السلام عليكم هل فيزا ايزي باي لازالت تعمل في مصر
حولت مبلغ لها من بأي بال لكن بعد أيام المبلغ رجع تاني لحساب الباي بال
Refunded

التعليقات (89):

elbasha ahmed قبل شهرين و23 يوم:
مشكلة عامة الجميع بيشتكى منها حاليا
elqaswara قبل شهرين و23 يوم:
وعليكم السلام ورحمة الله وبركاته
أهم شئ مطابقة إسم البطاقة مع إسم الحساب حتى لا تحدث هذه المشكلة " مع الأخذ بعين الإعتبار تفعيل البطاقة عن طريق الكود الذي يتم إرساله إلى بيان البطاقة "
بالتوفيق
Hamada ezzat قبل شهرين و23 يوم:
هل هذه الفيزا مازلت تصدر في مصر ؟
هل اجدها في اي فرع بريد ؟
محمد محترف المعلومات قبل شهرين و23 يوم:
تفضل اخي
طور-نفسك قبل شهرين و23 يوم:
أخي هل قمت بالتواصل مع خدمة عملاء البريد المصري !!
s_freig قبل شهرين و23 يوم:
لا ما اتواصلتش. ..هل حد كلمهم وقالوا إن الفيزا مش هينفع يتسحب عليها؟
seddik ibrahiem قبل شهرين و23 يوم:
بطاقة بايونار احسن ليك
s_freig قبل شهرين و23 يوم:
هل تصلح لمصر ؟
Hamada ezzat قبل شهرين و23 يوم:
كيف يتم الحصول علي بطاقة بايونير؟
seddik ibrahiem قبل شهرين و23 يوم:
اجل اخي لجميع دول العالم
راسلني
طور-نفسك قبل شهرين و23 يوم:
أخي Sally Freig
لا اعلم بوجود هذه المشكلة الأن ام لا ولكن المشكلة التي واجهتني انا شخصيآ تأخر وصول المبلغ أكثر من 10 ايام
ولا اعلم الأن بوجود مشكلة Refunded ام لا للأسف
_____________________________________

Hamada ezzat تقوم بإنشاء حساب علي بايونير وبعد وصول رصيدك في الحساب 30$ يمكنك حينها طلب الفيزا
tarek-gededi قبل شهرين و23 يوم:
في مشكلة في الفيزا من يوم 20
وحاليا منتظرين اول الشهر ليتم السحب التلقائي ونري هل المشكلة حلت ام لا
Sameh Eypt قبل شهرين و23 يوم:
انا كلمت خدمة العملاء دلوقتي وقالوا لس مفيش مشكلة ف التحويل بكرة نشوف التحويل التلقائي وان شا الله خير
s_freig قبل شهرين و23 يوم:
تقصد خدمة عملاء البريد ولا الباي بال. ..
أحمد-مطاوع-النجار قبل شهرين و23 يوم:
ايزي باى من اى فرع بريد يكون رئيسي فى اى محافظه ويجب شحنها ب100 لاول مره لان هيتخصم منها 1.5$
Sameh Eypt قبل شهرين و23 يوم:
كلمت خدمة عملاء البريد واكدوا ان التحويلات شغالة كويس متاكد ان البطاقة مخلصتش او اي خطا حدث من البطاقة عندك وكلم البريد واعرف المشكلة ايه ممكن تكون مشكلة فردية
م/مصطفى محمود قبل شهرين و23 يوم:
حدثت معي نفس المشكله حولت 24$ وانتظرت مدة خمسة ايام وجدت ان الملغ عاد مرة اخرى الى الباي بال
كلمت دعم البريد البريد المصري المختص ببظاقة (ايزي باي) اخبرونى انه لا يوجد مشكلة فى البطاقه واخذو رقم هاتفي على ان يتصل بي موظف مختص لكن لا لم يتصل احد الى الان قمت الان بمراسلة الدعم الفني للباي بال وفى انتظار ردهم
مع العلم ان بطاقة الائتمان ايزيى باى قد تجدها فى بعض فروع البريد المصري (المطور) المتواجده فى مدينتك او الفرع الرئيسي بالمحافظة التتى تتبعها
Mohamed Ahmed Elfar قبل شهرين و23 يوم:
المشكله دي من اسبوع تقريباً و سألت الناس قالوا وقف التعامل بين بي بال وايزي باي
s_freig قبل شهرين و22 يوم:
اتأكدوا ازاي أن التعامل وقف بين ايزي باي وباي بال؟
Sameh Eypt قبل شهرين و22 يوم:
اللي عنده رصيد ع باي بال استني الي الغد بعد تحويل التلقائي
s_freig قبل شهرين و22 يوم:
حد المشكله عنده اتحلت؟
محمد-كمال-فراج قبل شهرين و22 يوم:
اظن الباى بال وقف التعامل مع ايزى باى لان السحب التلقائى وقف
s_freig قبل شهرين و22 يوم:
طب ايه الحلول البديله لسحب الفلوس من بأي بال
يعني ايه أفضل فيزا ممكن اربط بيها الحساب واسحب عادي
محمد-كمال-فراج قبل شهرين و22 يوم:
مفيش اخبار جادة لحد دلوقتى بتقول ان ايزى باى وقفت انتظر لحد منتأكد ولو صح وقفت يبقى افضل فيزا بايونيير
محمد-كمال-فراج قبل شهرين و22 يوم:
اعتذر اقصد انتظرى
s_freig قبل شهرين و22 يوم:
تمام ارجو لو فيه جديد تعرفونا
Sameh Eypt قبل شهرين و22 يوم:
اليوم كل شئ سيظهر ... لكن اخي الذي اخبرنا ان السحب التلقائي قد توقف اين لك هذه المعلومة اذا اليوم سيتم السحب التلقائي وانا هاتفت خدمة عملاء البريد واخبروني انه لا شئ من هذا صحيح الفيزا تعمل مع الباي بال بشكل طبيعي جدا
Sameh Eypt قبل شهرين و22 يوم:
هل فيه حد تم عنده السحب التلقائي؟؟؟
s_freig قبل شهرين و22 يوم:
ما اتعملش عندي
م/مصطفى محمود قبل شهرين و22 يوم:
المشكلة وفقا لدعم الباي بال موجودة عند البريد المصري التفاصيل فى الرابط التالي
https://khamsat.com/community/requests/317362
tarek-gededi قبل شهرين و22 يوم:
صفحة البريد ع الفيس بوك قالت ان التعامل مع الباي بال وقف وانه هيرجع بعد فترة ومحددتش الفترة
Sameh Eypt قبل شهرين و22 يوم:
الصفحة غير موجودة
Sameh Eypt قبل شهرين و22 يوم:
ينفع تشرح لنا هنا اللينك اللي انت حطيته دا بيقول ايه انا كلمت البريد مرتين واكدوا لي انه مفيش حاجة جديدة في التعامل مع الباي بال والوضع زي ما هو
elbasha ahmed قبل شهرين و22 يوم:
تم عمل تحويل تلقائى من الباى بال الآن

ياريت تكمل العملية ومترجعش
Sameh Eypt قبل شهرين و22 يوم:
ان شا الله خير ع الكل والدنيا تمشي كالمعتاد
Sameh Eypt قبل شهرين و22 يوم:
الباشا احمد : هل وصلك بريد الكتروني يفيد بان التحويل التلقائي تم ام قمت بتفحص حسابك ع الباي بال؟؟
s_freig قبل شهرين و22 يوم:
elbasha ahmed
هي ظاهره عند حضرتك
pending
لسه
؟
ياريت لما تكمل تبلغنا
م/مصطفى محمود قبل شهرين و22 يوم:
جزء من نص رساله التى وردتني من دعم الباي بال
"قام نظام الأمان للبايبال بإمهال البنك الذي أعطاك البطاقة مدة اقصاها 72 ساعة لقبول تأمين هذا المبلغ لبطاقتك، إلى الآن لم تكن هناك أي إستجابة من طرفه. ففي حال إستجابة البنك بنجاح لطلبك سيصبح حال المعاملة "تامة" أو completed."
يعني المشكله عند البريد المصري كلنا دلوقتى نرفع سماعة التلفون ونتصل على دعم البريد المصري
و اول ما ترد عليك ممثلة خدمة العملاء اطلب منها بكل احترام وهدوء تحويلك الى المشرف الخاص بها
واخبره المشكله التالية
(انكم لا تردون ولاتستقبلون الاموال من الباي بال والاموال تعود مرة اخرى للباي بال لهذا السبب )
وان وجدت منه مرواغه اطلب منه بكل هدوء تحويلك الى المدير المسؤل عنه وهكذا
تنوية لا تقبل بالرفض او التائجيل او معاودة الاتصال بك فقط كن هادِئ فى كلامك
كما ارجو اخبرنا بم تم عبر المكلمات معكم لتعم الفائدة للجميع
وفى حالة لا قدر الله لم نجد حل للمشكة
ممكن نتصل بمركز خدمة المواطنين الخاص بمجلس الوزراء المصري وتقديم شكوى فى البريد المصري
ولا تستعجب هم يقدمون خدمة ونحن دفعنها ثمنها اطلب حقك
ارق امنياتى للجميع بالتوفيق ان شاء الله
Mohamed Ahmed Elfar قبل شهرين و22 يوم:
الله ينور عليك م/ مصطفي
s_freig قبل شهرين و21 يوم:
حد وصل لرد اكيد من البريد ؟
كلمتهم بيقولوا التعامل موقوف مؤقتا
محمود سالم قبل شهرين و21 يوم:
تم التحويل التلقائي للبطاقة واننتظر اكتمال العملية إن شاء الله.
ahmed toni قبل شهرين و21 يوم:
لم يتم التحويل التلقائي عندي الي الان حد عنده نفس المشكله عشان نعرف السبب المشترك
م/مصطفى محمود قبل شهرين و21 يوم:
ينور علينا وعليك استاذ / Mohamed Ahmed Elfar
دكتوره /s_freig لما كلمتيهم ليه مكتلمتيش معهم فى تعويض وشكوى لمجلس الوزارء يمكن يتحركو شويه
مستر / محمود سالم انا عملت تحويل من اسبوع وردت تانى
وعلمت تحويل تاني من يوم 29 يوليو ولسا معلقه وباقى يومين ويبان هيرد ولا لاء
مع العلم انى كلمتهم مره على الخط الساخن من يومين وقالو مفيش مشاكل البطاقه شغاله
بعتلهم رساله على صفحة الفيس بوك ومش بيردو
Sameh Eypt قبل شهرين و21 يوم:
البريد اقر انه فيه مشكلة فنيه وجري العمل عليها وفي خلال اسبوع او اقل ستكون قد حلت هذا ملخص مكالمتي مع ممثل خدمة العملاء الان
أنس نصر قبل شهرين و21 يوم:
نفس المشكلة لدي ولم يتم التحويل التلقائي الي الان
م/مصطفى محمود قبل شهرين و21 يوم:
كنت عملت سحب الى ايزي باي بتاريخ 29 يوليو وظلت معلقة الى اليوم واليوم تم رفض العملية وظهرت لي رسالة مدفوعات مردوده
فى اى حد عنده جديد
s_freig قبل شهرين و21 يوم:
لسه الرصيد عندي pending
elbasha ahmed قبل شهرين و21 يوم:
لازال الرصيد pending
ومتوقع عدم اكتماله

Sameh Eypt

اعتذر لم ارى رسالتك السابقة
جائتنى رسالة على البريد انه تم التحويل الاوتوماتيكى ودخلت الباى بال وجدت انها تحولت وفى وضع الانتظار
Sameh Eypt قبل شهرين و21 يوم:
مفيش مشكلة يا صديقي بالتوفيق باذن الله والاموال توصل بخير
s_freig قبل شهرين و21 يوم:
طب يا جماعه الله يكرمكم هل حد يعرف ازاي أجيب فيزا بايسيرا بالتفصيل
عندي حساب على بايسيرا مفعل بس مش عارفه ازاي ممكن اطلب الفيزا ...
وهل هي كويسه
Sameh Eypt قبل شهرين و20 يوم:
اللي معاه رصيد ع باي بال ايه افضل حل لو الايزي باي مشتغلش ؟؟
s_freig قبل شهرين و20 يوم:
سمعت ان فيزا بايسيرا كويسه بس مش عارفه اشحنها ازاي
أنس نصر قبل شهرين و20 يوم:
اصبروا ي جماعة شوية وان شاء الله المشكلة هتتحل
معتقدش ان البريد هيضحي بالعملاء دول كلهم حتي لو هيفرض رسوم علي السحب
s_freig قبل شهرين و20 يوم:
فيه موظف في البريد منزل البوست ده من شويه
.....
هام جدا
بخصوص وقف بطاقات Esay Pay إصدار البريد المصرى ع الباى بال
الحل : هتروح تقدم طلب لرئيس قطاع التسويات المالية بمركز الدفع الالكترونى بفتح البطاقة على التعاملات الخارجية
العنوان : مركز حركة رمسيس الدور ١٢
...
الكلام ده حقيقي ؟
م/مصطفى محمود قبل شهرين و20 يوم:
ازاى اروح رمسيس وانا مش من سكان القاهره اساسا وبعدين اكتب فى الطلب ايه
لو ممكن يا دكتوره تبعتيلي رابط البوست على الخاص ولحضرتك جزيل الشكر
أنس نصر قبل شهرين و20 يوم:
طيب وايه يمنع انك تقدم الطلب دا من الفرع الرئيسي ببلدك اللي جبت منه البطاقة في الاساس
واي اللي خلاهم يقفلوها اساسا
اعوذ بالله من دي بلد
s_freig قبل شهرين و20 يوم:
الكومنتات على البوست بتقول نفس الكلام ..بس الموظف بيرد ان دي تعليمات البنك المركزي والبريد ملوش دخل في الموضوع ده
أنس نصر قبل شهرين و20 يوم:
طيب ممكن لينك البوست
محمد-كمال-فراج قبل شهرين و20 يوم:
s_freig
هل التعليمات على البريد بس ولا كل بطائق الائتمان ؟
s_freig قبل شهرين و20 يوم:
البوست نازل على الجروب ده
https://www.facebook.com/groups/ARABSEO/?ref=group_header
وده لينك البوست
https://www.facebook.com/photo.php?fbid=10156641769760746&set=gm.1171044749742202&type=3&ifg=1
s_freig قبل شهرين و20 يوم:
محمد كمال فراج
الحقيقه مش عارفه الموظف بيتكلم عن ال easy pay بس
أنس نصر قبل شهرين و20 يوم:
طيب اي اقرب فيزا ممكن نستعملها ومصاريفها قليلة
s_freig قبل شهرين و20 يوم:
سمعت ان بايسيرا كويسه بس لسه مش عارفه تفاصيل كامله عنها
Mohamed Ahmed Elfar قبل شهرين و20 يوم:
انا كمان سمعت عن بايسير وهبعتلكم لانك الجروب علي الفيس بوك فيه كل التفاصيل
Sameh Eypt قبل شهرين و20 يوم:
بلد فاشلة وكل ما فيها يدعو للفشل .... عملة صعبة داخلة البلد ويوقفوا الدنيا بشويا روتين ملهوش لازمة يلا جات ع دي
elbasha ahmed قبل شهرين و18 يوم:
تم رجوع المبلغ للباى بال كمدفوعات مردودة
وفشلت عملية الارسال كما هو متوقع
ربيع جمعه قبل شهرين و18 يوم:
ماهي آخر الاخبار عن ايزي باي
jae_s قبل شهرين و18 يوم:
دكتورة Sally Freig
انتبهي من "عاجل إيقاف بطاقة فيزا بايسيرا خارج الاتحاد الاوروبي 2018"
طور-نفسك قبل شهرين و18 يوم:
للأسف عندما قاموا بالتحويل التلقائي لم ترسل الأموال وحصل إسترجاع للأموال الي الباي بال
هل هناك فيزا أخري الأن للسحب غير بايونير !!
mhmoudmhmd قبل شهرين و17 يوم:
والله كرهوني فيكي يامصر رغم عشقي ليكي لا يقدر بتمن
كرهوني فيكي يابلدي والعيشة فيكي ماليها تمن
كرهوني في ارضك ورملك في نيلك وشارعك في حارتك وحيك في كل حته فيكي مش بطيقها ولا بطيقك
كرهوني في كل حاجة فيكي يابلدي لحد ما اطق واموت وساعتها يابلدي هاكون ميت وذنبي في رقبتك يامصر
محمد ابوالمجد قبل شهرين و17 يوم:
هل يوجد اخبار جديدة شباب
طور-نفسك قبل شهرين و15 يوم:
تواصلت اليوم مع خدمة العملاء للمره الثانية وقالولي ان مازال التعاملات مع البنوك الإلكترونية موقوف
وسوف يتم حل المشكلة في خلال اسبوع
ولما سألتها هل اسبوع بالتأكيد وهتتحل المشكلة ,, قالولي أسبوع بشكل تقريبي يا فندم :(
م/مصطفى محمود قبل شهرين و12 يوم:
انا جربت فيزا مسبقة الدفع من البنك الاهلي المصري اسمها بربيد ريجستر كارد ومع الاسف لم يكتمل التحويل
هل يوجد احد داخل مصر بيسحب باى نوع فيزا من الباي بال ياريت يقول اسمها واسم البنك وله جزيل الشكر
او اى حل مجرب للسحب من باي بال
mohamed-hesham-5550 قبل شهرين و12 يوم:
بايونير ماستر كارد وبايبال لا تقبلها مطلقا
لقد ربطها بحسابي على البايبال ولكن لم يتم تحويل الرصيد إلي
كانت مجرد آداة للدفع والشحن فقط ولم تكن تقبل السحب
وبايسيرا لا تخرج خارج الإتحاد الأوروبي
وديكسي باي رسومها عالية جدا.
لا أعرف ان كانت هناك فيزا مناسبة لمصر.
s_freig قبل شهرين و12 يوم:
بايسيرا انا طلبتها لعنوان شركة في لندن والمفروض أنها تتشحن لمصر من خلال خدمة شوب آند شيب
م/مصطفى محمود قبل شهرين و11 يوم:
شكرا أستاذ محمد هشام وارجو من حضرتك توضح كام رسوم ديكسي باي وان كانت تعمل فى مصر فما طريقة الحصول عليها
وشكرا لحضرتك يا دكتوره ولو سمحتى تعرفيني كام كلفت فيزا باي سيرا على حضرتك وهل اكيدانها تعمل في مصر
ارجو التوضيح والإفادة ولحضراتكم جزيل الشكر
يوسف يحيي قبل شهرين و11 يوم:
البطاقة كانت متوقفة بقالها فترة لكن الحمد لله المشكلة في طريقها للحل بعد مناقشات كثيرة مع المسئولين ومن المتوقع عودة البطاقة للعمل يوم الأحد أو الإثنين منتصف هذا الاسبوع
s_freig قبل شهرين و10 أيام:
تقريبا يا جماعه الفيزا اشتغلت
mhmoudmhmd قبل شهرين و10 أيام:
اه تم التحويل معي الان يارب تكون اشتغلت
طور-نفسك قبل شهرين و10 أيام:
حضرتك قمت بعميلة سحب علي البطاقة
ونجحت !
محمد-كمال-فراج قبل شهرين و10 أيام:
اخى mhmoudmhmd هل ظهرت كلمة Completed ؟
أنس نصر قبل شهرين و10 أيام:
https://khamsat.com/community/general/319273
راجعوا البوست دا
يوسف يحيي قبل شهرين و10 أيام:
تم التأكيد من أكثر من شخص فيزا ايزي باي عادت للعمل مبروك لكم جميعا
Sameh Eypt قبل شهرين و10 أيام:
صباح الفل دا خبر حلوووو جدا مبروك يا مصريين هل فيه اي مصاريف زيادة تم فرضها ع التحويلات
Sameh Eypt قبل شهرين و9 أيام:
يا شباب للتاكيد تحويل الاموال لم يفرض عليه اي مصاريف جديدة ولكن التعديل الوحيد هو الحد للسحب من الباي بال اصبح ٥٠٠ دولار كل ١٥ يوم
Mahmuod Gizawy قبل شهر و23 يوم:
المشله لسه موجوده عندى مدفوعات مردودة ولكن اسم حساب باى بال ليس مثل اسم حساب ايزى باى اريد حل لو سمحتو
s_freig قبل شهر و23 يوم:
جربت تكلم دعم البريد والباي بال وهل سحبت على الفيزا قبل كده
mohamed-hesham-5550 قبل شهر و23 يوم:
الفيزا شغالة معايا يا شباب من غير مشاكل ولسة ساحب بيها من حوالي 10 أيام.
elbasha ahmed قبل شهر و23 يوم:
Mahmuod Gizawy
كان عندى نفس المشكلة واتحلت
راجع الموضوع دا وان شاء الله يساعدك
https://khamsat.com/community/stories/313451

أضف تعليق

سجّل دخول لتتمكن من إضافة تعليق على هذا الموضوع.

كاتب الموضوع

s_freig

بائع نشيط

طبيبه بشريه استطيع الترجمه من العربيه للانجليزيه او الالمانيه والعكس وكتابة مقالات بأي لغه منهم وأجيد التعامل مع برامج الاوفيس وتصميم عروض علي برنامج الباور بوينت وتفريغ المحاضرات الطبيه بكل سهوله كما اجيد مونتاج الفيديوهات باستخدام برامج المونتاج المختلفه بالاضافه لذلك فقد كنت رئيس اللجنه العلمية لفريق البحث العلمي بكلية الطب بجامعتي لذا تستطيعون الاعتماد على في مساعدتكم في البحوث التي تودون القيام بها وكتابة رسائل الماجيستير والدكتوراه خاصة في المجال الطبي

دورات أكاديمية حسوب