هل ما زال السعر هو العامل الأول في اختيار المستقل؟

هل ما زال السعر هو العامل الأول في اختيار المستقل؟

السلام عليكم ورحمه الله وبركاته
كيف حالكم جميعاً اتمني ان تكونو بكل خير

أنا بقالي فترة كبيرة بعيد عن الشغل الحر وبدأت أفكر أرجع تاني

بس عندي سؤال فعلًا حابب أعرف إجابته من الناس اللي موجودة هنا
- لو قدامك شخص بيقدم شغل ممتاز بسعر 100 دولار
- وشخص تاني بيقدم نفس الخدمة بـ 20 دولار

هتختار مين؟
- وهل فعلًا فرق الجودة والخبرة يستاهل فرق السعر؟

ولو أنت مستقل
- هل لسه بتقابل عملاء مستعدين يدفعوا مقابل شغل احترافي فعلًا؟

حابب أسمع تجاربكم بصراحة

# خصوصًا إني بفكر أرجع للسوق بعد فترة غياب ومحتاج أعرف هل السوق لسه فيه مساحة للشغل القوي ولا المنافسة كلها بقت على السعر؟

عن الموضوع

ناشر الموضوع

.Yousef A

  • مطور Full Stack

التعليقات (5)

.Raneem H
منذ يوم و10 ساعات
عودة موفقة إن شاء الله
أعتقد أن السعر مش العامل الوحيد، والأهم هو القيمة التي يحصل عليها العميل مقابل ما يدفعه.
وفي النهاية، جودة العمل وفهم احتياج العميل هي اللي تصنع الفرق.
.Yousef A
منذ يوم و8 ساعات
تسلمي
الله يكرمك بكل خير
بإذن الله تكون الإوضاع حالياً في المنصة افضل.
حذيفة ا.
منذ يوم و8 ساعات
وعليكم السلام ورحمة الله وبركاته، عودة موفقة إن شاء الله.

من وجهة نظري، المنافسة على السعر موجودة فعلا، لكن ده مش معناه إن مفيش عملاء مستعدين يدفعوا مقابل الجودة. العميل اللي بيدور على نتيجة حقيقية، وفهم لاحتياجاته، وشغل يوفر عليه وقت ومجهود، مش بالضرورة يختار الأرخص. الأهم إنك تعرف توضح القيمة اللي بتقدمها، لأن السعر لوحده مش كفاية للحكم على جودة الخدمة.
.Yousef A
منذ يوم و5 ساعات
تسلم الله يكرمك بكل خير
---
اخر تواجد ليا هنا كان اغلب العملاء محتاجين سعر قليل جداً
- بإعتقاد ان اي شئ بيتم ب 5$ مع منافسة الناس الجديدة بالـ AI وردود الـ AI الكتير داخل قسم "طلبات الخدمات الغير موجودة"
- الصراحة اصبح الوضع غير منظم وغير عادل و ما كان مشجع للعمل بسبب الجهد الكبير المبذول مقابل فئة العملاء المستهدفة من قبل منصة خمسات.

اتمني بإذن الله نرجع في فتره قريبة يكون في وعي زيادة من العملاء وزيادة احترافية من المستقلين حتي تكون بيئة العمل منظمة واحترافية لكل الطرفين.
هبه م.
منذ 14 دقيقة
القيمة بتطلب صاحبها .بمعنى في عملاء هدفهم الوحيد جودة العمل بالطريقة المطلوبة لأنه سوف يعود عليه بالنفع أيضا. فالعميل ده لا يهمه السعر ولكن يهمه الشغل الجيد والعميل المتمكن من تنفيذ الخدمة . لأنه فاهم جدًا عندما يكون العمل مميز ومتقن هستفيد هو الآخر من النتيجة.

ولكن يوجد أيضًا المنافسة على السعر والكثير بيجري وراها
في البداية فقط ولكن في الآخر لا تجدي بالنفع.

من وجهة نظري المتواضعة السعر العادل هو أنسب حاجة للخدمة المقدمة من وجه نظر صاحبها فلا القليل الغير مستحب ولا الزيادة الشديدة الغير عادلة.

مرحبًا بعودتك

أضف تعليق

سجّل دخول لتتمكن من إضافة تعليق على هذا الموضوع.

دخول
حساب جديد