الأن فيزا البريد البريد المصري لخدمات الباي بال
ملخص موضوع : فيزا البريد المصري من استخراجها لاستلام الفلوس من Paypal نقدا .
******************************************
لكل فري لانسر أو حد بيفكر يكون فري لانسر أو عايز يشتغل عن طريق الانترنت ، النهارده بفضل الله استلمت فلوس على فيزا البريد المصري ( نوعها : فيزا كل الناس ) وتمت العملية بنجاح .
وهختصر لكم الموضوع في كام سطر من طقطق لسلام عليكم :
1. بتروح البريد بتطلب " فيزا كل الناس" ، هي اسمها كده ورسومها 30 جنيه ، ولو قالك فيه فيزا البريد العاديه اللي ب15 جنيه قوله لأ مش دي ، وممكن يكون الفرع اللي انت رايح له معندهوش في الحالة دي شوف فرع غيره .
ملحوظة : فيزا كل الناس دي 3 أنواع ( للأسرة - للشباب - لرجال الأعمال ) و أي واحده فيهم بتأدي الغرض لأنهم كلهم واحد بس الشكل مختلف وأي واحده فيهم ب30 جنيه .
(أنا اخترت بتاعة رجال الأعمال اللي لونها أزرق ، ومدة صلاحيتها لغاية 12/2016 بس مفيش أوبشن تاني ! ) .
2. بتتصل تاني يوم بالرقم اللي هيدوهولك في شباك البريد هو غالبا الرقم ده : 0235315900 وهيرد عليك خدمة العملاء اطلب منهم تفعيل الفيزا ، ولو متفعله قولهم شكرا .
3. بتروح مكتب البريد تاني وتحط في الفيزا مبلغ 100 جنيه مصري ( حاولت أحط مبلغ أقل اللي على الشباك قالي ماينفعش مبلغ اقل من 100 جنيه ) وبعد كده بتضيف الفيزا في الباي بال Paypal .
ملحوظة : حاولت أضيف الفيزا قبل ما أحط فيها 100 جنيه ، الفيزا مارضيتش تتضاف في حسابي على الباي بال Paypal .
4. بعد ما تضيف الفيزا بتحول عليها أي مبلغ عادي من الباي بال .
5. تنتظر 3 أيام من إرسالك للفلوس على الفيزا و بعدها تروح بالفيزا من أي ماكينة ATM وتسحب فلوسك عادي جدا ، ولو عايز تستعلم عن الرصيد ممكن تتصل برقم تليفون البريد الأرضي 0235315900 أو روح أي فرع بالفيزا اللي معاك واسألهم هيقولولك رصيدك كام .
التعليقات (26)
