حد يقدر يفيدني بطرق السحب لارباحي بمصر غير الوكلاء

حد يقدر يفيدني بطرق السحب لارباحي بمصر غير الوكلاء لانى اعمل على خمسات من 3 شهور والامور الحمد لله جيدة ولكن اريد معرفه طرق سحب الارباح في مصر غير الوكلاء وممكن تحكو لى تجاربكم مع وكلاء تحويل الاموال
عن الموضوع
ناشر الموضوع

.Kariman Z

  • بائع مميز

التعليقات (50)

شادي م.
منذ 6 سنوات وشهرين
يمكنك سحب الأرباح من خلال وكلاء الحوالات المالية https://khamsat.com/payment-agents
.Kariman Z
منذ 6 سنوات وشهرين
تمام انا عارفه وبسحب من الوكلاء بس عايزه اعرف ازاي افعل الباي بال واسحب عن طريقه
كريم م.
منذ 6 سنوات وشهرين
بطاقة الدقع من البنك الاهلي (visa)
قام البعض بمحاولة تفعيل الباي بال والسحب من خلالها ونجحت المحاولة

لكن لم اجربها شخصيا
.Kariman Z
منذ 6 سنوات وشهرين
كريديت مش ديبيت
صح؟
كريم م.
منذ 6 سنوات وشهرين
نوع البطاقة : PRE PAID
.Eslam M
منذ 6 سنوات وشهرين
البايونير مجربة وشغالة
.Kariman Z
منذ 6 سنوات وشهرين
عملته بس مش راضي يتربط بالباي بال لان الاكونت في بايونير لازم يكون على community federal savings bank
اداني الاكونت على first century bank عندك ليها حل
من 2018 وبايونير فيها مشاكل مش عارفة ليه
.Eslam M
منذ 6 سنوات وشهرين
الحل بسيط اتواصلي مع دعم بايبال عبر الرسائل
.Kariman Z
منذ 6 سنوات وشهرين
لا بجد لو كده هجرب ومتشكره لكل اللى رد عليا وحب يساعدني شكرا ليكم اوووووي
آلاء إ.
منذ 6 سنوات وشهرين
ان شاء الله تلاقي حل
بس لما تعرفي فضلا عرفينا
وشكرا لك
عبدالله ك.
منذ 6 سنوات وشهرين
بخصوص بطاقة البنك الاهلى بربيد فيزا ما انصحش بيها على الاطلاق فى الوقت الحالى
انا فعلت بيها الحساب وكلمت دعم باى بال وبقيت استقبل عليها عادى بدون مشاكل ولكن لحد دلوقتى اكتر من شهرين بحاول اسحب الرصيد من باى بال للبطاقة كلها عمليات مردودة.

ولما كلمت البنك اخر مرة بعد كذا مكالمة قال ان السبب ادارة المخاطر مانعه العملية وده بيحصل مع ناس كتير جداً معاهم نفس البطاقة.

الحل واللى قالوه ليا دعم الباى بال فى اخر اتصال بيهم انك تعمل فيزا كريدت او ديبيت

ويفضل انك تطلعى البطاقة من CIB , QNB, AAIB تمنها حوالى 5000 جنية (حساب توفير)
.Kariman Z
منذ 6 سنوات وشهرين
انا سالت في QNB حساب التوفير بيتعمل ب٥٠٠
.Kariman Z
منذ 6 سنوات وشهرين
طيب عبد الله انت بتسحب ازاي من الوكلاء؟ ولا بتسحب ازاي
آلاء إ.
منذ 6 سنوات وشهرين
ياريت لو حد يتكرم ويقولنا الطريقة الأفضل للسحب في مصر
مشكورين جميعا
.Kariman Z
منذ 6 سنوات وشهرين
يصي يا الاء انا حاليا بسحب من الوكلاء وفي طريقه تانيه عن طريق باي بال وبايونير بس مش شغاله من اول 2018
آلاء إ.
منذ 6 سنوات وشهرين
أنا ماجربتش ولا مرة وعايزه اسحب فلوس
باي بال مادام مش شغاله يبقي كدا مافيش حل غير الوكلاء
ممكن تقوليلي هما كويسين أو بياخدوا نسبة كام أو كدا لأني ماأعرفش أي حاجة
شكرا لك
.Kariman Z
منذ 6 سنوات وشهرين
بصي هما بيحولولك ال 100 دولار ب 1600 مصري وفي ناس بتدي 1700 وبيبعتوهم فودافون كاش او حواله بالطريقة اللي تريحك يعني انا جربت وهما كويسين الى الان مشوفتش حاجه وحشه كنت قلفانة بردو في الاول لو تحبي ابعتلك رقمهم كلميني خاص وابعتلك الرقم اللي اتعاملت معاه
آلاء إ.
منذ 6 سنوات وشهرين
شكرا جدا ليكي
.Kariman Z
منذ 6 سنوات وشهرين
العفو يا الاء على ايه
آلاء إ.
منذ 6 سنوات وشهرين
تسلمي ان شاء الله هتواصل معاكي علشان اخد رقمهم
.Kariman Z
منذ 6 سنوات وشهرين
تحت امرك حبيبتي في اي وقت
عبدالله ك.
منذ 6 سنوات وشهرين
بخصوص سحب الرصيد من حسابي في باي بال مش عارف اسحب لحد دلوقتي. هاروح CIB او QNB. واطلع بطاقه.
دلوقتي بسحب رصيدي من خمسات عن طريق وكيل علي 16.5 ^_^
.Mohamed F
منذ 6 سنوات وشهرين
حاليا أفضل حل للمصريين من وجهة نظري هو السحب عن طريق الوكلاء المالين , أنا أسحب عن طريق وكيل يحسب الدولار الواحد ب 17 ج
.Kariman Z
منذ 6 سنوات وشهرين
وانا كمان بسحب حاليا من وكيل الدولار ب ١٧ جنيه
.Kariman Z
منذ 6 سنوات وشهرين
عبد الله بيقولو qnb تمام انا هنزل افتح حساب

المهم انت عملت ايه في الامتحانات
.Fatma M
منذ 6 سنوات وشهرين
لو تريد شحن رصيد لمصر انا بالخدمة
.Ali S
منذ 6 سنوات وشهرين
الله يوفقك
.Ahmed S
منذ 6 سنوات وشهرين
افضل طريقة الوكلاء بس استلمى فلوسك بالدولار افضل عن طريق ويسترن يونيون لان الاستلام بالمصرى بيرخصلك سعر الدولار اوى
.Mayada M
منذ 6 سنوات وشهرين
ياريت تقوليلي الوكلاء اللي اتعاملتي معاهم وكانوا كويسين لاني بواجه نفس المشكله
.Kariman Z
منذ 6 سنوات وشهرين
بصي على الصفحه بتاعت خمسات في وكلاء الحوالات المالية خدي ارقامهم كلهم تمام
آلاء إ.
منذ 6 سنوات وشهرين
لو سمحت أ. احمد سمير محمد هما الوكلاء بيحولوا الفلوس بالمصري ولا بالدولار ؟
.Mohamed M
منذ 6 سنوات وشهرين
ممكن تعملي بطاقة بايسيرا وتربطيها بالباي بال وتسحبي بيها من أي ATM بس هتحتاجي باسبور لتفعيل حساب في بايسيرا..
وممكن أساعدك سواء في عمل بطاقة بايسيرا أو في سحب الدولار بـ 17.25 جنية..
.Mohamed O
منذ 6 سنوات وشهرين
في كارت اسمه ديكسي باي بس مشكله كل شهر بياخد ٣$
.Mohamed M
منذ 6 سنوات وشهرين
بايسيرا أفضل من ديكسي باي بكتير والرسوم الشهرية 0.45 يورو والدعم الفني جيد جدا، في ديكسي باي الدعم لا يرد!
.Mahmoud M
منذ 6 سنوات وشهرين
اظن بأنه بعد كل هذه التعليقات اخت كاريمان
لم تتوصلي لإجابة واضحة صريحة علي سؤالك
اليك الاجابة عن سابق تجربة بكل ما سأقوله الأن
اولا
لتفعيل البايبال يمكن استخدام احد هذه البطاقات
1- البطاقة المدفوعة مقدما من البنك الاهلي المصري ويجب ان تكون من نوع فيزا اي مكتوب عليها visa وليس master card وهذه من الممكن الا تجديها الا في الفروع الرئيسية في محافظتك ومصاريفها 15 جنيه فقط ويجب عليكي الانتباه عندما تطلبيها ان تؤكدي علي الموظف انكي تريدينها فيزا وليس ماستر كارد لأنهم يعطون الجميع فيزا فقط
بعد حصولك علي الفيزا تتصلي بخدمة عملاء البنك وتطلبي منهم يشغلوا الفيزا للشراء من الانترنت وهيقلولك انه هيتم تفعيلها علي الانترنت بعد ثلاثة ايام
وبعد ثلاثة ايام ستصلك رسالة علي رقم هاتفك بأنه قد تم تفعيل الفيزا علي الانترنت
بعدها حضرتك تدخلي علي البايبال وتربطي الفيزا عادي جدا
وبعدها تطلبي تأكيد الفيزا علي البايبال وتنتظري 5 الي 10 دقائق وهيجيلك رسالة بالمعاملة وفيها الأربع اكواد لتأكيد الفيزا ، تدخلي البايبال وتكتبي الكود وبكده تكوني فعلتي الفيزا
»»»»لكن لم يتم تفعيل الاستقبال والسحب بعد ««««
لكن لماذا ؟
.Mahmoud M
منذ 6 سنوات وشهرين
تابع التعليق السابق
وتأكدي من شحن البطاقة قبل ربطها بالبايبال
..............
لأنه يجب لكي تفعلي الحساب للاستقبال والسحب بعد ان فعلتي الفيزا هو ان تتصلي بدعم بايبال وهذا ما يغفل عنه الكثير من المصريين في موضوع تفعيل البايبال ولا يعلمون انه طالما قمت بتأكيد اي فيزا مهما كان نوعها انه يجب ان تتصل بالدعم بعدها.
لكن كيف ستتصلي بالدعم ؟؟
طبعا هناك رقم للدعم العربي ستجديه في صفحة اتصل بنا في مساعدة الحساب ( الرقم موجود في الاسفل )
طبعا لن تستخدمي خط محلي في الاتصال لأن سعر الدقيقة 7 جنيه
لأ هنا سوف تستخدمي سكايب
حيث سوف تقومي بشحن الحساب بمبلغ 5$ وسعر الدقيقة 2 سنت فقط
( طبعا ستحتاجين الرصيد المتبقي لأنكي سوف تتصلين بهم كثيرا ، تابعي....)
حسنا الأن يرد عليكي احد العملاء باللغة الانجليزية لكن فقط ابدئي بالسلام وهو سيرد عليكي بالعربي فتقولين تريدين تفعيل الاستلام والسحب في حسابك بعد ان فعلتي الفيزا
فيقول لكي حاضر وسيفعل لكي الاستلام والسحب
..........
الأن انتهينا من تفعيل الاستلام والسحب
تبقي الأن بعد ان تم ارسال ارباح خمسات الي حسابك
ان تقومي بسحبها الي الفيزا
.Mahmoud M
منذ 6 سنوات وشهرين
لكن اولا تأكدي من امر واحد مهم وهو ان يكون حسابك في البايبال ثلاثي باللغة الانجليزية وان يكون مثل نفس الاسم الذي سيكون مرتبط بالبطاقة والذي تكتيبنه اثناء ملئ استمارةالحصول علي البطاقة من البنك
( يجب ان يكون الاسمان نفسهما واذا لم يكن كذلك قومي بفتح حساب بايبال جديد قبل ان تربطي البطاقة )
حسنا الأن لكي تسحبي ارباحك من بايبال سيتم خصم 5$ منك عمولة السحب ولكن لتفادي ان يتم خصم هذا المبلغ لا تقومي بالسحب
عليكي بالاتصال بدعم بايبال مرة اخري ( بالرصيد المتبقي من ال5$ :')

وتخبريهم بأن هناك مشكلة في السحب التلقائي وهم بدون اي اسئلة بيجعلوكي تعملي عملية السحب وانتي معاهم علي التليفون ودا مفيد لو واجهتي مشكلة في السحب فهم بحيلوهالك
وبعد ما تطلبي سحب الفلوس
يقوم العميل اللي معاكي علي التليفون بارجاع ال5$ عمولة بايبال الي حسابك مرة اخري
وبهذا لا يكون هناك عمولة

لكن نأتي لشئ قد يحدث معكي وهو حدث معي فعلا
ماذا اذا لم تنجح عملية السحب بعد كل هذا
الحل بسيط والمشكلة عميقة وقد ذكرتها من قبل وهي انه يجب ان يكون الاسم علي البايبال نفس الاسم علي البطاقة لذلك ارجو منك الانتباه جيدا لهذه النقطة بالذات
.Mahmoud M
منذ 6 سنوات وشهرين
نأتي للطريقة الثانية
2- عن طريق بطاقة بايونير
ملاحظة هامة »»»» اذا لم يكن في حسابك بايونير اي رصيد
فلن يتم ربط البطاقة ابدا
يجب ان يكون معكي علي الاقل 3$ لربط البطاقة وتفعيلها
دون هذا فلن يتم ربط البطاقة
بالنسبة لكلامك بإن البطاقة اللي معاكي لا يقبلها البايبال
فهذا خطأ
البايبال لا يقبل رقم الحساب البنكي نفسه ولكنه يقبل البطاقة مهما كانت
وطبعا لأنك حاولت ربطها بحسابك القديم علي فرض ان بها رصيد ( نفترض يعني أنك فتحتي حساب جديد باسم ثلاثي )
لا يمكنك ربطها بحسابك الجديد الا بعد ان تتحدثي مع الدعم مرة اخري ببقية ال5$ ( طبعا انتي مخلصتيش الفلوس كلها علي مكالمتين الا اذا كان كلامك ياما)
وستخبريهم انكي تريدين ربط البطاقة بحسابك
هيقولك هي مربوطة بحساب قديم
قولي له انا فتحت حساب جديد وهقفل القديم
وقولي له عايزة ازيل الفيزا من الحساب التاني واربطها بالحساب دا

وبس كده
ههتتبعي طريقة السحب التي ذكرتها سابقا

ارجو ان الشرح يكون مفصل ومفهوم واي سؤال انا تحت امرك
.Kariman Z
منذ 6 سنوات وشهرين
شكرا جزيلا لك اخ محمد
.Ahmed S
منذ 6 سنوات وشهرين
اختى الاء على حسب حضرتك عاوزة تستلمى الفلوس مصرى ولا دولار يعنى اتصلى بالوكيل وقولى له انا عاوزة استلم بالدولار عن طريق ويسترن يونيون
.Tarek A
منذ 6 سنوات وشهرين
محمود العشماوي
بالنسبة لفيزا البنك الاهلي افضل ام qnb
.Adham M
منذ 6 سنوات وشهرين
هو من متابعتى للتعليقات
لاحظت ان الاخت kariman zayed والاخ Senior بيقولوا ان هما تعاملوا مع وكلاء بيحاسبوهم على 17 ج مقابل الدولار.
فممكن تعرفونى مين الوكيل دا.
.Ahmed A
منذ 6 سنوات وشهرين
السلام عليكم

مين الوكيل الي بيحسب الدولار ب 17 جنية .؟
.Mohamed J
منذ 6 سنوات وشهرين
احمد التخان
سلمي ع.
منذ 6 سنوات وشهرين
السلام عليكم اختي هل يمكنك أعطائي رقم الوكيل الذي يحول الدولار ب 17 جنيه ♡
.Mahmoud A
منذ 6 سنوات وشهرين
الحل الأكيد ان شاء الله والفعال والسهل والمجرب هو فيزا بايسيرا ..خدمة عملاء جيدة جدا مصاريف صيانة سنوية للكارت منخفضة جدا وسعر الكارت ايضا بالشحن لا يقارن بفتح حساب مصرى ...معايا من شهور وشغال بيه وبيتم السحب عن طريقة وبأعلى سعر للدولار وفي اي وقت ..اى استفسار عن الكارت انا موجود في الخدمة لكل المستقلين
.Amany Z
منذ 6 سنوات وشهرين
Mahmoud Atia2
اقدر اعرف ازاى بنعمل فيزا البايسيرا؟
.Mohamed B
منذ 6 سنوات وشهرين
محمود العشماوي ...لو سمحت السحب عن طريق بيبال احسن ولا بيونير
.Ahmed Z
منذ 6 سنوات وشهرين
لو سمحت أ/ محمود العشماوى ....السحب وانا بتصل بالدعم بكون فى البنك ولا بالفيزا على ماكينة الصرف ؟
لان هل فى مكنة اسحب منها بالدولار ؟
دعاء ا.
منذ 3 سنوات و4 أشهر
السلام عليكم انا منذ 10 أيام فتحت حساب جاري في البنك الأهلي واستلمت الفيزا اليوم والآن عندما حاولت ربط الفيزا بالباي بال قالو تم رفض البطاقه من البنك المصدر لا أعرف السبب
فقد جربت الايزي بأي ولم تنفع وجربت بريدت كارد من البنك الأهلي ولم تنفع
وفعلت حساب جاري من البنك الأهلي وايضا لم يتم ربطها ما الحل
شكرا لكم
عن الموضوع
ناشر الموضوع

.Kariman Z

  • بائع مميز
آخر المساهمات