السلام عليكم، حابب أقدم نفسي بأني أكتر حد ممكن يكون مقدر الحيرة اللي بتواجهك وأنت بتدور على "إبرة" في وسط كومة قش، سواء كنت باحث محتاج دقة في وسط فوضى البيانات، أو كنت باحث عن عمل وحاسس إن مجهودك وتعبك مش واصلين للشركات صح.

ليه بقول الكلام ده؟ لأني بحكم خلفيتي الأكاديمية وشغلي الحالي كـ Mentor في منصة عالمية زي Udacity، شفت النقيضين: شفت مشاريع قوية بتبوظ بسبب بيانات مش دقيقة، وشفت ناس "شاطرة" جداً وتعبانة على نفسها، بس للأسف الـ CV بتاعهم "ظالمهم".. مش عارفين يعرضوا مهاراتهم بشكل يجذب الـ Recruiters، أو مش فاهمين الشركات العالمية بتبص على إيه وتتجاهل إيه.

وعشان كده، أنا هنا عشان أكون شريكك في الرحلة دي من ناحيتين:

في البيانات والبرمجة: بضمن لك دمج نادر بين "الدقة الأكاديمية" و"الاحترافية التقنية" في سحب وتحليل البيانات، عشان شغلك يكون مبني على أساس علمي سليم 100%.

في مسارك المهني (Career): مش هكتبلك مجرد CV، أنا هساعدك "تترجم" خبرتك ومجهودك للغة اللي بتفهمها الشركات العالمية (ATS Friendly). هنشتغل سوا على بروفايل LinkedIn والسي في بتاعك عشان نبرز نقاط قوتك اللي أنت مش عارف تعرضها، وتوصل للمكان اللي تستحقه فعلاً.

أنا مش بس بقدم خدمة، أنا بشاركك توجيه حقيقي.. فأيه رأيك نتشارك الرحلة دي؟ ونبدأ قصة نجاحك سوا؟ ونبدأ على بركة الله.