أنا مهتمة بمجال الذكاء الاصطناعي وتعلّم الآلة، وبحب أشتغل على البيانات وأفهمها كويس عشان أطلع منها أفكار وحلول مفيدة.

ببدأ دايمًا من البيانات نفسها، أفهمها وأحللها وأشوف الأنماط اللي فيها قبل ما أبدأ أعمل أي موديل. بالنسبة لي الفهم أهم من أي حاجة تانية قبل الشغل التقني.

بشتغل بـ Python وأدوات زي Pandas وNumPy وScikit-learn وMatplotlib وSeaborn، وعندي خبرة في كل خطوات الشغل من تنظيف البيانات وتحليلها لحد بناء الموديلات وتقييمها.

اشتغلت في مشاريع مع فريق في مشروع التخرج، وكمان بشكل فردي في مسابقات ومشاريع تدريبية، وكنت مسؤولة عن كل حاجة من أول تجهيز البيانات لحد النتائج. وكمان تجربة مبادرة الرواد الرقميين كانت مهمة جدًا بالنسبة لي لأنها خلتني أتعامل مع شغل حقيقي وأحسن مهاراتي.

بحب أتعلم دايمًا وأجرب حاجات جديدة، وأشتغل على مشاريع يكون ليها تأثير فعلي. ولو في فرصة نشتغل مع بعض، أكيد هكون مبسوطة جدًا بالتواصل.