتاخد ٢٪ على التحويل و ٢.٥$ على كل سحب و٣$ شهريا غير انها بتجمد فى البداية ١٠$ كنوع من الامن والسحب طبعا بيكون بعملة ال Atm ومفيش فى مصر ماكينه بتسحب بالدولار فانت مضطر تسحب بالجنية لكن هى سهلة التعامل ومقابلنيش اى مشاكل من يوم ما اشتغلت بها
.Hossam M
منذ 7 سنوات وشهرين
وياريت لو حد عنده تحديثات او طرق تانية يدلنا عليها
مونى م.
منذ 7 سنوات وشهرين
السلام عليكم ورحمة الله وبركاته
انا رحت البنك بس البنك الاهلى ولما عملت بطاقه مسبقه الدفع " ماستر كارد " وانا كنت طلباها فيزا موظفة الاستقبال قالتلى مش بتقبل دولار لازم مصرى
وطبعاً لو فعلتها على الباى بال هتجمد الفلوس لان هى شراء بس مش سحب
فو يومها اتصلت بالبنك وشرحت الموضوع قالولى اعملى بطاقه الحوالات قولتله دى بتتعامل مع الباى بال قالى اه وتسحبى فى اى وقت

من يومين كده لاقيت بنك " كريدى اجريكول " عامل كذا نوع من البطاقات ومن ضمنها اللى هى الفيزا المخصصه بالربح من الانترنت وقابله لسحب الاموال وتكلفته استخرجها 15 جنيه وصورة اثبات شخصيه بسسسسس

ياريت اكون قيدت الجميع
امل ز.
منذ 7 سنوات وشهرين
انا استخرجت كريديت من نوع فيزا اسمها كلاسيك من البنك الاهلي بضمان راتب زوجي الاسبوع الماضي وتم السحب يحمد الله من الباي بال
عمرو غ.
منذ 7 سنوات وشهرين
شكرا أستاذة أمل .. طمنتينا , أنا كنت خايف حتى الكريديت مايشتغلش !!
ربنا يرحمنا ..
امل ز.
منذ 7 سنوات وشهرين
ليس كل بطاقات الكريدت تعمل لازم تكون من نوع فيزا وحسب البنك سمعت ان بنك مصر لايتعامل مع باي بال
على حد علمي البنك الاهلي وبنك القاهرة يتعاملون مع باي بال
مونى م.
منذ 7 سنوات وشهرين
أستاذه أمل ذكى محمد
ممكن تقولى الإجراءات اللى عملتى بيها الفيزا ؟
وشكراً جزيلاً :)
امل ز.
منذ 7 سنوات وشهرين
انا عملتها بضمان مرتب جوزي لانه بيستلم الرااب من اابنك الاهلي
حطيت بياناتي في الابلكيشن ولازم تختار نوع البطاقه فيزا ودي كريدت اسمها كلاسيك
بعدها قالوا هتستلموها بعد اسبوعين لكن الصراحة اانها جهزت بعد شهر
مصاريف اليبطاقه 50جنيه في السنه وفبه سعر للتفعيل لكن لسه مش متاكدة اذا كان 50 او100 دي مرة واحدة في البدايه لسه مدفعتهاش خدمه العمملا بيقولوا 50
امل ز.
منذ 7 سنوات وشهرين
بيانات الابليكيشن بتكون بيانات صلحب الراتب لان الفيزابتكون باسمه
مونى م.
منذ 7 سنوات وشهرين
امل زكى محمد
شكراً جداً لحضرتك

ممكن سؤال تانى بس
لما بتعمل ربط بالباى بال بتضيفى البطاقه فى خانه كريديت صح

والفلوس بتتحول إزاى من الباى بال أنا سمعت إن هى أتوماتيك
وسمعت إن هى بياخدوا 5$

ياريت تفيدينى فى الموضوع ده
وشكراً جداً ليكى
امل ز.
منذ 7 سنوات وشهرين
ايوة بضيفه في خانه بطاقات الائتمان وبالباي بال ياخد تفعيل يورو ونص وبرجعهم تاني
التحويل ببكون يدوي لما تحب تسحب الفلوس عالبطاقه بتسحبهامن خانه سحب الى بطاقه ائتمان
وعموله الباي بال ثابته 5$ لكل عمليه سحب
مونى م.
منذ 7 سنوات وشهرين
شكراً جداًاًاًاًاً :*
.Rasha A
منذ 7 سنوات وشهرين
السلام عليكم اخى
انا من مصر وتعبت لغاية لما وجدت الحل ( فيزا ديكسى باى ) انا طلبتها ودفعت ثمنها وتم ربط حساب باى بال بها والحمد لله اسحب من خلالها
سعد ا.
منذ 7 سنوات وشهرين
السلام عليكم
بالنسبة لمشكلة سحب الأرباح من الباى بال لمصر
هناك 3 حلول
1- ان يكون لك شخص قريب لك يعيش فى الخليح او اوروبا او امريكا و تستخدم حسابه فى الباى بال لسحب أرباحك من خمسات ثم هو يقوم بتحويل المبلغ عن طريق ويسترن يونيون اليك
2- وكلاء نحويل الأرباح بموقع خمسات يقدموا لك نفس الحل الأول
3- فيزا ديكسى
و هذه هى كل الحلول التى توصلت اليها بعد بحث طويل
.mohamed a
منذ 7 سنوات وشهر
السلام عليكم
سمعت ان الباى بال المصرى ساعات بيخرف ومبيجبليش اشعارات بالحوالات واشياء مشابه لذلك , هل حقيقى الكلام ده او لا ؟
وهل لو ربط فيزا ديكسى باى ( بباى بال غير مصرى ) فيها مشكله بالنسبه للربط او للايداع او السحب ؟
والافضل اربط الفيزا بباى بال بلدى ( مصر ) او ماذا ؟
ارجو الافاده من الاشخاص التى مرت بهذه التجربه وجزاكم الله خيرا
.Moustafa M
منذ 7 سنوات وشهر
يا جماعه انا اعانى من نفس المشكله

و عملت بطاقتين الاتنين prepaid يعنى مسبقة الدفع لاستخدام النت
وحده من بنك مصر ( Visa Electron ) و وحده من البنك الاهلى ( MasterCard )
و عندى حسابين باى بال
الباى بال لم يقبل اى بطاقه منهم و كلمتهم قالولى الرفض من البنك مش مننا
و عندى حساب باى بال لا يقبل الاستلام كلمت الباى بال قالولى لازم تفعل الحساب
بكارد يكون ( visa ) مش ( mastercard )

دى تجربتى
سارح ف.
منذ 7 سنوات وشهر
السلام عليكم
بعد اذنكم محتاج اعرف أفضل البنوك في مصر إيلي ااقدر استخرج منها بطاقة نت مدفوع مسبقا لعمل اعلانات فيس بوك ..
لاني جربت فيزا البنك الأهلي المصري الفيس رافضها تماما
وشكرا لكم
.Moustafa M
منذ 7 سنوات وشهر
اخوانى جربوا فيزا بنك مصر المدفوعه مسبقا (prepaid ) لاستخدامات النت

بعد ما تعملها ضع بها رصيد مش اقل من 50 ج

و انتظر على الاقل اسبوع

و بعدين ضيفها بالباى بال
و بعدين راسل الدعم بالباى بال
لتفعيل حسابك ارسال و استقبال
.Mohamed M
منذ 7 سنوات وشهر
لو سمحتم..عمولة عملاء التحويل على خمسات بتكون كام؟...انا من مصر
.Mirna k
منذ 7 سنوات وشهر
انا كان عندي تجربة بنك وكانت الكريدت بتاعتي الفيزا بضمان شهادة اللي هي كارت المشتريات
البنك كان اسمه الاتحاد الوطني وكانت شغالة معايا حلو
امل ز.
منذ 7 سنوات وشهر
ياجماعه لازم نكون البطاقه كريدت ومن نوع فيزا عشان تقدر تسحب بيها من باي بال وكريدت الاهلي شغاله تمام
البريبد والدبيت مينفعوش للسحب ابدا ويمكن الباي بال مش يقبلهم اصلا لان تعاملاتهم اصبخت بالجنيه فقط
الكلام ده كله بالنسبه للبنك الاهلي
سالى م.
منذ 7 سنوات وشهر
يعنى انتى بتحولى دولاراتك على فيزا البنك الاهلى وجربتى تسحبي من ATM ونفع؟؟
عن الموضوع
ناشر الموضوع

.Mohamed K

  • مشتري مميز
آخر المساهمات