سحب الارباح لفيزا البريد المصرى

السلام عليكم
سحبت اليوم اول ارباحى من خمسات عن طريق فيزا البريد المصرى
بس واجهتنى مشكلة وهى قبل السحب حاولت استعلم عن الرصيد الماكينة رفضت الاستعلام فسحب مبلغ سحبت عادى بس انا حاليا مش عارف باقى لى رصيد فى الفيزا ولا مش باقى ومش عاوز اتصل بخدمة العملاء بتوع البريد حتى لا الفت نظرهم لموضوع الباى بال تم تجربة الاستعلام على ماكينة البنك الاهلى المصرى وماكينة بنك مصر افيدونى ماذا افعل لمعرفة رصيدى

عن الموضوع

ناشر الموضوع

.Ahmed S

  • مستوى 1

التعليقات (21)

محمد ع.
منذ 9 سنوات و11 شهر
هل صادفت اي مشكلات عند سحب الاموال من باي بال إلى الفيزا ؟ بمعنى هل قام الباي بال أو البطاقة برد الأموال مرة أخرى للبايبال؟
شكرا
.Ahmed S
منذ 9 سنوات و11 شهر
لا الحمد لله لم اصادف اى مشاكل كل الامور طبيعية خالص هو بس مشكلة الاستعلام حاليا
.Mohamed M
منذ 9 سنوات و11 شهر
انا قمت بالسحب من البنك الأهلي، هل هناك فرق بينها وبين السحب من البريد ؟ " اقصد ماكينة البريد " ؟
وبخصوص الاستعلام، اتصل بشكل طبيعي، واستعلم عن الرصيد، اعتقد لا توجد أية مشكلة..
.George N
منذ 9 سنوات و11 شهر
يا اخى استعلم بتليفون البريد
لا مشكله لهم مع باى بال
.Ahmed S
منذ 9 سنوات و11 شهر
فين ماكينة البريد دى هو البريد له ATM
لا خدمة العملاء اتصلت بناس وحذرتهم من التعامل بالفيزا مع الباى بال وانهم هيوقفوا الفيزا فى حالة التعامل مرة اخرى مع الباى بال
محمود ع.
منذ 9 سنوات و11 شهر
انت حضرتك سحبت فلوس من الفيزا ازاي
.Ahmed S
منذ 9 سنوات و11 شهر
من ماكينة البنك الاهلى المصرى
محمود ع.
منذ 9 سنوات و11 شهر
بس مفيهاش قطعة معدنية لل ماكينة ازاي دخلتها كويس والله الفكرة وما استعلمتش عن الرصيد من الماكينة ليه
.Ahmed S
منذ 9 سنوات و11 شهر
هى فيزا الكترونك تسحب عادى من اى ماكينة بس المكنة رفضت الاستعلام ولذلك ماكينة بنك مصر
محمود ع.
منذ 9 سنوات و11 شهر
احسب عدد الدولارات المحولة واضرب في سعر الدولار في السوق يو تحويلك للاموال من البايبال
+ال100جنيه اللي فعلت بيها البطاقة
واطرح منهم المبلغ اللي سحبته
= الباقي هو رصيدك ومتكلمهمش خلي الطابق مستور
.Ahmed S
منذ 9 سنوات و11 شهر
ما انا مش عارف سعر الدولار بيتحسب بكام يعنى كده هو حاسب الدولار ب 8.5
محمود ع.
منذ 9 سنوات و11 شهر
سعر السوق في اليوم اللي حولت رصيد من البايبال الى الفيزا
.Mohamed E
منذ 9 سنوات و11 شهر
كم المده التى وصلك فيها الرصيد للفيزا من الباى بال
.Ahmed S
منذ 9 سنوات و11 شهر
3 ايام تقريبا انا سبت يومين احتياطى
.Asmaa I
منذ 9 سنوات و11 شهر
مبروك بالتوفيق

للاسف تم رد الرصيد تاني لحسابي و اتصل بالباي بال و قالي ان المشكله من البريد ولما تصلت بيهم قالوا العميلة غير ظاهره من الاساس علشان نقدر نحدد سبب الرفض ياريت لو في حد واجهته نفس المشكله يقول اتحلت ازاي

وبالنسبه كمان لموني جرام لو حد استخدم الطريقة دي مؤخراً لان 8.5 ده كده في فرق كبير عن الصرافة مثلا
محمد ع.
منذ 9 سنوات و11 شهر
Asmaa Embaby
مازلت أعاني من نفس المشكلة وتحدثت هاتفياً مع paypal فأخبروني أن المشكلة في البطاقة
فقمت بتجريب البطاقة في إنشاء حملة إعلانية على الفيس فتم رفض البطاقة أيضاً
وبكده الارباح معلقة في الباي بال و إخوانا بتوع البريد مش فاهمين حاجة للأسف
.Asmaa I
منذ 9 سنوات و11 شهر
واضح ان في بطاقات فيها مشكله لاني عملت سحب تاني و مازالت المشكله
الحقيقة بفكر في استخدام موني جرام علي الأقل السحب دولار و طبعا ده في مصر هيفرق كتير حتي بعد حساب العمولة
.Ahmed S
منذ 9 سنوات و11 شهر
ايه قصة المونى جرام دى ارجوا التوضيح بالتفصيل الممل
.Asmaa I
منذ 9 سنوات و11 شهر
والله أنا لسه بحاول أفهم
كان في موضوع عنها هنا أنها طريقة تحويل و بتستلم من بنك القاهره أو المصرف المتحد بالدولار و علي حد علمي عموله الموضوع كله 10% أن شاء الله لو وصلت لمعلومات أكثر او جربتها هكتب عنها
محمد ع.
منذ 9 سنوات و11 شهر
لسه مخلص مكالمة مع خدمة عملاء بطاقة البريد وما فهموش من الاساس يعنى ايه online transaction وبعد محاولات حولوني لموظف تاني اللي اخد 20 دقيقة في التليفون يقنعني ان الكارت مفيش مشكلة وان المشكلة في paypal ولما قلت له اني اتصلت بالباي بال واكدوا لي ان مفيش مشكلة قال لي يمكن المشكلة في الشبكة !!
فكرني ببتوع الاتصالات لما بيقولوا اقفل الروتر وشغلوا تاني
عليه العوض ومنه العوض
.Asmaa I
منذ 9 سنوات و11 شهر
انا سمعت نفس جمله الشبكه دي!!!
تقريبا الشبكه ججه البليد

بس نصيحه حاول تطلب من الpaypal يرجعوا لك الرسوم اللي بتتخصم مع التجارب دي كلها لأنهم بعتولي لما طلبت

عن الموضوع

ناشر الموضوع

.Ahmed S

  • مستوى 1

آخر المساهمات