استفسار بخصوص باي بال للمصرين

مرحبا يا شباب اتمني من الله ان تكونو جميعا بخير
المشكله التي يعاني منه جميع المصرين ولا يوجد الي الان حل نهائي بنسبه 100% لها هيا تفعيل الباي بال في مصر بشكل كلي
اجد الكثير من الاشخاص يتسأل عن حل هذه المشكله واليوم اشاركم تجربتي كي يستفاد منها الجميع
انا من الاشخاص اللي عانيت كتير جدا في تفعيل الباي بال في مصر صرفت اكثر من 1000 جنيه مصري علشان افعل باي بال وناس كتير نصبت عليا الخ الخ الخ ...
منذ سنه 2015 احاول تفعيل الباي بال محدش يتفاجئ دا حقيقي من 3 سنين بحاول افعله ومش عارف لان كل الطرف غير ناجحه اللي تفعل استقبال ومفيش ارسال واللي العكس واللي تربط ومتفعلش وامور غريبه الشكل عندنا في مصر
المهم مبدئيا كدا انا جربت جميع البنوك المصريه وللأسف مفيش حاجه منهم بتفعل باي بال واللي موجود وبيفعله حقيقي محتاج شروط ومبالغ كبيره علشان التفعيل والمقصود بالتفعيل هنا سحب وإرسال وإستقبال وليس تفعيل جزئي
تنبيه للأشخاص اللي عاوزه تفعل وخلاص فيزا فور يو البنك العربي الافريقي المشهوره واللي اتكلم عنها الكثير بتفعل بس ملهاش اي لازمه بعد قوانين البنك المركزي الجديده في مصر ....
ملخص الموضوع بقا البريد المصري عامل فيزا اسمها ايزي باي سعر الفيزا دي 25 جنيه والحد الادني للإيداع فيها هو 100 جنيه الفيزا بتفعل باي بال وكله تمام انا شخصيا نجحت معايا والحمد لله قدرت افعله وبالنسبه لسحب الاموال انا شحنتها بمبلغ 30 دولار بس من شروط باي بال ان لو السحب هيكون مش في اول الشهر بيكون لازم تستني من 5 الي 7 ايام وانا بالفعل بكره اكون خلصت المده دي وهسيب ليكم تعليق بكرا ان كان التحويل تم او لا بس علي حد عملي وتواصلي مع خدمه عملاء البريد والباي بال قالو انها شغاله تمام حبيت اشاركم التجربه علشان الناس اللي بتعاني منها تتحل معاهم المشكله ويارب يكون الكل فهم الطريقه ويشتغل عليها
ملحوظه اخيره الفيزا مش موجوده غير في الفروع الرئيسيه بس استخراج الفيزا وتفعيلها بيكون وانت واقف يعني لو نزلت بكره هتقدر تفعل الباي بال بكره بإذن الله
اسف للأطاله في الموضوع بس كان لازم اشرحه بالتفصيل علشان الكل يفهم واتمني من الجميع يوصلو المعلومه للناس اللي مش عارفاها علشان المشكله تتحل مع الجميع والكل يعرف يشتغل فالدال علي الخير كفاعله
عن الموضوع
ناشر الموضوع

.Rabei A

  • بائع مميز

التعليقات (133)

.Abdallah K
منذ 6 سنوات وشهر
فعلاً كمصريين بنواجه مشكلة أزلية في سحب الأرباح عن طريق بايبال
أتمنى إن الطريقة تنجح وفي انتظار ردك بعد نجاحها ان شاء الله
شكراً لموضوعوك ولسعيك لإفادة الغير
.Rabei A
منذ 6 سنوات وشهر
الطريقه نحجت معايا وسحبت الفلوس علي الفيزا والحمد لله وكله تمام
.Abdallah H
منذ 6 سنوات وشهر
سعر الدولار كام ي غالى فى السحب ؟
آلاء إ.
منذ 6 سنوات وشهر
جزاك الله كل خير بس فضلاً ممكن تخبرنا رسوم السحب والدولار بيتسحب علي كام ؟
شكرا لك
.Rabei A
منذ 6 سنوات وشهر
السحب بيكون علي حسب سعر الدولار في البنوك وطبعا بيكون علي اقل سعر موجود يوم ما انا سبحت كان الدولار اقل سعر ليه 17.56 والسحب تم علي كدا والتحويل تم علي كدا
كل اللي انتو بتفكرو فيه انا مريت بيه وكتبت فوق علي اد ما قدرت ونزلت الموضوع بناء علي تجربه مريريه انا مريت بيها اكسبو الوقت قبل الطريقه ما تتقفل في وشكم زي غيرها الفيزا مدتها 5 سنين
.Abdallah K
منذ 6 سنوات وشهر
مبارك نجاح السحب
إن شاء الله هجرب الطريقة دي
شكراً ليك وبالتوفيق
.Rabei A
منذ 6 سنوات وشهر
موفق ان شاء الله ربنا مع الجميع
غادة س.
منذ 6 سنوات وشهر
ربنا يطمن قلبك انا شحنتها وربطها بالباي بال وفي انتظار التاكيد هل الاربع ارقام بتتاخر لان البريد مردوش عليا والباي بال عمل لمت علي حسابي لحد ما افعلها
.Rabei A
منذ 6 سنوات وشهر
4 ايام بالظبط وكلميهم هيدوكي الرقم بس حاولي تاخدي الرقم صح لان ليكي 3 مخاولات لو 3 غلط الفيزا بتتحظر
رشا ا.
منذ 6 سنوات وشهر
مرحبا
لو سمحت سؤال
لماذا شحنت البطاقة 30 $ قبل السحب
وكيفيفة السحب من PayPal علي الفيزا
.Rabei A
منذ 6 سنوات وشهر
انا شحنت الحساب ب 30 دولار بس للتجربه علشان الطريقه لو كانت فشلت معايا تكون الخساره 30 دولار بس مش اكتر لازم قبل ما تعملي اي حاجه تفتكري انك في مصر يعني وقف حال من كل الطرق الي من رحم ربي
وبالنسبه للسحب علي الفيزا الطريقه سهله جدا هتدخلي علي حساب باي بال هتلاقي تحت رصيدك اللي في الحساب مكتوب سحب مبالغ ماليه هتضغطي عليها وتختاري الفيزا وتحددي المبلغ اللي عاوزه تسحبيه بس كدا هيتسحب معاكي
بس في ملحوظه حابب الكل يعرفها السحب بعد اول الشهر اللي هو من يوم 1 الي يوم 2 من كل شهر بيتحسب عليه عموله انصح اي حد يفعل الحساب يفعل وضع السحب الاتوماتيكي وهيتم تحويل الاموال كل اول شهر تلقائي علي الفيزا من غير اي رسوم ولو محصلش تحويل بتتواصلو مع الباي بال هيحول المبلع بدون اي خصم برضو المهم تكونو مفعلين السحب الاتوماتيكي
رشا ا.
منذ 6 سنوات وشهر
شكرا كثيرا مع معلوماتك
أحمد ت.
منذ 6 سنوات وشهر
طيب انا من بني سويف والفيزا دي منزلتش ممكن اعرف اجيبها منين وياريت العنوان تفصيلا لو تكرمت
.Rabei A
منذ 6 سنوات وشهر
العفو خير الناس انفعهم للناس وياريت اللي يستفاد يفيد غيره علشان الخير يعم والكل يعرف يشوف حاله
.Rabei A
منذ 6 سنوات وشهر
حضرتك الفيزا دي موجوده في جميع محافظات مصر زي ما ذكرت انا فوق بس المشكله انها مش بتكون موجوده غير في الفروع الرئيسيه مش الفروع الفرعيه يعني انت لو من قريه مش هتلاقيها موجوده فيها روح المدينه اللي جنبك وروح الفرع الرئيسي في المدينه مش الفرع الفرعي برضو هتيدله 25 جنيه وصوره البطاقه وهيعملها ويفعلها وانت واقف وهتروح للشباك التاني تعمل ايداع ب 100 جنيه وتاخد بعضك وتروح تفعل الباي بال وتنتظر رساله التفعيل بعد 3 او 4 ايام ومتنسناش من الدعاء
أحمد ت.
منذ 6 سنوات وشهر
ربنا يباركلك وينفع بيك
لكن انا روحت فعلا الفرع الرئيسي ببني سويف وتقريبا كل الفروع اللي في المدينه ملقتهاش
غادة س.
منذ 6 سنوات وشهر
في واحد علي الفيس اشتراها من موقع جوميا
.Rabei A
منذ 6 سنوات وشهر
علي حسب علمي ان الفيزا دي اول مكان نزلت فيه كان قنا الصعيد بس حاليا هيا منتشره انا تواصلت مع ناس كتير في مختلف المحافظات وعملوها وكله تمام وعلي فكره انا من مكان في مصر يعتبر اخر مكان بتوصل فيه الحجات اللي من النوع دا لان مستخدمين الانترنت والشغل علي النت نسبه ضعيفه عندنا ومع ذالك لقيتها هنا وشغاله تمام معايا الحمد لله سحب وايداع واستلام وارسال روح بكره اعملها متسكلش انت المستفاد مش انا
وبالنسبه للاخت اللي بتقول في واحد اشتراها من جوميا في انواع كتير من الفيز موجوده علي النت وكلها شغال تمام وكان ممكن اشتغل بيها او اعمل الموضوع عنها بس للأسف كلها تأخذ نسب مرتفعه وأفضل فيزا كانت موجوده هيا فيزا paysera بس للأسف اتوقف تصديرها خارج الولايات المتحده
غادة س.
منذ 6 سنوات وشهر
لا فيزا البريد هي اللي نزلت علي موقع جوميا والشخص كتب تجربته وشغالة معاه برضه بالنسبة لفيزا بايسيرا شغالة لكن اتوقف شحنها خارج الاتحاد الاوروبي بتتشحن لمصر من خلال الشوب اند شيب
.Rabei A
منذ 6 سنوات وشهر
تمام كلامك صح واتفق معاكي فيه بس اللي يخليني اطلبها من جوميا وارجع اروح بيها الفرع افعلها واعمل ايداع عليها يبقا اروح للفرع مره واحده اضمن واحسن والموضوع مش هياخد مني نص ساعه والمفروض نرجح ال
غادة س.
منذ 6 سنوات وشهر
في فروع مش موجودة انا فرعي ميعرفوش حاجة عنها وروحت الفرع الرئيسي في العتبة ولما انتظرت ساعة ورجعت فرعي اشحنها كانوا مستغربين جدا منها ويقولولي نشحنها علي اساس حساب جاري ولا توفير قولتلهم لا حساب جاري
.Rabei A
منذ 6 سنوات وشهر
احمدي ربنا انهم شحنوها انا لما جيت اشحنها روحت مشوار 40 كيلو علشان اشحنها
هند م.
منذ 6 سنوات وشهر
يعني اذا طلبت سحب من الباي بال يوم 1 في الشهر مبيأخذوش 5$ عمولة سحب ولا اي عمولات ؟؟
.Rabei A
منذ 6 سنوات وشهر
انتي بتفغلي السحب الاتوماتيكي وهو بيسحب لوحده اول الشهر بدون ما يخصم منك اي عموله
.Ahmed S
منذ 6 سنوات وشهر
السلام عليكم هو السحب الاتوماتيكى مفعل للمصريين
وازاى افعله على حسابى فى الباى بال
.Reham M
منذ 6 سنوات وشهر
لو سمحتوا يا جماعة ، حد جرب تفعيل حساب الباى بال بحساب بنكى
يعنى لو انا عندى حساب فى بنك فيصل الاسلامى هل استطيع ربطة بحساب الباى بال و اخليه اتوماتيكيا يحول الرصيد عليها كل اول شهر؟
جزاك الله خيرا
.Reham M
منذ 6 سنوات وشهر
انا امبارح عملت فيزا (الاهلى بريبيرد) من البنك الاهلى و المفروض انها بتقبل الحوالات و بحاول افعلها لكن متفعلتش معايا لحد دلوقتى (فيه شوية محاولات عايزة اجربها لسة عايزة اشحنها ب ٤ $ علشان باى بال بيسحبهم اثناء التفعيل و يرجعهم تانى ) حد جرب الفيزا دية ؟
.Nashaat A
منذ 6 سنوات وشهر
ألف شكر استاذ ربيع على المعلومات القيمة
وبث أمل للمصرين الى كل حاجة بالنسبة ليهم صعبة جدا
وان شاء الله سوف انزل وابحث عن هذه الفيزا
ويارب تنجح معايا لاني تعبت من الوكلاء والخصومات وضياع التعب والمجهود
انا كنت باستعمل فيزا ديكسي باي وشغالة تمام سحب وارسال وكل شيء
بس مصاريفها خيالية جدا
شكرا لحضرتك جزيلا
.Rabei A
منذ 6 سنوات وشهر
وعليكم السلام
السحب الاتوماتيكي مفعل لأي دوله عادي بتدخل علي الفيزا وتفتحها وتفعل السحب الاتوماتيكي عادي وفي شروحات كتير علي اليوتيوب لو معرفتش توصلها
بالنسبه للي بيسأل عن التفعيل بالحساب البنكي دي مش متاحه غير للولايات المتحده فقط وفي طريقه ممكن عن طريق بايونير بس لفه كبيره ومش حابب اشرحها لأنها مش مضمونه اوي
البنك الاهلي مش بتفعل الباي بال انا جربتها وخصوصا البربيد بتربط وكله تمام بس مش بتفعله كلي
الشكر لله حبيبي يارب اكون ساعدت الكل فعلا بجد وبالنسبه لديسكي بي جميله جدا بس غاليه جدا برضو وربنا يوفقك يارب
.Ahmed S
منذ 6 سنوات وشهر
شكرا جزيلا وجزاك الله كل خير
.Rabei A
منذ 6 سنوات وشهر
الشكر لله ربنا يوفق الجميع
.Reham M
منذ 6 سنوات وشهر
شكرا جزيلا لحضرتك
.Rabei A
منذ 6 سنوات وشهر
العفو ربنا يوفق الجميع
بسمة ا.
منذ 6 سنوات وشهر
شكرا كثيرا لحضرتك
ممكن سوال هو حضرتك شحنتها الفيزا ازاي بالدولار ؟
و استقبال الاموال من الباي بال بالدولار ولا مصري ؟
.Rabei A
منذ 6 سنوات وشهر
الشكر لله
بصي حضرتك بتبعتي الفلوس عادي علي الفيزا وهما بيحولوها بالمصري وبتتحط في الفيزا عادي بسعر الدولار في اليوم اللي انتي حولتي فيه وبالتحديد لسعر الدولار في بنك مصر لان الفيزا دي مصدرها الاساسي بنك مصر
بسمة ا.
منذ 6 سنوات وشهر
تمام شكرا كثيرا لحضرتك و علي مساعدتك لنا
.Rabei A
منذ 6 سنوات وشهر
الشكر لله .... محدش بينجح غير لما يساعد غيره ينجح
.Mostafa Z
منذ 6 سنوات وشهر
سؤال انا اللي بفعل الفيزا مع الباي بال ولا موظف البريد
.Rabei A
منذ 6 سنوات وشهر
تفعيل الفيزا نفسها حاجه وتفعيل الباي بال بالفيزا حاجه تانيه خالص بالنسبه للفيزا وانت بتجيبها هتفعلها وتعمل عليها ايداع ب 100 جنيه وتتأكد انها متفعله من الموظف وبالنسبه للباي بال بتربطه بالفيزا عادي وبعد 3 او 4 ايام بتكلم خدمه العملاء تاخد منهم الكود وتحطه في الباي بال ومبروك عليك تفعيله
سالى م.
منذ 6 سنوات و29 يوم
انا رابطه الباى بال بديكسي باى من سنين وبسحب عليها لكن مصاريفها كتير
هل فيزا البريد ليها حساب الكترونى اعرف اتسحب منى كم وكم عمولة السحب من الATM
والباى بال اصلا متفعل هربطها بس كفيزا سحب فالمفروض ميسحبش منها حاجه
هل فى حد لارسال الاموال واللا اقدر ابعت فيها اكتر من 5000 كل اول شهر
.Yasser E
منذ 6 سنوات و29 يوم
سلام عليكم ربيع احمد, شكرا لمشاركتك الرائعة وباذن الله اجرب هالطريقة في الايام القليلة القادمة اتمني ان تنجح

Looksmarts حابب اسالك لو ديكسي باي شغاله من سنتين بدون اي مشاكل فده ممتااااز جدا, سؤالي كم اجمالي المصاريف الدورية؟
مصطفى ح.
منذ 6 سنوات و29 يوم
يعني هي رجعت تسحب تاني؟ لأنها أول ما طلعت قعدت تفعل البايبال وتسحب لمدة سنة بعد كده وقفت!
ومصاريف السحب من ATM كام؟
.Mohamed B
منذ 6 سنوات و29 يوم
ينفع اسخب بيها من اى atm
.Rabei A
منذ 6 سنوات و29 يوم
للأسف الفيزا ملهاش حساب الكتروني وبعدين احنا في مصر مفيش الكلام دا خالص
وبالنسبه لموضوع ربطها لازم تتفعل برضو لان الباي بال مهما تربطي عليه فيز كل فيزا بتكون مختصه بذاتها وبتحتاج تفعيل والفيزا ملهاش حد في ايداع الاموال عليها
والاخوه اللي بتسال علي السحب من atm الفيزا مش بتسحب غير من مكينه البريد فقط او من المكتب عادي غير كدا ماقدرش تسحب منها والفيزا شغاله معايا تمام مفيش اي مشكله فيها خالص
بس محتاج اسأل الاخت سالي هيا ديسكي باي في المشتريات من النت بتخصم عموله كام من الفيزا
غادة س.
منذ 6 سنوات و29 يوم
الفيزا بتسحب من ماكينات بنك مصر عن تجربتي
.Rabei A
منذ 6 سنوات و29 يوم
قصدك ان فيزا البريد المصري بتسحب من ماكينات بنك مصر لو فعلا دا قصدك يبقا دا خبر جميل جدا وننتظر ردك من اجل الاستفاده من تلك المعلومه وبكل تأكيد شكرا لكي
.Rabei A
منذ 6 سنوات و29 يوم
فعلا يا شباب انا لسه مكلم خدمه العملاء والفيزا بتسحب من اي ماكينه atm ميعادا بنك الاسكندريه وبنك HSBC
.Muhammed H
منذ 6 سنوات و29 يوم
انا مش فاهم جزء انك شحت بـ30$ ...قصدك سحبت من باى بال على الفيزا 30$؟؟؟
.Rabei A
منذ 6 سنوات و29 يوم
ايوه سحبت 30 دولار للتجربه ونجحت معايا وسحب بعدها اكتر من مره واخرهم امبارح عادي مفيش اي مشاكل في السحب خالص
.Muhammed H
منذ 6 سنوات و29 يوم
تمام ...شكراً جداً والله
ربنا يكرمك باذن الله على الموضوع ده
لانه هيفيد ناس كتير
الاسبوع ده باذن الله هعمل الفيزا و اجربها
.Rabei A
منذ 6 سنوات و29 يوم
العفو يا طيب ربنا يوفق الجميع
.Muhammed H
منذ 6 سنوات و28 يوم
فى اللينك ده موضوع و فيه ان الحد الاقصى شهرياً : 90 $
هل الكلام ده صح ؟
----
هو عموماً حتى لو صح فاا اقدر برضو استفيد بسحب 90$ بدون عمولة و الباقى بعمولمة من اى وكيل
.Muhammed H
منذ 6 سنوات و28 يوم
اسف دى ايزى كارد من بنك القاهرة مش ايزى باى
اسف :)
.Muhammed H
منذ 6 سنوات و28 يوم
ده موضوع كويس عن الفيزا بالتفاصيل للتفعيل
https://goo.gl/gf9RvZ
و فيه مكتوب ان الحد الاقصى للسحب شهرياً 20 الف جنيه و دى حاجة كويسة جداً
و السحب فى المرة الواحدة 5000 جنيه
ولا ينصح بتجاوز الحد ده لان الفيزا ممكن تقف
------
و اسف مرة تانية على تعليق فيزا بنك القاهرة
سالى م.
منذ 6 سنوات و28 يوم
مجربتش اشترى بديكسي باى اونلاين بسحب منها بس

مصاريفها كالتالى وقت ما اشتريتها كانت ب 27 دولار ومشحونه ب 10 دولار اتسحب منهم فلوس التفعيل ورجعوا

بعد كده البايبال بيرسل الفلوس مقابل 5 دولار ثابتين حتى لو هتبعت 10 دولار هياخد منهم 5 ولو هتبعت 1000 دولار على الفيزا هياخد 5

نيجى للاستقبال من ديكسي بتاخد 2% عمولة استقبال يعنى لو باعت 1005 هيوصلوا الف لان بايبال هياخد 5 واول ما يوصلوا ديكسي هيتسحب منهم 20 دولار وهيبقوا 980
بيتخصم 3 دولار فى ديكسي باى شهريا مصاريف صيانه يعنى 36 دولار فى السنه

نيجى بقى للسحب من الماكينه
من كل سحبه بياخد 2ونص دولار بمعنى ادق على كل 3000 جنيه مصري بياخد 2 ونص دولار ولو حتى عاوز تسحب 100 جنيه بس هيسحب 2 ونص دولار
فهى الافضل تكون بتسحب مبلغ 3000
تقدر تسحب يوميا لغاية 500 دولار يعنى حوالى 8000جنيه لكن انا كنت بسحب 6000 جنيه على سحبتين ورا بعض ويتخصم عليهم 5 دولار

بالنسبالى رغم غلومصاريفها جدا لكن كويسه فى المبالغ الكبيرة وان ليا حساب الكترونى بتابع منه كل العمليات دى مهم
لكن الأزمة ان الفيزا بتاعتى تنتهى مايو 2018
.Rabei A
منذ 6 سنوات و28 يوم
جزاكي الله كل خير واتمني لو في حد من الاخوه اتعامل ب ديسكي باي اونلاين وعارف نظامها يفيدنا بالعموله اللي بتاخدها علي عمليات الشراء
.Mohamed A
منذ 6 سنوات و28 يوم
السلام عليكم اخي اريد ان اعرف كيف افعل الباي بال مع مكتب البريد
هل اتصل بهم علي رقم معين او ماذا افعل
.Hamada E
منذ 6 سنوات و28 يوم
شكرا علي طرح الموضوع موضوع مهم جدا طبعا
بس هل عمل حساب باي بال صعب ولا خطواط سهلة؟
.Rabei A
منذ 6 سنوات و28 يوم
جميع الطرق التي تسألون عنها سهله جدا لا يوجد بها اي صعوبه والافضل من شرحي لها هنا هو ان تبحثو في يوتيوب عن تلك الامور ستجدون اشخاص كثيرون يفعلوها بالصوت والصوره وتلك افضل طريقه للتعليم والله الموفق للجميع
.Hamada E
منذ 6 سنوات و28 يوم
تمام انا بالفعل عملت اكونت باي بال حلا وفعلتة ولكن يبقي خطوة واحده وهي اضافة فيزا
ان شاء الله اعمل فيزا البريد المصري وان شاء الله باي بال يقبلها
ولكن كم عمولة سحب الاموال لالفيزا كم سعر الدولار في النهاية
.Rabei A
منذ 6 سنوات و28 يوم
سعر الدولار زي بنك مصر
.Hamada E
منذ 6 سنوات و28 يوم
اخر سؤال كم عمولة بنك باي بال عند تحويل اي مبلغ
يعني بخصم كم عموله له؟
.Rabei A
منذ 6 سنوات و28 يوم
5 دولار وان فعلت السحب الاتوماتيكي سيكون السحب اول كل شهر مجاني
احمد غ.
منذ 6 سنوات و28 يوم
السلام عليكم
هي الفيزا اسمها ايه عشان في اكتر من واحده
غادة س.
منذ 6 سنوات و28 يوم
ايزي باي 25 جنيه
.Yasser E
منذ 6 سنوات و28 يوم
looksmarts شكرا للافادة, طيب ما ردك على بعض الناس اللي بيعلقو على منشورات ديكسي باي مصر بانهم اشتروا كارت اما دفع مقدم او عند الاستلام, وبعضهم لم تعمل لديه البطاقة اصلا وقال البعض الاخر ان مقر التوكيل كارد اكسبرس اغلق في مصر؟
.Mohamed B
منذ 6 سنوات و28 يوم
هو لية لازم اشحنها ب100 جنية
وهل لما اشحنها اقدر اسحب ال 100 جنية تانى
شكرا لك مقدما
عبدالعزيز م.
منذ 6 سنوات و28 يوم
السلام عليكم ورحمه الله
كم تبلغ عمولة البريد المصري علي التحويل
يعني لو حولت 100 من بيبال البريد عوملته كام من 100
.Mhmoud M
منذ 6 سنوات و27 يوم
سؤال وارجو الاجابة عليه وشكرا جزيلا لصاحب المقال الرااااااااااااااااااااااائع

اولا بعد شراء الفيزا وتفعيلها واربطها بالباي بال وانتظر 4 ايام بعد ذلك اتصل بخدمة عملاء باي بال ولا البريد لكي اسألئهم علي الكود المكون من 4 ارقام ام ماذا اقول لهم

ثانيا عندما احول مثلا كل اول شهر تحويل تلقائي للباي بال مجاني فيحول علي الفيزا البريد المبلغ الموجود في باي بال تمام إذن عندما اسحبه من الماكينة بفيزا البريد كم هي العمولة للبريد وشكرا جزيلا
غادة س.
منذ 6 سنوات و26 يوم
تتصل بخدمة عملاء البريد تعطيهم بيانات الفيزا وتقول لهم ان في عمليه تمت علي الكارت تريد ان تستفسر عنها وستجد الموظف يقول نعم تم سحب مبلغ حوالي 33 جنيه اطلب منه الكود الذي وصل بخصوص هذه العملية ومتقلقش اغلبهم عارفين من كثرة هجوم الفريلانسر عليهم هتلاقيه بنفسه يقولك في كود تبقي حضر ورقة وقلم وسجله قبل ما تنساه
.mohamed a
منذ 6 سنوات و26 يوم
شباب فى تغيير حصل بالنسبه لارسال كود التفعيل الى البريد المصرى , ارسال كود تفعيل الفيزا من الباى بال الى البريد المصرى بيوصل فى نفس الوقت او بعد 24 ساعه , انا انتظرت 24 ساعه واتصلت بالبريد المصرى وقالو لى ان الكود موجود ووصل امبارح اول ما اتبعت , يعنى مش هتنتظر 4 ايام عشان تاخد الكود , هتجرب تتصل او ما تبعت الكود لو لسه موصلش انتظر 24 ساعه واتصل تانى هتلاقيه وصل
.Rabei A
منذ 6 سنوات و25 يوم
اتمني يكون الكل استفاد وشكرا جزيلا لكل الناس اللي بترد علي الناس وتساعدهم وبعتزر عن عدم ردي والتأخير لأنني بعيد عن خمسات هذه الايام
.Mhmoud M
منذ 6 سنوات و25 يوم
لدي سؤال مهم
لوا حاولت ربط الفيزا وهى لا يوجد بها رصيد
هل لم يقبلها باي بال بعد ذلك
ام اقوم بشحنها وبعد ذالك احاول ربطها بالباي بال وشكرا
.Muhammed H
منذ 6 سنوات و25 يوم
ياريت حد يساعدنى انا دلوقتى معايا رصيد فى باى بال و كل ما اجى اشترى حاجة من موقع او احول لحساب باى بال تانى بيطلب يدفع من الفيزا ..ليه مش بيدفع من باى بال ؟
صورة لعملية التحويل
https://suar.me/qJOoA

مفيش اى مجال انى ادفع من باى بال ..لما بختار وسيلة الدفع لازم اخل فيزا تانية
الفيزا الى فى باى بال : ايزى باى ....
........
.mohamed a
منذ 6 سنوات و25 يوم
Muhammed Hassan Ha
الباى بال المصرى لازم تحول الفلوس اللى عليه الى الفيزا وبعدين تدفع لشخص او تشترى وهوا هيسحب من الفيزا
لكن الرصيد الموجود على الباى بال المصرى مينفعش تبعته لشخص او تشترى بيه اى حاجه , لازم يتحول الى الفيزا اولا
.Rabei A
منذ 6 سنوات و25 يوم
mhmoudmhmd
نعم ما تريده يمكنك فعله دون اي قلق

Muhammed Hassan Ha
دي قوانين البنك المركزي المصري انو لازم التعامل يكون من خلال الفيزا وباي بال ما هو الا وسيط في استقبال وارسال الامول والموضوع مش صعب ولا حاجه ابعت الفلوس للفيزا وبعد كدا استخدمهم زي مانت عاوز لحد ما ربنا يفرج الحال والامور تتعدل وتمشي
عبدالعزيز م.
منذ 6 سنوات و25 يوم
استفسار هام
عندما اقوم بتحويل الاموال من خمسات لحساب بيبال هل اقوم بوضع الايميل الخاصي بي في بيبال في خانة الحساب.. ام ماذا
.Rabei A
منذ 6 سنوات و25 يوم
نعم لابد من وضع ايميل الباي بال كي يتم سحب الارباح عليه
عبدالعزيز م.
منذ 6 سنوات و25 يوم
شكرا جزيلا لحضرتك
.Rabei A
منذ 6 سنوات و25 يوم
العفو ربنا يوفقك
.Muhammed H
منذ 6 سنوات و25 يوم
كدة هسحب ب ١٧.٥ مثلا و هدفع ب ١٨.٥ ...
الوكلاء مفرقوش حاجة كدة
----
لما بدفع فى عمولة تانية كمان تقريبا ٣٥ جنيه !
.Rabei A
منذ 6 سنوات و25 يوم
الموضوع مش زي ما انت حاسبها وكل واحد وحسبته انت لو هتستخدمها لسحب الاموال فقط دي مفيش فيها اي ضرر ولا خساره لكن لو هتستخدمها سحب ومشتريات هنا الموضوع بيتغير شويه ودي بتحتاج منك تحسبها مش اكتر
عزة ا.
منذ 6 سنوات و25 يوم
طب انا عندى ماستر كارد تبع البريد ينفع اسحب بيها عادى؟
.Muhammed H
منذ 6 سنوات و25 يوم
تمام .
شكرا على مساعدة الناس
ربنا يكرمك
.Ahmed S
منذ 6 سنوات و25 يوم
هو ينفع ارسل فلوس من حسابى فى الباى بال الى حساب باى بال اخر بدون استخدام الفيزا
.Rabei A
منذ 6 سنوات و25 يوم
شمس الغروب2
مينفعش لان ماستر كارد مش بتدعم السحب الميزه دي مش متوفره غير في الفيزا

احمد سمير محمد
مينفعش في الحساب المصري لازم تحطهم علي الفيزا وبعد كدا تبعت اللي انت عاوزه من خلال الفيزا
.Ahmed A
منذ 6 سنوات و24 يوم
لو سمحتوا الفيزا اسمها ايزي بأي ولا فيزا كل الناس؟
.Muhammed H
منذ 6 سنوات و24 يوم
للناس الى عايزة تستفسر عن رصيد الفيزا :
ممكن و انت فى بيتك تكلم خدمة العملاء : 16789
و تقولهم رقم الفيزا و هيقلولك الرصيد كام .
.Muhammed H
منذ 6 سنوات و24 يوم
أحمد مطاوع النجار

فيزا ايزى باى Easy Pay
بـ25 جنيه
.Ahmed A
منذ 6 سنوات و24 يوم
عملت الفيزا ايزي بأي easy pay
شكرا خاص لمستر محمد في مكتب البريد
كلم خدمه العملاء وجاري تفعيل الفيزا
عبدالعزيز م.
منذ 6 سنوات و23 يوم
تم تفعيل البي بال بنجاح والحمد لله... شكرا لتوجيهاتكم.
ولكن وصلتني رسالة من بي بال ان الرصيد سيظل معلق لمدة 30 يوما
كيف يمكن حل هذه المشكلة لاتمكن من تحويل الرصيد فورا
وشكرا
.Ahmed A
منذ 6 سنوات و22 يوم
انا اتبعت الخطوات وطلمت البريد واخدت الكود بس الرصيد مش راضي يتحول للباي بال
حد يفيدنى .رصيدى 12$
أحمد م.
منذ 6 سنوات و19 يوم
حد هنا من اسكندرية عشان انا عايز اعمل الفيزا دي واقرب فرع ليا يبعد عني ب 10 كيلو فرع الهانوفيل ممكن القي فيها الفيزا ولا لازم اروح اسكندرية نفسها ولا اعمل ايه ولا القيها فين انا بصراحة زهقت من موضوع الفيزا ده اشتريت فيزا ياما ومفيش اي حاجة شغالة ارجو افادتي
.Tara M
منذ 6 سنوات و14 يوم
بطاقة ايزى باى البريد المصرى لا تعمل عن تجربة مرتين وهى ترد المبلغ الى باى بال مرة اخرى مرة بقيمة 550 دولار ومرة بقيمة 260 دولار ولم يصل كلا الحوالتين
https://avascript.net/image/uploads/1-1523703342-423.jpg
.Rabei A
منذ 6 سنوات و14 يوم
لا يا أخي البطاقه تعمل جيدا وانا استخدمها منذ شهر 2 وتعمل جيد واخر مره سحبت منها كانت الاسبوع اللي فات بل بالعكس هما طورو من البطاقه واضافو ليها ميزات جميله التفعيل بقا في نفس اليوم وايضا تدعم السحب من اي ماكينه اي تي ام ميعادا بنك الاسكندريه وبنك HSBC وايضا ليس لها لميت محدد في الايداع والاجمل من دا كله ان البطاقه ساريه لمده 5 اعوام
انا اتحدث معك عن تجربه اعمل عليها الان راجع بطاقتك جيدا وستحل المشكله معك ان شاء الله
.Tara M
منذ 6 سنوات و14 يوم
راجعت بطاقتى اكثر من مرة وكلا الطرفين يؤكد انه لا مشكلة لديهم إذا فاين المشكلة لا اعلم
.Rabei A
منذ 6 سنوات و14 يوم
سيبك منها واعمل واحده جديده غيرها البطاقه شغاله متوقفش نفسك علشان حاجه زي دي
.Tara M
منذ 6 سنوات و14 يوم
ما هى دى جديدة انا جايبها علشان اسحب بيها ؟ هجيب اجدد من كده من مين :)
.Rabei A
منذ 6 سنوات و14 يوم
اقصد اعمل واحده تانيه غيرها مشي الامور الفيزا شغاله معانا تمام اهي لو عقدتها مش هتخلص
.Tara M
منذ 6 سنوات و14 يوم
لو عالفيزا انا ممكن اروح اعمل 5 بدالها لانى بجد فاقد الامل فى الفلوس وحاسس ان شقى 5 شهور فى الهوا وجربت اكثر من فيزا خصوصا ان المبلغ مش قليل او انى بعد ما عملت مشروعى وبدأ يشتغل ابص الاقى نفسى شغال فى الفراغ وان كل ده مجرد وهم مثلا

https://avascript.net/image/uploads/2018-04-14_142123-1523708543-583.jpg
عبدالعزيز م.
منذ 6 سنوات و14 يوم
لمل من واجه مشامل في التحويل
حضرتك هتبعت رسالة لخدمة عملاء بي بال
وتكتب فيها اريد رفع القيود الموضوعة علي حسابي وحعله قابل لاستلام الاموال وايضا جعله قابل لتحويل الاموال الي الفيزا المرتبطة بالحساب.
وشكرا
.Rabei A
منذ 6 سنوات و14 يوم
والله ياغالي انا اللي اعرفه افدتك بيه غير كدا مقدرش اساعدك خالص بس انت ممكن لو قريب مني او في مكان في مصر قريب من حد حبيبي ممكن تيجي او تروح ليه وهو يسحبها ويدهالك ولو الفلوس دي علي خمسات تقدر تسحبها من اي وكيل تبع خمسات
.Rabei A
منذ 6 سنوات و14 يوم
وفي فيزا اسمها ديسكي باي شغاله كويس برضو بس سعرها والعموله مرتفعه جدا لو تمشي معاك ابحث عنها واعملها
رفيق ا.
منذ 6 سنوات و13 يوم
اخي
انا فعلتها بس اجي ارسل فلوس يقولي في مشكله في الفيزا وكدا
وانا عاوز اشتري من موقع قالي التعامل باي بال وانا رصيدي فيه 13 دولار
جيت اشتري من الموقع 10 دولار قالي في خطاء في الفيزا
هل يجب كما قولت احول الفلوس علي ايزي باي الاول عشان اشتري
والتحويل من باي بال الي ايزي بال ياخذ كم يوم
وله اي ارجو التوضيح اخي
الرد ضروري وبتظهر الرساله دي https://suar.me/0Pzj5
.Rabei A
منذ 6 سنوات و13 يوم
يا أخي الرساله معناها ان في مشكله في الفيزا وأحتمال كبير جدا ان الفيزا ميكونش عليها فلوس اتأكد ان الفيزا عليها فلوس واشحن وهتشتغل معاك تمام
رفيق ا.
منذ 6 سنوات و13 يوم
شكرا ليك طلع ان الفيز فيها 3 دولار بس
وانا مفكر بياخدو من الباي بال فقط
شكرا لك
اريد ان اعرف كيف احول فلوسي من الباي بال الي الفيزا

شكرا لك
مثلا حولت 13 دولار هما بياخدو الباقي والعموله
وله احول 12 عشان ياخدو العموله شكرا لك
.Rabei A
منذ 6 سنوات و13 يوم
اي عمليه تحويل ستكون قيمتها 5 دولار غير السحب الاتوماتيكي اللي في اول الشهر وانت علشان تسحب فلوسك مطلوب منك تحت المبلغ الموجود في حسابك هتلاقي كلمه سحب الاموال اضغط عليها وحدد الفيزا واكتب المبلغ واسحب هيوصلك في خلال 5 او 7 ايام وممكن اقل بس دي المده اللي باي بال محددهالك
.Muhammed H
منذ 6 سنوات و13 يوم
السلام عليكم,
rabei ahmed
لا يوجد سحب اوتوماتيكى ..قمت بالاتصال بباى بال هاتفياً و اخبرونى بانه لا يوجد سحب اوتوماتيكى فى مصر و الجزائر (معطل)
يمكنك سحب اموالك مرة كل شهر بدون خصم عمولة (بعد خصم5$ تقوم بمراسلتهم ليرجعوها لك)
اكثر من مرة فى الشهر يتم خصم عمولة 5$ اذا قمت بالسحب اكثر من مرة
.Rabei A
منذ 6 سنوات و13 يوم
وعليكم السلام اخي
لكل شيئ وشروط ويوجد سحب اتوماتيكي في مصر كل اول شهر لو فعلت السحب الاتوماتيكي هيتم السحب كل اول 5 ايام في الشهر كل امولك الي البطاقه دون خصم اي مبلغ منك ومن الممكن والمتوقع ان تواجهك مشكله في اول مره وبمجرد ان تتواصل معهم سيرجعون لك الاموال وبعد كدا هيتم السحب كل اول شهر دون عموله ان تجاوز التايخ 5 في الشهر لن يكون هناك سحب بدون خصم اتمني ان تكون وصلت الفكره اخي الكريم
وللأسف القرار دا اول دوله اتطبق فيها كانت مصر ودا مش قرار باي بال دا قرار البنك المركزي المصري
أحمد م.
منذ 6 سنوات و13 يوم
السلام عليكم اخي الغالي انا في اسكندرية ولكن لا استطيع ان اذهب الي البنك الرئيسي لانه بعيد جدا جدا
هل لو رحت مكتب بريد قريب مني ممكن القي فيه البطاقة وشكرا لك
.Rabei A
منذ 6 سنوات و13 يوم
البطاقه موجوده في مكاتب البريد يا اخي مش في البنك روح لأي مكتب بريد وريه صوره الفيزا وقوله اسمها وقوله عاوزها وهتلاقيها ان شاء الله موجوده هناك
رفيق ا.
منذ 6 سنوات و13 يوم
اخي طاب لو انا حولت دلوقتي 13 دولار علي الفيزا
الخصم 5 دولار حايرجع ولالا ارجو الرد اخي الكريم
.Muhammed H
منذ 6 سنوات و13 يوم
اخى لن نختلف :)
لكن هذا ما قاله لى موظف فى باى بال و هم ملزمين بتطبيقه فى حسابى على الاقل حتى و لو بمرة واحدة لانه من اخبرونى بهذه المعلومة .
.Muhammed H
منذ 6 سنوات و13 يوم
رفيق رمضان النقراشي
راسلهم اخى ..اذا قمت بمراسلتهم باللغة العربية سيقوم شخص بالاتصال بك هاتفياً ان شاء الله (هذا ما حصل معى)
.Rabei A
منذ 6 سنوات و13 يوم
لا مش هيرجع طبعا لان عدي يوم 5 في الشهر
ويا أخوان ارجو منكم وبعتزر جدا عدم وضع تعليقا تم الاجابه عليه من قبل عده مرات لانه كثره التعليقات تسبب دوشه لمن يقراء ومن يبحث في الموضوع بعتزر لكم جدا بس ياريت نراجع التعليقات وانا متأكد ان اي سؤال هتحتاجه هتلاقي ناس غيرك سألته قبل كدا وانا او اي احد من الاخوه الكرام ربنا يحفهم جاوب عليه

اخي محمد انت كلامك صح في نقطه السحب مره اوحده فهو بكل تأكيد يكون السحب مره واحده دون احتساب عموله ويسحب كل امولك دفعه واحده اما ان كان هناك سحب اخر بكل تأكيد سوف يضاف له قيمه 5 دولار فيما فوق
رفيق ا.
منذ 6 سنوات و13 يوم
اخي محمد اقول اي ليهم
.Muhammed H
منذ 6 سنوات و13 يوم
اخبرهم باستفسارك اياً كان :)
.Mostafa M
منذ 6 سنوات و12 يوم
بالنسبة للسحب من paypal للفيزا هل في limit معين يعني مثلا لو حسحب 700 دولار
بعض المواقع بيقولو ان الفيزا حتقف كنت محتاج اتاكد من المعلومه دي

وبالنسبه للسحب من البريد ( من الفرع ) مش ال atm في حد يومي ولا مفتوح
مجدي أ.
منذ 6 سنوات و11 يوم
اخذت الكود من البريد ولكني لا اعرف اين اضيفه في الباي بال فالكود مكون من 8 أرقام
مجدي أ.
منذ 6 سنوات و11 يوم
اخي ما الحل الرجاء المساعدة اتصلت مرة اخري بالبريد ويبلغني بعدم ارسال اي اكواد له رغم مرور اكثر من 6 ايام
وانا اخاف ان يتم حظر البطاقة م العمل وما هو الكود الذي تم اعطاءه لي المكون من 8 ارقام
ماذا افعل الرجاء المساعدة
هل تم حظر البطاقة ام ماذا
.Rabei A
منذ 6 سنوات و11 يوم
يا أخي الكود مكون من 4 ارقام وليس 6 ارقام انت هتكلم خدمه عملاء البريد وتاخد منهم الكود المكون من 4 ارقام وتدخل لحسابك في الباي بال وتفتح المحفظه وتختار الفيزا وتختار تأكيد البطاقه وتحط الكود وشكرا
مجدي أ.
منذ 6 سنوات و11 يوم
اخي انا قمت الان بحذف البطاقة وادخالها مرة اخري ليتم ارسال الكود مرة اخري هل هذا خطا وهل سيتم حظر بطاقتي فالي الان اكثر من 6 ايام ولم يتم ارسال اي كود الي البريد
والكود الذي اعطته لي الموظفه كود خطأ مكون من 8 ارقام ماذا افعل الان
.Rabei A
منذ 6 سنوات و11 يوم
انت حذفت البطاقه يعني المبلغ اللي اتخصم راح عليك كدا اتاكد ان البطاقه عليها فلوس وادخل اربطها وبعد ما تربطها بساعه كدا او نص ساعه كلمهم قولهم لو سمحتو في عمليه خصم تمت من باي بال دلوقت بقيمه دولار ونص وفي كود في العمليه دي مكون من 4 ارقام انا محتاج الكود دا وهتاخد الكود تحتطه في الحساب هيتفعل معاك علي طول
مجدي أ.
منذ 6 سنوات و11 يوم
اكلم الباي بال اخي الكريم بعد ساعة ونصف
انا شاحن البطاقة ب 100 جنيه الحد الادني
.Rabei A
منذ 6 سنوات و11 يوم
يا طيب ركز في الكلام جيدا واقراه بفهم انا اقول لك كلم خدمه عملاء البريد وبعدين الخصم تم من خلال البريد يبقا انت ملكش اي علاقه بالباي بال خالص كل تعاملاتك مع البريد كل اللي انت محتاجه من باي بال تحط الكود وهو هيفعل الحساب دون التحدث اي خدمه عملاء باي بال الموضوع اتوماتيكي ولازم تاخد بالك ان تم خصم دولار ونصف في التعامل الاول وان كنت طلبت الكود اكثر من مره في كل مره يخصم منك دولار ونصف لذالك يجب التاكد من وجود رصيد في الفيزا قبل ما تربطها منعا لحظرها اتمني اكون افدتك والمعلومه تكون وصلت
مجدي أ.
منذ 6 سنوات و11 يوم
اخي الكريم اذا كان شحن البطاقة بالجنية فكيف سيتم خصم 1.5 يورو من البطاقة كما طلب الباي بال لارسال كود المصادقة
مجدي أ.
منذ 6 سنوات و11 يوم
فهمت اخي الكريم شكرا لك
ساقوم بمكالمة خدمة العملاء في البريد حسب ما ابلغتني
جزاك الله كل خير
أحمد م.
منذ 6 سنوات و11 يوم
البايبال يخصم قيمة 1.5 يورو اي كان نوع العملة الي انت استعملتها هو هيحول الفلوس ويسحب بقيمة 1.5 يورو
مجدي أ.
منذ 6 سنوات و8 أيام
ممكن سؤال هو انا لما شحنت ب 100 جنية هل ده سيظهر علي الباي بال بمعني هل لو شحنت الفيزا في اي وقت
سيظهر علي الباي بال النقود التي شحنت بها ام لا
لان الي الان لا يظهر اي رصيد عندي في الباي بال
شكراً لكم
مصطفى ح.
منذ 6 سنوات و8 أيام
لن يظهر أستاذ مجدي رصيد البطاقة في البايبال.
لما يظهر، هذه الفيزا الخاصة بك وليست للبايبال!
.Mostafa R
منذ 6 سنوات و4 أيام
السلام عليكم
هل البريد بيأخذ عمولة؟ و كام؟
الفلوس بتقعد اد اية لحد ما اسحبها؟
.Mohamed S
منذ 5 سنوات و11 شهر
السلام عليكم
فيزا Easy Pay مربوطه بحسابى باى بال وبيتم السحب عليها بدون اى مشاكل لكن عندما اقوم بارسال اموال من الباى بال الخاص بى الى باى بال اخر يظهر لى هذه الرساله ( طريقتك المستخدمة في الدفع لا تعمل. هل تريد إعادة المحاولة باستخدام بطاقة أخرى أو حساب بنكي مختلف؟ )
وراسلت دعم الباى بال وهذا كان ردهم
ـــــــــــــــــ
أنا أعتذر عن الصعوبات التي واجهتها عندما حاولت إجراء الدفع باستخدام بطاقتك الائتمانية . لقد راجعت حسابك ويمكنني أن أرى أن جهة إصدار بطاقتك قد رفضت رسوم تأكيد/مدفوعات بقيمة ($8,29 USD).
نحن تلقينا معلومات من جهة إصدار بطاقتك مفادها أنه لا يمكنك استخدام هذه البطاقة مع خدمات PayPal‏.
إليك بعض الأسباب الشائعة لرفض جهة إصدار البطاقة للدفعة:
قد يكون هناك حد أقصى على بطاقتك الائتمانية وقد تم تجاوز هذا الحد.
قد تكون جهة إصدار بطاقتك غير متاحة مؤقتاً للرد على طلب التفويض الذي أرسلناه.
قد تكون جهة إصدار بطاقتك حظرت هذه المعاملة لأسباب أمنية، إذا كانت المعاملة لا تطابق نمط إنفاقك المعتاد.
نحن ننصحك بالاتصال بجهة إصدار بطاقتك
ـــــــــــــــــ
هل واجه احد هذه المشكله ؟ وما حلها ؟
أحمد ي.
منذ 5 سنوات و11 شهر
شكرا لك على المعلومات القيمة.
عن الموضوع
ناشر الموضوع

.Rabei A

  • بائع مميز
آخر المساهمات