دليلك الكامل لسحب الأرباح في مصر (جنيه ودولار)
والصلاة والسلام على سيدنا محمد وعلى آله وصحبه أجمعين
هذا الموضوع اجتهاد شخصي وخلاصة تجارب متكررة، أقدّمها لكم على طبقٍ من ذهب .
و كما قال سيدنا رسول الله ﷺ قال: إذا مات ابن آدم؛ انقطع عمله إلا من ثلاث: صدقة جارية، أو علم ينتفع به، أو ولد صالح يدعو له رواه مسلم
في الفترة الأخيرة لاحظت إن في مشكلة عند بعض المصريين في سحب الأرباح من المنصه.
في السطور الجاية هشرحلكم باختصار إزاي تقدروا تسحبوا أرباحكم سواء بالعملة المحلية (الجنيه المصري) أو بالعملة الأجنبية (الدولار الأمريكي).
هنستخدم فيزا مش حساب بنكي علشان الحساب البنكي مرتبط بليمت معين علشان تحول عليه انما الفيزا اي مبلغ بداية من 10$ ف دي هتبقي انسب
— — — — — — — — — — — — — — — — — — — — — — — — — — — — — — — — — —
أول خطوة: حساب بايبال
● لازم يكون عندك حساب بايبال شخصي (مش تجاري).
● لو ماعندكش، اعمل حساب جديد وتأكد من:
● الاسم مطابق للبطاقة.
● رقم الموبايل أساسي ومتاح معاك.
● تفعيل الإيميل وربطه بالفيزا أو الحساب البنكي.
تاني خطوة: طرق السحب من بايبال
أولاً: السحب بالجنيه المصري
● الطريقة دي مشهورة وسهلة:
1- فيزا إيزي باي (Easy Pay) من البريد المصري
● لازم بياناتك تكون مطابقة لحساب بايبال (اسم – رقم موبايل).
● رسوم السحب مجانيه تماماً.
2- فيزا مسبقة الدفع (Prepaid) من البنك الأهلي المصري
● لازم بياناتك تكون مطابقة لحساب بايبال (اسم – رقم موبايل).
● رسوم السحب مجانيه تماماً.
● شغالة كويس وبتسحب من ماكينات الـ ATM.
لحد دلوقتي الطريقتين شغالين كويس بس طبعا تتاكد ان بياناتك صحيحه وتفعل اكونت بايبال كويس ( ايميل + رقم موبايل ) ويكون فيه رصيد حوالي 1.5 يورو تقريبا مش لازم المبلغ بالظبط اشحن 200 جنيه والزياده احسن
ثانياً: السحب بالدولار الأمريكي
لو عايز تسحب بالدولار مباشرة ، عندك أكتر من خيار وهنشرح اللي انا جربته:
● طبعا لازم تفتح حساب دولاري في اي بنك (CIB - QNB -HSBC-NBE-BANQUE MISR )بس مش هتلاقي حد يطلعلك كارت فيزا دولاريه غير بنوك معينه
● الفيزا دي طبعا اللي هنستخدمها في الربط بالـ بايبال
نبدأ :
● هنفتح حساب مصري ودولاري في بنك QNB ودا هيطلعلك كارت فيزا دولاريه تربطه ب بايبال عادي جدا
بس دا ليه شوية شروط صغيرين علشان تفتح الحساب :
● لازم اي اثبات دخل (لو مكتوب انك موظف في مكان هيبقي حلو مش هتحتاج اثبات دخل )
● لو مفيش اثبات دخل ممكن تاخد بطاقة والدك لو مكتوب فيها انه موظف او شغال في مكان
● اي مبلغ بالدولار بس مش أقل من 50 دولار
والحساب هيتفتح وهيطلع كارت فيزا دولاري ف خلال 15 يوم او أقل ان شاء الله .
— — — — — — — — — — — — — — — — — — — — — — — — — — — — — — — — — —
* ملحوظه احنا هنستخدم الكارت كوسيله للربط بالـ بايبال مش للسحب من ال ATM علشان مفيش ماكينه بتطلع دولار اصلا ..وقت السحب هنسحب من البنك عادي من الحساب بتاعنا .
* طبعا مش لازم تقول لموظف البنك انك شغال فريلانسر ممكن تقوله اي سبب تاني مثلا هسافر برا وهحتاج الحساب دا احول لأهلي كده يعني .
* رسوم السحب مجانيه تمام في كلتا الحالتين سواء مصري او دولاري ولكن دا ف السحب التلقائي اللي بيتم يوم 1 في أول كل شهر انما لو عاوز تسحب في اي يوم ف البايبال مش البنك بيخصم 5$ علي كل عملية سحب
● اخر حاجه وهي التعامل مع وسطاء موثوقين.
في بعض الناس بتشتغل كوسطاء تسحبلك المبلغ بالدولار مقابل نسبة بسيطة.
بس هنا لازم الحذر والاعتماد على ناس موثوق فيهم.
نصائح مهمة:
● دايمًا خليك عامل حسابك إن بياناتك في بايبال والفيزا/الحساب البنكي تكون متطابقة.
● متستناش لحد ما يبقى عندك مبلغ كبير جدًا في بايبال قبل ما تسحب، الأفضل تسحب بشكل دوري.
● اقرأ الشروط والرسوم لكل طريقة قبل ما تختار الأنسب ليك.
— — — — — — — — — — — — — — — — — — — — — — — — — — — — — — — — — —
اتمني الاستفاده للجميع واي سؤال او استفسار تحت امركم ان شاء الله
ربنا يرزقنا جميعا رزقا طيبا مباركا فيه
التعليقات (22)
