سحب من باي بال فمصر

مرحبا
لا ادري الموضوع مخالف ولا لا ،
عندي مشكله فسحب الباي بال فمصر ، في احد من مصر هنا ؟
كيف يمكنك سحب امولاك من باي بال ؟
علما باني سمعت ان خدمه البريد المصري لسحب اموال الباي بال متوقفه
عن الموضوع
ناشر الموضوع

.Heba S

  • بائع مميز

التعليقات (73)

جلال ر.
منذ 7 سنوات وشهرين
عندي نفس المشكلة أختي
أرجو الإفادة من لديهم تجربة
.Soft W
منذ 7 سنوات وشهرين
ياريت فعلا حد يجيب المفيد
ع مفيش طريقة محددة واكيدة لحد الان
وشكرا
.Heba S
منذ 7 سنوات وشهرين
:(((((((( مشكله
.Heba S
منذ 7 سنوات وشهرين
حد يعرف حساب البايونير يأخد عموله كم ؟
.Abdelrhman E
منذ 7 سنوات وشهرين
ممكن تعملي فيزا بايونير و تربطيها بالباي بال و تسحبي من الباي بال للفيزا و تسحبي من أي مكن atm
انا عاملها بس بتعامل مع وسطاء بتكون أوفر في السحب
.Soft W
منذ 7 سنوات وشهرين
بايونير بياخد من 1.5 ل 3 دولار ع كل سحب و30 دولار في اول الحساب وكل سنة بعد كدة 30 برضه
.Heba S
منذ 7 سنوات وشهرين
اذا عملت فيزا بتكلفني لما بسحب عموله كم ؟
وبقدر اسحب دولار ولا لازم مصري ؟
وكيف اتعامل مع وسطاء مو فاهمه
.Abdelrhman E
منذ 7 سنوات وشهرين
انا مجربتش اسحب منها فمعرفش العموله كام
و السحب في مصر بالجنيه مفيش بالدولار
انا بتعامل مع وسطاء معتمدين في مواقع اخري التحويل بيتم من خمسات لحسابهم على الباي بال و بيتم التحويل ليا عن طريق فودافون كاش او البريد او حساب بنكي
.Heba S
منذ 7 سنوات وشهرين
والعموله كام ؟
.Abdelrhman E
منذ 7 سنوات وشهرين
العموله على حسب الأتفاق مع الوسيط
.Sadek A
منذ 7 سنوات وشهرين
بايونير تقريبا بياخد فى الاول 30 دولار تمام بعد كده عمليات التحويل تبدأ من 50 دولار وطالع وبياخد باين 1ونص على كل عملية سحب ومش بس حضرتك اللى بتعانى من قصة بايبال كلنا بنعانى من نفس هذه القصة
.Heba S
منذ 7 سنوات وشهرين
هل ممكن نحول الفلوس علي حد عنده باي بال فالسعوديه ؟
بيسحب بعموله ولا ولا ؟
.Sadek A
منذ 7 سنوات وشهرين
اكيد ممكن لو مع حضرتك او تبع حضرتك ماشى مفيش مشاكل بايبال هياخد حجات بسيطة
لكن لو مع وكيل اكيد هياخد عمولة
الرميصاء س.
منذ 7 سنوات وشهرين
احسن طريقة للسحب وكلاء خمسات انا تعاملت مع الوكيل احمد البخيتان و كان تعامله رائع اظن انه يتعامل بالسعودية ايضا
.Heba S
منذ 7 سنوات وشهرين
يعني انا والدي فالسعوديه وليه حساب بنكي هناك
هل ممكن يعمل حساب باي بال واحوله الفلوس عليه وهو يسحبهم
فالحاله دي البنك هياخد عموله كام ؟
.Brcana R
منذ 7 سنوات وشهرين
من الافضل عمل حساب ع الباي بال وربطه بحساب dixipay والسحب من خلاله افضل من البايونير لان عمولته عالية
.Sadek A
منذ 7 سنوات وشهرين
لا كده تمام خالص بايبال هياخد عمولته الاساسية لاتتعدى 5 دولار وبعد كده يحق لوالدك التحويل من بايبال لاى حاجه فى السعودية
أحمد م.
منذ 7 سنوات وشهرين
أنا عندى فكرة كويسة ممكن تتعاملى مع الوكلاء
بياخد نسبة 10% ,
و بيحولك الباقى على فودافون كاش.
.Heba S
منذ 7 سنوات وشهرين
وكدا راح يسحب هو من غير اي استقطاع من المبلغ الخاص بي ؟
يعني فقط عموله باي بال للتحويل لحسابه ؟
.Heba S
منذ 7 سنوات وشهرين
اختي لا اعرف ما هو حساب dix
الرميصاء س.
منذ 7 سنوات وشهرين
أختي صدقيني احسن و اسهل طريقة وكلاء خمسات و سيقوم الوكيل بتحويل المبلغ بالطريقة التي تريدينها و تقريبا بنفس سعر البنك
.Sadek A
منذ 7 سنوات وشهرين
ايوه مفيش اى عمولات او خصومات تانى من خمسات لبايبال كده بايبال هياخد عمولته تمام
ومن بايبال للبنك او الماستر كارد اللى هو هياختاره او بيتعامل معاه ودى برده هتاخد عمولة
تمام يعنى كده ممكن العمولة تبقى فكل القصة دى 10 دولار
بايونير بياخد 30دولار تحديث سنوى مش عمولة تمام وليه ميزه برده بيدى 25 دولار على كل 100دولار بس
.Brcana R
منذ 7 سنوات وشهرين
dixipay موقع مثل بايونير ولكنه افضل من حيث التكلفة
.Esraa A
منذ 7 سنوات وشهرين
تعاملتُ مع الوكيل أحمد بخيتان، عمولته مش كبيرة، ده ميله emulatee.com@gmail.com
.Abdelrhman E
منذ 7 سنوات وشهرين
دا الوسيط اللي انا بتعامل معاه
.Ahmed H
منذ 7 سنوات وشهرين
نفس المشكله :(
.Brcana R
منذ 7 سنوات وشهرين
طرق الدفع
- كنت دورت من سنتين في الواقع وشوية معلومات أتجددت لي على الماشي، فممكن شوية معلومات تبقى قديمة شوية بس أغلبها لسة شغال

1 أولا : | Wire Transfer
- ودي بتبقى تكلفتها 30$ -ثابتة- وبيبقى تحويل بنكي، وعشان متخسرش فلوس الحساب يبقى دولاري، دي الطريقة الوحيدة اللي بتجيب لك دولار على حد علمي لمصر.
مميزاتها:
1) التكلفة ثابتة، فبالتالي لو بتصبر وتحول الفلوس بعد ما يبقوا كمية كبيرة هتتكلف فلوس زيها زي اللي بنسبة.
2)هتحافظ على العملة. ودي حاجة مهمة جدا لك في المستقبل. زائد أي طريقة بتحول لك العملة لمصري بتاخد نسبة 3% على اﻷقل وفيه وصلوا ل5%.
عيوبها:
1) التكلفة عالية لو عايز تاخد 200$ ولا أي رقم قليل هيروح عليك نسبة كبيرة.
2) لو البنك بتاعك احتاج بنك وسيط فيه فلوس فالنص بتتحسب بس متقدرش تعرف أن كانت ثابتة ولا نسبة..بس بتبقى في حدود 10-15$.
بس فممكن تقول أن ممكن التحويل ياخد 50$ في اﻵخر أقصى حاجة.

2 ثانيا | Skrill

- بتتكلف 11$ بس عشان تحول من أب ورك لسكريل.
- ممكن تطلب من سكريل كارت ماستر وتبقى بتستخدمها في الشراء أون لاين.
- سكريل بنك إنجليزي على حد علمي. شغال بعملتيين :
عملة بلدك والي
.Brcana R
منذ 7 سنوات وشهرين
ثانيا | Skrill

- بتتكلف 11$ بس عشان تحول من أب ورك لسكريل.
- ممكن تطلب من سكريل كارت ماستر وتبقى بتستخدمها في الشراء أون لاين.
- سكريل بنك إنجليزي على حد علمي. شغال بعملتيين :
عملة بلدك واليورو بس... فبالتالي لو عايز العملة تيجي لك يورو لطيف.
- التحويل البنكي بيكلف تقريبا 5.50 يورو بس أخر حاجة وصلتها بس + نسبة.
( النسبة دي هو مش بيقولك عليها بوضوح
هي بتبقى تكلفة تحويل العملة , ﻷن هو جاي له دولار..
فيبقولك هحوله لك مصري أو يورو وبياخد نسبة 3.99% تحويل عملة)
- لو هتسحب الفلوس باستخدم الكارت ATM فهشيل منها 1.75% + نسبة تحويل العملة لسة 3.99%، لو عندك حساب يورو
..فيه ناس بتحسبها بالنسبة بكله بتشوف أنه أقل من الـ wiretransfer.
- لو حسابك يورو تحول على نفسك يورو. بس لو مصري..هتخسر أزيد ﻷن لو البنك كمان حول لك مصري وخصم نسبة تحويل هو كمان كتير.

وأنت بتعمل الحساب بيسألك عايز العملة إيه؟
- أختارها يورو..ﻷن لو أخترت غلط..مينفعش تصلح ولا تغيير خالص. وبتلغي الحساب وتعمل حساب جديد.
- وكمان هيفضل يحول لك العملة كذا مرة ويخصم أكتر

مميزاتها:
1) ينفع تجيب الفلوس يورو
2) لو الكارت جالك، ممكن تستخدمه
.Brcana R
منذ 7 سنوات وشهرين
) لو الكارت جالك، ممكن تستخدمه في الشراء مباشرة ,وممكن لو محتاج الفلوس بسرعة تسحب بـ ATM على عكس لو تحويل بنكي ممكن يطول لـ 3 أسابيع أحيانا في مصر وأقل حاجة 3 أيام
عيوبها:
1) نسبة الفلو
.Hossam E
منذ 7 سنوات وشهرين
عايزه تشتري ولا عايزه تسحبي فلوس من paypal للحساب البنكي
عمر م.
منذ 7 سنوات وشهرين
أضمن حاجة دلوقتي
ديكسباي
أو Mychoice (بس ليها حوارات علشان تطلعها أو تخلي وسيط يجيبها)
.Mostafa M
منذ 7 سنوات وشهرين
المفروض نضغط انهم يوفرو لينا طريقه تانيه غير باي بال ده موقع عربي والباي بال فيه مشاكل كتير في اغلب الدول العربيه على عكس بنوك اليكترونيه كتير السحب والايداع فيها بسيط او لو يوفرو طريقه لتحويل الارباح للحساب البنكي مباشرتا حيكون افضل وحتحل مشكلة العملات الى بندفعها للوسطاء
.Ahmed A
منذ 7 سنوات وشهرين
راسلينى وعندى الحل ليكى
وانا سحبت من باى بال
.Mohassn A
منذ 7 سنوات وشهرين
راسلينى وعندى الحل ليكى
وعمولتي بسيطة
.Antonius K
منذ 7 سنوات وشهرين
اختي اولا شئ فيزا بايونير لن تجدي لكي نفعا الان باي بال اعتبر بنك بايونير بنك افضراضي فا الان باي بال لا يقبل فيزار بايونير (عن تجربة مني)
ثانيا
ليص هناك اي فيزا من البنوك المصرية ستعمل معك الان البنك المركزي رفض التعامل مع باي بال لكثرة حالات النصب عن طريقة
(الحل)
يمكنك اختي ان تتعاملي مع وكيل من وكلاء خمسات والاتفاق معة
(ملحوظة)
اولا تاكدي بان حساب بايبال مفعل الاستلام وارسال الاموال
ثانيا اتفقي مع الوكيل الانك لن تجدي وكيل يتعامل في سحب من الحيابات الشخصية
الاغلابية يتعامل عن طريق سحب من مواقع ربحية مثل خمسات وغيرها
شكرا
.Nageh B
منذ 7 سنوات وشهرين
نطلب جميعا نن إدارة الموقع الموقرة
ان توفر لنا طرق بديلة للباي بال لاننا نعاني بمعني الكلمة
.Muhammed A
منذ 7 سنوات وشهرين
كلموني انبوكس يا شباب الطريقة الي انا شغال بيها تقريبا مفيش افضل منها حالياً ومش هاخد منكم مقابل للافادة
امل ز.
منذ 7 سنوات وشهرين
فيزا كريدت كلاسيك من البنك الاهلي المصري بضمان وديعة او شهادة استثمار او بضمان راتب بتسحب من باي بال بدون مشاكل
.azed p
منذ 7 سنوات وشهرين
سلام على جميع اخوان من يواجه نفس المشكلة . لاسف معضم الدول العربية ليس لها حق في هده الميزة اي سحب اموالك من بايبال .بايبال يقبل فقط حساب بنكي امريكي لسحب اموال و لا يقبل اي حساب بنكي عربي. اتحدت معكم لاني لكوني اسحب اموالي من بايبال ازيد من 5سنين كما ان الطريقة المشهورة عند مسوقين العرب و من يربح من انترنيت
الطريقة الوحيدة لسحب اموالك هو انشاء حساب بنكي امريكي و ربطه في حسابك بايبال هناك عدة طرق لفعل دلك
اي واحد واجه مسكلة في انشاء حساب بنكي امريكي
يتواصل معي و نتفق على عمل
اتمنى ان وضحت الفكرة
مصطفى ح.
منذ 7 سنوات وشهرين
يا جماعة شركة بايونيير أصبح لا يقبلها الباي بال أصلًا، لا بطاقة أو حساب بنكي فالأفضل كما قالت الأخت امل زكي محمد وهي إستخراج كريديت كارد بضمان وديعة أو راتب أو شهادة وبتسحب فعلًا
.Mohammed E
منذ 7 سنوات وشهرين
الحل الوحيد والاكيد والاسهل وعن تجربه للسحب فى مصر عن طريق الباي بال هو فيزا ديكسي باي
غير كده مفيش
.Mhmoud M
منذ 7 سنوات وشهرين
مع احترامى للجميع ديكسي باي وبايونير وكل الكروت عمولتها كبيرة وغير كدة بتاخد فترة طويلة مايقرب من الشهر ليتم تحويل من باي بال للفيزا

واسهل طريقة حاليا الوكلاء لانهم بيعطوك سعر متقارب من الدولار فى السوق
.Heba S
منذ 7 سنوات وشهرين
في كذا حد اكدو انهم سحبوا من فيزا البنك الاهلي
ممكن نجربها
.Mohammed E
منذ 7 سنوات وشهرين
فى ناس بتسحب بفيزا البنك الاهلى بس فيزا كريدت كارد ودى بتطلع بضمان تحويل مرتب بيتحول على البنك أو بتحطى وديعه 7000 جنيه عشان تطلعيها
مش المقصود بيها فيزا النت ام 20 جنيه
.Ahmed H
منذ 7 سنوات وشهرين
فيزا البنك الاهلي بتاخد نسبه اد ايه او ايه الرسوم الي هتتخصم لو هسحب مثلا ٢٠٠ دولار ؟
عبدالله ر.
منذ 7 سنوات وشهرين
أختي متوجعيش دماغك ^_^

هو البنك الأهلي

بس لازم تكون البطاقة الصادرة من نوع " فيزا "

وبعدها أربيطها بالباي بال

وبعدها كلمي الدعم في رسالة و هيكلموكي فون

وبعدها تبعي معاهم لحد ما يقول لكي إن الحساب تم تفعيله

وحولي الفلوس للباي بال

ثم للبنك

ولو ظهرت أي مشكلة في سحب الفلوس من الباي بال >> كلميهم تاني وهما هيحلوا الموضوع << ^_^

مع تحياتي, مؤسس فريق " الريان " :
عبدالله رجب عبدالله
.Heba S
منذ 7 سنوات وشهرين
@عبد الله رجب
اخي يعني البنك الاهلي افضل من الوسيط ؟
عمولته اقل من الوسيط ؟
عبدالله ر.
منذ 7 سنوات وشهرين
أكيد ؟! ^_^

ملوش أصلا عمولة... هي 5$ الخاصة " بالباي بال " فقط.

أما عمولة السحب من البنك فهي لا تذكر أصلا حوالي 3 جنيه مصري , أو أقل...

مع تحياتي, مؤسس فريق " الريان " :
عبدالله رجب عبدالله
.Heba S
منذ 7 سنوات وشهرين
شكرا جزيلا ليكم عالتوضيح ^_^
.Ahmed H
منذ 7 سنوات وشهرين
5$ ديه ثابته لاي مبلغ ولا عموله بايبال بتكون ازاي !
.Soft W
منذ 7 سنوات وشهرين
ممكن اعرف اسم الفيزا ال في البنك الاهلى ولازم حساب ولا لا؟؟
وشكراا
مصطفى ح.
منذ 7 سنوات وشهرين
على على أحمد
كريديت كارد فيزا (تكفيك اللي من نوع كلاسيك)،
مش شرط حساب ممكن لو مش حساب يبقى حاجه من الاتنين: شهادة أو بضمان مرتب
.Mh P
منذ 7 سنوات وشهرين
مع احترامي لكل اراء الاخوه اللي سبقوني في الرد ، فيه ناس كلامها صح وناس كلامها بعيد عن اي تجربه ..

خلاصة الكلام في موضوع السحب من الــPayPal في مصر ..
انا معايا DIXIPAY , Payoneer, CIB, HSBC
Payoneer ( X ) لا تتعامل مع PayPal حاليا ، بعد توقف السنه اللي فاتت والتوقف مستمر ..
CIB, HSBC بنوك في مصر ومعروف التعامل مع اي بنك في مصر لما تجيبي بس سيرة " الدولار " .. ودي سببتلي مشكله كبيره في تضارب سعر الدولار الشهور اللي فاتت .. وكان كل مره واحد يطلع بفكره جديده لسحب الفلوس من الــPayPal لدرجة ان " البريد المصري " طلع بفيزا تقدري تسحبي بيها الفلوس ، ومفيش شهر ووقفت .. فــ محدش يقول " البنك الأهلي " ..

نصيحه ، دماغك هاتوجعك وهايطلعلك حاجات غريبه في اي تعامل مع اي بنك في مصر وممكن فلوسك تفضل متجمده في PayPal .. حتى لو الفيزا قبلت عليه .. " البنوك في مصر بتخاف تتعامل مع اي بنك الكتروني " علشان سعر الدولار ..

الحل الوحيد والأمثل واللي انا ماشي بيه بقالي اكتر من سنتين ومفيش اي مشكله DIXIPAY ..
سحب الفلوس عليها من PayPal مابيخدش اكتر من 4-5 ايام ، وتقدري تسحبيهم من اي ماكينة ATM في مصر ..
.Mh P
منذ 7 سنوات وشهرين
على فكره علشان الناس اللي تركيزها زايد شويه ، انا ماليش شغل هنا ولا لي اي علاقه بخمسات غير اني بادخل اتفرج بس .. لاقيت الموضوع ف حبيت ارد لأني لاقيت اكشن مصري مبالغ فيه .. :D
وشكرا :D
مصطفى م.
منذ 7 سنوات وشهرين
انا بستخدم ديكسي باي اينعم مصاريف وعمولات بس دي الحل الوحيد الي باخد بيه فلوسي بشكل مضمون وسريع وفي الوقت الي انا محتاج فيه اني اسحب الرصيد
.Mansor N
منذ 7 سنوات وشهرين
البايبال غير مسموحة في مصر
.Ahmed E
منذ 7 سنوات وشهرين
افضل طريقة هي انك تعملي حساب بايونير بس ماتعمليش اوردر للكارت عشان ميخصمش منك 30 دولار وبعديها تحولي الفلوس من بايونير ع البنك عمولة بايونير تقريبا 1ونص دولار والبنك بياخد عموله لاتذكر وهي 3 جنية
.Mohammed M
منذ 7 سنوات وشهرين
كلام الاخ OwenBix أكثر إقناعاً فى كل المناقشات حالياً نظرأص لهذا الوضع عندنا.
تحياتي.
امل ز.
منذ 7 سنوات وشهرين
ايه المقنع في كلام الاستاذ OwenBix؟
لو كان يعمل في خمسات كان سال نفس الاسئله
امل ز.
منذ 7 سنوات وشهرين
وانا كلامي عن تجربه شخصيه وتجربه ناس كتير بيستخدموها من اكتر من سنه اعتقد لايجوز التقليل من اراء الناس
.Ahmed E
منذ 7 سنوات وشهرين
فى الغالب مفيش طريقة حالياً غير التعامل مع الوكلاء .
محمد ع.
منذ 7 سنوات وشهر
سؤال يا شباب، هل ممكن حد يكون رابط حسابه ف الباي بال ب فيزا ديبت... بس قبل المنع، هل ممكن انه يعرف يسحب عادي؟
امل ز.
منذ 7 سنوات وشهر
يا جماعة انا شفت الخبر ده حالا بس مش فاهمة
http://www.cashnewseg.com/إيقاف-الدفع-بالنقد-الأجنبى-من-خلال-paypal-ف/#.WNPENmWcuGM.facebook
كدة اتلغى الباي بال في مصر ولا ايه بالضبط؟
تامر ن.
منذ 7 سنوات و17 يوم
ممكن السحب من الباي بال في مصر مارس 10-2017 عن طريق فيزا الكريدت الكارد ، ويمكن متابعة المقال دا في موقعي الشخصي للتجربة الشخصية اللى مريت بيها فعلا خلال الفترة الماضية للسحب من الباي بال في مصر الشهر الماضي https://goo.gl/uePzN2
.mohamed a
منذ 6 سنوات و10 أشهر
بعد اذنكم .. انا لسة جديد و عاوز ابدأ في مجال الشغل على النت و عرفت ان مصر وقفت التعامل مع كل البنوك الالكترونية فعندي استفسار .. هل انا ممكن اعمل حساب على الباي بال و أفعله من غير بطاقة فيزا و بعد ما اشتغل و يبقى في الحساب رصيد أحول الرصيد لوكيل و يبعتهولي بأي طريقة كانت .. ولا لازم بطاقة الفيزا عشان أعمل حساب على الباي بال ؟
.Tamer M
منذ 6 سنوات و10 أشهر
mohamed axxam حسابك مش هيقبل يستلم فلوس من غير ما يتفعل ، وعشان يتفعل لازم فيزا ...
مينا م.
منذ 6 سنوات و10 أشهر
ياااااااااااااااااااااااالهوي انا دخت من كتر الكلام وربنا =D
خلاصة الكلام ياجماعة ايه افضل حل دالوقتي علشان نسحب من خمسات
وليه اصلا خمسات مايشوفش لينا حل واعتقد ان عددنا مش قليل علشان يهتم بطلبنا دا
ياريت نوصل لحل نهائي لان الموضوع فعلا مستفز وماينفعش بعد مانتعب في الشغل مانعرفش نسحب فلوسنا
سعد ا.
منذ 6 سنوات و10 أشهر
الحل النهائى لسحب الأموال
استخدموا وكلاء الحوالات المالية
https://khamsat.com/payment-agents
و عن تجربة شخصية انصح بالتعامل مع الأستاذ/ احمد علي البخيتان
البريد الإلكتروني: Paymentery.com@gmail.com
رجل محترم جدا - خدمة سريعة و ممتازة - أقل نسبة عمولة
مع اطيب تمنياتى بالتوفيق للجميع
محمود م.
منذ 6 سنوات و10 أشهر
انصح بالتعامل مع استاذ احمد على البخيتان فهو محل ثقه
ميدو ف.
منذ 6 سنوات و9 أشهر
استاذ سعد المغربى ممكن توضح كام عمولة الوكيل أحمد على ؟
.Ahmed E
منذ 6 سنوات و9 أشهر
العمولة 10$ أخي ..
.Ahmed A
منذ 6 سنوات و9 أشهر

تم حذف هذا الرد من قبل إدارة خمسات:

أخى المجتمع غير مخصص لترويج الخدمات لمعرفة كيف تروج لخدماتك يمكنك الاستعانة بالمقالات الاتية http://blog.khamsat.com/the-ultimate-guide-to-promote-your-gig/ http://blog.khamsat.com/how-to-acheive-your-first-5-dollars-from-khamsat/

كريم غ.
منذ 6 سنوات و9 أشهر
فيه وكلاء معتمدين لموقع خمسات ..فيه ايقونة اسمها وكلاء الحوالات المالية اخر الصفحة تقدر تستفيد منهم و بياخدوا عمولة لا تزيد عن 10%
عن الموضوع
ناشر الموضوع

.Heba S

  • بائع مميز
آخر المساهمات