خمسات في مصر

السلام عليكم جميعا

انا مشترك في خمسات من حوالي سنة ، وحتى الآن الحمد لله بعت 16 خدمة ، لكن لما فكرت في استمرار العمل في المستقبل واجهتني مشكلة وهي مشكلة سحب الأرباح ..
بعد ما عملت سيرش وطلع عيني للأسف ما وصلتش لحل أقدر أقول عليه عادل ..
بعت ميل لوكيل خمسات في مصر أستفسر منه عن العمولة عن تحويل الأرباح ، لقيته بيقولي ان أولا تختلف على حسب كم الأرباح !! طيب ازاي ؟ المفروض ان أي مبلغ يتحول العمولة تكون ثابتة عليه !!
و عرفت من بعض الأصدقاء انهم بياخدوا حوالي 10% ، ده غير ان المبلغ مش بيتحولك بالدولار زي ما انت مستقبله على خمسات ده بيتحولك بالمصري ولحد دلوقت ماردوش عليا في سعر التحويل ، وده معناه ان الوسيط هو اللي بيستفيد بفرق تحويل العملة !!
بكده يبقى من الظلم أوي اني أقدم خدمة في خمسات ب 5 دولار ويتخصم منها 1 دولار يتبقى 4دولار وبعدها يتخصم 10% يبقى كده 3.6 دولار ، وفي الآخر أستلمهم بالمصري مش بالدولار !!
واحد يقولي طيب ممكن نغلي في سعر الخدمة بحيث انها تكافئ المبالغ المخصومة دي كلها ، أقوله انت ملتزم بسعر سوق خمسات، لأن فيه ناس كتير غيرك بيقدموا نفس الخدمات ، ولو زودت عن سعرهم ماحدش هيشتري منك والمشتري له السعر الأفضل ..
ده طبعا كله بسبب خلافات بين paypal والبنك المركزي المصري وبسببها لغى paypal خدمة استقبال الفلوس وبقى متاح ليك ارسال الفلوس بس ..
لما عملت سيرش على النت لقيت طرق غير شرعية كتير بس كلها مخاطر بالإضافة إلى إنها أصلا غير شرعية ..
طيب والحل ؟ مش عارف إذا كان حد وصل لحل للمشكلة دي ولا لأ ، بس أنا شايف ان الحل الجذري للموضوع ده ان يتعمل وسائل تانية لاستقبال الأرباح بالاضافة إلى paypal بحيث ان يبقى للبائع الاختيار اذا كان عاوز فلوسه موجوده أونلاين او عاوز يسحبها ..
حد عنده حلول ؟

عن الموضوع

ناشر الموضوع

.Moatasem M

  • بائع مستوى 1

التعليقات (15)

سالى م.
منذ 10 سنوات و10 أشهر
نفس مشكلتى تخطت ارباحى 350 دولار ولا اريد سحبها كونى مصريه وخسارتى ستكون كبيره وان اردت تحويلها لفودافون كاش اعلى سعر مطروح على خمسات كل خدمه اى 5 دولار مقابل 27 جنيه
اى نخسر دولار عموله خمسات مرتين بالاضافه للمحاسبه باقل من 7 دولار فى حين ان الدولار الان 7 جنيه و 65 قرش
.Moatasem M
منذ 10 سنوات و10 أشهر
@looksmarts
بالظبط كده و بالنسبة لفكرة الخدمات المطروحة للتحويل على خمسات فهي فعلا بتخلي كده الخدمة الواحدة اللي احنا بنبيعها سعرها 3 دولار بس ، وطبعا بالاضافة لخسارة فرق العملة .. بس من وجهة نظرك ايه الحل ؟
زوّار
منذ 10 سنوات و10 أشهر
إضافة وسيلة سحب إلي الكريدت كارد حل جيد او حتي إضافة بايونير .
TopNeT
منذ 10 سنوات و10 أشهر
افضل حل ان خمسات تضيف السخب عبر فودفون كاش الى الموقع :)
.Moatasem M
منذ 10 سنوات و10 أشهر
طيب تفتكروا لو وصلهم الاقتراحات دي هياخدوها بعين الاعتبار ؟ الفكرة ان اللي بيحصل ده شئ محبط الواحد مش عاوز يشتغل لأنه بيحس ان تعبه بيروح على الأرض وان الموضوع غير مجدي
.mostafaatef e
منذ 10 سنوات و10 أشهر
أتفق معك تمامًا أخي الكريم .. إن شاء الله إداره خمسات الكريمه تجد لنا حل في أسرع وقت :)
.Mohamed T
منذ 10 سنوات و10 أشهر
لو الناس نزلت لتحت شوية هيلاقوا إن وسائل الدفع كلها متاحة أما وسائل السحب فمفيش تنويه بخط صغير حتى عنها
.Moatasem M
منذ 10 سنوات و10 أشهر
وبالمناسبة الادمن بتاع صفحة خمسات على الفيس رد عليا على الكلام ده وقالي انه هيوصل الاقتراحات للادارة وده شئ كويس مبدئيا.. أما وكيل خمسات في مصر رد عليا بالنسبةللعمولة علي ال 100 دولار هيبعتهالي 670جنيه مع العلم ان سعر تحويلهم 770 جنيه يعني خد عمولة 100جنيه يعني حوالي 13% وكذلك نفس العمولة لمبلغ 350 دولار.. وبكده اصبح الخدمة اللي انا باقدمها ب5دولار بعد خصم دولار خمسات يبقي 4 دولار وبعد خصم العمولة 3.48 دولار.. ودي حاجة محبطة جدا
TopNeT
منذ 10 سنوات و10 أشهر
المشكلة مش توصيل المشكيله تنفيذسبق ورسلت شركة حسوب من فيسبوك و ترايدنت فى 11 طلب منتشر بالمجتمع ةكان الرد كالتالى مرحبا أخي الكريم,
نرجو العلم ان شركة حسوب وفرق لعمل الخاص بكافة مشروعات الشركة تقوم بدراسة كافة المقترحات المقدمة من قبل المستخدمين بعناية وتعمل على تطبيق ما يتناسب مع رؤية الشركة وطبيعة وحالة السوق وما يحقق اقصى فائدة ممكنة لجميع الاطراف.
وبخصوص النقاط التي تم ذكرها في الموضوع السابق فمنها ما يتم دراسته ومنها ما يتم الاعداد لتطبيقه ومنها ما تم الاعلان عن عدم امكانية تطبيقه لاعتبارات اخرى اما خارجة عن ارادة الشركة او لمصلحة المشروع نفسه. ويمكنك البحث عن الردود التي تشرح هذه النقط كما تم البحث عن الانتقادات التي توجه لسياسة الموقع.

ونؤكد اننا نرحب بكافة الاقتراحات النقد البناء الذي يفيد الجميع يؤدي الى تطور المشروعات الخاصة بنا. لكن ما لا نرحب به هو صيغة الاتهام التي تقدم بها الاقتراحات من اي نوعو الى اي مشروع.

وفي النهاية نشكر اهتمامك وتفاعلك معنا، ونتمنى لك كل التوفيق.
خالص تحياتي،
.Moatasem M
منذ 10 سنوات و10 أشهر
والله خلينا نفضل نحاول .. ما ضاع حق وراءه مُطالب :)
.Ahmed H
منذ 10 سنوات و10 أشهر
بص احسن حاجة متاحة لحد دلوقتي هي الاخ زاهر وكيل خمسات .. لو هتحول اكتر من 100 دولار بيحولهم الدولار ب6.5 جنيه .. يعني الخدمة هتبقي بحوالي 26 جنيه .. طبعا انت مش بتطلب منه خدمة انت بتراسله وتحول الارباح علي البايبال بتاعه ..
وبالنسبة لانك تستلم الفلوس بالدولار ده اصلا حتي لو بايبال اشتغل ف مصر فهو برده انت بتستلمها بالجنيه المصري ..
عشان تستلمها بالدولار يبقي ويسترن يونيون واانا شايف صعب خمسات تفعل ويسترن يونيون لان عمولتها عالية
.Ahmed G
منذ 10 سنوات و10 أشهر
موضوع مهم أخي لكن سحب الأرباح حاليا في مصر أفضل شيئ له هو وكيل خمسات فعلا هو يأخذ نسبة على ارسال ارباحك لكن هذا عمله قدم لك مالك مقابل عمولته وهو أخ متفهم وأمين
وأعتقد لو المبلغ كبير سيقلل لك نسبة أرباحه

لكن الجميع فى انتظار أن تتيح خمسات السحب بأي وسيلة غير الباي بال

بالتوفيق أخى بإذن الله .
.Moatasem M
منذ 10 سنوات و10 أشهر
متفهم طبعا إن وكيل خمسات بياخد نسبة على إرسال الأرباح ، لكن القصد كله إنك موجود على خمسات في سوق للعمل يعني خدماتك انت بتعرضها في ظل وجود منافسين وبيعرضوا بنفس الأسعار ، بس الكلام ده مش مظبوط لأنك بتعرض في الحقيقة بأقل من أسعارهم ، لأنك بتتحمل مصاريف هم مش بيتحملوها ، فبالتالي ده ظلم للي بيشتغل من مصر في خمسات ، انه مضطر يعرض بنفس السعر علشان يناسب سعر سوق خمسات وفي نفس الوقت التعامل على خمسات بالدولار وهو ياخد فلوسه مصري ده غير الفلوس اللي بتتخصم منه كمان علشان فلوسه توصله وزي ما حسبتها فوق ، لو التحويل عن طريق وكيل خمسات ، يعني الخدمة هتبقى واقفة على أي حد بيشتغل من مصر على 3.48 دولار يعني بتخسر في الخدمة الواحدة بالظبط خسارة ثابتة حوالي 4 جنيه ده غير طبعا خسارتك المتغيرة في فرق تحويل العملة
Mohammed Rezk
منذ 10 سنوات و10 أشهر
تحدث مع وكيل خمسات المصري بخصوص الاستلام و اخبرني
انه ان كنت اريد تحويل الاموال فاقوم بوضع بريده الاكلتروني في خانه البايبال فيصله المبلغ كامل بدون اي خصومات او عموله من خمسات

و سألته عن مبلغ 20 دولار فاخبرني انني ساستلم 132 جنيه مقابل 20$
ال20$ بسعر اليوم تقريبا 152 جنيه بمعني انه اخذ 20 جنيه عموله
Mohammed Rezk
منذ 10 سنوات و10 أشهر
تحدث مع وكيل خمسات المصري بخصوص الاستلام و اخبرني
انه ان كنت اريد تحويل الاموال فاقوم بوضع بريده الاكلتروني في خانه البايبال فيصله المبلغ كامل بدون اي خصومات او عموله من خمسات

و سألته عن مبلغ 20 دولار فاخبرني انني ساستلم 132 جنيه مقابل 20$
ال20$ بسعر اليوم تقريبا 152 جنيه بمعني انه اخذ 20 جنيه عموله

عن الموضوع

ناشر الموضوع

.Moatasem M

  • بائع مستوى 1

آخر المساهمات