للمصريين: تجربة سحب ارباحك بالدولارعن طريق الوكلاء
طبعا في الاونه الاخيره بقي صعب علي معظم الناس انهم يسحبوا ارباحهم بنفسهم و بنلجأ للوكلاء ..
المشكله في العموله الكبيره اللي بتتاخد
فالفكره ان احنا هنسحب عن طريق الوكلاء برضو بس هنخليه يبعتلنا الفلوس بالدولار
هو حتي الان مفيش حد من الوكلاء المصريين بيديك دولار .. لذا هنضطر نحول علي اي وكيل من خارج مصر
من البلاد اللي معندهاش مشاكل في التحويل من عملتها لعمله الدولار
انا اتعاملت مع الاخ حامد من الاردن
العموله 10% تقريبا زي كل الوكلاء .. بس انا كنت ساحب في اسبوع العيد فكان عامل العموله في هذا الوقت 6%
و طبعا بيحولك الفلوس علي بنك ويسترن يونيون بالدولار ( و ده عمولته حوالي 7$) (علي مبلغ 300$) في الاردن
طبعا انت هتدفع زياده عموله ويسترن يونيون بس في الاخر هتطلع كسبان
تعالوا نحسبها
لو هنتكلم علي ان ارباحك 100$ علي سبيل المثل
- لو سحبتها عن طريق الوكيل عادي بالمصري هياخد منك 10% يعني 10$ ويتبقي 90$
يعني المبلغ اللي هيوصلك صافي 90*8.8 = 792 ج
-لو سحبتها عن طريق ويسترن يونيون هياخد منك 10% يعني 10$ +7$ مصاريف البنك .. هيتبقي 83$
هتسحبها بالدولار وتروح تحولها مصري من اي صرافه .. الدولار هيتحول في حدود 12ج اقل او اكثر
يعني المبلغ صافي : 83*12 =996 ج
يعني انت اخدت فرق حوالي 200ج زياده
_______
طب لو افترضنا ان انت بتسحب بالمصري من غير وكلاء
و ال100$ هتسحبهم 100$ صافي علي اقتراض مفيش اي عمولات
هتستلمهم من البنك 100$*8.8 = 880ج
فهتلاقي ان انت في حاله سحبك من الويسترن يونيون افضل من البنك برضو خدت فلوس اكتر 120ج
_______
يعني من الاخر هتلاقي ان الدولار واقف عليك بالطريق دي بـ$996/100ج = 9.9 ج يعني واخد بسعر اكبر من البنك
_______
احنا اخدنا مثال 100$
طبعا كل ما كان اكتر كل ما كان افضل
______
انا سحبت 336$ .. وصلولي 309$ استلمتهم بعد يوم من ويسترن يونيون (حسب الفرع الاقرب ليك )
دي تجربتي في الموضوع ده
ولو حد عنده اي تجربه افضل يقولنا
التعليقات (32)
