محتاج حد شاطر يشتغل معايا يوتيوب (محتوى وثائقي)
أنا عندي قناة يوتيوب شغالة محتوى وثائقي، وحابب أزود الفريق بشخص يساعدني في تجميع داتا صور وفيديوهات بجودة عالية وتكون بدون حقوق ملكية، عشان أضيفها في الفيديوهات بشكل قانوني.
حابب أوضح إن القناة مش جديدة، بقالها حوالي 4 سنين، وعليها حاليًا 40 ألف مشترك، وإجمالي عدد المشاهدات وصل لأكتر من 7.5 مليون مشاهدة رغم أني مش منتظم في تنزيل المحتوى، ونزلت حوالي 25 فيديو فقط. فتقدر تتخيل الوضع هيكون إزاي لما انتاج الفيديوهات يزيد والمحتوى ينزل بانتظام .
الربح متفعل على القناة، بس حاليًا المقابل المادي بسيط لغاية ما القناة تكبر وتحقق أرباح أكبر إن شاء الله، فعاوز حد أثق فيه ونتطور سوا. أنا مش بنزل إعلان عشان حد يخلصلي شغلانة مرة وخلاص، بالعكس، أنا عاوز حد يبقى مكمل معايا وننجح سوا بإذن الله.
الشغل هيكون إني بسلمك الفيديو متصور ومتمنتج جاهز، وكل اللي محتاجه إنك تجيب داتا صور وفيديوهات متناسقة مع الشرح، وتضيفها للفيديو بشكل متزامن بحيث توازن بين صورتي وبين الداتا، وتكون فاهم إيقاع الفيديو وتديله شكل متكامل.
اللي مهتم ومؤهل للشغل ده، ياريت يبعتلي سابقة أعماله عشان أقدر أشوف خبرته وأفهم أسلوبه في الشغل.
لو شايف إنك الشخص المناسب، مستنيك تتواصل معايا وهنتكلم على التفاصيل.
شكرا ليك "
التعليقات (30)
آخر المساهمات
