الخدمة دي متعلمتهاش في كورس... اتعلمتها بسبب عميل.
كنت بتفرج على YouTube، ولفتت نظري قناة دكتور محتواه حقيقي مفيد لاكن كان في حاجات بسيطة لو اتعملت في قناته هتخليها أحسن... فبعتله ملاحظاتي و حددنا Meeting،

لكن بدل ما نتكلم عن الملاحظات، قالي "أنا مهتم الفترة دي أعمل Voice Clone و اعمل تلات قنوات بلغات مختلفة ".

بصراحة وقتها مكنتش أعرف أي حاجة عن ال Voice Clone. بعد الـMeeting بدأت أبحث وأجرب الأدوات، وأفهم المجال من بعمق اكتر .

و الحمدلله أول فيديو نفذته كان باللغة الهندية،
عرضه العميل على أشخاص لغتهم الأم الهندية، وكان رأيهم أن الترجمة باينة طبيعية وتشبه طريقتهم في الكلام، لدرجة أنهم ملاحظوش أنه مُنتج بالذكاء الاصطناعي .
دي خدمة ال Video localization.

و بقيت المهارات....
سبب اني اتعلمتها اني احتجتهم لشغلي أنا شخصيا مش لعميل... و عارفة ان مش صح لو بعمل بزنس اشتغل أنا كل حاجة.... لاكن انا كنت بحب اتعلم كل حاجة بعملها و كان عندي وقت لده

اتعلمت التصميم و بعت لعملاء علي مواقع السوشيال ميديا في مجال السياحة و الدهب و الأكل و العيادات و الكافيهات... كنت بجيب Photographers و بعمل فوتوسيشن كامل في الكافيه عشان اقدر اطلع ماتريال كويسة اشتغل عليها.... ده في فترة من حياتي كان مصدر الدخل الأساسي .

أول شغل Outdoor ليا كان سكرترية في شركة توريد مواد غذائية.... دي كانت الفترة الي اكتسبت فيها خبرة عمليه في استخدام Microsoft Office ،

اما التسويق فبدايته معايا كانت مع حد من صحابي كنت بسوق بالعمولة و انا صغيرة.... و الموضوع اتطور بعدين لما اشتغلت في شركة الدعايا و الإعلان.... اتعلمت حاجات علي مستوي اوسع من منظوري ساعتها
و من الحاجات الي اتعلمتها هناك كانت المونتاج علي.... AE و Pr

أما الجانب الرياضي.... فهو حاجة أساسية في حياتي قبل ما يكون شغل.... و من حبي في الجيم بتاعي أخدت Personal Trainer Certification من Challenge Academy... و اشتغلت بيه...
هو كورس مقدرش اكتفي بيه و مخططة مستقبلا اني آخد شهادة أحسن.... لاكن غير الكورس معظم معلوماتي بالخبرة العملية و من اخويا عشان هو كمان Coach

و حاليا مهتمة جدا بال Dropshipping

و بس كدة... ادعولي اتعلم حاجات جديدة اكتر