بسم الله الرحمن الرحيم
{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ}
صدق الله العظيم.

السلام عليكم ورحمه الله وبركاته،
أنا عبدالرحمن محمد إسماعيل، مصري وحاصل على بكالريوس في هندسة الإتصالات والإلكترونيات بتقدير جيد جدا، مهندس برمجة ومطور مواقع ويب بخبرة عملية في بناء مواقع ومنصات متجاوبة، أنظمة تحكم سلسة في الإستخدام، صيانة الكود، تصحيح الأخطاء وتحسين أداء المواقع وتحسين ظهورها في محركات البحث (SEO). اشتغلت في بناء منصات سفر وسياحة لشركات في السعودية ودبي بأفضل أداء وظهور على محركات البحث ومنصات التواصل، وبناء انظمة تحكم سهلة وربطها بالموقع، كمان اشتغلت على احد مواقع الذكاء الإصطناعي (Logo Diffusion) في بناء احد المميزات الجديدة فيها (Mockup images)، وخبرتي دي حابب استخدمها في خدمتك عشان امشي معاك في الطريق من أول التنفيذ حتى اللإطلاق والنجاح بإذن الله

بشتغل بالأدوات والTechnologies التالية:
- أطر عمل (Frameworks): Next.js, React.js, Angular
- مكتبات للStyling & Animations: مكتبة Framer Motion للانميشن, Tailwind CSS, BootStrap
- لغات: HTML, CSS, HTML5, CSS3, JavaScript, Typescript, Python PHP, SQL
- واجهة خلفية (Backend &b APIs): Node.js, Express, REST APIs, Sequelize
- قواعد البيانات: MySQL, Microsoft SQL Server
- أدوات لتسهيل وتسريع عملية التطوير مثل TanStack Query, Redux, Zustand, React Hook Form, Zod

والشطارة مش في كترة المهارات، بس في سرعة اكتسابها والمرونة، فأنا بركز في ازاي هنفذ، مش هستخدم ايه، فتركيزي على النتيجة اكتر وجودتها، ودايما بنظر للمنتج من نظرة المستخدم وليس المطور ودا بيساعدني اني افهم تجربة المستخدم أحسن

هدفي اني اخليك تثق في شغلي واني ماشي معاك في نفس الطريق، وفي النهاية نجاح مشروعك هو نجاحي. فهتلاقيني معاك بإذن الله بفهم طلبك كويس جدا، وبشاركك من اول الطريق حتى انتهاء الخدمة وتكون بما يرضي الله اولا، ثم تكون انت راضي عنها تماما.

فيلا نبدأ الطريق مع بعض ونتشارك الرحلة، بسم الله...